Tag: سندھ پولیس

اسلام آباد: پاکستان میں تعینات جرمن سفیر مارٹن کوبلر نے سندھ پولیس میں خواجہ سراؤں کی ملازمت کے بڑے اقدام پر آئی جی سندھ کو شاباش دے دی۔

تفصیلات کے مطابق جرمن سفیر مارٹن کوبلر نے سندھ پولیس کا خواجہ سراؤں کو دفاعی فورس میں شامل کرنے کا فیصلہ بڑا فیصلہ قرار دیتے ہوئے اپنے ٹویٹر اکاؤنٹ پر لکھا ’شاباش ڈاکٹر کلیم۔‘

Great decision of #SindhPolice to include transgenders in the line defence.Welldone Dr.Kaleem!👏🏻Inclusion of every community into mainstream is very important. it’ll protect & empower the vulnerable!transgenders r equal part of society!! Lets c who is next to follow this decision https://t.co/sAXP1tWBMu

— Martin Kobler مارٹن کوبلر (@KoblerinPAK) April 2, 2019

پاکستان کے روایتی کھانوں کے انتہائی شوقین جرمن سفیر نے سماجی رابطوں کی ویب سائٹ پر لکھا کہ ہر کمیونٹی کا مرکزی دھارے میں شامل ہونا بہت اہم ہے۔

مارٹن کوبلر کا کہنا تھا کہ اس اقدام سے کم زور کی حفاظت ہوگی اور یہ قدم کم زور کو با اختیار بنائے گا، خواجہ سرا معاشرے کا برابر کا حصہ ہیں، دیکھتے ہیں کہ اور کون اس طرح کا فیصلہ کرتا ہے۔

یہ بھی پڑھیں:  سندھ پولیس کا پہلی مرتبہ خواجہ سراؤں کو ملازمت دینے کا اعلان

خیال رہے کہ دو دن قبل آئی جی سندھ ڈاکٹر سید کلیم امام نے سندھ پولیس میں خواجہ سراؤں کو ملازمت دینے کا اعلان کر دیا تھا، انھوں نے کہا کہ سندھ پولیس میں پہلی مرتبہ خواجہ سراؤں کو ملازمت دی جا رہی ہے جو مختلف دفتری امور انجام دیں گے۔

محکمہ سندھ پولیس میں پہلی۔مرتبہ خواجہ سراؤں کو ملازمت دی جائیگی۔ سندھ پولیس میں معذورکوٹہ بحال کیا جارہا ہے۔ڈاکٹرسیدکلیم امام

آئی جی سندھ ڈاکٹرسید کلیم امام نے کہا کہ سندھ پولیس میں پہلی مرتبہ خواجہ سراؤں کو ملازمت دی جائیگی جو مختلف دفاتر میں فرائض انجام دینگے۔#Sindhpolicedm pic.twitter.com/OltWi4nEbR

— Sindh Police (@sindhpolicedmc) April 1, 2019

آئی جی سندھ کا کہنا تھا کہ اقلیتی برادری سے وابستہ افراد کو سندھ پولیس میں ملازمت کے مواقع دینے کے ضمن میں اقدامات کیے جائیں گے، پولیسنگ کے معیار کو جدید دور کے تقاضوں سے ہم آہنگ کیا جائے گا۔

گھوٹکی: صوبہ سندھ کے ضلع گھوٹکی میں دو کم عمر ہندو لڑکیوں کی تبدیلی مذہب اور پسند کی شادی کے معاملے پر پولیس نے ایکشن لیتے ہوئے نکاح خواں کو گرفتار کر لیا ہے۔

تفصیلات کے مطابق گھوٹکی میں لڑکیوں کی پسند کی شادی کے معاملے پر پہلی پیش رفت سامنے آئی ہے، پولیس نے نکاح خواں اور تقریب کے دیگر شرکا کو گرفتار کر لیا۔

ایس ایس پی اور ڈپٹی کمشنر لڑکیوں کے والدین کے پاس پہنچ گئے، پولیس افسران نے لڑکیوں کے والدین سے ملاقات کر کے بات چیت کی۔

ایس ایس پی فرخ لنجار نے بتایا کہ نکاح خواں سمیت دیگر شرکا کو گرفتار کر لیا گیا ہے، گرفتار ہونے والے افراد سے تحقیقات کی جا رہی ہے۔

یہ بھی پڑھیں:  وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

یاد رہے کہ وزیرِ اعظم عمران خان نے سندھ اور پنجاب حکومت کو ہدایت کی ہے کہ اس معاملے پر مشترکہ حکمت عملی اختیار کی جائے اور حکومت سندھ ایسے واقعات کے تدارک کے لیے ٹھوس اقدامات بھی کرے۔

ادھر صوبائی وزیر ناصر حسین شاہ نے اے آر وائی سے گفتگو کرتے ہوئے کہا کہ سندھ حکومت کی پوری کوشش ہے کہ ایسے واقعات رونما نہ ہوں، واقعے پر سخت ایکشن لیا جا رہا ہے، اس معاملے پر قانون سازی بھی ہوئی ہے۔

انھوں نے کہا کہ اقلیتوں کے تحفظ کے لیے بلاول بھٹو کے واضح احکامات ہیں، اقلیتوں کو سینیٹ اور قومی و صوبائی اسمبلی میں نمائندگی بھی دی گئی ہے۔

کراچی: آئی جی سندھ نے پاک بھارت کشیدگی کے باعث پولیس کو آئندہ احکامات تک الرٹ رہنے کی ہدایت جاری کردی۔

تفصیلات کے مطابق آئی جی سندھ ڈاکٹر کلیم امام کی زیرصدارت اعلیٰ سطح کا اجلاس ہوا جس میں امن و امان کی صورتحال پر تبادلہ خیال کیا گیا۔

آئی جی سندھ نے چھٹیوں پر گئے تمام افسران اور اہلکاروں کو فوری رپورٹ کرنے کی ہدایت کی اور چھٹیاں منسوخ بھی کردی جبکہ کمانڈ اینڈ کنٹرول روم کو سخت مانیٹرنگ کی ہدایت بھی کی گئی۔

اس موقع پر ڈاکٹر کلیم امام نے حساس تنصیبات، ریڈزونز، عوامی اور اہم مقامات پر سیکیورٹی کے اقدامات مزید مؤثر بنانے کی ہدایت کی اور ضلعی سطح پر کمانڈ اینڈ کنٹرول سینٹر کے قیام کی منظوری بھی دی۔

آئی جی سندھ نے صوبائی سطح پر انٹیلی جنس معلومات کو بڑھانے اور تمام افسران کو تیار رہنے کی ہدایت بھی کی۔ ڈاکٹر کلیم امام کا کہنا تھا کہ صوبے میں سیکیورٹی کے نظام اور اسنیپ چیکنگ کے عمل کو مزید سخت بنایا جائے جبکہ پیٹرولنگ کا وقت بھی بڑایا جائے۔

قبل ازیں ڈی جی رینجرز سندھ میجر جنرل محمد سعید کی سربراہی میں اعلیٰ سطح اجلاس منعقد کیا گیا جس میں کراچی کے امن و امان کی صورتحال پر تفصیلی تبادلہ خیال بھی کیا گیا۔ اجلاس میں پی ایس ایل فور کے میچز  اور فائنل کے حوالے سے سیکیورٹی کے انتظامات پر بھی غور کیا گیا۔ اجلاس میں ایڈیشنل آئی جی، کمشنر کراچی، ڈی آئی جی ٹریفک، کاؤنٹرٹیررازم ڈیپارٹمنٹ کے سربراہ سمیت دیگر حکام نے شرکت کی۔

کراچی: ایڈیشنل آئی جی کراچی ڈاکٹر امیر شیخ نے پولیس فورس کو ملزمان کو گولی مارنے سے متعلق سخت ہدایات دے دیں۔

تفصیلات کے مطابق آج پولیس ہیڈ کوارٹرز میں پولیس کے تمام ایس ایچ اوز اور تفتیشی افسران کا اجلاس منعقد ہوا، اے آئی جی امیر شیخ نے ہدایت کی پولیس کسی کارروائی میں شہریوں کی زندگی خطرے میں ہرگز نہ ڈالے۔

[bs-quote quote=”اسلحے کے استعمال یا فائرنگ کرنے میں غیر ذمہ داری ہرگز نہ برتی جائے۔” style=”style-8″ align=”left” author_name=”اے آئی جی کراچی”][/bs-quote]

ایڈیشنل آئی جی نے اجلاس میں ہدایت کی کہ شہریوں کے جانی نقصان کا خطرہ ہو تو ملزمان کو مارنے کا فیصلہ نہیں کرنا چاہیے۔

ڈاکٹر امیر شیخ کا کہنا تھا کہ جرائم پیشہ عناصر کو دوبارہ گرفتار کیا جا سکتا ہے یا انھیں پھر کبھی مارا جا سکتا ہے، لیکن معصوم شہری کی زندگی واپس نہیں لائی جا سکتی۔

کراچی پولیس چیف نے ہدایت کی کہ اسلحے کے استعمال یا فائرنگ کرنے میں غیر ذمہ داری ہرگز نہ برتی جائے، شہریوں سے بد اخلاقی اور نا انصافی بھی کسی صورت برداشت نہیں کی جائے گی۔

یہ بھی پڑھیں:  کراچی پولیس مقابلہ، مقتول طالبہ نمرہ کی پوسٹ مارٹم رپورٹ سامنے آگئی

ایڈیشنل آئی جی کا کہنا تھا کہ پولیس ملازمین کو اسلحے کے استعمال کے حوالے سے تربیت دیتے رہیں گے۔

اجلاس میں گزشتہ روز انڈا موڑ پر پولیس مقابلے کے دوران گولی لگنے سے جاں بحق ہونے والی طالبہ نمرہ کے لیے دعا بھی کرائی گئی۔