اسلام آباد: تحریک انصاف کے دھرنے کے خلاف کریک ڈائون کا حکم ملنے کے بعد اسلام آباد پولیس نے پنجاب حکومت سمیت سندھ حکومت سے بھی بکتر گاڑیاں مانگ لیں۔
یہ پڑھیں: اسلام آباد دھرنا، مرکزی قائدین کو نظر بند اور کارکنان کو گرفتار کرنے کا فیصلہ
اطلاعات کے مطابق اسلام آباد پولیس کی جانب سے وزارت داخلہ کو خط ارسال کردیا گیا جس میں کہا گیا ہے کہ پنجاب حکومت کی جانب سے 4 بکتر بند گاڑیاں دینے کی یقین دہانی کرادی گئی ہے لیکن یہ تعداد بہت کم ہے۔
یہ بھی پڑھیں:دھرنا روکنے کیلئے: اسلام آباد پولیس کا 46 کروڑ روپے کا مطالبہ منظور
خط میں کہا گیا ہے کہ تحریک انصاف کے دھرنے کے خلاف کریک ڈائون کے دوران کارکنوں کی بڑی تعداد کو گرفتارکرنے کے لیے زیادہ تعداد میں گاڑیاں درکار ہیں اس لیے پنجاب حکومت اور سندھ حکومت سے 40 قیدیوں کی وین اور 18 بکتر بند پولیس گاڑیاں منگوا کر پولیس کو دی جائیں۔