ARYNews.tv | Urdu – Har Lamha Bakhabar

Tag: سندھ حکومت

  • سندھ حکومت کا مرتضیٰ وہاب کو ایڈمنسٹریٹرکراچی لگانے کا فیصلہ

    سندھ حکومت کا مرتضیٰ وہاب کو ایڈمنسٹریٹرکراچی لگانے کا فیصلہ

    کراچی : سندھ حکومت نے مرتضیٰ وہاب کو ایڈمنسٹریٹرکراچی لگانے کا فیصلہ کرتے ہوئے کہا ہے کہ بیرسٹرمرتضیٰ وہاب کو کراچی کی رونقیں بحال کرنے کا ٹاسک سونپ دیا گیا۔

    تفصیلات کے مطابق سندھ حکومت نے ایڈمنسٹریٹر کراچی تبدیل کرنے کا فیصلہ کرلیا ،ذرائع کا کہنا ہے کہ چیئرمین پیپلز پارٹی بلاول بھٹو کی ہدایت پر مرتضیٰ وہاب کو ایڈمنسٹریٹرکراچی لگایا جائے گا۔

    آئندہ ہفتے بیرسٹر مرتضیٰ وہاب کی تقرری کانوٹیفکیشن جاری ہونےکا امکان ہے ۔ بیرسٹرمرتضیٰ وہاب کو کراچی کی رونقیں بحال کرنے کا ٹاسک سونپ دیا گیا ہے اور کے ایم سی کا تباہ حال نظام درست کی ہدایت دے دی گئی ہیں۔

    یاد رہے گذشتہ سال ستمبر میں کمشنر کراچی افتخار شلوانی کو میئر کراچی وسیم اختر کی مدت ملازمت ختم ہونے پر انہیں ایڈمنسٹریٹر کراچی کی اضافی ذمہ داریاں تفویض کی گئی تھیں۔

    بعد ازاں دسمبر 2020 میں سندھ حکومت نے کراچی کے کمشنراور ایڈمنسٹریٹر افتخارشلوانی کو تبدیل کرتے ہوئے لئیق احمد کو کراچی کا نیا ایڈمنسٹریٹر تعینات کردیا گیا تھا۔

  • ‘رواں ماہ سے سرکاری ملازمین کو 20 فیصد اضافی تنخواہ ملے گی’

    ‘رواں ماہ سے سرکاری ملازمین کو 20 فیصد اضافی تنخواہ ملے گی’

    کراچی : سندھ حکومت نے سرکاری ملازمین کی تنخواہوں میں20 فیصد اضافے کا نوٹیفکیشن جاری کردیا ، اضافے کا اطلاق جولائی کی تنخواہ سے ہوگا۔

    تفصیلات کے مطابق سندھ حکومت نے تنخواہوں میں 20فیصد اضافے کا نوٹیفکیشن جاری کردیا ، محکمہ خزانہ سندھ نے سرکاری ملازمین کی تنخواہوں میں اضافے کا حکم نامہ جاری کیا ، جس میں کہا گیا ہے کہ ایڈہاک ریلیف الاؤنس کا اطلاق جولائی کی تنخواہ سے ہوگا۔

    خیال رہے بجٹ میں سرکاری ملازمین کی تنخواہوں میں 20 فیصداضافے کا اعلان کیا گیا تھا۔

    یاد رہے سندھ حکومت نے عید الاضحی سے پہلے سرکاری ملازمین کو تنخواہیں اور پنشن ادا کرنے کا فیصلہ کرتے ہوئے تمام متعلقہ سرکاری محکموں کو تنخواہیں اور پنشنز 16جولائی تک جاری کرنے کی ہدایت کردی ہے۔

  • بڑے پیمانے پرافغانیوں کی پاکستان کی طرف ہجرت کا امکان ، سندھ کا وفاق سے بڑا مطالبہ

    بڑے پیمانے پرافغانیوں کی پاکستان کی طرف ہجرت کا امکان ، سندھ کا وفاق سے بڑا مطالبہ

    کراچی : سندھ حکومت نے بڑے پیمانے پرافغانیوں کی پاکستان کی طرف ہجرت کے پیش نظر وفاق سے افغان مہاجرین کیلئے فاٹا، کے پی اور پنجاب میں کیمپس لگانے کا مطالبہ کردیا۔

    تفصیلات کے مطابق صوبائی وزیر اسماعیل راہو  کی جانب سے بیان میں کہا گیا ہے کہ بڑے پیمانے پرافغانیوں کی پاکستان کی طرف ہجرت کا امکان ہے، ممکنہ افغان خانہ جنگی کے پیش نظرنقل مکانی روکنے کیلئے بارڈر سیل کئے جائیں۔

    اسماعیل راہو کا کہنا تھا کہ نقل مکانی ناگزیرہوتوافغانستان سے ملحقہ علاقوں تک محدود رکھاجائے اور افغان پناہ گزین کیلئےفاٹا،پنجاب،کےپی میں کیمپس لگائےجائیں۔

    ان کا کہنا تھا کہ سندھ خاص طور پر کراچی پر پہلے ہی تیزی سے بڑھتی آبادی کا دباؤ ہے اور کراچی پہلے ہی امن امان، بجلی، گیس، پانی اور روزگار جیسے مسائل کا شکارہے، سندھ مزید کسی بڑی ہجرت کا متحمل نہیں ہو سکتا۔

    صوبائی وزیر نے مزید کہا کہ وفاق سے فنڈز نہ ملنےسےسندھ حکومت پہلےہی مالی وسائل کاشکارہے، اب سندھ کسی کا بوجھ برداشت نہیں کرسکتا ۔

  • سندھ حکومت کا کاٹن آئل سیڈ اور کپاس پر سیلز ٹیکس واپس لینے کا مطالبہ

    سندھ حکومت کا کاٹن آئل سیڈ اور کپاس پر سیلز ٹیکس واپس لینے کا مطالبہ

    کراچی : سندھ حکومت نے جننگ فیکٹریز پر لگائے گئے سیلزٹیکس واپس لینے کا مطالبہ کرتے ہوئے کہا جننگ اورکاٹن آئل سیڈپرسیلز ٹیکس لگانے سے انتہائی نقصان ہوگا۔

    تفصیلات کے مطابق وزیرزراعت اسماعیل راہو کی جانب سے بیان میں کہا گیا ہے کہ وفاقی حکومت کی جانب سے کاٹن آئل سیڈ اور کپاس پر 17 فیصد سیلز ٹیکسز واپس لیا جائے، پہلے نالائق حکومت نے کپاس پر10 فیصد ٹیکس لگایا اور اب 17فیصدکر دیا۔

    اسماعیل راہو کا کہنا تھا کہ نیازی سرکار کی غلط پالیسیوں نےپہلے ہی زراعت کوبہت نقصان پہنچایا ، جننگ فیکٹریز پر پہلے کبھی بھی سیلز ٹیکس نہیں رہا،یہ کارنامہ سلیکٹڈ کا ہے۔

    صوبائی وزیر نے کہا کہ دنیا میں کپاس کی صنعت پرجننگ کےمرحلےتک ٹیکس نہیں ہے، جننگ کےبعدکےمراحل پرٹیکس عائدہوتاہے، 5سال پہلےکپاس کی پیداوارمیں پاکستان دنیامیں چوتھےنمبرپرتھا، 5 سال پہلے 1300 جننگ فیکٹریز تھیں اور اب 440 رہ گئی ہیں۔

    ان کا کہنا تھا کہ جننگ اورکاٹن آئل سیڈپرسیلز ٹیکس لگانےسےانتہائی نقصان ہوگا، نالائق حکمرانوں کایہ فیصلہ بے روزگاری کا ایک اورسونامی لے آئے گا۔

  • کورونا ویکسینیشن ، سندھ حکومت نے بیرون ملک جانے والوں کی بڑی مشکل آسان کردی

    کورونا ویکسینیشن ، سندھ حکومت نے بیرون ملک جانے والوں کی بڑی مشکل آسان کردی

    کراچی : محکمہ صحت سندھ نے تعلیم، تجارت، مذہبی رسومات اور دیگر غرض سے بیرون ملک جانے والوں کی ویکسینیشن کیلیے گیریز ویزا سروس کے ساتھ معاہدہ کرلیا ،اس سہولت سے مصدقہ ویکسینیشن سرٹیفکیٹ مہیا ہوسکے گا۔

    تفصیلات کےمطابق سندھ حکومت کی طرف سے بیرون ملک تعلیم، تجارت، مذہنی رسومات اور دیگر غرض سے بیرون ملک جانے والوں کی ویکسین کے لیے انتظامات کرلئے۔

    اس سلسلے میں وزیر صحت سندھ ڈاکٹر عذرا پیچوہو کی ہدایات پر محکمہ صحت سندھ نے گیریز ویزا سروس کے ساتھ یاداشت نامے پر دستخط کرلیے ہیں ،اس سہولت سے بیرون ملک جانے والوں اور دیگر سفری دستاویزات کے ساتھ مصدقہ ویکسینیشن سرٹیفکیٹ بھی مہیا ہوسکے گا۔

    یاداشت نامے کے تحت گیریز مرکز پر اسٹوڈنٹ، سیاحت، مذہب یا بزنس ویزا حاصل کرنے والوں کی ویکسین میں مدد کرے گا،گیریز کو فائیزر اور دیگر ویکسین سندھ حکومت کی طرف سے فراہم کی جائیں گی۔

    معاہدے کے تحت نمس (NIMS) کے تمام پروٹوکولز پر عمل درآمد کو یقینی بنایا جائے گا جبکہ گیریز پر ویکسین کی سہولت صبح 8 بجے رات 10 تک ہفتے کے تمام روز مہیا کی جائے گی۔

  • سندھ حکومت کا 21 جون سے پرائمری اسکولز کھولنے کا فیصلہ

    سندھ حکومت کا 21 جون سے پرائمری اسکولز کھولنے کا فیصلہ

    کراچی : سندھ حکومت نے 21 جون سے پرائمری اسکولز کھولنے کا فیصلہ کرلیا اور کہا درگاہیں ، امیوزمنٹ پارکس اورانڈور جمز 28 جون سے کھولے جائیں گے۔

    تفصیلات کے مطابق وزیراعلیٰ سندھ سید مراد علی شاہ کی صدارت میں کرونا وائرس پر صوبائی ٹاسک فورس کا اجلاس ہوا، اجلاس میں صوبائی وزراء، ڈاکٹر عذرا پیچوہو، سعید غنی، ناصر حسین شاہ، جام اکرام اللہ دھاریجو، مرتضیٰ وہاب، چیف سیکریٹری، آئی جی پولیس، ایڈیشنل چیف سیکریٹری داخلہ، صوبائی سیکریٹریز، ڈاکٹر باری، ڈاکٹر فیصل، ڈاکٹر سارہ خان، ڈاکٹر قیصر سجاد، کور فائیو اور رینجرز کے نمائندے شریک ہوئے۔

    اجلاس میں پرائمری اسکول 21 جون سے کھولنے کا فیصلہ کرلیا اور کہا گیا کہ درگاہیں ، امیوزمنٹ پارکس اورانڈورجمز 28 جون سے کھولنے کا فیصلہ کیا گیا ہے۔

    وزیراعلیٰ سندھ نے بریفنگ کے دوران بتایا گیا کہ کورونا وائرس کی تشخیصی شرح 3.9 ہوگئی ہے، کوروناکیسز میں کمی ہور ہی ہے، کمی تب تک ہوتی رہےگی جب تک ایس اوپیزپر سب عمل کریں گے۔

    مراد علی شاہ کا کہنا تھا کہ کراچی میں تشخیصی شرح 8.08 اور حیدرآباد 4.3 فیصد ہے، ابھی ضلع شرقی اورجنوبی میں کیسزبہت زیادہ ہیں، جون میں 263 کورونا مریض انتقال کرگئےہیں جبکہ ایئرپورٹ پرآنےوالے42532 مسافروں کے ٹیسٹ کئے، جس میں سے وزیراعلیٰ س95مسافروں کے ٹیسٹ مثبت آئے۔

    اجلاس میں بتایا گیا کہ ویکسین کی کمی کےباعث کل سےویکسی نیشن کی چھٹی ہوگی، اسپوٹنگ ویکسین جون کےآخری ہفتےمیں آجائےگی جبکہ 1.5ملین سائنو ویک کی ڈوز21جون ، کینسائنوکی7 لاکھ ڈوزز جون 23 اور پاک ویک کی4 لاکھ ڈوززبھی جون23کوملیں گی۔

  • کم لاگت رہائشی منصوبہ، سندھ کے عوام کیلئے بڑی خبر

    کم لاگت رہائشی منصوبہ، سندھ کے عوام کیلئے بڑی خبر

    کراچی : سندھ حکومت نےکم لاگت رہائشی منصوبہ بنانے کا فیصلہ کرلیا ، پیپلزٹاؤن شپ منصوبے کے تحت 120 گز کے پلاٹ دیے جائیں گے۔

    تفصیلات کے مطابق پیپلزپارٹی کی سندھ حکومت نے صوبے میں کم لاگت رہائشی منصوبہ بنانے کا فیصلہ کرلیا ، سندھ بھر میں ڈیڑھ لاکھ رہائشی مکانات تعمیر کیے جائیں گے۔

    دستاویز میں کہا گیا ہے کہ پیپلزٹاؤن شپ منصوبے کےتحت 120 گزکےپلاٹ دیےجائینگے، پیپلزٹاؤن شپ اسکیم میں تمام بنیادی شہری سہولتیں فراہم کی جائیں گی، منصوبےکی مجموعی لاگت 9420ملین روپےہے۔

    دوسری جانب سندھ کے بجٹ میں حکومت نے غیر ترقیاتی اخراجات میں مزید کمی کا بھی فیصلہ کیا ہے ، بجٹ کے مطابق آئندہ مالی سال میں بھی گاڑیوں کی خریداری پر پابندی ہوگی، غیر ترقیاتی اخراجات میں 34 فیصد تک کمی کے اہداف مقرر کیے گئے ہیں۔ فنانشل گورننس کے ذریعے بھی اخراجات میں توازن لایا جائے گا۔

    ذرائع کے مطابق سندھ حکومت نے سادگی اختیار کرنے کے لیے اقدامات کا فیصلہ کیا، غیر ترقیاتی اخراجات میں کٹوتی اور سادگی کے ذریعے 40 ارب روپے بچت کا تخمینہ لگایا گیا ہے۔

  • سندھ حکومت کا سانحہ گھوٹکی اور خضدار کے متاثرین کیلئے بڑا اعلان

    سندھ حکومت کا سانحہ گھوٹکی اور خضدار کے متاثرین کیلئے بڑا اعلان

    کراچی : سندھ حکومت نے سانحہ گھوٹکی اورخضدار میں جاں بحق افرادکےورثاکوفی کس 5لاکھ روپے اور زخمیوں کوایک،ایک لاکھ روپے دینے کا اعلان کردیا۔

    تفصیلات کے مطابق وزیراعلیٰ سندھ مراد علی شاہ نے سانحہ گھوٹکی اورخضدارکےمتاثرین کی مالی مددکافیصلہ کرلیا ، وزیراطلاعات سندھ ناصر حسین شاہ نے کہا ہے کہ گھوٹکی ٹرین حادثےکے جاں بحق افرادکےورثاکوفی کس 5لاکھ روپے اور زخمیوں کوایک،ایک لاکھ روپے دیے جائیں گے۔

    وزیراطلاعات سندھ کا کہنا تھا کہ خضدارمیں سندھ کے شہری حادثے کاشکارہوئے، خضدارحادثےکےجاں بحق افرادکےورثاکوفی کس 5لاکھ اور زخمیوں کوایک لاکھ دیے جائیں گے۔

    ناصرحسین شاہ نے مزید کہا کہ بلاول بھٹوزرداری کو عوام کی پریشانیوں کااحساس ہے، احساس پروگرام والےحادثات سےمتاثرافرادکی مدد نہیں کرتے ، ہم منتظر رہے کہ وفاقی حکومت کوشاید کچھ احساس ہو۔

    یاد رہے ملت ایکسپریس اورسرسید ایکسپریس کے درمیان تصادم کا خوفناک واقعہ پیش آیا ، جس میں 63 افراد جاں بحق جبکہ 100 سے زائد زخمی ہو گئے تھے۔

    دوسرے واقعے میں خضدار کے قریب بھلونک تھانے کی حدود میں تیز رفتار مسافر کوچ الٹ گئی جس کے نتیجے میں 18 مسافر جاں بحق جبکہ متعدد زخمی ہوگئے تھے۔

  • کراچی: برساتی نالوں کی صفائی جاری، ٹنوں کچرا نکالا گیا

    کراچی: برساتی نالوں کی صفائی جاری، ٹنوں کچرا نکالا گیا

    کراچی: مون سون بارشوں کی آمد سے قبل شہر قائد کے برساتی نالوں کی صفائی کا جاری ہے، لاکھوں کیوبک فٹ کچرا نکال کر لینڈ فل سائٹس میں منتقل کیا جارہا ہے۔

    تفصیلات کے مطابق سندھ حکومت کی نالوں کی صفائی مہم جاری ہے، سیکریٹری بلدیات کا کہنا ہے کہ 14 دنوں میں 2 لاکھ کیوبک فٹ کچرا نالوں سے نکال لیا۔

    سیکریٹری کا کہنا تھا کہ 2 ہزار 773 ڈمپرز میں فضلہ لینڈ فل سائٹ منتقل کیا گیا، جام چاکرو لینڈ فل سائٹ تک نالوں سے نکالا جانے والا کچرا 12 سو سے زائد ڈمپرز میں منتقل کیا گیا۔

    ضلع غربی کے برساتی نالوں سے 4 لاکھ 69 ہزار کیوبک فٹ فضلہ، ڈسٹرکٹ ایسٹ سے 1 لاکھ 31 ہزار 515 کیوبک فٹ کچرا اور بلدیہ وسطی سے 5 لاکھ 99 ہزار 450 کیوبک فٹ برساتی فضلہ لینڈ فل سائٹ منتقل کیا گیا۔

    بلدیہ ملیر سے 99 ہزار 500 کیوبک فٹ فضلہ 160 ڈمپرز کے ذریعے منتقل کیا گیا۔ ڈسٹرکٹ کورنگی سے 1 لاکھ 24 ہزار 539 کیوبک فٹ کچرا منتقل کیا گیا جبکہ ڈسٹرکٹ ساؤتھ سے 5 لاکھ 74 ہزار 295 کیوبک فٹ فضلہ لینڈ فل سائٹس منتقل کیا گیا۔

    سیکریٹری بلدیات کا مزید کہنا ہے کہ جلد ہی برساتی نالوں کی مکمل صفائی کا عمل تکمیل کو پہنچ جائے گا۔

  • سندھ حکومت کا بجٹ میں سالانہ ترقیاتی پروگرام کیلئے 200 ارب رکھنے کا فیصلہ

    سندھ حکومت کا بجٹ میں سالانہ ترقیاتی پروگرام کیلئے 200 ارب رکھنے کا فیصلہ

    کراچی : سندھ حکومت نے نئے مالی سال 2020-21میں سالانہ ترقیاتی پروگرام کیلئے 200ارب رکھنے کا فیصلہ کرلیا ، سندھ کے ترقیاتی پروگرام کی رقم پچھلے سال 170ارب تھی۔

    تفصیلات کے مطابق سندھ حکومت کی بجٹ تیاریاں جاری ہے ،نئے مالی سال کا بجٹ 15جون کو پیش ہوگا ، نئےمالی سال 2020-21میں سالانہ ترقیاتی پروگرام کیلئے 200ارب رکھنے کا فیصلہ کیا گیا ہے ، سندھ کے ترقیاتی پروگرام کی رقم پچھلے سال 170ارب تھی۔

    بجٹ میں 180ارب صوبائی اےڈی پی اور 20ارب مختلف اضلاع کےترقیاتی بجٹ کیلئے ہوں گے ، سندھ کو 55ارب عالمی اداروں جبکہ 24 ارب وفاق سے ملنے کا امکان ہے۔

    تعلیم،صحت،ورکس اینڈسروسزسمیت دیگرمحکموں کا بجٹ بڑھانےکافیصلہ کیا گیا ہے ، تعلیمی شعبے کا بجٹ 21 سے بڑھا کر 24 ارب کرنے اور محکمہ صحت کابجٹ 23.5سے بڑھاکر30ارب کرنے کی تجویز ہے۔

    محکمہ ثقافت کیلئےڈیڑھ ارب مختص کئے گئے ہیں جبکہ سندھ اسمبلی کو30 کروڑ ترقیاتی بجٹ ملےگا 74 منصوبے 70 فیصد مکمل ہیں ان کو 100 فیصد فنڈز دیکر مکمل کیا جائے گا۔

    محکمہ سرمایہ کاری کیلئے25کروڑ اور زکوة عشرکے ترقیاتی منصوبوں کیلئے 40 کروڑ مختص کئے گئے ہیں ، محکمہ محنت کے لئے 10 کروڑ جبکہ ترقی نسواں کے لئے 20 کروڑ ترقیاتی بجٹ ہوگا۔

    محکمہ داخلہ کیلئے 9 ارب اور محکمہ صنعت کیلئے 2 ارب کا ترقیاتی بجٹ تجویز کیا گیا ہے جبکہ لائیو اسٹاک فشریز کیلئے 1ارب 80 کروڑ ، اقلیتی امور کے ترقیاتی بجٹ کیلئے 1ارب مختص کئے ہیں۔

    محکمہ اطلاعات کیلئے 20 کروڑ، ٹرانسپورٹ کیلئے 7 ارب 12 کروڑ 80 لاکھ ترقیاتی بجٹ ، محکمہ ماحولیات کیلئے 1 ارب 20 کروڑ کا ترقیاتی بجٹ رکھا جائے گا جبکہ محکمہ قانون کے لئے 1.5ارب روپے رکھے جائیں گے۔

    محکمہ کھیل اور امورنوجوانان کیلئے 2 ارب 80 کروڑ رکھنے کی تجویزہے ، 1 ارب 17 کروڑ کالج ایجوکیشن کیلئے 4 ارب 80 کروڑ رکھے جائیں گے جبکہ یونیورسٹیز بورڈز کیلئے4 ارب 30کروڑ،محکمہ زراعت کابجٹ2 ارب 67 کروڑ ہوگا۔