Tag: سندھ پولیس

کراچی: شہر قائد کے علاقے سولجر بازار میں پولیس نے منشیات فروشوں کے خلاف بڑا کریک ڈاؤن کر کے منشیات فروش آئس ڈیلر محسن آفریدی کو 4 ساتھیوں سمیت گرفتار کر لیا۔

تفصیلات کے مطابق سولجر بازار پولیس نے منشیات فروشوں کے خلاف کارروائی میں پولیس اہل کار سمیت پانچ منشیات فروشوں کو گرفتار کر کے ان کے قبضے سے منشیات اور اسلحہ برآمد کر لیا ہے۔

ایس ایس پی ایسٹ غلام اظفر مہیسر نے بتایا کہ گرفتار پانچوں منشیات فروش خود بھی آئس اور چرس پینے کے عادی اور منشیات کے ڈیلر ہیں۔

پولیس کا کہنا ہے کہ ملزمان کا گروہ 15 مرد اور خواتین پر مشتمل ہے، گرفتار منشیات فروشوں میں پولیس اہل کار مصدق شاہ عرف بابر بھی شامل ہے، جو تھانہ سٹی کورٹ میں تعینات ہے۔

ایس ایس پی ایسٹ کے مطابق گرفتار دیگر تین منشیات فروشوں میں آئس اور چرس ڈیلر بدر شجاع عرف بدر کمرشل، ارشد انصاری عرف ببلو، اور احسن آئسی شامل ہیں۔

ملزمان آئس اور چرس کے بڑے ڈیلر ہیں، اس سے قبل بھی درخشاں، گزری، بہادر آباد، برگیڈ اور فیروز آباد پولیس کے ہاتھوں گرفتار ہو چکے ہیں۔

پولیس کے مطابق ملزم محسن آفریدی نے واٹس ایپ گروپ بنایا ہوا ہے، جس کے ذریعے وہ اسکول کالج اور یونیورسٹیز کے لڑکے لڑکیوں کو ایڈ کر کے آئس اور چرس کی طرف راغب کرتا تھا۔

معلوم ہوا ہے کہ مختلف گیسٹ ہاؤسز بھی ملزمان کے زیر استعمال تھے، پولیس کا کہنا ہے کہ ایسے گیسٹ ہاؤسز کے خلاف بھی ضابطے کی کارروائی کی جائے گی۔

ملزمان کے قبضے سے 6 کلو چرس، بڑی تعداد میں آئس، 5 ٹی ٹی پستول اور آئس استعمال کرنے کی چیزیں برآمد ہوئیں۔

ایڈیشنل آئی جی کراچی ڈی آئی جی ایسٹ اور ایس پی ایسٹ کی جانب سے پولیس پارٹی کے لیے تعریفی اسناد اور نقد انعام دینے کا اعلان کیا گیا ہے۔

کراچی: کراچی پولیس نے بڑا قدم اٹھاتے ہوئے فیصلہ کیا ہے کہ کسی وی آئی پی کو تھانے کی نفری بہ طور سیکورٹی نہیں دی جائے گی۔

تفصیلات کے مطابق ایڈیشنل آئی جی غلام میمن نے تھانوں کی کم نفری کو بہتر کرنے کے لیے بڑا فیصلہ کرتے ہوئے حکم جاری کیا ہے کہ تھانوں سے سیکورٹی کے لیے دیے گئے تمام گارڈز فوری واپس بلائے جائیں۔

سیکورٹی کے لیے دیے گئے گارڈز کی واپسی سے متعلق احکامات تمام تھانوں کے ایس ایچ اوز کو جاری کر دیے گئے ہیں۔

اے آئی جی کا کہنا ہے کہ کسی وی آئی پی کو تھانے کی نفری بہ طور سیکورٹی نہیں دی جائے گی، افسران اور وی آئی پیز کو سیکورٹی زون کی نفری دی جائے۔

یہ بھی پڑھیں:  کراچی، گاڑیوں کے کالے شیشے پر گرینڈ آپریشن کل سے ہوگا

دریں اثنا، ضمانت پر رہا ہونے والے اور سزا پانے والے ملزمان کی نگرانی کا بھی فیصلہ کیا گیا ہے، 10 ہزار سے زاید ملزمان کی علاقائی سطح پر نگرانی کی جائے گی۔

اے آئی جی غلام میمن کا کہنا ہے کہ ہر تھانے کی حدود میں ایک افسر ملزمان کی نگرانی کرے گا، ملزم دوبارہ جرائم کی سرگرمی میں ملوث ہوا تو فوری رپورٹ کرے گا۔

ایڈیشنل آئی جی کا یہ بھی کہنا تھا کہ 400 اہل کاروں کو اس مانیٹرنگ پر لگانے کا فیصلہ کیا گیا ہے۔

کراچی: آئی جی سندھ ڈاکٹر کلیم امام نے سی ویو سے نیم بے ہوشی کی حالت میں لڑکی ملنے کے معاملے کا نوٹس لیتے ہوئے رپورٹ طلب کر لی ہے۔

تفصیلات کے مطابق آج کراچی کے ساحل سمندر پر سی ویو سے لڑکی نیم بے ہوشی کی حالت میں ملی تھی، پولیس نے لڑکی کے ہوش میں آنے کے بعد اس کی مدعیت میں مقدمہ درج کر لیا۔

آئی جی سندھ نے واقعے کا نوٹس لیتے ہوئے ایس ایس پی ساؤتھ انویسٹی گیشن سے رپورٹ طلب کر لی، اور ہدایت کی تفتیش کو انتہائی غیر جانب دار اور نتیجہ خیز بنایا جائے۔

آئی جی سندھ کلیم امام نے سختی سے یہ بھی ہدایت کی کہ واقعے میں ملوث عناصر کو جلد گرفت میں لایا جائے۔

یہ بھی پڑھیں:  کراچی: درخشاں تھانے پرعدالتی بیلف کا چھاپا، 3 خواتین، بچی بازیاب

قبل ازیں، سی ویو سے ملنے والی بے ہوش لڑکی کی مدعیت میں مقدمہ تھانہ درخشاں میں درج کر لیا گیا ہے، پولیس کا کہنا ہے کہ مقدمے میں زیادتی سمیت دیگر دفعات شامل کیے گئے ہیں۔

پولیس کا یہ بھی کہنا ہے کہ متاثرہ لڑکی نے اپنا بیان ریکارڈ کرا دیا ہے، لڑکی کو کار سوار افراد سی ویو پر پھینک کر فرار ہوئے تھے۔

پولیس کے مطابق لڑکی کے بیان کی روشنی میں نامزد ملزمان کے خلاف زیادتی کا مقدمہ درج کر لیا گیا، متاثرہ لڑکی کا کہنا ہے کہ ملزمان نے نشہ آور اشیا کھلا کر زیادتی کی۔ پولیس کے مطابق متاثرہ لڑکی ڈیفینس کی رہایشی ہے۔

متاثرہ لڑکی کا کہنا ہے کہ گزشتہ رات اس کی دوست کرن اور علی عرف عمران گھر آئے اور نشہ آور چیز کھانے میں کھلائی جس کے بعد تشدد کے ساتھ زیادتی کا نشانہ بنایا، ہوش میں آئی تو جناح اسپتال میں تھی۔

پولیس کا کہنا ہے کہ صبح ساڑھے 6 بجے 15 پر بے ہوش لڑکی کی موجودگی کی اطلاع ملی، فوری طور پر لڑکی کو جناح اسپتال منتقل کیا گیا، میڈیکل رپورٹ آنے کے بعد زیادتی کی تصدیق ہوگی، سہیلی کرن کا گھر پر آنا جانا ہے، علی عرف عمران سے متاثرہ لڑکی کی پہلے بھی 2 سے 3 ملاقاتیں ہوئیں، لڑکی کے مطابق مزاحمت کرنے پر تشدد کا نشانہ بھی بنایا گیا، واقعے کی مزید تفتیش جاری ہے۔

کراچی: سندھ پولیس کی تاریخ میں پہلی مرتبہ حساس ملزمان کی بلیک بک تیار کر لی گئی، یہ بلیک بک انتہائی خطرناک اور سنگین جرائم میں ملوث ملزمان پر مشتمل ہے۔

تفصیلات کے مطابق سندھ کے انسپکٹر جنرل آف پولیس ڈاکٹر کلیم امام کی ہدایت پر سندھ پولیس نے سنگین جرائم میں ملوث ملزمان کی پہلی مرتبہ ایک بلیک تیار کر لی ہے۔

ترجمان سندھ پولیس کے مطابق انتہائی مطلوب مشتہر ملزمان کی تمام تر تفصیلات بلیک بک میں موجود ہوں گی، وہ مشتہر ملزمان جن کی زندہ یا مردہ گرفتاری پر سر کی قیمت بھی مقرر کی گئی ہے۔

بلیک بک میں مشتہر مجرمان کے کرائم ریکارڈ کی تفصیلات شامل کی گئی ہیں، بتایا گیا ہے کہ یہ معلومات سندھ پولیس کے لیے انتہائی مفید اور کارآمد ثابت ہوں گی، بلیک بک کی وجہ سے کوئی مجرم دوسرے علاقے یا شہر میں روپوش نہیں رہ پائے گا۔

A GREAT INITIATIVE BY #IGSINDH.
Sindh Police has compiled a booklet for the first time. This black booklet features all the names of notified dacoits & criminals. The List has also been provided to all regional & additional IGs.#SindhPoliceDMC @PoliceAwam @JokhyoSohail pic.twitter.com/aXgib8UshO

— Sindh Police (@sindhpolicedmc) July 8, 2019

یہ بھی کہا گیا ہے کہ اس بلیک بک میں کراچی، حیدر آباد، میر پور خاص، سکھر اور لاڑکانہ کے ملزمان شامل ہیں، بک کی مدد سے پولیس کو دوسرے ضلع کے مشتہر ڈکیتوں اور مجرموں کی گرفتاری بھی مزید آسان ہو جائے گی۔

پولیس کی جانب سے کہا گیا ہے کہ بلیک بْک میں انتہائی اہم ملزمان کی تصاویر بھی جاری کی گئی ہیں، ان ملزمان کی گرفتاری پر 1 لاکھ سے 7 لاکھ روپے تک کا انعام بھی رکھا گیا ہے، بک میں شامل ملزمان کے خلاف 10 سے 15 مقدمات بھی درج ہیں۔

خیال رہے کہ پنجاب کے بعد سندھ میں پہلی مرتبہ یہ بلیک بک تیار کی گئی ہے۔

کراچی: شہر قائد کے علاقے درخشاں میں تھانے پر عدالتی بیلف نے چھاپا مار کر 3 خواتین اور ایک بچی کو بازیاب کر لیا۔

تفصیلات کے مطابق عدالتی بیلف نے کراچی کے درخشاں تھانے پر چھاپا مار کر زیر حراست خواتین اور بچی کو بازیاب کر لیا، جنھیں گزشتہ دو روز سے بند کیا گیا تھا۔

وکیل کا کہنا ہے کہ خواتین اور بچی کو 4 جولائی سے غیر قانونی حراست میں رکھا گیا تھا۔

وکیل نے کہا کہ گرفتاری کے 24 گھنٹے بعد مجسٹریٹ کے سامنے پیش کرنا چاہیے تھا لیکن نہیں کیا گیا، دوسری طرف خاتون نے الزام لگایا ہے کہ انھیں تھانے میں ہراساں کیا گیا۔

بازیاب کرائی گئی خاتون کا کہنا تھا کہ پولیس نے تھانے میں دو روز بند رکھ کر انھیں ہراساں کیا ہے۔

یہ بھی پڑھیں:  زیادہ تر پولیس اہل کار رات کوڈکیتی کرتے ہیں، جسٹس گلزار

متاثرہ خاتون کا کہنا تھا کہ 4 جولائی سے انھیں تھانے میں حبس بے جا میں رکھا گیا، اور جھوٹے کیس میں زیر حراست رکھا گیا۔

خیال رہے کہ چند دن قبل سپریم کورٹ کے سینئر جج جسٹس گلزار احمد نے بھی محکمہ پولیس پر سخت تنقید کرتے ہوئے پولیسنگ سسٹم کو ناکام قرار دے دیا تھا۔

جسٹس گلزار نے کہا کہ زیادہ تر پولیس اہل کار رات کو ڈکیتی کرتے ہیں، جب کہ سرکاری افسران دفاتر میں بیٹھ کر حرام کھا رہے ہیں، پولیس بھارتی تنخواہیں لے کر بھی 2 نمبریاں کرتی ہے۔