Tag: سندھ کابینہ

کراچی : سندھ کابینہ نے وزیراعلٰی سندھ کوسندھ حکومت کے 300 بنگلوں،فلیٹس اور کوارٹرز پر سابق افسران اور سیاسی شخصیات کے قبضے سے آگاہ کردیا۔

تفصیلات کےمطابق سندھ کابینہ نے وزیراعلیٰ سندھ مرادعلی شاہ کو حکومت سندھ کے 300 بنگلوں پر غیر متعلقہ افراد کے قبضےسے آگاہ کیا ہے جن میں خصوصاََ باتھ آئی لینڈ میں کئی بنگلے ہیں جن میں سے ایک پر پنجاب سے تعلق رکھنے والے سابق افسر5سال سےقبضہ کیا ہواہے۔

سندھ کابینہ نے وزیراعلیٰ سندھ کو بتایا کہ وزیراعلیٰ ہاؤس کے پیچھے ایک بنگلہ ہے جس پر ایک بااثر شخصیت کا قبضہ ہے اور اس بنگلے میں اس شخصیت کا خاص شخص مقیم ہے۔

وزیراعلیٰ سندھ مراد علی شاہ کو بتایا گیا کہ ان بنگلوں اور فلیٹس کا ماہانہ کرایہ حکومت سندھ کی جانب سے اداکیا جاتاہے اور جب بھی حکومت سندھ کی جانب سے ان بنگلوں پر سے قبضہ خالی کروانے کے لیے اقدامات کیے جاتے ہیں تو کوئی نہ کوئی بااثر سیاسی شخصیت مداخلت کرتی ہے۔

خیال رہے کہ گزشتہ روز ہونے والے سندھ کابینہ کے اجلاس میں یہ بات بتائی گئی تھی اور آج وزیراعلیٰ سندھ کی جانب سے چیف سیکریٹری کو کہا گیا ہے کہ وہ ایک نوٹ بنا کر بھیجیں اور ان بنگلوں کو خالی کروانے کے لیے اقدامات کریں تاکہ ان بنگلوں اور فلیٹس میں موجودہ سرکاری افسران کو ٹھہرایا جا سکے۔

ًمزید پڑھیں:امن و امان خراب کر نے والوں کےلیے زیرو ٹالرنس، وزیر اعلیٰ سندھ

واضح رہے کہ گزشتہ روز وزیراعلیٰ سندھ کی سربراہی میں کابینہ کا اجلاس ہوا تھا جس میں وزیراعلیٰ سندھ نے شہر میں امن وامان کی موجودہ صورت حال پر عدم اطمینان کا اظہار کیاتھا۔

کراچی: سندھ کابینہ نے صوبے بھرمیں شیشہ، مین پوری اورگٹکے پرپابندی کے علاوہ پروٹوکول اور اپلائیڈ فاررجسٹریشن نمبر پر بھی پابندی لگادی۔

تفصیلات کےمطابق وزیراعلیٰ مراد علی شاہ کی زیرصدارت سندھ کابینہ کا اجلاس جاری ہے جس میں صوبائی وزرا،مشیراورمعاونین خصوصی نے شرکت کی۔

اجلاس میں سرکاری ملازمتوں سے پابندی ختم کرنے، دینی مدارس ترمیمی بل،اسپیشل سیکیورٹی ڈویژن ترمیمی بل،احتساب ترمیمی بل، سندھ ٹرانسپرنسی اینڈرائٹ ٹو انفارمیشن ترمیمی بل اورسندھ فوڈ اتھارٹی ترمیمی بل پرغورکیا گیا۔

وزیراعلیٰ سندھ کے زیرصدارت اجلاس کے دوران امن وامان کی مجموعی صورت حال اور محرم الحرام کے سیکورٹی پلان پر بھی تفصیلی تبادلہ خیال کیا گیا۔

آئی جی اے ڈی خواجہ نے اجلاس کے دوران سیکورٹی پلان سے متعلق بریفنگ دی۔انہوں نے بتایا کہ محرم الحرام کے حوالے سے غیرضروری سکیورٹی انتظامات کرلیے گیے ہیں۔

انہوں نے کہا کہ پولیس اوررینجرزمل کرکام کررہے ہیں،تمام ایجنسیوں کا تعاون حاصل ہے،سی سی ٹی وی کا سسٹم مزید بہتر کیا گیا ہے،سندھ بلوچستان سرحد کی نگرانی بڑھادی گئی ہے۔

وزیر اعلیٰ سندھ نے کہا کہ عوامی مقامات پرسگریٹ پینے والوں کو بھی سزا دی جائےگی،عوام کو حکومت سندھ سے امیدیں ہیں تمام منتخب نمائندوں کو ایماندری اور محنت سے کام کرنا چاہیے۔

ّواضح رہے کہ سندھ کابینہ نے لائن آف کنٹرول پر بھارتی جارحیت کی شدید مذمت کرتے ہوئے وزیراعظم سے آل پارٹیز کانفرنس بلانے کا مطالبہ کیاہے۔