ARYNews.tv | Urdu – Har Lamha Bakhabar

Tag: سندھ حکومت

  • پاکستان سٹیزن پورٹل: شکایات کے حل میں سندھ حکومت سب سے پیچھے رہی

    پاکستان سٹیزن پورٹل: شکایات کے حل میں سندھ حکومت سب سے پیچھے رہی

    اسلام آباد: پاکستان سٹیزن پورٹل پر صوبوں کی کارکردگی رپورٹ وفاقی کابینہ میں پیش کی گئی، شکایات کے حل میں سندھ حکومت سب سے پیچھے رہی۔

    تفصیلات کے مطابق وزیر اعظم آفس نے کابینہ میں پیش کردہ رپورٹ کے اعداد و شمار جاری کر دیے، شہریوں کی شکایات کے حل میں وفاقی حکومت کے ادارے سر فہرست رہے۔

    وفاقی وزارتوں اور اداروں نے 5 لاکھ 9 ہزار 153 سے زاید شکایات حل کیں، وفاقی اداروں کی جانب سے 92 فی صد شکایات حل کی گئیں۔

    رپورٹ کے مطابق شہریوں کی شکایات کے حل سے متعلق سندھ حکومت سب سے پیچھے رہی، سندھ کے صوبائی محکمے صرف 40 فی صد شکایات حل کر سکے، 37 ہزار میں سے 84 فی صد زیر التوا شکایات سندھ حکومت کی ہیں۔

    تازہ ترین:  سٹیزن پورٹل پر ایف بی آر خصوصی کیٹیگری کے طور پر شامل

    خیبر پختون خوا حکومت نے 87 فی صد اور پنجاب نے 88 فی صد شکایات حل کیں، بلوچستان 79 فی صد جب کہ گلگت بلتستان کی حکومت نے 74 فی صد شکایات حل کیں۔

    دوسری طرف شہریوں کی شکایات پر متعدد سرکاری افسران کے خلاف کارروائی کی گئی، سٹیزن پورٹل کے ذریعے شکایت پر سی ڈی اے (کیپٹل ڈیویلپمنٹ اتھارٹی) کے ڈی جی کو معطل کیا گیا، پنجاب میں پولیس افسران کی معطلی سمیت 2 ڈی سیز کو شو کاز دیے گئے، پنجاب کے 3 ڈپٹی کمشنرز اور 3 اسسٹنٹ کمشنرز کو معطل کیا گیا، 3 اسسٹنٹ کمشنرز کو اظہار وجوہ کے نوٹس جاری کیے گئے۔

    رپورٹ کے مطابق کمپنی دیوالیہ ہونے پر سعودی عرب میں پھنسنے والی لڑکی کو بھی واپس لایا گیا، وزیر اعظم اور کابینہ ارکان نے سٹیزن پورٹل کی کارکردگی کو سراہا۔

    وزیر اعظم نے ہدایت کی کہ سٹیزن پورٹل سے متعلق زیادہ سے زیادہ آگاہی پیدا کی جائے، اس پورٹل کا مقصد عوام اور حکومت کا براہ راست رابطہ قایم کرنا ہے۔

  • سندھ حکومت کا ایمبولینس سروس کے لیے 412 ملین روپے کا اعلان

    سندھ حکومت کا ایمبولینس سروس کے لیے 412 ملین روپے کا اعلان

    کراچی: حکومت سندھ نے ایمبولینس سروس ایس آر ایم ایس کے لیے 412 ملین روپے کا اعلان کر دیا ہے، اس ایمبولینس سروس کو پہلے امن ایمبولینس کہا جاتا تھا۔

    تفصیلات کے مطابق حکومت سندھ نے ایس آر ایم سروس کی خدمات کو بہتر بنانے اور اس کا انتظام چلانے کے لیے 412 ملین روپے کا اعلان کر دیا ہے۔

    یہ ایمبولینس سروس پہلے امن ایمبولینس کے نام سے جانی جاتی تھی، سروس کو امن ہیلتھ کا عملہ ہی چلاتا ہے تاہم فنڈ اب سندھ حکومت فراہم کرتی ہے۔

    سندھ حکومت کی جانب سے فراہم کردہ رقم ایس آر ایم ایس کی خدمات کو بہتر بنانے اور انتظام چلانے کے لیے استعمال ہوگی، یہ سروس عالمی طبی معیارات کے مطابق ایمرجنسی میڈیکل خدمات فراہم کرتی ہے۔

    یہ بھی پڑھیں:  سکھر:‌ ملزمان لاش سمیت سرکاری ایمبولینس لے کر فرار

    یاد رہے کہ گزشتہ برس اکتوبر میں سندھ حکومت نے کراچی کے عوام کے لیے مفت سرکاری ایمبولیسن سروس شروع کرنے کا فیصلہ کر کے امن فاؤنڈیشن سے رابطہ کیا تھا اور 200 ایمبولینسز چلانے کی منصوبہ بندی کی تھی۔

    واضح رہے کہ اس سے قبل کراچی میں کوئی سرکاری ایمبولینس سروس میسر نہیں تھی، ایدھی چھیپا اور امن کی گاڑیاں نجی طور پر سروس فراہم کر رہی تھیں۔

    ڈبلیو ایچ او کے اسٹینڈرڈ کے مطابق ایک لاکھ افرد پر ایک ایمبولینس ہونا لازمی ہے، جس کے حساب سے کراچی میں صورت حال بہت خراب ہے۔

    حکومت سندھ نے کراچی میں پبلک پرائیویٹ پارٹنر شپ کے تحت ایمبولینس سروس چلانے کا یہ فیصلہ عوام کی شدید ضرورت کے پیش نظر کیا۔

  • سندھ بھر میں آج سے پلاسٹک بیگز کے استعمال پر پابندی ہوگی

    سندھ بھر میں آج سے پلاسٹک بیگز کے استعمال پر پابندی ہوگی

    کراچی : سندھ بھر میں آج سے پلاسٹک بیگز کی تیاری، فروخت اور استعمال پر پابندی عائد کردی گئی، پابندی کی خلاف ورزی پر سزا ملے گی۔

    تفصیلات کے مطابق سندھ میں آج سے پلاسٹک بیگز کے استعمال، فروخت اور تیاری پر پابندی عائد ہوگی ، محکمہ ماحولیات سندھ نے پابندی کا نوٹیفکیشن جاری کردیا ہے۔

    نوٹیفکیشن میں کہا گیا ہے کہ پلاسٹک بیگ کی تیاری فروخت اور استعمال قابل سزا جرم ہوگا ، قوانین کی خلاف ورزی پر قواعد کے تحت مقدمہ، گرفتاری و سزا ہوگی۔

    محکمہ ماحولیات پلاسٹک بیگ کے استعمال کےخلاف قوانین پر عمل کرانے کا پابند ہے۔

    ترجمان سندھ حکومت اور مشیر ماحولیات بیرسٹر مرتضی وہاب کا گزشتہ روز کہنا تھا کہ پلاسٹک کی تھیلیاں ماحولیاتی آلودگی کا بڑا سبب ہیں، یہ تھیلیاں کراچی کے سیوریج نالوں کی بندش کی بھی ایک وجہ ہیں۔

    مرتضی وہاب کا کہنا تھا کہ پابندی پر عمل نہ کرنے والوں کے خلاف قانونی کارروائی کی جائے گی، ماحولیاتی ٹیمیں مختلف مارکیٹوں کا دورہ کریں گی، شہری کپڑے یا کاغذ کے تھیلے استعمال کریں۔

    مزید پڑھیں : سندھ حکومت کا پلاسٹک کی تھیلیوں پر پابندی کا اعلان

    ترجمان سندھ حکومت کا مزید کہنا تھا کہ پلاسٹک کی تھیلیاں بنانے والے کارخانوں نے بھی مہم کی حمایت کررکھی ہے، عوام الناس سے بھی پلاسٹک بیگز کا استعمال ترک کرنے کی درخواست کرتے ہیں، عوام کے تعاون کے بغیر حکومت تنہا کچھ نہیں کرسکتی۔

  • سماعت سے محروم افراد کے لیے سندھ حکومت کا بڑا فیصلہ

    سماعت سے محروم افراد کے لیے سندھ حکومت کا بڑا فیصلہ

    کراچی: سندھ کابینہ میں سماعت سے محروم افراد کو ڈرائیونگ لائسنس جاری کرنے کی منظوری دے دی گئی۔

    تفصیلات کے مطابق سندھ حکومت نے سماعت سے محروم افراد کے لیے بڑا فیصلہ کر لیا، کابینہ نے سماعت سے محروم افراد کو ڈرائیونگ لائسنس جاری کرنے کی منظوری دے دی۔

    وزیر اعلیٰ سندھ کے معاون خصوصی برائے بحالی خصوصی افراد سید قاسم نوید قمر نے کہا ڈرائیونگ لائسنس کے اجرا کے لیے موٹر رجسٹریشن قوانین میں ترامیم کی جائیں گی۔

    سید قاسم کا کہنا تھا خصوصی افراد کا مسئلہ محکمہ بحالی خصوصی افراد کی کوشش سے حل ہوا، سماعت سے محروم افراد کے لیے یہ ایک تاریخی کام یابی ہے۔

    یہ بھی پڑھیں:  ایئر پورٹس پر بزرگ ، خواتین اور خصوصی افراد کے لیے خصوصی سہولت

    معاون خصوصی نے مزید کہا سماعت سے محروم افراد طویل عرصے سے جدوجہد کر رہے تھے، ان کے دیگر مسائل بھی آہستہ آہستہ حل ہو جائیں گے۔

    یاد رہے گزشتہ ماہ خصوصی بچوں کی صلاحیتوں کے حوالے سے قاسم نوید نے کہا تھا ہمارے معاشرے میں ان بچوں کی صلاحیتوں کو نکھارنے کی ضرورت ہے، خصوصی بچوں کی بحالی کے لیے قائم مراکز بہتر بنائے جائیں گے۔

    ان کا کہنا تھا یہ بات باعث مسرت ہے کہ خصوصی افراد اور بچوں سے متعلق لوگوں کی سوچ میں تبدیلی آ رہی ہے۔

    واضح رہے کہ رواں برس فروری میں سندھ میں خصوصی افراد کے لیے سرٹیفیکیٹ بھی جاری کیے گئے، ایک نوٹیفکیشن کے ذریعے خصوصی افراد کو ہدایت بھی جاری کی گئی کہ وہ اپنے سرٹیفکیٹ ضرور حاصل کریں۔

  • سندھ حکومت کی کراچی میں ‌ خصوصی صفائی مہم کا آج سے آغاز

    سندھ حکومت کی کراچی میں ‌ خصوصی صفائی مہم کا آج سے آغاز

    کراچی : سندھ حکومت کی کراچی میں صفائی مہم آج سے شروع ہو گی، صفائی مہم کے لئے پانچ کروڑ روپے کے فنڈزاور مشینری فراہم کر دی گئی۔وزیر اعلٰی سندھ مہم کی نگرانی کریں گے۔

    تفصیلات کے مطابق سندھ حکومت کی جانب سے کراچی میں ایک ماہ طویل خصوصی صفائی مہم کا آج سے آغاز ہورہا ہے،مہم میں وزیراعلی سندھ اورصوبائی وزراحصہ لیں گے، مہم کے دوران کراچی کے تمام اضلاع میں کچرا اٹھایا جائے گا۔

    ترجمان کا کہنا ہے کہ مہم میں محکمہ بلدیات کے 6 ہزار ملازمین حصہ لیں گے، مہم کے لیے6 اضلاع کے ڈپٹی کمشنرز کو پانچ کروڑ روپے کے فنڈزاور مشینری فراہم کر دی گئی ہے ، مہم میں کچرا اٹھانے کے لیے600 ڈمپرز کی مدد لی جائے گی۔

    صفائی مہم کیلئے سالڈویسٹ اور ڈی ایم سیزملازمین کی چھٹیاں منسوخ کر دی گئی ہیں، جس کا نوٹی فیکیشن بھی جاری کردیا گیا ہے۔

    وزیر اعلٰی سندھ صفائی مہم کی خود نگرانی کریں گے ، مراد علی شاہ نے کچرے کےہرڈمپرکی تصویراور ویڈیو بنانے اور سڑک پرکچراپھینکےوالوں کے خلاف سخت کارروائی کی ہدایت کردی ہے۔

    مزید پڑھیں : وزیراعلیٰ سندھ کا پوری صفائی کا کام دستاویزی طریقے سے کرنے کا حکم

    میئر کراچی وسیم اختر وزیراعلیٰ سندھ کا ساتھ دینے کیلئے پُرعزم ہے اور کےایم سی کو بھی ساتھ دینے کا مشورہ دیتے ہوئے کہا ساتھ دیں تاکہ اپنے شہرکو صاف کرسکیں۔

    یاد رہے گذشتہ روز وزیراعلیٰ سندھ کی زیرصدارت شہر کی صفائی سے متعلق اجلاس ہوا تھا ، جس میں مراد علی شاہ نے پوری صفائی کا کام دستاویزی طریقے سے کرنے کا حکم دیتے ہوئے ہدایت کی کچرے کے ہر ڈمپر کی تصویر بنائیں، پھر صفائی کا فوٹو اور ویڈیو بنائیں اور جیسے ہی صفائی مکمل ہو کچرا کنڈیاں بھی بنائی جائیں ۔

    وزیراعلیٰ سندھ نے فیصلہ کیا تھا کہ ہر ضلع کی صفائی مانیٹرنگ 2 وزرا کے حوالے کی جائے گی اور کمشنر کو ہدایت کی کہ سڑک پر کچرا پھینکنے والوں کیخلاف کارروائی کی جائے، صفائی مہم کیلئے پولیس، رینجرز کو سیکیورٹی کیلئے درخواست کروں گا۔

    خیال رہےوزیراعلیٰ سندھ نے 21 ستمبر سے کراچی میں خصوصی صفائی مہم شروع کرنے کا اعلان کیا تھا اور علی زیدی سے درخواست کی کہ اپنی صفائی مہم بند کردیں۔

  • محکمہ ماحولیات نے فضائی آلودگی کے خلاف مہم کا آغاز کردیا ہے، مرتضی وہاب

    محکمہ ماحولیات نے فضائی آلودگی کے خلاف مہم کا آغاز کردیا ہے، مرتضی وہاب

    کراچی: وزیر اعلی سندھ کے مشیر ماحولیات و قانون اور ترجمان سندھ حکومت بیرسٹر مرتضی وہاب محکمہ ماحولیات اور ٹریفک پولیس کے باہمی تعاون سے فضائی آلودگی کے خلاف مہم کا افتتاح کردیا گیا۔

    تفصیلات کے مطابق صوبائی مشیر نے میٹرو پول ہوٹل کے قریب قائم کیئے گئے چیک پوائنٹ پر اس مہم کا افتتاح کرتے ہوئے سب سے پہلے اپنی گاڑیکوچیک کرایا اور اپنی گاڑی پر سبزاسٹیکر آویزاں کیا۔

    اس موقع پر محکمہ ماحولیات کے افسران اور ٹریفک پولیس کے افسران بھی موجود تھے۔ محکمہ ماحولیات کی چیکنگ ٹیم نے دھواں چھوڑنے والی گاڑیوں کو چیک کیا اور مالکان پر جرمانہ عائد کرتے ہوئے چالان کیئے اور گاڑیوں ہر سرخ اسٹیکر چسپاں کیئے۔

    صوبائی مشیر نے کہا کہ فضائی آلودگی کے خلاف یہ آگاہی مہم ہے اور اس طرح کی سرگرمیاں بہت ضروری ہیں اس مہم کا آغاز کراچی ضلع جنوبی سے کیا گیا ہے۔

    انہوں نے کہا کہ آلودگی کے خلاف مہم میں عوام اور میڈیا کے تعاون کی ضرورت ہے محکمہ ماحولیات صوبہ بھر میں شجر کاری مہم بھی چلا رہا ہے مزید براں محکمہ ماحولیات نے پلاسٹک بیگز کے استعمال پر بھی پابندی عائد کی ہے اس کا اطلاق یکم اکتوبر سے ہوگا۔

    صوبائی مشیر نے مزید کہا کہ ماضی میں جو ہوا سو ہوا اب ہم نے اپنے مستقبل کو سنوارنا ہے اور ماحول کو خوبصورت بنانا ہے۔

  • میئرز سمیت تمام بلدیاتی کونسلرز کو آوارہ کتے پکڑنے کا ٹاسک

    میئرز سمیت تمام بلدیاتی کونسلرز کو آوارہ کتے پکڑنے کا ٹاسک

    کراچی: سندھ حکومت نے رے بیز کیسز سے بڑھتی اموات کے پیش نظر میئر کراچی وسیم اختر سمیت تمام بلدیاتی کونسلرز کو آوارہ کتے پکڑنے کا ٹاسک دے دیا۔

    تفصیلات کے مطابق سندھ حکومت نے صوبے بھر میں کتا مار مہم شروع کرنے کا فیصلہ کر لیا ہے، اس سلسلے میں کراچی سمیت صوبے کے تمام بلدیاتی کونسلرز کو ہدایت کی گئی ہے کہ آوارہ کتے پکڑے جائیں۔

    محکمہ بلدیات سندھ نے میئر کراچی سمیت لاڑکانہ، سکھر اور حیدرآباد کے میئرز کو بھی ہنگامی مراسلہ ارسال کر دیا ہے۔

    مراسلے میں ہدایت کی گئی ہے کہ سندھ میں آوارہ کتوں کے خلاف مؤثر مہم شروع کی جائے۔

    کتوں کے کاٹے کے کیسز بڑھنے کی روک تھام کے لیے حکومت سندھ کی جانب سے یہ مراسلہ ضلعی میونسپل کارپوریشنز، ڈی سیز، میونسپل کمیٹیز و دیگر کو بھی ارسال کیا گیا ہے۔

    تازہ ترین:  سندھ میں کتے کے کاٹے کے مریضوں کو ویکسین کے حصول میں شدید مشکلات کا سامنا

    واضح رہے کہ گزشتہ روز شکارپور میں کتے کے کاٹے کی وجہ سے 10 سال کا ایک بچہ جاں بحق ہو گیا تھا، جسے بروقت ویکسین نہیں مل سکی تھی۔

    معلوم ہوا ہے کہ سندھ کے سرکاری اسپتالوں میں کرپشن کے باعث کتے کے کاٹے کی ویکسین کمشنر آفس میں رکھی جاتی ہیں، جہاں مریضوں سے شناختی کارڈ اور کتے کی صحت کے بارے میں معلومات کے بعد انجکشن فراہم کیے جاتے ہیں، حکومت سندھ کا یہ بھی دعویٰ ہے کہ سرکاری اسپتالوں میں ویکسین موجود ہے۔

    کمشنر آفس میں کہا جاتا ہے کہ پہلے زخم دکھاؤ اور شناختی کارڈ لاؤ پھر اس کے بعد اس بات کی جانچ پڑتال ہوتی ہے کہ کاٹنے والا کتا پاگل تھا یا نہیں؟ اس دوران تکلیف میں مبتلا متاثرہ مریض کمشنر آفس کے رحم و کرم پر ہوتا ہے۔

    ادھر پاکستان تحریک انصاف سندھ کے صدر اور رکن صوبائی اسمبلی حلیم عادل شیخ نے کہا ہے کہ سندھ کے اسپتالوں میں کتے کے کاٹنے کی ویکسین موجود نہیں ہے۔

  • 11 سال سے کراچی کے لیے مختص پیسہ کہاں گیا؟ فروغ نسیم

    11 سال سے کراچی کے لیے مختص پیسہ کہاں گیا؟ فروغ نسیم

    اسلام آباد: وفاقی وزیر قانون فروغ نسیم کا کہنا ہے کہ اندرون سندھ اور کراچی کو تباہ کر دیا گیا ہے، 11 سال میں کراچی میں جو پیسے لگنے تھے بتایا جائے وہ کہاں گئے۔

    تفصیلات کے مطابق وفاقی وزیر قانون فروغ نسیم نے کراچی کے لیے آرٹیکل 149 فور اور 140 اے کے قانونی و آئینی تقاضے پر ابہام دورکردیا۔ انہوں نے کہا کہ ابھی تو آرٹیکل 149 فور بتائی ہے اس کا دوسرا حصہ سامنے نہیں لا رہا۔ اس کو آگے کیسے لے کر چلنا ہے وہ بھی میرے ذہن میں ہے۔

    وزیر قانون کا کہنا تھا کہ اسٹریٹجک کمیٹی، وزیر اعظم عمران خان اور وفاقی کابینہ کے سامنے اپنی تجاویز رکھے گی، وفاقی کابینہ اجازت دے گی تو پھر ایگزیکٹو آرڈر صوبائی حکومت کو جائے گا۔ صوبائی حکومت نہ مانی تو آرٹیکل 184 ون کے تحت سپریم کورٹ جائیں گے۔

    انہوں نے کہا کہ سپریم کورٹ صوبائی اور وفاقی حکومت کے تنازعات پر فیصلہ کر سکتا ہے، سپریم کورٹ کا فیصلہ آرٹیکل کے تحت وفاق کے حق میں آجاتا ہے تو صوبائی حکومت کو ماننا ہوگا، صوبائی حکومت نے فیصلہ نہ مانا تو عدالتی فیصلے کی خلاف ورزی کا کیس بنے گا۔

    فروغ نسیم کا کہنا تھا کہ پیپلز پارٹی کے وکلا بڑے قابل ہیں، آئینی شقوں کا توڑ نکالیں ہمیں اچھا لگے گا۔ اختیارات منتقل نہیں کیے گئے اور بلدیاتی نظام کو ناکام کیا گیا۔ کراچی کے مسائل کا حل 18 ویں ترمیم کے بعد واحد اور آسان ہے۔ سندھ میں جو حالات ہیں ضروری ہے وفاق ایگزیکٹو آرڈر جاری کرے۔ عام آدمی نہیں سمجھتا اختیارات کی کیا جنگ ہے۔

    انہوں نے کہا کہ گاربیج سسٹم، ویسٹ ڈسپوزل اور ماس ٹرانزٹ کا سسٹم بنانا ہوگا، عمران خان نے اس ایشو کو ٹیک اپ کیا اور کمیٹی بنائی ہے۔ وفاقی حکومت کراچی کے مسائل کا دیرپا حل چاہتی ہے۔ اختیار پیپلز پارٹی کے پاس ہے۔ پیپلز پارٹی 140 اے کے تحت اختیار لوکل گورنمنٹ کو نہیں دے رہی۔

    وزیر قانون کا کہنا تھا کہ مجھے بتایا جائے کہ کیا کراچی کے عوام یہاں کےحالات سے خوش ہیں؟ ورلڈ بینک کی رپورٹ ہے 11 سال میں کراچی کے ساتھ کیا ہوا۔ کراچی کو ریسکیو کرنے کے لیے 11 بلین ڈالرز کی ضرورت ہے۔ 11 سال میں کراچی میں جو پیسے لگنے تھے بتایا جائے وہ کہاں گئے۔

    انہوں نے کہا کہ اندرون سندھ کا حال دیکھ لیں، کراچی کو تباہ کر دیا گیا ہے۔ وفاقی حکومت کسی بھی صوبائی حکومت کو ایگزیکٹو آرڈر جاری کرسکتی ہے۔

  • سندھ حکومت کی بڑی ناکامی، کےفور منصوبے کی لاگت میں ریکارڈ اضافہ

    سندھ حکومت کی بڑی ناکامی، کےفور منصوبے کی لاگت میں ریکارڈ اضافہ

    کراچی: سندھ حکومت کی کارکردگی پر ایک بار پھر سوالات اٹھ گئے، میگامنصوبے کےفور کی لاگت میں ریکارڈ اضافہ ہوگیا۔

    تفصیلات کے مطابق سندھ حکومت کی ناکامی کھل کر سامنے آگئی، میگامنصوبے کےفور کی لاگت 150ارب روپے سے تجاوز کرگئی۔

    فراہمی آب کے منصوبے کےفور کی ابتدائی لاگت25ارب روپے تھی، گزشتہ13سالوں میں کےفور منصوبے کی لاگت میں مسلسل اضافہ ہوتا رہا۔

    روپے کی قدر میں کمی اور مزید تاخیر سے کےفور منصوبے کی لاگت میں اور اضافہ ہوگا۔

    یاد رہے کہ رواں سال جون میں وزیراعلیٰ سندھ سید مراد علی شاہ نے کے فور منصوبے کو سندھ حکومت کی ترجیح قرار دیتے ہوئے کہا تھا کہ منصوبہ 660 ایم جی ڈی پانی 3 مرحلوں میں دینے کے لئے شروع کیا گیا ہے۔

    کے فور منصوبہ تاخیر کا سبب سندھ حکومت کی کراچی سے دشمنی ہے، فردوس شمیم نقوی

    وزیر اعلیٰ سندھ کے مطابق کے فور کا کنٹریکٹ 2016 میں ایف ڈبلیو او کو 28.18 بلین میں دیا گیا، پیکیج اے کا سول ورک 70 فیصد مکمل کر لیا گیا ہے۔

    انھوں نے کہا تھا کہ پروجیکٹ کے لیے 50 میگا واٹ کا پاور پلانٹ بھی لگنا ہے، پیکیج بی میں الیکٹریکل اور میکنیکل کام ہونے ہیں۔

  • کراچی میں آج سے تین دن کیلئے موٹر سائیکل کی ڈبل سواری پر پابندی عائد

    کراچی میں آج سے تین دن کیلئے موٹر سائیکل کی ڈبل سواری پر پابندی عائد

    کراچی : سندھ حکومت نے عاشورہ کے موقع پر 8 سے دس محرم تک کراچی میں موٹرسائیکل کی ڈبل سواری پر پابندی عائد کردی ہے، وزیر اعلیٰ کا کہنا ہے کہ فول پروف سکیورٹی کیلئے جلوسوں کی گزرگاہوں پر سی سی ٹی وی کیمرے نصب کیے جائیں۔

    تفصیلات کے مطابق سندھ حکومت نے صوبے میں کسی بھی ناخوشگوار واقعے سے بچنے اور امن وامان کی صورت حال برقرار رکھنے کے لیے8 سے10محرم تین دن کیلئے موٹر سائیکل کی ڈبل سواری پر پابندی عائد کردی ہے جبکہ خواتین، بچے، بزرگ، معذور افراد اور صحافی ڈبل سواری کی پابندی سے مستنیٰ ہوں گے۔

    یاد رہے کہ یکم ستمبر کو وزیراعلیٰ سندھ کی صدارت میں محرم الحرام میں امن وامان کے حوالے سے اجلاس ہوا، اجلاس میں چیف سیکرٹری سندھ سید ممتاز شاہ، صوبائی مشیر قانون مرتضی وہاب، ڈی جی رینجرز میجر جنرل عمر احمد بخاری، انسپکٹر جنرل پولیس سندھ ڈاکٹر کلیم امام اور دیگر اہم افسران بھی موجود تھے۔

    وزیر اعلی سندھ سید مراد علی شاہ نے محرم الحرام میں مجالس اور جلوسوں کیلئے فول پروف سکیورٹی انتظامات کو یقینی بنانے کے لئے عام انتخابات کے دوران استعمال ہونے والے سی سی ٹی وی کیمرے نصب کرنے کی منظوری دی تھی۔

    انہوں نے قانون نافذ کرنے والے اداروں کو ہدایت کی ہے کہ صوبہ بھر میں پولیس اور رینجرز کی بھاری نفری تعینات کی جائے اور اس کے علاوہ پاک فوج کی52کمپنیوں کو بھی ریزرو میں تیار رکھا جائے تاکہ انہیں کسی بھی ہنگامی صورتحال میں طلب کیا جائے۔

    اجلاس سے خطاب کرتے ہوئے وزیراعلی سندھ نے کہا تھا کہ گزشتہ تین سالوں کے دوران صوبہ سندھ میں کوئی بڑا واقعہ پیش نہیں آیا۔ انہوں نے اس سے یہ ظاہر ہوتا ہے کہ حکومت کی سیاسی عزم، قانون نافذ کرنے والے اداروں پولیس، رینجرز اور انٹیلیجنس ایجنسیوں کی سخت محنت اور قربانیوں کی بدولت شہر میں امن و امان کی بحالی ممکن ہوئی ہے۔