کراچی : سندھ اسمبلی کے اراکین کی تنخواہوں میں 3 لاکھ روپے اضافے کا امکان ہے، جس کے بعد ایم پی اے کی تنخواہ 4 لاکھ 50 ہزار روپے سے زائد ہوجائے گی۔

تفصیلات کے مطابق اسپیکر سندھ اسمبلی اویس قادر شاہ کی صدارت میں اراکین سندھ اسمبلی کی تنخواہوں میں اضافے کے لیے اجلاس ہوا۔

اجلاس میں وزیر داخلہ سندھ ضیا الحسن لنجار، اپوزیشن لیڈر اور دیگر شریک ہوئے ، جس میں تمام صوبوں کے اراکین اسمبلی کی تنخواہوں کا جائزہ لیا گیا اور تنخواہوں میں اضافے پر غور کیا گیا۔

اجلاس میں اراکین کی تنخواہوں میں تین لاکھ روپے اضافے کا فیصلہ کرلیا گیا ہے۔

ذرائع نے بتایا کہ پارلیمانی کمیٹی نے ایم پی اے کی تنخواہ 4 لاکھ 50 ہزار روپے سے زائد کرنے کی منظوری دے دی ہے، جس کے بعد اسمبلی کے اراکین کی تنخواہیں پنجاب اور بلوچستان کے ممبران کے برابر ہو جائیں گی۔

مزید پڑھیں : سندھ اسمبلی کے ارکان کی تنخواہیں اور مراعات بڑھ گئیں، بل اتفاق رائے سے منظور

پارلیمانی کمیٹی کی جانب سے ترمیم کی منظوری کے بعد اسے سندھ اسمبلی سے حتمی منظوری کے لیے پیش کیا جائے گا۔

قبل ازیں اراکین کی ماہانہ تنخواہ ایک لاکھ 60 ہزار روپے تھی، حکام کے مطابق یہ اقدام اراکین کی مراعات میں یکسانیت اور صوبائی اسمبلیوں کے درمیان ہم آہنگی کے لیے کیا جا رہا ہے۔

یاد رہے رواں ماہ ہی صوبائی اسمبلی میں ارکان کی تنخواہوں اور الاؤنس میں اضافے کا بل منظور اتفاق رائے سے منظور کیا گیا تھا۔

کراچی : سندھ اسمبلی کی خصوصی کمیٹی کے اراکین نے سی ای اوکے الیکٹرک مونس علوی پربرہمی کااظہار کرتے ہوئے کہا طے ہوا تھا رات کی لوڈ شیڈنگ نہیں ہوگی تو شیڈول کس کی اجازت سے تبدیل ہوا۔

تفصیلات کے مطابق سندھ اسمبلی کی لوڈشیڈنگ سے متعلق خصوصی کمیٹی کا اجلاس ہوا، اجلاس چیئرمین خصوصی کمیٹی فیاض بٹ کی زیر صدارت ہوا۔

اجلاس میں اسپیکر سندھ اسمبلی اویس قادر شاہ ، سی ای او کے الیکٹرک مونس علوی سمیت دیگر شریک ہوئے جبکہ حیدرآباد و سکھر الیکٹرک سپلائی کمپنی کے ذمہ داران نے شرکت کی۔

سی ای او کے الیکٹرک کے پہنچنے سے قبل اجلاس میں گرما گرمی رہی، کمیٹی ارکان نے کہا کہ سی ای او کے الیکٹرک نہ پہنچتے تو شوکاز دیتے۔

کمیٹی اراکین نے سی ای او کے الیکٹرک مونس علوی نے سوال کیا قانون کیا ہے؟ کس قانون کے تحت لوڈشیڈنگ ہوتی ہے؟ رولزکےتحت آپ کس طرح لوڈ شیڈنگ کرتے ہیں قانون بتائیں،سی ای او کےالیکٹرک نے بتایا کہ ہم لائن لاسزکی وجہ سے لوڈ شیڈنگ کرتے ہیں۔

جس پر کمیٹی اراکین نے کہا کہ لائن لاسزکوچھوڑیں قانون بتائیں ؟ تو دونوں اداروں کےسربراہان جواب دینے سے قاصررہے۔

اجلاس میں لیاقت آباد سے منتخب ایم پی اے معاذ محبوب نے سی سی او مونس علوی سے مکالمے میں کہا کہ جب لوڈشیڈنگ کا شیڈول جاری کردیا اس کے بعد بجلی بند کرنے کا جواز نہیں، غیر قانونی لوڈشیڈنگ پر کے الیکٹرک حکام کیخلاف ایف آئی آرہونی چاہیے۔

مونس علوی نے سوال کیا کہ کیا آپ بجلی کی چوری کےخلاف بھی ایف آئی آر درج کرائیں گے؟ تو معاذمحبوب کا کہنا تھا کہ بجلی کی چوری کے خلاف آپ کےساتھ ہیں ، غیراعلانیہ لوڈشیڈنگ توروکیں۔

اسپیکر سندھ اسمبلی اویس قادر شاہ نے کہا کہ تمام کمپنیوں کو لوڈشیڈنگ کا شیڈول دینا ہوگا۔

دوران اجلاس اراکین اسمبلی نے سی ای او کے ای مونس علوی پر برہمی کا اظہار کیا ، محمد فاروق نے کہا کہ گزشتہ اجلاس میں طے ہوا تھا کہ رات کی لوڈ شیڈنگ نہیں ہوگی، شیڈول کب اور کیسے کس کی اجازت سے تبدیل ہوا۔

مونس علوی نے بتایا کہ ہیٹ ویو 45 ڈگری پر لوڈ شیڈنگ نہیں کرتے تو محمد فاروق کا کہنا تھا کہ کراچی میں 45 ڈگری درجہ حرارت کب ہوا ہے۔

سی ای او کے ای نے کہا کہ جماعت اسلامی والوں کو ہم سےکچھ زیادہ محبت ہے، جس پر ، محمد فاروق نے بتایا کہ جماعت اسلامی غور کررہی ہے کہ ڈسٹری بیوشن کمپنی لے آئیں۔

خصوصی کمیٹی برائے توانائی کا اجلاس میں سی ای او کےالیکٹرک مونس علوی کے غیر سنجیدہ رویے پر اراکین نے برہمی کا اظہار کیا۔

بلقیس مختار نے کہا کہ کے الیکٹرک کا سی ای او سنجیدہ نہیں اور پوائنٹ نوٹ نہیں کررہے، سجاد سومرو کا کہنا تھا کہ آپ بار بار موبائل استعمال کررہے ہیں اب مت کیجیے گا۔

سعدیہ جاوید کا بھی کہنا تھا کہ گزشتہ اجلاس میں کے الیکٹرک حکام نے ایم پی اے پرسخت جملے استعمال کئےتھے، اس عمل پر معافی مانگیں یا ورنہ اجلاس سے باہر نکالیں۔

مونس علوی نے ادارے کی طرف سے اراکین اسمبلی سے معذرت کی۔

سی ای او کے الیکٹرک نے بجلی چوری روکنے میں اپنی ناکامی تسلیم کرلی اور کہا جن علاقوں میں بجلی چوری ہوتی ہے وہاں کارروائی کی جائے، ہم وہاں کنکشن نہیں کاٹ پاتے۔

اسماعیلی کمیونٹی کے روحانی پیشوا پرنس کریم آغا خان کی تمام جائیداد کی منتقلی سے متعلق اہم قرارداد سندھ اسمبلی میں منظور کی گئی ہے۔

اے آر وائی نیوز کے مطابق سندھ اسمبلی میں پرنس کریم آغا خان کی جائیداد کی منتقلی سے متعلق قرارداد منظور کی گئی ہے جسمیں کہا گیا ہے کہ پرنس کریم آغا خان کی تمام جائیداد آغا خان جماعت اور ان کے سربراہ کو منتقل ہوگی۔

قرارداد کے متن میں کہا گیا ہے کہ پرنس کریم آغا خان نے سندھ میں صحت، ثقافت کے لیے گراں قدر خدمات انجام دیں۔ پرنس رحیم آغا خان جماعت کے سربراہ ہونے کے ناطے تمام جانشینوں کے وارث ہیں۔

قرارداد میں کہا گیا ہے کہ پرنس کریم آغا خان کی جائیداد ان کی جماعت اور سربراہ کو منتقل کرنے کے لیے کسی قانونی دستاویزات اور سرٹیفکیٹ کی ضرورت نہیں ہے۔

قرارداد کے مطابق سندھ آغا خان پراپرٹی بل کا اطلاق سندھ بھر میں 4 فروری سے ہوگا اور اس جائیداد کی منتقلی کو کسی بھی عدالت میں چیلنج نہیں کیا جا سکے گا۔

واضح رہے کہ پرنس کریم آغا خان رواں برس 4 فروری کو لزبن میں انتقال کر گئے تھے۔ ان کے بعد پرنس رحیم آغا خان کو اسماعیلی کمیونٹی کے نئے روحانی پیشوا بنے ہیں۔

متحدہ قومی موومنٹ پاکستان کی جانب سے علی خورشیدی کو سندھ اسمبلی میں اپوزیشن لیڈر بنانے کا فیصلہ کرلیا گیا۔

تفصیلات کے مطابق ذرائع کا کہنا ہے کہ ایم کیو ایم پاکستان ایڈہاک کمیٹی اجلاس میں علی خورشیدی کو سندھ اسمبلی میں اپوزیشن لیڈر کے لیے نامزد کیا گیا۔

علی خورشیدی پی ایس 119 سے رکن سندھ اسمبلی منتخب ہوئے ہیں۔ وہ 2018 میں ایم کیو ایم کی طرف سے پارلیمانی لیڈر بھی رہ چکے ہیں۔

واضح رہے کہ اس سے قبل مراد علی شاہ کے مقابل علی خورشیدی ایم کیو ایم کی جانب سے وزیراعلیٰ کے بھی امیدوار تھے۔

کراچی : سندھ اسمبلی کے اطراف سیاسی جماعتوں کے ممکنہ احتجاج کے پیش نظر مختلف شاہراہیں کنٹینرز رکھ کر بند کردی گئیں۔

تفصیلات کے مطابق سندھ اسمبلی کے اطراف سیاسی جماعتوں کے ممکنہ احتجاج کے پیش نظر ٹریفک پلان جاری کردیا گیا ہے۔

سندھ اسمبلی کی جانب جانے والی شاہراہیں کنٹینرز رکھ کربند کردی گئیں جبکہ برنس روڈ سے سندھ اسمبلی جانے والی سڑک پربھی کنٹینررکھ دیا گیا ہے۔

ٹریفک پولیس کا کہنا ہے کہ فوارہ چوک اور سندھ کلب آنےوالی ٹریفک ایم آرکیانی چوک نہیں جائےگی جبکہ صدر سے آنے والی ٹریفک کا بھی ایم آرکیانی چوک کی طرف داخلہ بند ہے۔

ٹریفک پولیس نے بتایا ہے کہ شاہین چوک سے آنے والی ٹریفک کو ایم آرکیانی چوک جانے نہیں دیا جائے گا ، ٹریفک کو ایوان صدرکھجور چوک کی طرف موڑاجائےگا۔

اردو بازار چوک سے کورٹ روڈ جانے والی ٹریفک کومتبادل راستوں پرموڑاجائے گا ، اردوبازارچوک سےٹریفک فریسکوچوک،ریگل کی طرف موڑی جائےگی جبکہ ٹریفک کوکھجورچوک یاپاکستان چوک کی طرف موڑدیاجائےگا۔