Tag: سندھ حکومت

  • سندھ حکومت کا ترقیاتی منصوبے تیزی سے مکمل کرنے کا فیصلہ

    سندھ حکومت کا ترقیاتی منصوبے تیزی سے مکمل کرنے کا فیصلہ

    کراچی: سندھ حکومت نے ترقیاتی منصوبے تیزی سے مکمل کرنے کا فیصلہ کرلیا ہے، محکمہ ترقی و منصوبہ بندی نے ترقیاتی پالیسی جاری کردی۔

    تفصیلات کے مطابق سندھ حکومت نے ترقیاتی منصوبے تیزی سے مکمل کرنے کا فیصلہ کرلیا ہے اس سلسلے میں محکمہ ترقی و منصوبہ بندی نے ترقیاتی پالیسی جاری کردی ہے، جاری کردہ ترقیاتی پالیسی کا خط محکمہ خزانہ کو ارسال کردیا گیا۔

    محکمہ خزانہ کو جاری کردہ خط میں کہا گیا ہے کہ جاری ترقیاتی منصوبوں کے لیے دو قسطوں میں رقم جاری کی جائے اور 2018-19 میں مکمل اسکیموں کے لیے مقررہ وقت پر رقم جاری کی جائے۔

    خط کے متن کے مطابق سالانہ جاری ترقیاتی پروگرام کو مقررہ وقت پر مکمل کرنا ہوگا، ڈھائی کروڑ سے کم والے منصوبوں کے لیے فنڈ جاری کردئیے جائیں، غیرملکی فنڈنگ سے جاری منصوبوں کے لیے دو قسطوں میں رقم مہیا کی جائے۔

    واضح رہے کہ کراچی میں جاری گرین لائن بس منصوبہ حکومت کے لیے درد سر بن گیا ہے، منصوبہ تاخیر کا شکار ہونے کے باعث اس کی لاگت میں اربوں روپے اضافے کا خدشہ ہے۔

    فروری 2016 میں سابق وزیراعظم نواز شریف نے کراچی کے گرین لائن منصوبے کا سنگ بنیاد رکھتے ہوئے اسے ایک سال میں مکمل کرنے کا اعلان کیا تھا تاہم دو سال گزر گئے ابھی تک منصوبہ مکمل نہیں ہوسکا ہے اور آئندہ ایک سال تک اس کے مکمل ہونے کا امکان نظر نہیں آرہا ہے۔

    گرین لائن بس منصوبے کی تاخیر کے باعث شہری دھول مٹی کے باعث سانس سمیت مختلف بیماریوں میں مبتلا ہونے اور غیر معیاری گاڑیوں میں سفر کرنے پر مجبور ہیں۔

  • اسٹریٹ کرائم کے خاتمے کیلئے سندھ حکومت اہم اقدامات کرے گی، مراد علی شاہ

    اسٹریٹ کرائم کے خاتمے کیلئے سندھ حکومت اہم اقدامات کرے گی، مراد علی شاہ

    کراچی : وزیراعلیٰ سندھ سید مراد علی شاہ نے کہا ہے کہ شہر میں اسٹریٹ کرائم کو کنٹرول کریں گے اس کے خاتمے کیلئے سندھ حکومت اہم اقدامات کرے گی۔

    یہ بات انہوں نے  سندھ اسمبلی کے اجلاس سے خطاب کرتے ہوئے کہی، مراد علی شاہ کا کہنا تھا کہ کچھ لوگ بچوں کے اغوا کی افواہیں پھیلارہے ہیں، اسٹریٹ کرائم کی ذمہ دار پولیس ہوتی ہے، پچھلے دو سے3 ماہ پولیس کسی اور کام میں مصروف رہی لیکن اب کراچی میں پولیس کے ذریعےاسٹریٹ کرائم میں کمی آئے گی صورتحال پر جلد قابو پالیں گے۔انہوں نےبتایا کہ پولیس کی کارکردگی بہتر بنانے کیلئے امل ریفارمز لائیں گے۔

    یاد رہے کہ صوبہ سندھ خصوصاً کراچی میں ڈکیتی و رہزنی کی وارداتوں میں نمایاں اضافہ ہوگیا ہے، اس کیلئے صرف اعلان جنگ کی نہیں بلکہ باقاعدہ جنگ کی ضرورت ہے۔

    کراچی میں دو بچیوں کی جان چلی گئی  اسٹریٹ کرائم انتہا پرہیں لیکن وزیر اعلیٰ صرف زبانی جمع خرچ میں مصروف ہیں  وہ کبھی اعلان جنگ کی باتیں اور کبھی سوشل میڈیا کو الزام دے رہے ہیں۔

    کراچی میں ڈاکو راج قائم ہے، شہر کی کوئی سڑک لوٹ مار کرنے والوں سے محفوظ نہیں ایسے میںں عوام ارباب اختیار کی جانب دیکھ رہے ہیں، لوگوں نے اپنے تحفظ کے لیے خود ہتھیار اٹھا لیے ہیں۔

    گزشتہ روز بہادرآباد میں نوجوان نے ڈاکو کو گولی مار دی۔ لوٹ مار سے تنگ شہریوں نے سچل تھانے کا گھیراؤ کرلیا لیکن وڈے سائیں کرائم کی ذمے داری سوشل میڈیا پر ڈال کر جان چھڑانے کو ہیں،ارباب اختیار کی زبانی دعوؤں کے باعث اسٹریٹ کرمنلز کے حوصلے بڑھتے جارہے ہیں اور عوام پریشان ہیں کہ جائیں تو کہاں جائیں؟

  • سندھ حکومت نے کراچی میں سندھیوں کے خلاف وال چاکنگ کا نوٹس لے لیا

    سندھ حکومت نے کراچی میں سندھیوں کے خلاف وال چاکنگ کا نوٹس لے لیا

    کراچی: سندھ حکومت نے کراچی میں سندھیوں کے خلاف وال چاکنگ کا نوٹس لے لیا، وزیرِ زراعت اسماعیل راہو نے کہا کہ ہم سندھیوں کے خلاف وال چاکنگ کی پُر زور مذمت کرتے ہیں۔

    تفصیلات کے مطابق سندھ اسمبلی میں سہیل انور سیال کے اشتعال انگیز تقریر کے بعد شہر کی دیواروں پر سندھیوں کے خلاف چاکنگ کی گئی، جس پر سندھ حکومت نے فوری نوٹس لے لیا ہے۔

    [bs-quote quote=”سندھی مہاجر آپس میں بھائی ہیں: اسماعیل راہو” style=”style-7″ align=”left” color=”#dd3333″][/bs-quote]

    محکمہ زراعت کے وزیر اسماعیل راہو نے وال چاکنگ کی مذمت کرتے ہوئے کہا کہ سندھی اور مہاجر آپس میں بھائی ہیں، کچھ لوگوں سے کراچی کا امن برداشت نہیں ہوتا۔

    اسماعیل راہو کا کہنا تھا کہ کچھ لوگ ہمیں آپس میں لڑانا چاہتے ہیں، ہم ایسا نہیں ہونے دیں گے، قانون نافذ کرنے والے ادارے ایسی گھٹیا حرکت کے خلاف کارروائی کریں۔

    خیال رہے کہ دو روز قبل سندھ اسمبلی سے خطاب کرتے ہوئے سہیل انور سیال کا کہنا تھا کہ ہندوستان سے آنے والوں کو ہم پال رہے ہیں، ان لوگوں کو ہم نے پناہ دی، ان کو گھر، زمینیں اور اناج دیا۔


    غیر ذمہ دارانہ بیان، بلاول بھٹو کی سہیل انور سیال کو سخت وارننگ


    انور سیال کے خطاب کو پی پی چیئرمین بلاول بھٹو زرداری نے غیر ذمہ دارانہ قرار دیتے ہوئے انھیں سخت وارننگ جاری کی، پی پی چیئرمین نے سخت ناراضی کا بھی اظہار کیا۔

    دوسری طرف ایم کیو ایم کے رہنما فاروق ستار نے ردِ عمل دیتے ہوئے کہا تھا کہ سہیل انور سیال نے معافی نہیں مانگی تو پیر کو احتجاج کریں گے، ان کے بیان کی سخت الفاظ میں مذمت کرتاہوں، پی پی واضح کرے یہ سہیل انور سیال کا بیان ہے یا پارٹی پالیسی؟

  • امراض قلب کا مکمل مفت علاج پیپلزپارٹی کا خصوصی ایجنڈا ہے‘ بلاول بھٹو

    امراض قلب کا مکمل مفت علاج پیپلزپارٹی کا خصوصی ایجنڈا ہے‘ بلاول بھٹو

    کراچی : چیئرمین پیپلزپارٹی بلاول بھٹوزرداری کا کہنا ہے کہ امراض قلب کا مکمل مفت علاج پیپلزپارٹی کا خصوصی ایجنڈا ہے۔

    تفصیلات کے مطابق چیئرمین پیپلزپارٹی بلاول بھٹوزرداری نے دل کے امراض سے بچاﺅ کے عالمی دن پراپنے پیغام میں کہا کہ مختلف این آئی سی وی ڈی یونٹ حکومت سندھ کے لیے باعث فخرہیں۔

    بلاول بھٹو نے کہا کہ امراض قلب کا مکمل مفت علاج پیپلزپارٹی کا خصوصی ایجنڈا ہے، حکومت سندھ نے تاحال این سی آئی وی ڈی کے 8 سینٹرقائم کیے، سہولتوں سےسندھ اوردیگرصوبوں کے افراد مستفید ہو رہے ہیں۔

    پاکستان سمیت دنیا بھر میں آج دل کے امراض سے بچاﺅ کا عالمی دن منایا جارہا ہے

    واضح رہے کہ پاکستان سمیت دنیا بھر میں ’دل کا عالمی دن‘ 29 ستمبر کومنایا جاتا ہے، اس دن کو منانے کا مقصد لوگوں میں دل کی بیماریوں کے متعلق مکمل آگاہی اور ان سے بچاوُ کے لیے شعور پیداکرنا ہے، دنیا میں لاکھوں افراد ہر سال دل کی بیماریوں کی وجہ سے موت کے منہ میں چلے جاتے ہیں۔

    ماہرین کے مطابق بلڈ پریشر، کولیسٹرول اور گلوکوز کا بڑھنا، تمباکو نوشی، خوراک میں سبزیوں اور پھلوں کا ناکافی استعمال، موٹاپا اور جسمانی مشقت کا فقدان دل کے امراض میں مبتلا ہونے کی بڑی وجوہات ہیں۔

    ڈاکٹرز کے مطابق ہلکی پھلکی سادہ غذا اور دن میں صرف آدھے گھنٹے کی ورزش کو معمول بنا کر دل کے بہت سے امراض سے بچا جا سکتا ہے۔

  • سندھ حکومت معذوربچےکا بیرون ملک علاج کرائے گی‘ مراد علی شاہ

    سندھ حکومت معذوربچےکا بیرون ملک علاج کرائے گی‘ مراد علی شاہ

    کراچی : وزیراعلیٰ سندھ سید مراد علی شاہ کا کہنا ہے کہ کے الیکٹرک کی غفلت سے معذور ہونے والے بچے کا سندھ حکومت بیرون ملک علاج کرائے گی۔

    تفصیلات کے مطابق کراچی میں وزیراعلیٰ سندھ مراد علی شاہ کی زیرصدارت سندھ کابینہ کا اجلاس ہوا جس میں وزیراعلیٰ سندھ کو بریفنگ دی گئی کہ والدین اور کے الیکٹرک حکام سے ملاقاتیں کیں۔

    پیپلزپارٹی کے رہنما امتیاز شیخ نے بتایا کہ کے الیکٹرک 25 لاکھ معاوضہ دینے کے لیے تیار تھا، وزیراعلیٰ سندھ کی ہدایت پر معاوضہ 50 لاکھ کرایا۔

    ننھا عمر دونوں بازؤں سےمحروم، غفلت پر کے الیکٹرک کیخلاف مقدمہ درج

    مراد علی شاہ کو بتایا گیا کہ کے الیکٹرک بچے کے باہرعلاج کرانے پرتذبذب کا شکار ہے جس پر انہوں نے کہا کہ یہ کیا بات ہے کہ کے الیکٹرک بچے کا باہر علاج کرانے پرہچکچا رہا ہے۔

    وزیراعلیٰ سندھ نے اجلاس کے دوران اعلان کیا کہ سندھ حکومت بچے کا بیرون ملک علاج کرائے گی۔

    گورنر سندھ نے 8 سالہ بچے پر بجلی کے تار گرنے کا نوٹس لے لیا

    یاد رہے گزشتہ ماہ 30 اگست کو کراچی کے علاقے احسن آباد میں کے الیکٹرک کی لاپرواہی کے باعث 8 سالہ بچے عمر پر بجلی کے تار گرگئے تھے ، جس کے باعث بچے کے دونوں بازو ضائع ہوگئے تھے۔

  • چنگچی رکشوں کی اجازت سے متعلق کیس، سندھ حکومت کی رپورٹ مسترد، جرمانہ عائد

    چنگچی رکشوں کی اجازت سے متعلق کیس، سندھ حکومت کی رپورٹ مسترد، جرمانہ عائد

    کراچی : سپریم کورٹ نے چنگچی رکشوں کی اجازت سےمتعلق کیس میں سندھ حکومت کی رپورٹ مسترد کردی، جسٹس گلزاراحمد نے ریمارکس دیئے کہ کراچی میں ٹرین چلی اورنہ ہی بسیں، دو سو نئی بسیں زمین کھا گئی یا سمندر نگل گیا۔

    تفصیلات کے مطابق کراچی سپریم کورٹ رجسٹری میں چنگ چی رکشے چلانے کی اجازت سےمتعلق کیس کی سماعت جسٹس گلزاراحمد کی سربراہی میں 3 رکنی بینچ نے کی۔

    سماعت کی سپریم کورٹ نے حکومت سندھ کی رپورٹ مسترد کرتے ہوئے عدالتی فیصلے پرعملدرآمد نہ کرنے پر سندھ حکومت پر 30 ہزار روپے جرمانہ بھی عائد کردیا۔

    جسٹس گلزاراحمد نے ریمارکس دیئے صوبائی حکومت حکم عدولی کر رہی ہے، حکومت نے کراچی میں ٹرانسپورٹ کی سہولت کیلئے کچھ نہیں کیا، کراچی میں1955ماڈل گاڑیاں چل رہی ہیں، 200 نئی بسیں زمین کھا گئی یا سمندر نگل گیا۔

    کراچی میں1955ماڈل گاڑیاں چل رہی ہیں، 200 نئی بسیں زمین کھا گئی یا سمندر نگل گیا۔جسٹس گلزاراحمد

    سپریم کورٹ نے چنگ چی رکشوں کی انسپیکشن نہ کرنے پر برہمی کااظہار کرتے ہوئے آئندہ سماعت پر سیکرٹری ٹرانسپورٹ، ڈی آئی جی ٹریفک اور سیکرٹری ایکسائز اینڈ ٹیکسیشن سندھ کو طب کرلیا اور تینوں افسران کو عدالتی فیصلے پرعملدرآمد کی رپورٹس پیش کرنے کی ہدایت کی۔

    سپریم کورٹ میں کیس کی مزید سماعت 2 ہفتے کے لئے ملتوی کردی۔

    یاد رہے رواں سال مارچ میں سپریم کورٹ نے ملک بھر میں چنگ چی رکشوں کو چلنے کی مشروط اجازت دیتے ہوئے چنگ چی رکشہ ڈرائیور کیلئے لائسنس لازم قرار دیا تھا۔

    سپریم کورٹ کے فیصلے میں چنگ چی رکشوں کیلئے مجاز حکام کا فٹنس سرٹیفکیٹ لازم قرار دینے کے ساتھ صرف منظور شدہ کمپنیوں اور ڈیزائن کے رکشوں کو چلنے کی اجازت دی گئی تھی۔

    فیصلے میں کہا گیا تھا کہ چنگچی رکشہ کی تیاری میں مسافروں اور ڈرائیورکی حفاظت یقینی بنائی جائے جب کہ عمل نہ کروانے والے اہلکاروں کے خلاف محکمانہ اور فوجداری کارروائی کرنے کا حکم دیا تھا۔

  • محرم الحرام، قانون شکن عناصر سے کوئی رعایت نہ کی جائے، آصف زرداری

    محرم الحرام، قانون شکن عناصر سے کوئی رعایت نہ کی جائے، آصف زرداری

    کراچی/لاہور : آصف زرداری نے سندھ حکومت کو محرم الحرام کے دوران امن و امان کی صورتحال برقرار رکھنے کے لیے ہدایت جاری کرتے ہوئے کہا ہے کہ  قانون شکن عناصر سے کوئی رعایت نہ کی جائے۔

    تفصیلات کے مطابق پاکستان پیپلز پارٹی کے شریک چیئرمین و سابق صدر آصف علی زرداری نے محرم الحرام کے دوران امن وامان کی صورتحال کو یقینی بنانے کے لیے سندھ حکومت کو ہدایات جاری کردی ہیں۔

    پیپلز پارٹی کے شریک چیئرمین آصف زرداری نے کہا ہے کہ محرم الحرام کے دوران شر پسندوں پر کڑی نظر رکھی جائے، فتنہ کا باعث بننے والے عناصر کو گرفت میں لایا جائے۔

    سابق صدر آصف زرداری کا کہنا ہے کہ امن بحال رکھنے کے لئے اداروں کو حرکت میں لایا جائے، قانون شکن عناصر سے کوئی رعایت نہ کی جائے، مذہبی اور عبادت کی آزادی کو ہر صورت میں برقرار رکھا جائے۔

    محرم الحرام کے دوران لاہور میں دفعہ 144 نافذ

    دوسری جانب لاہور کے ڈی نے محرم الحرام کے حوالے سے سیکیورٹی پلان کے حوالے سے پولیس افسران سے ملاقات کی ہے، ملاقات کے دوران ڈی سی نے محرم الحرام میں شہری میں سخت حفاظتی انتظامات کرنے کے احکامات جاری کیے ہیں۔

    رواں برس محرم الحرام کے دوران لاہور شہر میں دفعہ 144 نافذ رہے گی۔

    خیال رہے کہ محرم الحرام کا چاند دیکھنے کے لئے مرکزی رویت ہلال کمیٹی کا اجلاس 10 ستمبر کو ہوگا، محکمہ موسمیات کا کہنا ہے کہ پیر کے روز محرم الحرام کا چاند نظر آنے کے قوی امکانات ہیں۔

  • سپریم کورٹ کا اے ڈی خواجہ کوآئی جی سندھ برقراررکھنےکا حکم

    سپریم کورٹ کا اے ڈی خواجہ کوآئی جی سندھ برقراررکھنےکا حکم

    اسلام آباد : سپریم کورٹ آف پاکستان نے اے ڈی خواجہ کو آئی جی سندھ برقرار رکھنے کا حکم دیتے ہوئے سندھ ہائی کورٹ کے فیصلے کے خلاف سندھ حکومت کی اپیل سماعت کے لیے منظورکرلی۔

    تفصیلات کے مطابق سپریم کورٹ آف پاکستان میں آئی جی سندھ اے ڈی خواجہ کی تقرری کے حوالے سے سندھ حکومت کی اپیل کی سماعت ہوئی۔

    عدالت عظمیٰ میں سندھ حکومت کے وکیل نے موقف اختیار کیا کہ آئی جی سندھ کو ہٹانے کا حکم دیا جائے۔

    وکیل سندھ حکومت نے کہا کہ سندھ ہائی کورٹ نے پولیس ایکٹ 2011 کو آئینی قرار دیا اور آئی جی کو پولیس میں تبادلوں کا اختیار بھی دیا۔

    عدالت عظمیٰ نے اے ڈی خواجہ کو آئی جی سندھ پولیس برقرار رکھنے کا حکم دیتے ہوئے سندھ ہائی کورٹ کے فیصلے کے خلاف سندھ حکومت کی اپیل منظور کرلی۔

    سپریم کورٹ نے اپنے فیصلے میں آئی جی سندھ کا تقررسپریم کورٹ کے فیصلے سے مشروط کرتے ہوئے کہا کہ حتمی فیصلے تک اے ڈی خواجہ برقراررہیں گے۔

    عدالت عظمیٰ نے کہا کہ اے ڈی خواجہ کو سندھ پولیس میں تبادلے کرنے کا مکمل اختیار ہوگا جبکہ آئی جی سندھ کی تقرری کا معاملہ پروفاق کواقدامات اٹھانے سے روک دیا۔


    سندھ حکومت کا نئے آئی جی سندھ کی تعیناتی کے لیے وفاق کو خط


    چیف جسٹس نے کہا کہ سندھ میں آئی جی کی تقرری کا معاملہ عدالتی فیصلےسے مشروط ہوگا، آئی جی کی تبدیلی سے متعلق احکامات معطل تصورہوں گے۔

    چیف جسٹس میاں ثاقب نثار نے ریمارکس دیے کہ سندھ ہائی کورٹ نے بہت خوبصورت فیصلہ دیا ہے، سندھ ہائی کورٹ کا فیصلہ 2 سے 3 بارپڑھنے کےلائق ہے۔

    وکیل سندھ حکومت نے دلائل دیتے ہوئے کہا کہ سندھ ہائی کورٹ نے جومانگا نہیں گیا تھا وہ درخواست گزارکودے دیا،سندھ ہائی کورٹ کے پاس ازخود نوٹس کا اختیارنہیں۔

    چیف جسٹس نے ریمارکس دیے کہ ہمارے پاس تو ازخود نوٹس کا اختیارہے، چیف جسٹس نے اے جی سندھ کو روسٹرم پردلائل دینے سے روکتے ہوئے روسٹرم سے ہٹنے کا حکم دے دیا۔

    چیف جسٹس میاں ثاقب نثار نے کہا کہ فاروق نائیک کولیٹردے کرکم استعداد کارظاہرکردی ہے، آپ کو روسٹرم پربات کرنے کا اب کوئی حق نہیں ہے۔

    فاروق ایچ نائیک نے عدالت عظمیٰ سے استدعا کی کہ اپیل پر سماعت کی تاریخ مقررکر دیں جس پر چیف جسٹس ثاقب نثار نے کہا کہ آپ چلد سماعت کی درخواست دے دیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • احتجاج رنگ لے آیا، سندھ کے15ہزاراساتذہ کی ترقی کا نوٹیفکیشن جاری

    احتجاج رنگ لے آیا، سندھ کے15ہزاراساتذہ کی ترقی کا نوٹیفکیشن جاری

    کراچی: سندھ حکومت کی جانب سے 15 ہزار اساتذہ کو ٹائم اسکیل کی ذریعے اگلے عہدوں پر ترقی دیدی گئی، جس کا نوٹیفکیشن جاری کردیا گیا ہے۔

    تفصیلات کے مطابق سندھ میں عارضی اساتذہ کا احتجاج رنگ لے آیا، پولیس کے تشدد اور گرفتاریوں کے بعد بلآخر سندھ حکومت نے ان کے مطالبات منظورکرلیے۔

    اس حوالے سے ترجمان وزیراعلیٰ ہاؤس کے مطابق سندھ حکومت نے اساتذہ کا مطالبہ تسلیم کرتے ہوئے 25 سال سے حاضر سروس گریڈ سات کے اساتذہ کو گریڈ بی سولہ میں ترقی دے دی۔

    اساتذہ کی مستقلی کا نوٹیفکیشن بھی جاری کردیا گیا، اس موقع پر وزیر اعلیٰ سندھ مراد علی شاہ نے ترقی پانے والے اساتذہ کو مبارکباد پیش کرتے ہوئے کہا کہ پی پی حکومت نے اساتذہ سے کیا ہوا وعدہ پورا کردیا ہے۔

    ان کا مزید کہنا تھا کہ امید ہے اساتذہ تعلیمی معیار کی بہتری میں میری مدد کریں گے۔


    مزید پڑھیں: وزیر اعلیٰ سندھ کا اساتذہ کے مسائل حل کرنے کا وعدہ


    واضح‌ رہے کہ گزشتہ روز کراچی پریس کلب کے باہر اپنے مطالبات کے حق میں مظاہرہ کرنے والے این ٹی ایس پاس اساتذہ پر پولیس اہل کاروں نے لاٹھیاں برسائیں اور شیلنگ کی تھی، جس کے بعد متعدد اساتذہ کو گرفتارکر لیا گیا تھا۔

    یہ واقعہ اس وقت پیش آیا جب مظاہرین نے ریڈ زون میں داخلے اور بلاول ہاؤس جانے کی کوشش کی تھی۔

  • سندھ حکومت نے اسکولوں میں موسم سرما کی تعطیلات کا اعلان کردیا

    سندھ حکومت نے اسکولوں میں موسم سرما کی تعطیلات کا اعلان کردیا

    کراچی : سندھ حکومت نے صوبے بھر کے تعلیمی اداروں میں موسم سرما کی تعطیلات کا اعلان کردیا، تعلیمی ادارے 22 سے 31 دسمبر تک بند رہیں گے۔

    تفصیلات کے مطابق سندھ حکومت نے موسم سرما میں اسکولوں کی تعطیلات کی تاریخوں کا اعلان کردیا ہے، جس کے مطابق 22 دسمبر سے 31 دسمبر2017 تک سندھ کے تعلیمی اداروں میں موسم سرما کی تعطیلات ہوں گی۔

    اس حوالے سے سندھ حکومت نے اعلامیہ جاری کردیا ہے جس کے مطابق فیصلے کا اطلاق صوبے بھر کے تمام سرکاری ونجی تعلیمی اداروں پر ہوگا۔

    یاد رہے کہ اس سے قبل محکمہ موسمیات کے مشورے کے بعد سردیوں کی شدت کے پیش نظر یہ فیصلہ کیا گیا تھا کہ مذکورہ تعطیلات جنوری کے پہلے ہفتے سے کی جائیں لیکن بعد ازاں موسم کی تبدیلی کو دیکھتے ہوئے یہ تعطیلات اپنے شیڈول کے مطابق دینے کا فیصلہ کیا گیا ہے۔