Tag: سندھ حکومت

کراچی: سندھ حکومت نے 9 اور 10محرم الحرم کو ڈبل سواری پر پابندی عائد کر دی۔

تفصیلات کے مطابق سندھ حکومت نے صوبے میں کسی بھی ناخوشگوار واقعے سے بچنے اور امن وامان کی صورت حال برقرار رکھنے کے لیے 9 اور 10 محرم کو ڈبل سواری پر پابندی عائد کر دی۔

محکمہ داخلہ سندھ کی جانب سے جاری نوٹیفکیشن کے مطابق کرمنل پروسیجر کوڈ کی دفعہ 144 کے تحت یہ پابندی لگائی گئی۔

نوٹیفکیشن کے مطابق محرم الحرام کی جلوس، مجالس اور تعزیے کے علاوہ 5 افراد یا اس سے زائد کے ایک ساتھ اکٹھے ہونے پر پابندی لگائی گئی ہے اور اس کے ساتھ ساتھ قابل اعتراض یا اشتعال انگیز وال چاکنگ، پوسٹرز، بینرز وغیرہ بھی لگانا ممنوع ہے۔

محکمہ داخلہ سندھ کی جانب سے جاری حکم نامے میں کہا گیا ہے کہ متعلقہ حکام کی اجازت کے بغیر نئے جلوس اور مجالس کے اہتمام پر پابندی ہوگی۔

نوٹیفکیشن میں کہا گیا ہے کہ قانون نافذ کرنے والے اداروں کے اہلکاروں پر اسلحہ لے کر چلنے کی پابندی کا اطلاق نہیں ہوگا۔صحافی، بزرگ،خواتین، بچے ڈبل سواری پر پابندی سے مسثتنیٰ ہوگا۔

ملتان: وزیر خوراک پنجاب عبد العلیم خان کا کہنا ہے کہ سندھ حکومت آٹے کی سمگلنگ روکے تاکہ سستا آٹا فراہم کیا جاسکے۔

تفصیلات کے مطابق ملتان میں میڈیا سے گفتگو کرتے ہوئے عبدالعلیم خان نے کہا کہ وزیراعظم اور وزیر اعلیٰ پنجاب کی ہدایت پر یہاں آیا ہوں، آنے کا مقصد آٹے کی فراہمی کو یقینی بنانا ہے۔

وزیر خوراک پنجاب کا کہنا تھا کہ حکومت پنجاب اربوں روپے کی سبسڈی دے رہی ہے،دیگر صوبوں میں20 کلو آٹےکی قیمت11سو روپے ہے،صرف صوبہ پنجاب میں آٹے کا تھیلہ 860 روپے کا ہے۔

انہوں نے کہا کہ آٹےکی ذخیرہ اندوزی کرنے والوں کے خلاف سختی سے نمٹاجائےگا،چکی والےحضرات بھی مقررہ نرخ پر آٹا فروخت کریں۔

عبد العلیم خان کا کہنا تھا کہ سندھ حکومت سےگزارش ہے رحیم یارخان سے آٹاسندھ جا رہا ہے،اسے روکیں،وزیر اعلیٰ سندھ سے اپیل ہے اپنی عوام کو سستا آٹا فراہم کریں۔

صوبائی وزیر نے کہا کہ سندھ حکومت آٹے کی سمگلنگ روکے تاکہ سستا آٹا فراہم کیا جاسکے،خدارا عوام پر رحم کرتے ہوئے سستا آٹا عوام کو فراہم کریں۔

اسلام آباد: وفاقی وزیر فخر امام کا کہنا ہے کہ گندم کے بحران کی ذمہ داری سندھ حکومت پر عائد ہوتی ہے۔

تفصیلات کے مطابق وفاوی وزیر برائے قومی غذائی تحفظ و تحقیق فخر امام کا نیوز کانفرنس کے دوران کہنا تھا کہ گندم کی پیدوار میں دنیا میں پاکستان کانمبر 8واں ہے۔ فخر امام نے بتایا کہ رواں سال پبلک سیکٹر میں 6.6 ملین ٹن گندم کی خریداری کی گئی۔

انہوں نے کہا کہ پچھلے سال گندم کی پیداوار 40 لاکھ ٹن کی تھی،پچھلے سال 5 سے 6 لاکھ ٹن گندم کا بیک اپ میں تھا، پچھلےسال کی نسبت اس سال ہم نے 26 لاکھ ٹن زیادہ گندم خریدی۔

فخر امام کا کہنا تھا کہ سندھ کے پاس پچھلے سال کی نسبت زیادہ گندم کا ذخیرہ ہے، سندھ حکومت کو ہم نے 2 خطوط لکھے تھے کہ فوری گندم ریلیز کرے۔

وفاقی وزیر نے کہا کہ گندم کے بحران کی ذمہ داری سندھ حکومت پر عائد ہوتی ہے،گندم کے کوٹے کے ریلیز کے لیے سندھ حکومت کو 2 مراسلے بھجوا چکے،سندھ حکومت سے ایک بار پھر درخواست ہے کہ گندم کا کوٹہ جاری کرے۔

انہوں نے مزید کہا کہ پنجاب نے اپنے کوٹے سے زائد گندم کا اجرا کر دیا ہے،گندم کی قیمتوں کے تعین کی ذمہ داری صوبوں کی ہے۔

کراچی: وزیر بلدیات سندھ ناصر حسین شاہ کا کہنا ہے کہ سندھ حکومت محکموں میں بہتری لانے کے لیے کوششیں کر رہی ہے۔

تفصیلات کے مطابق صوبائی وزیر بلدیات ناصر حسین شاہ نے کہا ہے کہ سندھ حکومت محکموں میں بہتری لانے کے لیے کوششیں کر رہی ہے لیکن اداروں کو بھی کردار ادا کرنا ہوگا۔

انہوں نے کہا کہ ایک وقت تھا کے ڈی اے کے اپنے اکاؤنٹ میں اربوں روپے ہوتے تھے،کیا وجہ ہے 2009 کے بعد کے ڈی اے اربوں روپے کا مقروض ہوگیا،کےایم سی کو کروڑوں روپے سندھ حکومت تنخواہوں کی مد میں اضافی دیتی ہے۔

ناصر حسین شاہ کا کہنا تھا کہ پاک فوج ہمارے لیے قابل احترام ادارہ ہے،جب مشکل وقت آتا ہے تو یہ سرحدوں پر ہماری حفاظت کرتے ہیں۔

صوبائی وزیر نے کہا کہ وزیراعظم عمران خان نے چیئرمین این ڈی ایم اے کو ذمہ داری دی ہے تو اچھی بات ہے۔

انہوں نے کہا کہ پہلی دفعہ اتنی شدید بارشوں میں بڑی شاہراہیں کھلی رہیں،اگر کہیں پانی کھڑا ہوا تو 2،3گھنٹے میں نکل گیا،نالوں کا اوورفلو ہونا،گھروں میں پانی داخل ہونے کی اصل وجہ سامنے آگئی،ہماری ذمہ داری بھی ہے کہ ایسی کوتاہی نہیں ہونی چاہیے۔

کراچی: آٹے کی قیمتوں میں اضافے سے پریشان سندھ حکومت نے ضلعی حکام اور پولیس سے مدد طلب کر لی۔

تفصیلات کے مطابق حکومت سندھ نے کراچی،حیدرآباد،نواب شاہ،سکھر اور لاڑکانہ کے ضلعی حکام اور پولیس کو خط لکھا ہے جس میں کہا گیا ہے کہ 22 جولائی کو سندھ کابینہ نے آٹے کے بحران اور قیمتوں سے متعلق اہم فیصلے کیے۔

خط کے متن میں کہا گیا ہے کہ ڈویژنل کمشنر، خصوصاً کمشنر سکھر اور لاڑکانہ بارڈر پار گندم اسمگلنگ روکنے کے اقدامات کریں،تمام ڈویژنل کمشنر گندم ذخیرہ کرنے اور قیمت بڑھانے والوں کے خلاف مہم چلائیں۔

صوبائی حکومت کی جانب سے لکھے گئے خط میں کہا گیا ہے کہ گندم کی نارتھ باؤنڈ آمدورفت پر پابندی لگا دی گئی ہے،گندم کی قیمت برقرار رکھنے کے لیے یومیہ مقامی انتظامیہ سے رپورٹ طلب کی جائے۔

خیال رہے کہ گزشتہ روز ادارہ شماریات نے تفصیلات جاری کی تھیں جس کے مطابق کراچی میں آٹے کے 20 کلو تھیلے کی قیمت 1360 روپے تک پہنچ گئی ہے اور یہ ملک کے سب سے بڑے شہروں میں آٹے کی سب سے زیادہ قیمت ہے۔

ادارہ شماریات کا کہنا تھا کہ ایک ہفتے میں کراچی میں آٹے کا 20 کلو تھیلا 120 روپے تک مہنگا ہوا اور گزشتہ تین ہفتوں میں کراچی میں آٹے کا تھیلا 160 روپے تک مہنگا ہوا۔