Tag: سندھ کابینہ

کراچی: سندھ کابینہ نے حادثات و سانحات میں زخمی ہونے والے شہریوں کا علاج سرکاری سطح پر کرنے کا فیصلہ کر لیا ہے۔

تفصیلات کے مطابق سندھ کابینہ نے بڑا فیصلہ کر لیا ہے، حادثات، سانحات، واقعات کے زخمیوں کا علاج سرکار کرے گی، اس سلسلے میں سندھ کابینہ نے سندھ انجرڈ پرسنز ٹریٹمنٹ بل کی منظوری بھی دے دی۔

[bs-quote quote=”یہ پاکستان میں اپنی نوعیت کا پہلا قانون ہے جو صوبہ سندھ میں لاگو ہوگا۔” style=”style-7″ align=”left” color=”#dd3333″][/bs-quote]

یہ پاکستان میں اپنی نوعیت کا پہلا قانون ہے جو صوبہ سندھ میں لاگو ہوگا۔

کسی بھی اسپتال میں زخمی کے علاج پر ہونے والے اخراجات حکومت ادا کرے گی، نجی اسپتال میں بھی زخمیوں کے علاج کے اخراجات حکومت دے گی۔

سندھ کابینہ نے طے کیا ہے کہ ہنگامی علاج کی سہولت نہ ہونے پر کسی ادارے کو اسپتال کا درجہ نہیں ملے گا، اور ہر اسپتال میں 2 ایمبولینس ہونا لازم ہوگا۔

یہ بھی پڑھیں:  سال 2018: کراچی میں 797 افراد ٹریفک حادثات میں ہلاک ہوئے

انجرڈ پرسنز ٹریٹمنٹ بل کے تحت زخمیوں کے ساتھ ساتھ ڈاکٹرز کے حقوق کا بھی تحفظ کیا گیا ہے۔

خیال رہے کہ ایک ہفتے قبل ایدھی فاؤنڈیشن نے اپنی کارکردگی رپورٹ میں کہا تھا کہ گزشتہ سال کے دوران کراچی میں 797 افراد ٹریفک حادثات میں ہلاک ہوئے، جب کہ 16 ہزار 980 افراد زخمی ہوئے۔

کراچی: چیئرمین پاکستان پیپلز پارٹی بلاول بھٹو نے سندھ کابینہ ارکان سے براہِ راست رابطہ کرتے ہوئے ہالہ کی کم سِن بچی کے اغوا پر جواب طلب کر لیا۔

تفصیلات کے مطابق بلاول بھٹو نے معاونِ خصوصی برائے انسانی حقوق کھٹو مل جیون سے رابطہ کر کے جواب طلب کیا کہ ہالہ سے اغوا بچی مونیکا بازیاب کیوں نہیں ہوئی؟

[bs-quote quote=”پیپلز پارٹی اقلیتوں کے مکمل تحفظ پر یقین رکھتی ہے: بلاول بھٹو” style=”style-7″ align=”left” color=”#dd3333″][/bs-quote]

پی پی رہنما نے کہا کہ سندھ حکومت ہر صورت میں کم سِن بچی کو بازیاب کرائے، عوام کے جان و مال کی حفاظت کرنا سندھ حکومت کی ذمہ داری ہے۔

بلاول بھٹو کا کہنا تھا کہ معصوم بچی کے اغوا کا واقعہ افسوس ناک ہے، ملزمان پکڑے جائیں، پیپلز پارٹی اقلیتوں کے مکمل تحفظ پر یقین رکھتی ہے۔

دریں اثنا معاونِ خصوصی کھٹو مل جیون نے بچی کی بازیابی کے سلسلے میں پیش رفت سے پی پی چیئرمین کو آگاہ کیا، کہا سندھ حکومت انتظامیہ سے مسلسل رابطے میں ہے، انتظامیہ نے یقین دلایا ہے بچی جلد بازیاب کرالیں گے۔

یہ بھی پڑھیں:  حیدرآباد: بچی کے قتل کیس میں ڈرامائی موڑ، ماں گرفتار

ڈی جی خان میں ٹریفک حادثہ

ڈیرہ غازی خان میں دو بسوں کے تصادم کے افسوس ناک ٹریفک حادثے میں 19 قیمتی جانوں کے ضیاع پر بلاول بھٹو نے افسوس کا اظہار کیا۔

چیئرمین بلاول بھٹو زرداری نے کہا کہ ٹریفک حادثے کی خبر نے افسردہ کر دیا۔ انھوں نے ہدایت کی کہ پارٹی کے مقامی رہنما و کارکنان متاثرین کی مدد کریں۔

کراچی: سندھ کابینہ کے اراکین کو مختلف محکموں کے قلم دان سونپ دیے گئے، حکومتِ سندھ کی جانب سے محکموں کے نوٹیفکیشن بھی جاری کر دیے گئے۔

تفصیلات کے مطابق آج سندھ کابینہ کے آٹھ ارکان کی جانب سے حلف اٹھائے جانے کے بعد ان کے مخصوص محکموں کے قلم دان بھی باقاعدہ طور پر انھیں سونپ دیے گئے۔

نوٹیفکیشن کے مطابق عذرا فضل پیچوہو کو محکمۂ صحت و بہبودِ آبادی کا قلم دان سونپ دیا گیا ہے، جب کہ ہری رام کشوری لال کو تین شعبہ جات دیے گئے ہیں جن میں جیل خانہ جات، اقلیتی امور اور سماجی بہبود کا قلم دان شامل ہیں۔

اسماعیل راہو وزیرِ زراعت و سپلائز، میر شبیر بجارانی محکمۂ معدنیات کے وزیر مقرر کر دیے گئے ہیں، مخدوم محبوب الزمان کو ریونیو اور بحالی کا قلم دان دیا گیا ہے۔

سعید غنی کو بھی تین محکمے سونپے گئے ہیں جن میں بلدیات، پبلک ہیلتھ انجینئرنگ اور کچی آبادی کے محکمہ جات شامل ہیں، جب کہ شہلا رضا کو حقوقِ نسواں کا قلم دان سونپا گیا ہے۔

یہ بھی پڑھیں:  سندھ کی نئی کابینہ کے 8 ارکان نے حلف اٹھا لیا

تعلیم، ثقافت و سیاحت اور نوادرات کے محکموں کا قلم دان سید سردار علی شاہ کے پاس ہوگا، جب کہ سردار محمد بخش مہر، مرتضیٰ وہاب وزیرِ اعلیٰ سندھ کے مشیر ہوں گے۔

واضح رہے کہ آج گورنر ہاؤس میں سندھ کی نئی کابینہ کے 8 ارکان نے حلف اٹھایا، قائم مقام گورنر سندھ آغا سراج درانی نے کابینہ کے اراکین سے حلف لیا، کابینہ 8 وزار اور 2 مشیروں پر مشتمل تھا۔