Tag: سندھ میں نگراں سیٹ اپ

کراچی : وزیراعلیٰ سندھ مراد علی شاہ اور اپوزیشن لیڈر رعناانصار سندھ اسمبلی تحلیل ہونے کے بعد نگراں سیٹ اپ پر مشاورت کریں گے۔

تفصیلات کے مطابق سندھ میں نگراں سیٹ اپ پر باضابطہ مشاورت 11 اگست کے بعد شروع ہوگی ، وزیر اعلی سندھ مراد علی شاہ اور رعنا انصار اسمبلی تحلیل ہونے کے بعد بیٹھک لگائیں گے۔

ملاقات میں وزیر اعلی اور اپوزیشن لیڈر کے ناموں پر غور ہوگا، سندھ اسمبلی تحلیل ہونے کے تین دنوں میں وزیر اعلی اور اپوزیشن لیڈر کو کسی ایک نام پر متفق ہونے کا امکان ہے۔

ذرائع کے مطابق 14 اگست کی رات تک وزیر اعلی ہاوٴس نگراں وزیر اعلی کے متعلق اعلان متوقع ہے ،اگر اپوزیشن لیڈر اور وزیر اعلی کسی نام پر اتفاق نہ ہوپایا تو معاملہ الیکشن کمیشن جائے گا۔

جس کے بعد الیکشن کمیشن اپوزیشن لیڈر اور وزیر اعلی کے تجویز کردہ افراد میں سے نگراں وزیر اعلی کی نامزدگی کا اعلان کرے گا۔

کراچی : سابق آصف علی زرداری اور بلاول بھٹو سندھ میں نگراں سیٹ اپ مشاورت کا آغاز کل سے کریں گے۔

تفصیلات کے مطابق سابق صدر آصف علی زرداری اور بلاول بھٹو زرداری کی جانب سے سندھ میں نگراں سیٹ آپ پر مشاورت کا آغاز کل سے ہوگا۔

وزیر اعلی سندھ مراد علی شاہ اور سینئر وزراء نگراں سیٹ آپ پر پارٹی کو رائے دیں گے۔

ذرائع سندھ حکومت نے کہا ہے کہ نگراں وزیر اعلی سندھ کے لئے حکومت نے تین ناموں پر غور کیا ہے، تینوں نام پارٹی قیادت کے سامنے پیش کئے جائیں گے۔

ذرائع کا کہنا تھا کہ نگراں صوبائی کابینہ کے لئے مختلف شعبوں سے 18 شخصیات کے انٹرویو کئے گئے ہیں۔

ذرائع کے مطابق نگراں وزیر اعلی سندھ کے لئے پارٹی مشاورت مکمل کرنے کے بعد ایم کیو ایم سے بات چیت کا آغاز ہوگا، اپوزیشن لیڈر سندھ اسمبلی رعنا انصار اور وزیر اعلی سندھ مراد علی شاہ کے درمیان آئندہ ہفتے اہم ملاقات ہوگی۔

وزیر اطلاعات سندھ شرجیل میمن نے کہا کہ نگراں وزیر اعلی سندھ اور کابینہ اپوزیشن لیڈر کی مشاورت سے بنائیں گے۔