ARYNews.tv | Urdu – Har Lamha Bakhabar

Tag: سندھ حکومت

  • سندھ حکومت کا کورونا پابندیوں سے متعلق بڑا فیصلہ

    سندھ حکومت کا کورونا پابندیوں سے متعلق بڑا فیصلہ

    اسلام آباد : وزیراعلیٰ سندھ مراد علی شاہ کی زیرصدارت اجلاس میں ٹاسک فورس نے موجودہ بندش کو برقرار رکھنے کا فیصلہ کرتے ہوئے کہا اگرکوروناکیسزبڑھ گئےتومزیدسختی کریں گے۔

    تفصیلات کے مطابق وزیراعلیٰ سندھ مراد علی شاہ کی زیرصدات کوروناسےمتعلق ٹاسک فورس کااجلاس ہوا، جس میں مراد علی شاہ نے بتایا کہ کل20ہزار 421  ریکارڈ ٹیسٹ کیےگئے، جس میں سے 9000صرف کراچی کےتھے، 20421 ٹیسٹ کے نتائج میں 2076کیسز آئے، جو 10.2فیصد ہے۔

    وزیراعلیٰ سندھ کا کہنا تھا کہ کراچی میں16.82فیصدکیسزآئےہیں، عیدالفطر13مئی کوہوئی ، اس دن صوبےمیں1232کیسزتھے، عید کے بعد 19مئی کو 2076کیسز آئےجو10.2فیصدہیں، اس سےظاہرہوتاہےسندھ میں کیسزبڑھ رہےہیںم ہمیں صوبےمیں نرمی کرنا مشکل ہوتا ہوا لگ رہا ہے۔

    ٹاسک فورس کےممبران اور ماہرین نےموجودہ بندش جاری رکھنےکامشورہ دیتے ہوئے کہا ہوسکے تو مزید سخت فیصلے کریں۔

    وزیراعلیٰ سندھ کی زیرصدارت اجلاس میں ٹاسک فورس نے موجودہ بندش کو برقرار رکھنے کا فیصلہ کرتے ہوئے کہا صورتحال کا جائزہ لینےکیلئے ہفتہ کو ٹاسک فورس کا دوبارہ اجلاس ہوگا۔

    اجلاس میں فیصلہ کیا گیا کہ اگرکیسزکی شرح کم ہوئی تو بندش میں نرمی کریں گے اور اگرکوروناکیسزبڑھ گئےتومزیدسختی کریں گے جبکہ ڈبلیوایچ او کے نمائندے بھی ہفتہ کواجلاس میں اپنی سفارشات دیں گے۔

  • سندھ حکومت نے عید کے موقع پر ریسٹورنٹس کو ٹیک اوے کی اجازت دے دی

    سندھ حکومت نے عید کے موقع پر ریسٹورنٹس کو ٹیک اوے کی اجازت دے دی

    کراچی : وزیراعلیٰ سندھ مراد علی شاہ نے ریسٹورنٹس کو ٹیک اوے کی اجازت دیتے ہوئے کہا ریسٹورنٹس کو کرسی لگانے کی اجازت نہیں ہوگی، ٹیک اوے کے لیے کوئی اپنی گاڑی سے نہیں اترے گا۔

    تفصیلات کے مطابق وزیر اعلیٰ سندھ مراد علی شاہ کی صدارت میں کورونا ٹاسک فورس کا اجلاس ہوا، جس میں وزیراعلیٰ سندھ نے ہدایت کی کہ ایکسپو ویکسی نیشن سینٹر عید کے دوران کھلا رکھیں اور عید کے بعد دیگرشہروں میں ویکسی نیشن سینٹرزقائم کئےجائیں۔

    مرادعلی شاہ کا کہنا تھا کہ گزشتہ سال عید پر ملنا جلنا بڑھنےسے30فیصدکیسز بڑھ گئےتھے، اس سال عوام سے پرزور اپیل ہے رشتےداروں کو گھر آنے سے روکیں، لوگ احتیاط نہیں کریں گے تو صورتحال پھر عید کے بعد خراب ہوجائے گی۔

    وزیراعلیٰ سندھ مراد علی شاہ نے ریسٹورنٹ کو ٹیک اوےکی اجازت دے دی اور کہا ریسٹورنٹس کو کرسی لگانے کی اجازت نہیں ہوگی، ٹیک اوے کے لیے کوئی اپنی گاڑی سے نہیں اترے گا۔

    اجلاس میں بریفنگ کے دوران بتایا گیا کہ اس رمضان کے پہلے ہفتے میں 4.71 فیصد کیسز اور 23 اموات ، دوسرے ہفتے میں 6.31 فیصد کیسزاور43 اموات ۔، تیسرے ہفتے میں6.96 فیصد کیسز اور 62 اموات اور چوتھے ہفتے میں 7.08 فیصد کیسز اور 64 اموات ہوئیں۔

  • عید کی تعطیلات ، کراچی کے شہریوں کیلئے سی ویو مکمل طور پر بند کرنے کا فیصلہ

    عید کی تعطیلات ، کراچی کے شہریوں کیلئے سی ویو مکمل طور پر بند کرنے کا فیصلہ

    کراچی : سندھ حکومت نے  عید کے موقع پر کراچی کےشہریوں کیلئےساحلی مقام کومکمل طور پر بند کرنے کا فیصلہ کرلیا ہے ، سی ویو پرکسی کو آنے یا گاڑی کھڑی کرنے کی بھی اجازت نہیں ہوگی۔

    تفصیلات کے مطابق عید کے موقع پر سندھ حکومت نے کراچی کےشہریوں کیلئےساحلی مقام کومکمل طور پر بند کرنے کا فیصلہ کرلیا ، اس حوالے سے احکامات کے بعدپولیس نے سیکیورٹی پلان تیار کرلیا ہے۔

    پولیس کا کہنا ہے کہ سی ویوکوعوام کے لیے مکمل طورپربندکرناشروع کردیاگیا، سی ویو پرکسی کوآنےیا گاڑی کھڑی کرنےکی بھی اجازت نہیں ہوگی۔

    سیکیورٹی پلان کے مطابق سی ویوپر100سےزائداہلکاروں کوتعینات کردیاگیا جبکہ پولیس موبائل،موٹرسائیکل گشت کیساتھ ساحل پر گھڑسوار اہلکار بھی تعینات ہوں گے ،سی ویو کے اطراف تمام ریسٹورنٹس اور ٹیک اوےبھی بندکردیےگئے۔

    پولیس کا کہنا ہے کہ صرف مقامی افرادکواپنی رہائش پرجانےکی اجازت ہوگی، کنٹینرزکےبجائےرکاوٹیں رکھ کرساحل کوبندکیاگیا،پولیس

    خیال رہے این سی او سی کی ہدایت پر  تمام تفریحی مقامات کو عید کی تعطیلات کے دوران بند رکھنے کا فیصلہ کیا گیا ہے۔

  • کورونا وائرس کی تیسری لہر میں شدت ، سندھ حکومت نے ایک اور بڑا فیصلہ کرلیا

    کورونا وائرس کی تیسری لہر میں شدت ، سندھ حکومت نے ایک اور بڑا فیصلہ کرلیا

    کراچی : سندھ حکومت نے کورونا کے بڑھتے کیسز کے پیش نظر کراچی ایکسپو سینٹر میں قائم فیلڈ آئسولیشن سینٹر کو دوبارہ کھولنے کا فیصلہ کرلیا ، ایکسپو سینٹر میں کورونا سے متاثرہ مریضوں کے لئے آئی سی یو اور ایچ ڈی یو قائم ہے۔

    تفصیلات کے مطابق سندھ حکومت نے کورونا وائرس کی تیسری لہر میں شدت کے سبب کراچی ایکسپو سینٹر میں قائم فیلڈ آئسولیشن سینٹر کو دوبارہ کھولنے کا فیصلہ کرتے ہوئے اس حوالے سے نوٹیفیکیشن جاری کردیا ہے۔

    جس میں کہا گیا ہے کہ سندھ حکومت نے یہ فیصلہ کورونا مثبت کیسز کی شرح مین اضافے کے باعث کیا ہے ، ٹاسک فورس کے اجلاس میں کراچی میں عارضی طور پر بند کیے گئے فیلڈ آئسولیشن سینٹر کو دوبارہ کھولنے کے احکامات دیے گئے ہیں۔

    کراچی ایکسپو سینٹر میں کورونا سے متاثرہ مریضوں کے لئے آئی سی یو اور ایچ ڈی یو قائم ہے جبکہ فیلڈ آئسولیشن سینٹر میں 12 وینٹی لیٹرز، 140 آکسیجن والے ایچ ڈی یو اور 500 سے زائد آئسولیشن بستروں کی سہولت موجود ہیں۔

    خیال رہے مارچ کے ابتدائی دنوں میں کورونا وائرس کے کیسز میں کمی کے سبب کراچی ایکسپو سینٹر میں قائم فیلڈ آئسولیشن سینٹر کو عارضی طور پر بند کردیا گیا تھا۔

  • کاروباری اوقات ، کراچی کے تاجروں کا سندھ حکومت سے بڑا مطالبہ

    کراچی : تاجروں نے سندھ حکومت سے ہفتہ میں دو کے بجائے ایک دن کاروبار بند کرنے اور کاروباری اوقات بھی تبدیل کرنے کا مطالبہ کردیا اور کہا ایس او پیز کے تحت ہفتے میں 6 روز کاروبار کرنے کی اجازت دی جائے۔

    تفصیلات کے مطابق صوبائی وزیر برائے صنعت و تجارت اور انسداد بدعنوانی و محکمہ امداد باہمی جام اکرام اللہ دھاریجو کی زیرِ صدارت کراچی کے تاجروں کا اجلاس ہوا، جس میں سیکریٹری صنعت و تجارت ریاض الدین، سندھ تاجر اتحاد کے چیئرمین جمیل احمد پراچہ، آل سٹی تاجر کے صدر محمد شرجیل گوپلانی ، آل کراچی تاجر اتحاد کے چیئرمین عتیق میر اور کراچی سندھ تاجر تحاد کے حبیب شیخ دیگر تاجر تنظیموں کے عہدیداران موجود تھے۔

    کورونا وائرس کے پھیلاؤ کو روکنے کیلئے تجارتی مراکز بند کرنے کے معاملے پر کراچی کے تاجروں کا ہفتہ میں دو کے بجائے ایک دن کاروبار بند کرنے اور کاروباری اوقات بھی تبدیل کرنے کا مطالبہ کردیا۔

    تاجر وفد نے کہا تجارتی مراکز میں کاروبار کرنے کے اوقات صبح دس سے رات دس بجے تک کی جائے جبکہ کاروباری اوقات دوپہر 12 بجے سے رات 12 بجے تک کرنے کی بھی تجویز دی گئی۔

    صوبائی وزیر جام اکرام اللہ دھاریجو نے کہا کورونا وائرس کی تیسری لہر کے پیشِ نظر ایس او پیز پر عمل سب کے لئے ضروری ہے ، تاجر برادری حکومت سندھ کے ساتھ تعاون کرے، انسانی زندگیاں سب سے قیمتی ہیں، عوام حکومت سندھ اور تاجر برادری کے ساتھ تعاون کریں، احتیاطی تدابیر پر عمل پیرا ہوکر ہی ہم کورونا وائرس سے نمٹ سکتے ہیں۔

    صوبائی وزیر نے کہا کہ حکومت تاجروں کے مسائل سے بخوبی واقف ہے، ایس او پیز کی خلاف ورزی کرنے والوں پر جرمانے عائد کئے جائیں گے اور این سی او سی کی ہدایت ہے کہ ڈسٹرکٹ ایسٹ کو مکمل طور پر سیل کیا جائے۔

    ان کا کہنا تھا کہ کورونا وائرس کی صورتحال سے متاثرہ تاجروں کو سندھ بینک کے ذریعے آسان شرائط پر قرضے فراہم کئے جائیں گے، پیر کو کورونا ٹاسک فورس کے اجلاس میں تاجروں کے مطالبات وزیر اعلیٰ سندھ کے سامنے رکھوں گا۔

    شرجیل گوپلانی تاجر راہنما نے کہا تاجر برادری حکومت سندھ کے ساتھ ہر سطح پر تعاون کرے گی، یکم مئی کوکراچی کی تمام مارکیٹیں معمول کے مطابق کھلیں گی، جمعہ اوراتواردودن تعطیل کی وجہ سے یکم مئی یوم مزدوروالے دن بھی یومیہ اجرت والے مزدوروں کی روزگار کے لیئے مارکیٹیں کھلی رہیں گی۔

    وفد نے صوبائی وزیر اکرام اللہ دھاریجو کو تاجروں کے خلاف ضلعی انتظامیہ کی کاروائیوں پر تحفظات سے بھی آگاہ کیا ، شیخ حبیب کا کہنا تھا کہ کورونا وائرس کی تیسری لہر کی سنگینی کا بخوبی اندازہ ہے، کراچی کے تجارتی مراکز میں لاکھوں لوگوں کا روزگار وابستہ ہے، ایس او پیز کے تحت ہفتے میں 6 روز کاروبار کرنے کی اجازت دی جائے اور تاجروں کے خلاف غیر قانونی جرمانوں سے ضلعی انتظامیہ کو روکا جائے۔

  • کورونا کیسز میں اضافہ ، سندھ حکومت کا ایک اور حکمنامہ جاری

    کورونا کیسز میں اضافہ ، سندھ حکومت کا ایک اور حکمنامہ جاری

    کراچی : سندھ حکومت نے انٹر سٹی پبلک ٹرانسپورٹ سروس پر پابندی عائد کردی ، 30اپریل سے مسافر گاڑیوں کی سروس بند کردی جائے گی۔

    تفصیلات کے مطابق محکمہ ٹرانسپورٹ سندھ نے انٹرسٹی اور انٹراسٹی پبلک ٹرانسپورٹ سےمتعلق حکمنامہ جاری کردیا، جس میں کہا ہے کہ 30اپریل سے شہروں کےدرمیان چلنے والی مسافر گاڑیوں کی سروس بند کردی جائےگی۔

    اویس شاہ کا کہنا تھا کہ ہاٹ اسپاٹ ایریاز میں پبلک ٹرانسپورٹ مکمل بند کی جاسکےگی جبکہ کراچی میں چلنے والی مسافر بسوں اور کوچز میں نصف نشستیں خالی رکھنا ہوں گی۔

    گذشتہ روز وزیراعلیٰ سندھ مراد علی شاہ نے کورونا ٹاسک فورس کے اجلاس کے بعد پریس کانفرنس کرتے ہوئے کہا تھا کہ پاکستان میں کل سندھ سے 5.62 فیصد مثبت کیسز سامنے آئے، دیکھا جائے تو پاکستان میں پوزیٹو کیسز میں سندھ سب سے کم ہے۔

    مراد علی شاہ کا کہنا تھا کہ سرکاری دفاترمیں 20فیصد سےزائد عملہ نہ بلایا جائے ، سرکاری دفاترکےاوقات صبح9 بجے سے 2 بجے تک کردیئےگئے ، ملازمین کی چھٹی نہیں ہے دفتری اوقات میں فون پر ساتھ رہناہے، ملازمین کو کام دےدیاجائےگا وہ گھروں سے کام کریں گے۔

    انھوں نے مزید کہا تھا کہ سندھ میں اسکولز،کالجز،یونیورسٹیز مکمل طورپر بند کررہےہیں ، ریسٹورنٹس میں آؤٹ ڈور ڈائننگ پابندی کے باوجود جاری تھی تاہم اب ریسٹورنٹس میں ٹیک اوے اور ہوم ڈیلیوری کھلی رہےگی اور ریسٹورنٹس میں آؤٹ ڈورڈائننگ پرپابندی رہے گی۔

  • کورونا کی سنگین صورتحال، سندھ حکومت کا دفاتر اور تعلیمی اداروں سے متعلق اہم فیصلہ

    کورونا کی سنگین صورتحال، سندھ حکومت کا دفاتر اور تعلیمی اداروں سے متعلق اہم فیصلہ

    کراچی : وزیراعلیٰ سندھ مراد علی شاہ نے کورونا وائرس کی صورتحال کے پیش نظر سرکاری دفاتر اسکول، کالجز اور دیگر تعلیمی ادارے بند کرنے کا فیصلہ کرلیا۔

    تفصیلات کے مطابق وزیرا علی سندھ مراد علی شاہ کی صدارت کورونا ٹاسک فورس کااجلاس ہوا، جس میں وزیر صحت ، وزیر تعلیم ، وزیر اطلاعات سمیت دیگر وزرا نے شرکت کی۔

    وزیر صحت سندھ ڈاکٹر عذرہ پیچوہو نے بریفنگ دیتے ہوئے بتایا کہ سندھ میں 664 آئی سی یو بستروینٹ کے ساتھ ہیں اور کورونا وائرس کے 47 مریض وینٹی لیٹرز پرہیں جبکہ سندھ میں 453 بستروینٹ کے ساتھ خالی ہیں اور ڈاؤ اسپتال اوجھا،ٹراما سینٹر اور گمبٹ اسپتال کے اپنے آکسیجن پلانٹ ہیں۔

    وزیراعلیٰ سندھ مرادعلی شاہ نے کورونا کی صورتحال کےپیش نظر سندھ میں سرکاری دفاتر، اسکول اور کالجز بند کرنے کا فیصلہ کرلیا۔

    ترجمان وزیراعلیٰ سندھ نے کہا ہے کہ تمام آفس اسٹاف گھروں سے کام کرینگے، سیکریٹریز اپنے ضروری اسٹاف کو بلائیں گے۔

    سندھ حکومت کے ترجمان مرتضیٰ وہاب کا کہنا تھا کہ کورونا پھیلاؤ کے باعث تمام اسکول ، کالج،جامعات بند رہیں گی اور سندھ میں29اپریل سےانٹرسٹی پبلک ٹرانسپورٹ بندکردی جائےگی۔

  • کورونا کی تیسری لہر، سندھ حکومت نے بڑا فیصلہ کرلیا

    کورونا کی تیسری لہر، سندھ حکومت نے بڑا فیصلہ کرلیا

    کراچی : سندھ حکومت نے کورونا کی تیسری لہر کے پیش نظر مزارات اوردرگاہیں بند رکھنے میں مزید توسیع کرنے کا فیصلہ کرلیا، اب سندھ میں مزارات مزید16مئی تک بندرہیں گی۔

    تفصیلات کے مطابق کورونا کی تیسری لہر کے پیش نظر سندھ حکومت نے وبا کا پھیلاؤ روکنے کے لئے اقدام اٹھاتے ہوئے مزارات اوردرگاہیں زائرین کے لئے بند رکھنے میں مزید توسیع کرنے کا فیصلہ کرلیا۔

    صوبائی وزیر اوقاف سہیل انور سیال کی جانب سے نوٹی فکیشن جاری کردیا گیا ہے ، جس میں کہا گیا ہے کہ سندھ میں مزارات اور درگاہیں مزید 16مئی تک بند رہیں گی۔

    یاد رہے گذشتہ ہفتے محکمۂ داخلہ سندھ نے کراچی سمیت صوبے بھر میں جمعے اور اتوار کو کاروباری سرگرمیاں مکمل بند رکھنے کا نوٹی فکیشن جاری کیا تھا۔

    محکمہ داخلہ کی جانب سے جاری ہونے والے نوٹی فکیشن میں بتایا گیا تھا کہ صوبے بھر میں جمعے اور اتوار کو میڈیکل اسٹورز ، اشیائے خوردونوش کی دکانیں اور ضروری سروسز کے دفاتر کھولنے کی اجازت ہوگی۔

  • سندھ میں ماہ رمضان کیلیے سرکاری دفاتر کے اوقات کار کا شیڈول جاری

    سندھ میں ماہ رمضان کیلیے سرکاری دفاتر کے اوقات کار کا شیڈول جاری

    کراچی : سندھ میں ماہ رمضان کیلیے سرکاری دفاتر کے اوقات کار کا اعلان کردیا گیا، سرکاری دفاتر صبح 10 بجے سے شام 4 بجے جبکہ جمعہ کے روز دورانیہ صبح 10 بجے سے دوپہر ایک بجے تک ہوگا۔

    تفصیلات کے مطابق سندھ حکومت نے ماہ رمضان میں سرکاری دفاتر کے اوقات کار کا شیڈول جاری کردیا ، شیڈول کے تحت سرکاری سندھ میں دفاترمیں اوقات کارپیرتاجمعرات صبح10تاشام4بجےتک ہوں گے جبکہ جمعہ کو دفاتر میں صبح10سےدوپہرایک بجےتک کام ہوگا۔

    یاد رہے حکومت نے رمضان المبارک کیلئے سرکاری دفاتر کے اوقات کار کا اعلان کیا تھا کہ وفاقی سرکاری دفاتر صبح 10تا 4بجے تک کھلے رہیں گے۔

    حکم نامے میں کہا گیا تھا کہ 5روز کھلے رہنے والے وفاقی سرکاری دفاتر صبح 10تا 4بجے تک کھلے رہیں گے اور 6 روز کھلے رہنے والے وفاقی دفاتر صبح 10تا 3بجےتک کھلے رہیں گے۔

    واضح رہے کہ رمضان کے مقدس مہینے میں ملازمین کو سہولت فراہم کرنے کے لیے اداروں میں روزانہ اوقات کار میں دو گھنٹے کمی کردی جاتی ہے۔

    یاد رہے وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر رمضان المبارک کے چاند کے حوالے سے کہا تھا کہ رمضان کا چاند 13 اپریل کو لاہور،اسلام آباد، پشاورسمیت کئی شہروں میں دیکھاجاسکےگا اور 14اپریل کو پہلا روزہ ہو گا۔

  • کورونا ایس او پیز کے حوالے سے سندھ حکومت کا ایک اور حکم نامہ جاری

    کورونا ایس او پیز کے حوالے سے سندھ حکومت کا ایک اور حکم نامہ جاری

    کراچی : کورونا ایس او پیز کے حوالے سے سندھ حکومت کا ایک اور حکم نامہ سامنے آگیا ، جس میں انٹرسٹی پبلک ٹرانسپورٹ میں 50 فیصد مسافروں کو بٹھانے کی ہدایت کی ہے۔

    تفصیلات کے مطابق محکمہ ٹرانسپورٹ سندھ نے انٹرسٹی پبلک ٹرانسپورٹ سےمتعلق نیاحکمنامہ جاری کردیا، حکمنامے میں کوروناایس اوپیزپرعمل درآمد کے لیے ہدایات جاری کی گئی ہے۔

    محکمہ ٹرانسپورٹ نے آئی جی، کمشنرز،ٹرانسپورٹ اتھارٹیز کے حکام کو بھی خط لکھا ، جس میں کہا گیا ہے کہ ایس اوپیزکی خلاف ورزی پر وبائی امراض ایکٹ کے تحت جرمانےوسزادی جائے۔

    محکمہ ٹرانسپورٹ سندھ کا کہنا ہے کہ انٹرسٹی پبلک ٹرانسپورٹ میں50فیصدمسافرسفر کریں گے، زیادہ مسافربٹھانےوالی گاڑیوں کےخلاف کارروائی ہوگی۔

    خیال رہے سندھ حکومت نے وائرس کا پھیلاؤ روکنے کے لیے صوبے بھر میں پابندیاں مزید سخت کرنے کا فیصلہ کرتے ہوئے 6 اپریل سے شادی سمیت ہر قسم کی تقریب پر پابندی عائد کردی تھی جبکہ کاروباری مراکز بھی 8 بجے بند ہوں گے۔

    صوبائی حکومت کی جانب سے وفاق سے 2 ہفتے کےلیے بین الصوبائی ٹرانسپورٹ بند کرنے کا مطالبہ کیا گیا تھا۔