ARYNews.tv | Urdu – Har Lamha Bakhabar

Tag: سندھ پولیس

  • کراچی میں تھانہ کلچرکوجدید طرزپرڈھالنےکے احکامات جاری

    کراچی میں تھانہ کلچرکوجدید طرزپرڈھالنےکے احکامات جاری

    کراچی : آئی جی سندھ نے تھانہ کلچر کو جدید طرز پر اور عوام دوست بنانے کے لیے احکامات جاری کردیے ہیں،حکومت نے تھانوں کا ماحول تبدیل کرنے کے لیے 10 کروڑ روپے کا بجٹ جاری کردیا۔

    ذرائع کے مطابق آئی جی سندھ کے احکامات کے مطابق کراچی کے تمام تھانوں کے ماحول کو عوام دوست بنانے کے لیے اہم اقدامات اُٹھانے کی منظوری دی گئی ہے جس کے لیے سندھ حکومت کی جانب سے 10 کروڑ روپے کی خطیر رقم ایڈیشنل آئی جی کو جاری کر دی گئی ہے۔

    آئی جی سندھ کے مطابق جاری کردہ رقم سے تھانوں میں جدید رپورٹنگ روم قائم کیے جائیں گے جن میں بااخلاق اور تعلیم یافتہ پولیس افسران کی تعیناتی کی جائے گی جب کہ سی پی ایل سی کا ایک افسر بھی رپورٹنگ سیل میں موجود رہے گا۔

    انہوں نے کہا کہ تھانے میں شکایات درج کروانے کے لیے آنے والوں کے مسائل فوری طور پر حل کر کے پولیس کے بارے میں عوامی تاثرکو بہتر بنایا جائے گا جس کی نگرانی کے لیے رپورٹنگ روم میں سی سی ٹی وی کیمروں سمیت، روم ائیر کنڈیشن اور جدید سہولیات بھی مہیا کی جائیں گی۔

    آئی جی سندھ کا مزید کہنا تھا کہ تھانوں میں رپورٹ کی اندراج کے لیے آنے والے سائلوں کی جانب سے پولیس اہلکاروں کے عدم تعاون کی شکایات سامنے آئیں تو تھانے میں موجود سی سی ٹی وی کیمروں سے مدد لیتے ہوئے غفلت برتنے والے اہلکاروں کے خلاف کارروائی کی جائے گی۔

  • راؤ انوار کو وزیراعظم کے کہنے پر معطل نہیں کیا گیا، ترجمان وزیر اعلیٰ

    راؤ انوار کو وزیراعظم کے کہنے پر معطل نہیں کیا گیا، ترجمان وزیر اعلیٰ

    کراچی: ترجمان وزیر اعلی سندھ نے عمران خان کے بیان کا جواب دیتے ہوئے کہا ہے کہ بعض سیاسی رہنماوں کا یہ تاثر غلط ہے کہ ایس ایس پی ملیر راؤ انوار کو وزیر اعظم کے کہنے پرمعطل کیا گیا۔

    ترجمان وزیر اعلی ہاوس سندھ جاری کردہ بیان میں کہا ہے کہ راؤ انوار کی معطلی وزیر اعظم کے کہنے پر نہیں کی گئی فیصلہ وزیر اعلیٰ سندھ مراد علی شاہ کا اپنا تھا۔

    ترجمان وزیر اعلیٰ سندھ کا کہنا تھا کہ بعض سیاسی رہنماوں کی جانب سے غلط تاثر پیش کیا جارہا ہے، وزیراعلیٰ سندھ مراد علی شاہ نے انتظامی معاملے کا پہلے فیصلہ خود کیا بعد میں وزیراعظم کا فون آیا۔

    ترجمان وزیر اعلیٰ نے کہا کہ سندھ حکومت نہ تو کسی مجرم کو معاف کرے گی اور نہ ہی کسی سے زیادتی ہونے دے گی ، حکومت چاہتی ہے کہ ہر ایک اپنا اپنا کام کرے ۔

    اس سے پہلے عمران خان نے سندھ پولیس کے معاملات میں وزیر اعظم نواز شریف کی سیاسی مداخلت پر تشویش کا اظہار کیا تھا انہوں نے کہا تھا کہ ایس ایس پی کی معطلی کیلئے مرکزی حکومت نے مداخلت کی۔

  • خفیہ کیمروں کی مدد سے تھانوں کی نگرانی کی جائے گی،آئی جی سندھ

    خفیہ کیمروں کی مدد سے تھانوں کی نگرانی کی جائے گی،آئی جی سندھ

    کراچی : آئی جی سندھ اے ڈی خواجہ کی زیر صدارت اجلاس میں عوامی شکایات کی پیش نظر خفیہ کیمروں کی مدد سے تھانوں کی مانیٹرنگ کرنے کا فیصلہ کرلیا ہے۔

    تفصیلات کے مطابق پولیس کے روئیے اور عوامی شکایات سے تنگ پولیس حکام نے تھانوں کی نگرانی کے لیے جدید ٹیکنالوجی استعمال کرنے کا فیصلہ کرلیا ہے،شہر کے تمام تھانوں میں سی سی ٹی وی کیمرے نصب کیے جائیں گے۔

    پولیس ذارئع کے مطابق تھانوں کی مانیٹرنگ کا فیصلہ پولیس کے روایتی رویے کے باعث کیا گیا تمام تھانوں میں ایس ایچ او روم ،ڈیوٹی افسر روم ،اور تھانے کے باہر بھی سی سی ٹی وی کیمرے لگائے جائیں گےپولیس حکام کے مطابق تمام سی سی ٹی وی کیمروں کو علیحدہ کمانڈ اینڈ کنٹرول روم سے آپریٹ اور مانیٹرنگ کی جائے گا غفلت برتنے یا سائل کی شکایت پر درج نہ کرنے پر فوری طور پر کارروائی عمل میں لائی جائے گی۔

    اس حوالے سے تمام تھانوں میں سی پی ایل سی کے اشتراک سے عوام کی سہولت کے لیے فیسلیٹیشن سینٹر بھی بنایا جائے گا جہاں عوام پولیس سے متعلق شکایات سمیت ہر قسم کی شکایت درج کراسکیں گے جس پر پولیس حکام فوری کارروائی عمل میں لائیں گے اور غفلت برتنے والے ایس ایچ او اور ہیڈ محرر وغیرہ کے خلاف تادیبی کارروائی کریں گے۔

    ذرائع کے مطابق منصوبے کی آئی جی سندھ نے منظوری دیدی ہے اور رواں مالی سال کے بجٹ میں مختص رقم سے جلد اس منصوبے پرعمل کیا جائے گا۔

  • اویس شاہ کیس: سندھ پولیس بابو سرور سیال کا بیان ریکارڈ کرے گی

    اویس شاہ کیس: سندھ پولیس بابو سرور سیال کا بیان ریکارڈ کرے گی

    کراچی : ق لیگ کے رہنما بابو سرور سیال کا بیان ریکارڈ کرانے کے لئے سندھ پولیس حرکت میں آگئی۔

    تفصییلات کے مطابق گزشتہ روز دئیے گئے ق لیگ کے رہنما بابو سرور سیال کے بیان نے سندھ کی سیاست میں ہلچل برپا کردی، جس میں انہوں نے سندھ ہائیکورٹ کے چیف جسٹس سجاد علی شاہ کے بیٹے اویس شاہ کے اغواء کا الزام صوبائی وزیر داخلہ سندھ سہیل انور سیال اور ان کے بھائی پر طارق سیال پر عائد کیا ہے۔


    Interior minister’s brother accused of… by arynews

    آئی جی سندھ نے بھی ڈی آئی جی کو بابو سرور سیال کا بیان قلمبند کرنے کی ہدایت کردی ہے۔ ترجمان سندھ پولیس کا کہنا ہے کہ اویس شاہ اغواء کیس میں ٹھوس شواہد حاصل کئے جائیں گے۔

    آئی جی سندھ کا کہنا ہے کہ اویس شاہ اغواء کیس جلد منطقی انجام تک پہنچایا جائے گا۔ بابو سرور سیال کے بیان سے متعلق تفصیلات فوری دی جائیں۔

    یاد رہے کہ گزشتہ روز ق لیگ لاڑکانہ کے رہنما بابو سرور سیال نے ایک پریس کانفرنس میں الزام عائد کیا کہ سندھ ہائیکورٹ کے چیف جسٹس سجاد علی شاہ کے بیٹے اویس شاہ کو صوبائی وزیر داخلہ کے بھائی نے اپنے بھائی کی ایماء پراغواء کرایا۔

    ان کے ساتھ تین پولیس افسران بھی اس اغواء کی واردات میں ملوث ہیں، ان کا کہنا تھا کہ اس حوالے سے تفتیشی ادارے نے بلایا تو تمام ثبوت پییش کروں گا۔

    انہوں نے کہا کہ طارق انور سیال لاڑکانہ کا عذیر بلوچ بنا ہوا ہے۔ اس کو گرفتار کیا گیا تو اس کے قبضے سے اربوں  روپے اور اسلحہ نکلے گا۔

  • امجد صابری اور اویس شاہ کیس، پولیس کو جلد کامیابی حاصل ہوگی، آئی جی کا دعویٰ

    امجد صابری اور اویس شاہ کیس، پولیس کو جلد کامیابی حاصل ہوگی، آئی جی کا دعویٰ

    کر اچی : آئی جی سندھ پولیس اے ڈی خواجہ نے کہا ہے کہ اویس شاہ اغوا اور امجد صابری قتل کیس کی تحقیقات میں پیش رفت ہوئی ہے ، پولیس کو جلد کامیابی حاصل ہوگی۔

    تفصیلات کے مطابق اے ڈی خواجہ نے سی پی ایل سی کے دفتر میں منعقدہ سیمنار میں شرکت کے بعد میڈیا سے گفتگو کرتے ہوئے کہا کہ ’’جرائم پیشہ عناصر کے خلاف پولیس کی کارروائیاں جاری ہیں تاہم ٹیکنالوجی کے حصول کے بغیر جرائم پر قابو پانا ناممکن ہے۔

    انہوں نے مزید کہاکہ ’’اسلام آباد میں جرائم نہ ہونےکی وجہ وہاں پر لگے سی سی ٹی وی کیمرے ہیں پورے اسلام آباد میں 15 ارب روپے کے کیمرے نصب کیے گیے ہیں ، یہ علاقے کراچی کے ڈسٹرکٹ ساؤتھ سے بھی چھوٹا علاقہ ہے۔

    آئی جی سندھ نے کہا کہ کراچی میں 2200 کیمرے نصب کیے گئے ہیں جن میں سے بیشتر خراب ہیں، شہر میں نصب کیمرے 2 میگا پکسل کے ہیں جن میں مجرمان کے چہرے واضح نہیں ہوتے جس کے باعث اُن کی گرفتاری نہیں ہو پاتی تاہم یہ کیمرے زیادہ دور تک فوکس کرنے کے اہل بھی نہیں ہیں۔

    اے ڈی خواجہ نے کہا کہ امجد صابری قتل کیس اور اویس شاہ اغوا کیس کی تحقیقات صیح سمت میں جارہی ہیں تاہم اس حوالے سے میڈیا کو بعد میں تفصیلی طور پر آگاہ کیا جائے گا، شہر میں جرائم کو قابو پانے کے لیے ایک لاکھ کیمروں کی ضرورت ہے تاہم پہلے سے نصب کیمروں کو اپ گریڈ کرنے اور اُن کی مرمت کے حوالے سے اقدامات کیے جارہے ہیں۔

    اس تقریب میں سی پی ایل سی چیف زبیر حبیب، سابق آئی جی سندھ شعیب سڈل سمیت دیگر اعلیٰ افسران بھی موجود تھے۔

  • کراچی پولیس نے آپریشن کے دوران 22 غیر ملکی افراد کو حراست میں لے لیا

    کراچی پولیس نے آپریشن کے دوران 22 غیر ملکی افراد کو حراست میں لے لیا

    کراچی : کراچی پولیس نے غیر ملکی افراد کے خلاف کریک ڈاؤن آپریشن جاری ہے آپریشن کے دوران دو درجن سے زائد غیر ملکی باشندوں کو گرفتار کر لیا گیا ہے۔

    ایس ایس پی اورنگی ٹاؤن علی آصف نے صحافیوں سے بات کرتے ہوئے کہا کہ گزشتہ روز اورنگی تاؤں میں سرچ آپریشن کیا گیا ،آپریشن کے دوران 22 غیر ملکیوں کو گرفتار کر کے مختلف تھانوں میں منتقل کر دیا گیا ہے جہاں غیرل ملکی باشندوں سے تفتیش جارہی ہے۔

    ایس پی اورنگی کے مطابق حالیہ کارروائی نیشنل ایکشن پلان کے تحت کی گئی ہے کارروائی کے دوران نامکمل کوائف اور سفری کاغذات نہ رکھنے پر 22 غیر ملکی افراد کو گرفتار کر لیا گیا ہے۔

    پولیس ذرائع کے مطابق گرفتار افارد کئی سالوں سے پاکستان میں مقیم تھے تا ہم اُن کے پاس کوئی سفری دستاویزات نہیں تھیں اور نہ ہی یہ افراد پاکستان میں داخل ہونے کے رُوٹ اور مقصد کے حوالے سے پوچھے گئے سوالات کا تسلی بخش جواب نہیں دے پائے تھے اس لیے ان افراد سے مزید تحقیقات کے لیے تھانے منتقل کردیا گیا ہے۔

    واضح رہے امریکہ کی جانب سے کیے گئے ڈرون حملے کے نتیجے میں افغان طالبان کے امیر ملا اختر منصور کی نوشکی میں ہلاکت اور کراچی میں جعلی دستاویزات پر رہائش اور بیرون ملک سفر کرنے کے بعد سے پولیس نے غیرملکی باشندوں کےخلاف آپریشن تیز کر رکھا ہے۔

  • عید الفطر کے حوالے سے سیکیورٹی پلان تیار کرلیا ہے،آئی جی سندھ

    عید الفطر کے حوالے سے سیکیورٹی پلان تیار کرلیا ہے،آئی جی سندھ

    کراچی: سندھ پولیس نے عید الفطر کے حوالے سے سخت سیکیورٹی پلان ترتیب دے دیا ہے جس کے تحت تمام انٹیلی جینس ایجینسیز مربوط نظام کے تحت کام کریں گی

    آئی جی سندھ کے ترجمان کے مطابق آئی جی سندھ نے کہا ہے کہ قانون نافذ کرنے والے دیگر اداروں اور انٹیلی جینس ایجینسیوں سے مربوط روابط کے تحت تمام مرکزی مساجد ، امام بارگاہوں اور عید گاہ اجتماعات کو فول پروف سیکیورٹی دی جائے گی

    اس کے علاوہ آغا خانی ، بوہری اور اسماعیلی سمیت قادیانیوں کی عبادت گا ہوں پر بھی تھانوں کی سطح پر ناصرف فول پروف سیکیورٹی اکو ممکن بنایا جائے گا اور تھا نے کی سطح پران مقامات کو کنٹی جینسی پلان میں شامل کیا جائے گا

    آئی جی سندھ کے ترجمان کے مطابق تمام پبلک مقامات بشمول شاپنگ سینٹرز،عید بچت بازاروں، ریلوے اسٹیشنوں، بس ٹرمینلز وغیرہ پر بھی غیر معمولی سیکیورٹی اقدامات کیے گئے ہیں عید الفطر کے موقع پر مرتب کردہ کنٹی جینسی پلان کے تحت تمام ایس پیز ، ایس ڈی پی اوز اور ایس ایچ اوز خصوصی احکامات کے پیش نظر موبائل گشت ، موٹر سائیکل گشت کے ساتھ ساتھ اس امر کو بھی یقینی بنائیں گے کہ پیٹرولنگ روٹس میں نماز عید کے اجتماعات / مساجد / امام بارگاہں وں کو موْثر طور پر کور کیا گیا ہے۔

    آئی جی سندھ نے ہدایات جاری کی ہیں کہ تھانوں کی سطح پر سرویلینس ٹیموں کی تشکیل او شاپنگ سینٹرز، پرہجوم پبلک مقامات ، کار موٹر سائیکل پارکنگ سمیت نماز عید کے کھلے مقامات کے اندرونی اور اطراف کے حصوں میں تعیناتیوں کو مرتب کردہ منصوبے کا حصہ بنایا جائے۔

    آئی جی سندھ نے کہا کہ تیار کیئے جانیوالے عیدالفطر سیکیورٹی پلان میں تمام ضلعی ایس ایس پیز اپنے اپنے علاقوں میں معززین علاقہ و معروف سیاسی و مذہبی شخصیات کے تعاون سے قابل اعتراض یا دل آزار وال چاکنگ ،پوسٹرز ، پمفلٹس و لٹریچرز کی تقسیم کی روک تھام کو ناصرف یقینی بنائیں گے بلکہ ایسے عناصر کے خلاف سخت قانونی کاروئی کو بھی ممکن بنائیں گے۔

    سندھ پولیس کے ترجمان کے مطابق آئی جی سندھ نے واضح ہدایت دی ہیں کہ صوبے میں قیام امن اقدامات کی موْثر طور پر مانیٹرنگ کے لیئے پولیس رینج کی سطح پر مرکزی کنٹرول رومز کے قیام کو سیکیورٹی پلان کا حصہ بنایا جائے۔

    مرکزی کنٹرول روم پولیس کے دیگر وائرلیس کنٹرول رومز سے مسلسل رابطے میں رہتے ہوئے عیدالفطر کے تینوں دنوں میں سیکیورٹی کی مجموعی صورتحال کا ریکارڈ ترتیب دینگے اور وقتاً فوقتاًجاری ضروری احکامات کے تحت سیکیورٹی کو مذید سخت اور غیر معمولی بنائیں گے۔

  • سندھ پولیس میں افسران کے تبادلے، سپریم کورٹ نے ازخود نوٹس لے لیا

    سندھ پولیس میں افسران کے تبادلے، سپریم کورٹ نے ازخود نوٹس لے لیا

    اسلام آباد : سپریم کورٹ نے اویس شاہ اغواء کیس میں افسران کو بحال کرنے کانوٹس لیتے ہوئے سیکریٹری داخلہ اورآئی جی سندھ کو چارجولائی کو طلب کرلیا۔

    تفصیلات کے مطابق سپریم کورٹ کے چیف جسٹس انور ظہیر جمالی نے سندھ پولیس میں سیاسی مداخلت کا ازخود نوٹس لے لیا۔ سندھ ہائی کورٹ کے چیف جسٹس سید سجاد علی شاہ کے بیٹے اویس شاہ کے اغواء کے بعد معطل ہونے والے ایس ایس پی ساﺅتھ فاروق احمد کو بحال کرنے پر چیف جسٹس سُپریم کورٹ نے نوٹس لیتے ہوئے سیکریٹری داخلہ اورآئی جی سندھ کو چارجولائی کوطلب کرلیا ہے۔

    چیف جسٹس نے سندھ پولیس میں مداخلت پر جسٹس امیر ہانی مسلم کے نوٹ کو آئینی درخواست میں تبدیل کردیا۔ جسٹس امیر ہانی مسلم نے نوٹ لکھا تھا کہ سندھ پولیس میں سیاسی مداخلت کراچی بدامنی کیس کے فیصلے کی خلاف ورزی ہے۔

    سپریم کورٹ کے چیف جسٹس نے ایک کاروباری شخصیت کے "فرنٹ مین” کی سندھ پولیس میں مداخلت کی خبر کا نوٹس لیتے ہوئے چیف سیکریٹری ، سیکریٹری داخلہ، آئی جی سندھ اور دیگر سے جواب طلب کر لیا ہے۔

    واضح رہے کہ چیف جسٹس سندھ ہائی کورٹ کے بیٹے کو کلفٹن سے نامعلوم افراد اغواء کرکے لے گئے، تمام سیکیورٹی ادارے انہیں تلاش کررہے ہیں۔

    اس حوالے سے جے آئی ٹی بھی تشکیل دی جاچکی ہے تاہم ابھی تک ان کی بازیابی تو درکنار ان کے اغواء سے متعلق کوئی سراغ تک نہ لگایا جاسکا۔

     

  • اویس شاہ اغوا کیس، سندھ پولیس نے پنجاب پولیس سے مدد مانگ لی

    اویس شاہ اغوا کیس، سندھ پولیس نے پنجاب پولیس سے مدد مانگ لی

    کراچی: سندھ پولیس نے اویس شاہ اغوا کیس میں پنجاب پولیس سے مدد مانگ لی، آئی جی پنجاب مشتاق سکھیرا نے کہا ہے کہ سندھ پولیس کو کچھ معلومات دی ہیں ان سے ہر ممکن تعاون کیا جائےگا۔

    تفصیلات کے مطابق سندھ پولیس نے اویس شاہ اغوا کیس میں پنجاب پولیس سے مدد طلب کرلی ہے جواب میں پنجاب پولیس نے تعاون کی یقین کرائی ہے، اس حوالے سے آئی جی پنجاب مشتاق سکھیرا نے کہا ہے کہ چیف جسٹس سندھ ہائی کورٹ کے بیٹے اویس شاہ کی بازیابی کے لیے سندھ پولیس نے مدد مانگی ہے، اس سلسلے میں ان سے معلومات کا تبادلہ جاری ہے، ہماری کوشش ہے کہ ان سے ہرممکن تعاون کیا جائےگا۔

    یہ بات انہوں نے آئی جی آفس لاہور میں کرائم سین سے شواہد اکٹھے کرنے والی جدید گاڑیوں کی تقسیم کی افتتاحی تقریب کے موقع پر میڈیا سے گفتگو کرتے ہوئے کہی۔

    قبل ازیں شہدا پولیس کے ورثا کو نجی کی بینک جانب سے اے ٹی ایم کارڈ دینے کی تقریب سے خطاب کرتے ہوئے انہوں نے کہا کہ پنجاب میں پولیس افسران کو آوٹ آف ٹرن ترقیاں دی گئیں ان کی تنزلی عدالت عظمی کے احکامات کی روشنی میں کی گئی۔

    آئی جی پنجاب نے مزید کہا کہ شہید پولیس اہلکاروں کے ورثا کی فلاح و بہبود کے لیے مزید اقدامات کیے جائیں گے۔

    اطلاعات کے مطابق اویس شاہ اغوا کیس میں سندھ کے تمام سیکیورٹی اداروں‌ کی جانب سے ان کی بازیابی کے لیے کوششیں‌جاری ہیں لیکن سوائے ان کے موبائل فون کے تاحال کوئی سراغ نہیں مل سکا۔

    اب تک سیکیورٹی اداروں کو اویس شاہ کا صرف ایک سراغ ملا ہے اور وہ بھی ان کے موبائل فون کا ہے جو دو ورز قبل علاقہ غیر میں لنڈی کوتل میں پانچ منٹ کے لیے کھولا گیا تھا۔

    یہ بھی پڑھیں:اویس شاہ اغوا کیس میں پیش رفت،موبائل فون کی لنڈی کوتل میں نشاندہی

     لیکن اس حوالے سے آئی جی سندھ اللہ ڈنو خواجہ نے سندھ کابینہ کو بریفنگ میں کہا تھا کہ اویس شاہ کے موبائل فون کی نشاندہی کا معاملہ محض ایک سراب ہے جس کا مقصد تفتیشی اداروں کو غلط رخ پر ڈالنا ہے۔ انہوں نے یقین ظاہر کیا تھا کہ اویس شاہ تاحال کراچی میں ہی ہیں اور انہیں جلد بازیاب کرالیا جائے گا۔

    مزید پڑھیں:اویس شاہ کراچی میں ہی ہیں، آئی جی کی سندھ کابینہ کو بریفنگ

  • سندھ پولیس میں غیرقانونی بھرتیوں کی تحقیقات نیب کے حوالے

    سندھ پولیس میں غیرقانونی بھرتیوں کی تحقیقات نیب کے حوالے

    کراچی : سندھ پولیس کےتفتیشی فنڈزمیں کرپشن اورغیرقانونی بھرتیوں کے معاملہ کا نوٹس لیتے ہوئے سپریم کورٹ نے نیب کو تحقیقات کرکے چارہفتوں میں رپورٹ پیش کرنیکی ہدایت کردی۔

    عدالت عظمیٰ نے تحریری حکم نامہ جاری کردیا۔ تفصیلات کے مطابق سپریم کورٹ کراچی رجسٹری نے سندھ پولیس میں کرپشن اورغیرقانونی بھرتیوں کامعاملہ نیب کےسُپرد کردیا۔

    عدالت عظمیٰ نےنیب کوچارہفتوں میں تحقیقات کرکے رپورٹ پیش کرنے کا تحریری حکم دے دیا، سندھ پولیس کرپشن کیس کی سماعت سپریم کورٹ کراچی رجسٹری میں ہوئی۔

    بینچ نےچیف سیکرٹری سندھ کوبھرتیوں سےمتعلق ریکارڈ تک نیب حکام کورسائی دینےکی ہدایت کی، گزشتہ روزفیکٹ فائنڈنگ کمیٹی نےفورس میں بڑےپیمانے پرخوردبرد اورخلاف ضابطہ بھرتیوں کاانکشاف کیا تھا۔

    رپورٹ میں پولیس افسران پرمشتمل کمیٹی نے کرپشن کاذمہ دارآئی جی سندھ کوٹھہرایاتھا۔