کراچی: وزیراعلی سندھ قائم علی شاہ سے سندھ میں تعینات ہونے والے نئے ڈی جی رینجرز نے ملاقات کی اورصوبے امن وامان کی صورتحال اور کراچی ٹارگٹڈ آپریشن پر تبادلہ خیال کیا ۔
وزیراعلیٰ سندھ سید قائم علی شاہ کا سندھ رینجرز کے نئے ڈی جی میجر جنرل بلال اکبر سے ملاقات میں کہنا تھا رینجرز اور پولیس کے مشترکہ اقدامات کے باعث صوبے میں امن وامان کی صورتحال بہتر ہوئی ہے۔ ان کا کہنا تھا کراچی میں ٹارگٹڈ آپریشن آخری مجرم کے خاتمے تک جاری رہے گا، وزیر اعلی سندھ کا کہنا تھا سندھ حکومت نے کراچی کے لوگوں کو جرائم پیشہ افراد سے نجات دلاکر پرامن ماحول فراہم کرنے کا عزم کیا ہوا ہے۔
