Tag: سندھ بلڈنگ کنٹرول اتھارٹی

کراچی : سندھ حکومت نے لیاری میں عمارت حادثے کے بعد سندھ بلڈنگ کنٹرول اتھارٹی (ایس بی سی اے ) میں 38 نئے افسران اور ملازمین کی تعیناتی کردی۔

تفصیلات کے مطابق سندھ حکومت نے سندھ بلڈنگ کنٹرول اتھارٹی (ایس بی سی اے ) میں نئے ڈی جی کے بعد مزید افسران اور ملازمین کی تعیناتی کردی گئی۔

سندھ حکومت نے عمارت حادثہ کے بعد ایس بی سی اے میں نئے افسران و ملازمین کا تبادلہ کیا۔

سندھ بلڈنگ کنٹرول اتھارٹی میں سیہون ڈویلپمنٹ اتھارٹی کے 38 افسران و ملازمین کی انٹری ہوئی، 38 ملازمین ایس بی سی اے ایڈمن آفس پہنچ گئے۔

افسران و ملازمین میں گریڈ 2 سے گریڈ 18 تک کے ملازمین شامل ہیں ، ایس بی سی اے میں نئے افسران و ملازمین کو جوائنگ دے دی گئی۔

محکمہ بلدیات سندھ کی جانب سے تبادلے کا نوٹیفکیشن جاری کردیا ہے، نئے افسران و ملازمین کی انٹری سے موجودہ عملہ تشویش کا شکار ہے۔

قانونی ماہرین کا کہنا ہے کہ دوسرے ادارے سے ملازمین کی تعیناتی عدالتی احکامات کی خلاف ورزی ہے، سپریم کورٹ کی جانب سے ڈیپوٹیشن پر پابندی عائد ہے۔

کراچی : پولیس نے لیاری بلڈنگ گرنے کے واقعے میں سندھ بلڈنگ کنٹرول اتھارٹی (ایس بی سی اے) بلڈنگ پر چھاپہ مار کر متعدد اعلیٰ افسران کو حراست میں لے لیا۔

تفصیلات کے مطابق سندھ بلڈنگ کنٹرول اتھارٹی (ایس بی سی اے) بلڈنگ پر پولیس نے چھاپہ مارا اور اس دوران متعدد اعلیٰ افسران حراست میں لیے گئے۔

ذرائع ایس بی سی اے نے بتایا کہ میٹنگ کے دوران ڈی جی ایس بی سی اےکی موجودگی میں افسران کو حراست میں لیا گیا۔

ایڈیشنل ڈی جی عرفان نقوی، ڈائریکٹراشفاق کھوکھو، ڈائریکٹراسٹرکچرفہیم مرتضیٰ ، ڈپٹی ڈائریکٹر عاصم خان، فہیم صدیقی، انسپکٹرذوالفقارشاہ ، ڈائریکٹر انڈسٹریز جلیس صدیقی، اسسٹنٹ ڈائریکٹر ظفر حراست میں لینے والوں میں شامل ہیں۔

ذرائع کا کہنا تھا کہ سابق ڈائریکٹر آصف رضوی کو اجلاس میں بلا کر حراست میں لیا گیا، اجلاس میں 2021 سے 2025 تک غیر قانونی طور سے بنائے گئے اضافی پورشنز کی تعمیرات پر بات چیت کی جارہی تھی۔

مزید پڑھیں : لیاری میں عمارت گرنے کا واقعہ، ڈی جی سندھ بلڈنگ کنٹرول اتھارٹی کو عہدے سے ہٹا دیا گیا

ذرائع کے مطابق افسران اور بلڈرز کے خلاف بغدادی تھانے میں ایف آئی آر درج کی گئی ہے، حراست میں لئے گئے افسران کا تعلق لیاری ڈویڑن اور ساوتھ زون سے ہے۔

ذرائع نے بتایا کہ تمام افسران کو لیاری میں غیر قانونی تعمیرات کے حوالے سے حراست میں لیا گیا ہے۔

یاد رہے سندھ حکومت نے لیاری عمارت گرنے کے واقعے پر اسحاق کھوڑو کیخلاف محکمہ جاتی کارروائی شروع کی تھی۔

ڈی جی سندھ بلڈنگ کنٹرول اتھارٹی ( ایس بی سی اے ) محمد اسحاق کھوڑو کو عہدے سے ہٹا دیا گیا اور نوٹیفکیشن جاری کردیا گیا تھا۔

محمد اسحاق کھوڑو کی جگہ شاہ میر خان بھٹو نئے ڈی جی ایس بی سی اے تعینات کر دیے گئے تھے۔

کراچی : سندھ بلڈنگ کنٹرول اتھارٹی کے تین گھنٹے میں دوڈی جی تبدیل کردیے گئے، ڈی جی ایس بی سی اےکی باربار تبدیلی سےمحکمے کے افسران بھی پریشان ہیں۔

تفصیلات کے مطابق سندھ بلڈنگ کنٹرول اتھارٹی میں 3 گھنٹے کے اندر ایک اور ڈی جی ایس بی سی اے کو تبدیل کردیا گیا۔

پہلے یاسین شر بلوچ کو ڈی جی ایس بی سی اے تعیناتی کا نوٹی فکیشن جاری کیا گیا اور پھرتین گھنٹے بعد یاسین شر کی تعیناتی کا نوٹی فکیشن واپس لے کر نیا نوٹی فکیشن جاری کردیا۔

نئے نوٹی فکیشن میں اکیس گریڈ کے افسر عبدالرشید سولنگی کو نیا ڈی جی ایس بی سی اے تعینات کر دیا گیا،اس حوالے سے محکمہ سروسز جنرل اینڈایڈمنسٹریشن نےنوٹی فکیشن جاری کردیا ہے، عبد الرشید سولنگی سیکریٹری انڈسٹریز کے طور پر خدمات انجام دے رہے تھے۔

پہلے سے تعینات ڈی جی ایس بی سی اے اسحاق کھوڑو کو سروسز اینڈ ایڈمنسٹریشن ڈپارٹمنٹ رپورٹ کرنے کی ہدایت کی گئی۔

ڈی جی ایس بی سی اے کی بار بار تبدیلی سے محکمے کے افسران بھی پریشان ہیں۔

کراچی : سندھ بلڈنگ کنٹرول اتھارٹی کے تین افسران کو بھتہ لینے کے الزام میں گرفتار کرکے پریڈی تھانے میں مقدمہ درج کرلیا گیا ہے۔

تفصیلات کے مطابق سندھ بلڈنگ کنٹرول اتھارٹی کے تین افسران کو بھتہ لینے کے الزام میں گرفتار کرلیا گیا تاہم ایک افسر فرار ہوگیا۔

پولیس نے بتایا کہ گرفتار ملزمان میں ایس بی سی اے کے تین سینئر بلڈنگ انسپکٹر شامل ہیں تاہم ملزمان کے خلاف پریڈی تھانےمیں مقدمہ درج کرلیا گیا ہے۔

مقدمہ میں اے ٹی اے اور بھتہ خوری کی دفعات شامل کی گئی ہیں، ملزمان نے بلڈرسے چالیس لاکھ روپے بھتہ طلب کیا تھا۔

یاد رہے گزشتہ سال سندھ ہائی کورٹ نے کراچی کے نارتھ ناظم آباد بلاک سی میں غیر قانونی تعمیرات سے متعلق کیس میں بلڈر، پلاٹ کے مالک اور سندھ بلڈنگ کنٹرول اتھارٹی کے اہلکاروں کے خلاف ایف آئی آر درج کرنے کا حکم دیا تھا۔

دوران سماعت سربمہر عمارت ڈی سیل کرکے تعمیرات پر عدالت نے سخت برہمی کا اظہار کرتے ہوئے غیر قانونی تعمیرات پر ڈپٹی ڈائریکٹر ایس بی سی اے سینٹرل کو جھاڑ پلادی تھی۔

کراچی : سندھ بلڈنگ کنٹرول اتھارٹی میں سمندری طوفان بپرجوائے کے پیش نظر ایمرجنسی نافذ کرتے ہوئے عملے کی چھٹیاں منسوخ کردی گئیں۔

تفصیلات کے مطابق سمندری طوفان کے پیش نظر سندھ بلڈنگ کنٹرول اتھارٹی میں ایمرجنسی نافذ کردی گئی اور عملے کی چھٹیاں منسوخ کرکے نگرانی کیلئے سات فوکل پرسن تعینات کر دیے گئے۔

انتہائی مخدوش قرار دی گئی چالیس میں سے دس عمارتوں کو خالی کرا کر سیل کر دیا گیا جبکہشہر کے مختلف علاقوں میں ایس بی سی اے کی ٹیمیں مخدوشد عمارتوں کو سیل اور خالی کرانے میں مصروف عمل ہیں۔

یاد رہے کراچی میں سمندری طوفان کے پیش نظر ضلع جنوبی کے پچپن خاندانوں کو مخدوش عمارتوں سے محفوظ مقامات پر منتقل کردیا گیا۔

وزیر اعلیٰ سندھ مرادعلی شاہ کو مخدوش عمارتوں کے متعلق بتایا گیا تھا کہ آرام باغ سے اٹھائیس، لیاری سے چوبیس، گارڈن سے دو اور صدر سے ایک خاندان کو مخدوش عمارتوں سے نکالا گیا۔

وزیر اعلیٰ سندھ نے کمشنر کراچی، ایڈیشنل آئی جی پولیس سمیت ڈاکٹرز، ڈیزاسٹرمینجمنٹ اور دیگر اداروں کو چوکنا رہنے کی ہدایت کرتے ہوئے کہا تھا کہ عوام کی جان و مال کی حفاظت ہماری ذمہ داری ہے۔