نیویارک: گورنر سندھ کامران ٹیسوری نے سندھ اور نیویارک کو جڑواں اسٹیٹ قرار دینے کی تجویز دی ہے۔
چیئرمین امریکن پاکستانی پبلک افیئرز کمیٹی ڈاکٹر اعجاز احمد نے گورنر سندھ کامران ٹیسوری کے اعزاز میں استقبالیہ دیا جس میں نیویارک اسٹیٹ اسمبلی کے ڈپٹی اسپیکر فِل راموس نے بھی اس استقبالیے میں شرکت کی۔
ملاقات کے دوران گورنر سندھ کامران ٹیسوری نے سندھ اور نیویارک کو جڑواں اسٹیٹ قرار دینےکی تجویز کی جس پر ڈپٹی اسپیکر نیویارک اسٹیٹ اسمبلی فِل راموس نے تجویر پر مزید بات کرنے پر اتفاق کیا۔
نیویارک اسٹیٹ اسمبلی کا وفد جلد اس حوالے سے صوبہ سندھ کادورہ کرے گا۔
گورنرسندھ نے کہا کہ دونوں اسمبلیوں میں سندھ اور نیویارک کو سسٹر اسٹیٹس بنانیکی قرارداد پیش ہوگی، سندھ اور نیویارک کی جامعات، اسپتالوں، تحقیقی اداروں میں تعاون فروغ پائےگا، طلباکے وفود کے تبادلوں اور ذہین طلباکیلئے اسکالرشپس کا راستہ بھی ہموار ہوگا۔
گورنر سندھ کامران ٹیسوری کا کہنا تھا کہ ساحلی شہر اور تجارتی مراکز ہونا کراچی اور نیویارک میں مشترک ہے، کراچی کو دارالخلافہ ہونے کا اعزاز بھی حاصل رہا ہے۔
گورنر سندھ کے اعزاز میں امریکن پاکستانی پبلک افیئرز کمیٹی کے چیئرمین اعجاز احمد نے استقبالیہ بھی دیا۔