ARYNews.tv | Urdu – Har Lamha Bakhabar

Tag: سندھ حکومت

  • سندھ حکومت نے تاحال رینجرزاختیارات میں توسیع کی منظوری نہیں دی

    سندھ حکومت نے تاحال رینجرزاختیارات میں توسیع کی منظوری نہیں دی

    کراچی : رینجرز کو کراچی میں حاصل خصوصی اختیارات کا آج آخری دن ہے، سندھ حکومت نے تاحال رینجرز اختیارات میں توسیع کیلئے بھیجی جانے والی سمری کی منظوری نہیں دی۔

    تفصیلات کے مطابق انسداد دہشت گردی کے تحت رینجرز کو ملنے والے خصوصی اختیارات کی مدت آج ختم ہورہی ہے۔

    سندھ میں رینجرز کے قیام میں توسیع کے حوالے سے وزیر داخلہ نے سمری پر تاحال دستخط نہیں کیے ہیں اور سمری کو دستخط کے بغیر ہی محکمہ قانون کو بھجوا دی گئی ہے۔

    سمری میں رینجرز کے سندھ میں قیام میں ایک سال کی توسیع کی سفارش کی گئی ہے، خصوصی اختیارات کے تحت رینجرز چھاپے مار کرکسی ملزم کو تفتیش کے لئے نوے روز اپنی تحویل میں رکھ سکتی ہے۔

    رواں سال چار مئی کو رینجرز کے خصوصی اختیارات میں نوے دن کی توسیع کی گئی تھی۔ جس کی مدت کل انیس جولائی کو ختم ہوجائے گی۔

    سال یہ پیدا ہوتا ہے کہ کیا رینجرز کو خصوصی اختیارات فوری مل جائیں گے؟ حالیہ دنوں صوبائی وزیرداخلہ سہیل انور سیال اور رینجرز حکام کے درمیان ہونے والی کشیدگی کے باعث اختیارات کا معاملہ ایک پھر لٹکے گا؟

    اس سے قبل ڈاکٹر عاصم حسین کی گرفتاری پر رینجرز کے اختیارات کا معاملہ ایک مرتبہ پہلے اٹک چکا ہے۔

    انسداد دہشت گردی ایکٹ (اے ٹی اے) کے تحت کراچی میں رینجرز کو اختیارات حاصل ہیں جو کل رات بارہ بجے ختم ہوجائیں گے۔

     

  • وزیر اعلیٰ سندھ عمرے کی ادائیگی کے لئے سعودیہ عرب روانہ

    وزیر اعلیٰ سندھ عمرے کی ادائیگی کے لئے سعودیہ عرب روانہ

    کراچی : وزیر اعلیٰ سندھ سید قائم علی شاہ نے آئی جی سندھ پولیس کو جمعۃ الوداع کے موقع پر سیکورٹی کے فول پروف انتظامات کی سخت ہدایات جاری کرتے ہوئے شہر میں سیکورٹی کی صورتحال کو ٹھیک کرنے کا حکم دے دیا۔

    تفصیلات کے مطابق عمرہ ادائیگی کے لئے سعودیہ عرب روانگی سے قبل قائم علی شاہ کی زیر صدارت امن و امان کے حوالے سے اہم اجلاس وزیر اعلیٰ ہاؤس منعقد کیا گیا، اس اجلاس کی صدارت وزیر اعلیٰ سندھ نے کی جبکہ آئی جی سندھ ، سیکریٹری سندھ سمیت اعلیٰ افسران نے شرکت کی،  وزیر اعلیٰ سندھ نے افسران کو امن و امان کو برقرار رکھنے کے حوالے سے خصوصی ہدایات جاری کیں اور اویس شاہ اغوا ، امجد صابری کے کیس پر باقاعدہ کام کرنے کا حکم دیا۔

    وزیر اعلیٰ سندھ نے آئی جی سندھ پولیس اے ڈی خواجہ کر جمعۃ الوداع کے اجتماعات کے لئے فول پروف سیکورٹی انتظامات کے علاوہ شہر میں امن و امان کو ٹھیک کرنے کا حکم جاری کیا۔

    انہوں  نے اس امید کا اظہار کیا کہ ’’عمرہ ادائیگی کے دوران قیام امن کے لئے خصوصی دعائیں کروں گا اور آپ یہاں عملی اقدامات کریں گے تو امید ہے کہ قیام کے دوران اچھی خبریں سُننے کو ملیں گی اور صورتحال مکمل کنٹرول میں رہے گی‘‘۔

    واضح رہے وزیر اعلیٰ سندھ عمرہ ادائیگی کے بعد 5 جولائی کو وطن واپس پہنچیں گے۔

  • چھوٹے صوبوں سے سوتیلا سلوک خطرناک ثابت ہوسکتا ہے، بلاول

    چھوٹے صوبوں سے سوتیلا سلوک خطرناک ثابت ہوسکتا ہے، بلاول

    کراچی : پیپلزپارٹی کے چیئرمین بلاول بھٹو زرداری نے کہا ہے کہ نواز لیگ حکومت کی جانب سے وفاقی پول سے مالیاتی تقسیم میں چھوٹے صوبوں سے سوتیلی ماں جیسا سلوک فیڈریشن کے لیے خطرناک ہو سکتا ہے۔

    ان خیالات کا اظہارانہوں نے سندھ کے وزیر خزانہ مراد علی شاہ کی جانب سے بلاول ہاوٴس میں سندھ بجٹ پر بریفنگ کے دوران کیا۔ صوبائی وزیر خزانہ نے پیپلزپارٹی چیئرمین کو سندھ بجٹ کی کاپیاں بھی پیش کیں اور انہیں صوبائی بجٹ کے اہم نکات پر بریفنگ بھی دی۔

    بلاول بھٹو زرداری نے مزید کہا کہ پیپلزپارٹی ہمیشہ پسماندہ عوام کے لیے جدوجہد کرتی ہے اور پاکستان کو بحیثیت ایک متحد قوم کے آگے بڑھنا اور ترقی کرنا چاہیے، ملک کے کسی بھی حصے کو سیاسی اور مالیاتی معاملات میں نظرانداز کرناصوبوں اور عوام میں بداعتمادی پیدا کرنے کے مترادف ہے۔

    بلاول بھٹو زرداری نے حکومت سندھ کو یہ بھی ہدایت کی کہ سالانہ ترقیاتی پروگرام کی اسکیموں کی وقت پر تکمیل کے لیے رقومات وقت پر جاری کرنے کو یقینی بنایا جائے۔

    انہوں نے کہا کہ تمام وفاق پرست سیاسی قوتوں کو چاہیے کہ وہ نواز حکومت کی جانب سے اپنے خصوصی سیاسی مفادات کے لیے وفاقی اکائیوں کے درمیان نامناسب مالیاتی تقسیم والے عمل کی حوصلہ شکنی کریں۔

     

  • وزیراعلیٰ سندھ نے اورنج لائن بس منصوبے کا سنگِ بنیاد رکھ دیا

    وزیراعلیٰ سندھ نے اورنج لائن بس منصوبے کا سنگِ بنیاد رکھ دیا

    کراچی : وزیر اعلیٰ سندھ نے اورنگی تا ٹاور چلنے والے اورنج لائن بس منصوبے کا سنگ بنیاد رکھ دیا، ان کا کہنا ہے کہ سندھ حکومت نے اپنے وسائل  سے اس منصوبے کا آغاز کیا ہے ،بقایا دو ٹرانسپورٹ منصوبے پبلک پارٹنر شپ کے تحت جلد شروع کیے جائیں گے۔

    اورنگی ٹاؤن ٹی ایم اے پارک میں اورنج لائن کی گراؤنڈ بریکنگ تقریب سے خطاب کرتے ہوئے وزیر اعلیٰ نے کہا کہ پیپلز پارٹی کی حکومت نے کراچی کے عوام کو اُس کا حق دیا اور متعدد منصوبوں کا آغاز کیا جن میں پانی کا بڑا منصوبہ کے فور بھی شامل ہے۔

    انہوں نے کہا کہ ’’کے فور ‘‘منصوبے کی تکمیل سے شہر کی 80 فیصد سے زائد پانی کی ضروریات کو پورا کیا جاسکتا ہے، پی پی کی حکومت عوام دوست حکومت ہے اور ہم عوام کی فلاح و بہبود کے لیے کام کرتے رہیں گے۔

    وزیراعلیٰ سندھ نے کہا کہ ٹرانسپورٹ شہر کا دوسرا بڑا مسئلہ ہے جس کے لیے سندھ حکومت وفاقی حکومت کے ساتھ مل کر اقدامات کررہی ہے اور شہر میں عوام کے لیے 6 ریپڈ بس ٹرانسپورٹ سروسز کا اہتمام کیا جارہا ہے۔

    قائم علی شاہ نے  بتایا کہ وہ شہید ذوالفقار علی بھٹو کے دور میں وزیر ری ہیبلی ٹیشن تھے تو جامعہ کراچی کے چند بہاری طلبا  نے سندھ سیکریٹریٹ میں واقع تغلق ہاؤس میں آکر  ان سے ملاقات کی اور تحفظات کا اظہار کیا جس کے بعد شہید ذوالفقار علی بھٹو نے اورنگی ٹاؤن کے لیے 25 ہزار  ایکڑ زمین مختص کرنے کا اعلان کیا۔

    وزیراعلیٰ نے کہا کہ ابتدائی طور پر اورنج لائن منصوبہ 4 کلومیٹر تک تعمیر کیا جائے گا جس کے بعد اس کے روٹ میں اضافہ کر کے اسے 9 کلومیٹر تک طویل کیا جائے گا۔

    اس موقع پر سیکریٹری ٹرانسپورٹ طہٰ فاروقی نے اس منصوبے کے اغراض و مقاصد بتائے کہ یہ منصوبہ 1.14ارب روپے کی لاگت سے تعمیر کیا جارہا ہے، یہ اصل میں 4 کلو میٹر کا پروجیکٹ ہے، جس کی فی گھنٹہ گنجائش 5 ہزار مسافر ہے۔

    انہوں نے کہا کہ شہر میں چھ مختلف بی آر ٹیز کے مابین کوئی انٹی گریشن کا سسٹم نہیں ہے اور یہ سسٹم ملک میں کہیں بھی موجود نہیں ہے،ایشیائی ترقیاتی بینک(اے ڈی بی) نے کراچی میں ہمارے لیے مختلف بی آر ٹیز کے انٹی گریشن سسٹم کی تیاری کا کام شروع کردیا ہے۔

    سیکریٹری ٹرانسپورٹ نے مزید کہا کہ مختلف بی آر ٹی سسٹمز کی آپریٹنگ سے شہر میں ٹریفک جام، روڈ بلاکس کا خاتمہ ہوجائے گا۔قبل ازیں وزیراعلیٰ سندھ نے اس منصوبے کا سنگ بنیاد رکھا اور اس منصوبے پر آج سے کام کا آغاز ہوگیا۔

  • سندھ حکومت نے بجٹ سے قبل ہی اربوں روپے کے منصوبوں کا اعلان کردیا

    سندھ حکومت نے بجٹ سے قبل ہی اربوں روپے کے منصوبوں کا اعلان کردیا

    کراچی : سندھ کا بجٹ ٹھکانے لگانے کی تیاریاں کرلی گئیں، صوبائی وزیر نے اربوں روپے کے نئے منصوبوں کا اعلان کردیا.

    بجٹ آنے میں چند روز باقی ہیں اتنے بڑے پیمانے پر ترقیاتی منصوبوں کے اعلان پر کئی سوالات اٹھ گئے ہیں ۔ نئے مالی سال کا بجٹ آنے میں چند روز رہ گئے.

    حکومت سندھ نے اربوں روپے مالیت کے کئی منصوبوں کی اچانک منطوری دے دی، کراچی پیکچ کے تحت اٹھارہ سو تیس ملین روپے مختلف منصوبوں پر خرچ کئے جائیں گے۔

    وزیر بلدیات جام خان شورو کے مطابق اسٹار گیٹ سے قائدآباد تک اسی کروڑ روپے کی لاگت سے سڑک تیار کی جائے گی۔ کورنگی 3000 اور پانچ ہزار روڈ پر 12.73بارہ کروڑ تہتر لاکھ روپے کی لاگت سے تعمیر کی جائے گی۔

    کلری اور پکچر نالے کی تعمیر، صفائی اور وسعت کے لئے باون کروڑ روپے مختص کئے گئے ہیں جبکہ ایک ارب اکتیس کروڑ روپے کی لاگت سے مختلف سڑکوں کی تعمیر اور مرمت کی جائے گی۔

    ان سڑکوں کا نام نہیں بتایا گیا، صوبائی وزیر کا یہ بھی کہنا تھا کہ متعدد ترقیاتی کام مکمل ہوچکے ہیں، افتتاح کرنا باقی ہے.

    واضح رہے کہ چند روز قبل اے آر وائی نیوز نے اپنی ایک خبر میں اس بات کا خدشہ ظاہر کیا تھا کہ کہیں چودہ ارب روپے ایسے ہی منصوبوں پر نہ لگا دیئے جائیں جو صرف کاغذوں میں ہوں۔

     

  • اقرارالحسن سےسندھ حکومت کا سلوک نامناسب ہے، چوہدری نثار

    اقرارالحسن سےسندھ حکومت کا سلوک نامناسب ہے، چوہدری نثار

    اسلام آباد : وفاقی وزیرداخلہ چوہدری نثار نے اقرارالحسن کی گرفتاری کانوٹس لے لیا،وزیرداخلہ نے کہا ہے کہ دنیا بھرمیں اسٹنگ آپریشن ہوتےہیں کہیں ایسا سلوک نہیں ہوتا، اے آر وائی کے اینکر اقرارالحسن کی گرفتاری نامناسب ہے۔

    تفصیلات کے مطابق وفاقی وزیرداخلہ چوہدری نثار نے بھی اقرارالحسن کی اسمبلی ہال سے گرفتاری پر تشویش کا اظہار کردیا۔

    چوہدری نثارنے گرفتاری پر اپنے ردعمل کا اظہار کرتے ہوئے کہا کہ دنیا بھرمیں صحافی اسٹنگ آپریشن کرتے ہیں،کہیں ایساسلوک نہیں ہوتا۔

    انہوں  نے کہا کہ اقرارالحسن متحرک اور باصلاحیت صحافی ہیں،اقرارکے کام کو سراہنے کے بجائے سندھ حکومت کاسلوک غیرمناسب ہے۔

    وزیرداخلہ نے مزید کہا کہ وفاقی اور صوبائی حکومتوں کو ایسے اسٹنگ آپریشن پر ناراض نہیں ہوناچاہیئے، بلکہ سبق سیکھ کر رہنمائی حاصل کرنی چاہیئے۔

    چوہدری نثارسیکریٹری داخلہ کو آئی جی سندھ سے بات کرکے معاملے مثبت اندازمیں سلجھانے کی ہدایت کی۔

     

  • سندھ حکومت اور امریکہ کے درمیان سندھ بیسک ایجوکیشن پروگرام کا معاہدہ

    سندھ حکومت اور امریکہ کے درمیان سندھ بیسک ایجوکیشن پروگرام کا معاہدہ

    کراچی : حکومت سندھ اوریوایس ایڈ کے درمیان صو بے کے اٹھ اضلا ع میں معیار تعلیم کو بہتر بنانے کیلئے بیسک ایجو کیشن پروگرام شروع کرنے کا معاہد ہ طے پا گیاہے ۔

    وزیر اعلی سندھ سید قائم علی شاہ نے کہا ہے کہ پرائمری تعلیم کے معیار کو بہتر کرنے کیلئے پروگرام اہم ثابت ہوگا، وزیر اعلی ہاؤس کراچی میں ایک سادہ وپروقار تقریب میں محکمہ تعلیم اور یو ایس ایڈ کے نمائندوں کے درمیان پر وگرام پر دستخط کئے گئے۔

    تقریب میں وزیر اعلی سندھ سید قائم علی شاہ ، آمریکی سفیر ڈیوڈ ہیل ،قونصل جنرل برائن ہیتھ،وزیر تعلیم نثار احمد کھوڑو اور دیگر نے شرکت کی۔

    بیسک ایجوکیشن پروگرام کے تحت خیرپور ، سکھر ،کشمور کندہ کوٹ سمیت اٹھ اضلاع کے ایک سو چھ اسکولز پر کام کیا جائے گا۔

    معاہدے کے مطابق ایک سو پینسٹھ ملین ڈالر کی لاگت سے یہ پروگرام پانچ سالوں میں مکمل کیا جائے گا۔اس موقع پر وزیر اعلیٰ سندھ سید قائم علی شاہ کا کہنا تھا کہ جب ہم حکومت میں آئے تو تعلیمی اداروں خصوصاً پرائمری اسکولوں کی حالت بہت خراب تھی۔

    پیپلزپارٹی کی حکومت نے بہت جدوجہد کی توکچھ بہتری آئی۔ انہون نے کہاکہ سندھ حکومت کوتعلیمی معیار کو بہتر کرنے کیلئے ابھی بہت کچھ کرنا باقی ہے۔

    پاکستان میں مقیم آمریکی سفیرڈیوڈ ہیل نے کہا کہ آمریکا پاکستان میں تعلیم کے فروغ کے لئے خصوصی توجہ دے رہا ہے، ایک سو چھ اسکولز میں فری تعلیم دی جائے گی۔

    سنیئر وزیر تعلیم نثار احمد کھوڑو کا کہنا تھا کہ ہم یوایس ایڈ کے شکر گزار ہیں کہ سندھ میں فروغ تعلیم کے لئے ہمارا ہاتھ بٹا رہے ہیں،بیسک ایجوکیشن پروگرام سندھ میں نئے اسکول تعلیم کے فروغ میں اہم کردار ادا کریں گے۔

  • سندھ حکومت نےعزیربلوچ کے لئے جے آئی ٹی تشکیل دے دی

    سندھ حکومت نےعزیربلوچ کے لئے جے آئی ٹی تشکیل دے دی

    کراچی : سندھ حکومت نے عدلیہ کے حکم پرعزیربلوچ سے تحقیقات کےلئے جے آئی ٹی بنادی۔

     تفصیلات کے مطابق وزیر اعلیٰ سندھ نے لیاری گینگ وار کے سرغنہ عزیر بلوچ سے تحقیقات کیلئے جے آئی ٹی تشکیل دے دی۔

    محکمہ داخلہ سندھ نے نوٹفکیشن جاری کردیا۔ جوائنٹ انویسٹی گیشن ٹیم کا سربراہ ایس ایس پی سطح کا افسر ہوگا، ممبران میں آئی ایس آئی، ایم آئی، آئی بی، رینجرز، کاؤنٹرٹیریزم ڈپارٹمنٹ، اسپیشل برانچ کے افسران شامل ہوں گے۔

    ، محکمہ داخلہ سندھ کی جانب سے عزیر بلوچ سے تحقیقات کیلئے جے آئی ٹی کی تشکیل کے لئے وزیراعلی سندھ سید قائم علی شاہ کو سمری ارسال کی گئی تھی جو منظور کر لی گئی۔

    ، جوائنٹ انویسٹی گیشن ٹیم کالعدم لیاری گینگ وار کے سربراہ عزیر بلوچ سے تحقیقات کرکے اپنی رپورٹ سات روز میں محکمہ داخلہ سندھ کو پیش کرے گی۔

    انسداد دہشت گردی کی منتظم عدالت کے جج نے سندھ حکومت کو پندرہ روز میں جے آئی ٹی تشکیل دینے کا حکم دیا تھا۔

  • وفاق کوسندھ حکومت کی سمری مسترد کرنے کااختیارنہیں، قمر زمان کائرہ

    وفاق کوسندھ حکومت کی سمری مسترد کرنے کااختیارنہیں، قمر زمان کائرہ

    لاہور: پیپلز پارٹی کے رہنما قمر زمان کائرہ نے کہا ہے کہ وفاقی حکومت کے پاس سندھ حکومت کی سمری مسترد کرنے کا کوئی اختیار نہیں، آئینی مینڈیٹ کے ذریعے اداروں کو کام کرنے دیا جائے۔

    لاہور میں میڈیا سے گفتگو کرتے ہوئے قمر زمان کائرہ نے کہا کہ وزیر اعظم خود کو بادشاہ سمجھ رہے ہیں کہ وہ جو چاہیں فیصلہ کرتے پھریں، رینجرز کے سندھ اور دیگر صوبوں کے حوالے سے تضادات پر سب کی نظر ہے، فوج، رینجرز سمیت تمام ادار ے اپنی حدود میں رہ کر کام کریں تو بہتر ہے۔

    قمر زمان کائرہ نے کہا کہ آئینی حکومت کو ڈکٹیٹ نہیں کرنا چاہیے، وزیر داخلہ اگر پریس کانفرنس نہ کرتے تو معاملہ اتنا خراب نہ ہوتا۔

    انھوں نے کہا آئینی مینڈیٹ کے ذریعے اداروں کو کام کرنے دیا جائے۔۔ماضی میں بھی عدالتوں کو ہمارے خلاف استعمال کیا گیا ہے۔

  • US AID سندھ حکومت کے درمیان صحت کی سہولیات فراہم کرنے کے منصوبے کا معاہدہ

    US AID سندھ حکومت کے درمیان صحت کی سہولیات فراہم کرنے کے منصوبے کا معاہدہ

    کراچی: امریکی ادارہ برائے بین الاقوامی ترقی(USAID)کے مشن ڈائریکٹرجان گرورکی اور حکومت ِسندھ کے محکمہ صحت اور بہبود آبادی کے سیکریٹریزسعید احمد منگنیجو اورمحمد سلیم رضانے USAIDکے ماں اور بچے کی صحت کے منصوبے کے نفاذ کیلئےمفاہمتی یاداشت پر دستخط کئے۔

    معاہدے کے تحت USAIDاور سندھ حکومت صوبے کے 15اضلاع میں80فیصد خاندانوں کوماں اور بچے کی صحت اور خاندانی منصوبہ بندی کی معیاری سہولیات فراہم کریںگے۔

    معاہدے پر دستخط کی تقریب سے خطاب کرتے ہوئے کراچی میں متعین امریکی قونصل جنرل برائن ہیتھ کا کہنا تھا کہ گذشتہ 50سال سے USAID پاکستانی عوام کو صحت کی معیاری سہولیات فراہم کرنے کیلیے کوشاں ہے۔USAID کے ماں اور بچے کی صحت کے منصوبے کابنیادی مقصد زچگی اور پیدائش کے دوران اموات کو روکنا ہے۔

    USAID کے مشن ڈائریکٹرجان گرورکی نے پاکستان اور امریکا کے درمیان جاری تعاون پر روشنی ڈالی۔ان کا کہنا تھا کہ امریکی اور پاکستانی حکومت ملک بھر میں صحت کی سہولیات کے معیار میں بہتری کیلیے کوشش کر رہی ہیں۔وزیر صحت سندھ جام مہتاب ڈاہرنے صوبے میں صحت کی سہولیات میں بہتری کیلیے USAID کی کاوشوں کو سراہا۔

    امریکی ادارہ برائے بین الاقوامی ترقی(USAID) کے پاکستان میں جاری دیگر منصوبوں کے بارے میں مزید جاننے کیلیے وزٹ کریں:www.usaid.gov/pakistan