Tag: سندھ کی خبریں

کراچی: وزیر اعلیٰ سندھ مراد علی شاہ نے کہا ہے کہ سندھ حکومت گرین لائن مکمل ہونے سے پہلے اورنج لائن چلا دے گی۔

تفصیلات کے مطابق میڈیا سے گفتگو کرتے ہوئے وزیر اعلیٰ سندھ نے کہا کہ اورنج لائن ہماری ذمہ داری ہے، گرین لائن مکمل ہونے سے پہلے اورنج لائن چلا دیں گے۔

وزیر اعلیٰ نے کہا کہ گرین لائن سے پہلے اورنج لائن مکمل ہو جائے گی، جب کہ یلو لائن پر عالمی بینک نے قرضہ دینے کا کہہ دیا ہے، ورلڈ بینک سے لون ایگریمنٹ بھی ہو گیا ہے۔

سندھ کے وزیر اعلیٰ کا یہ بھی کہنا تھا کہ نئی حکومت نے کہا تھا کراچی میں بسیں بھی ہم لائیں گے، لیکن حکومت کے آنے کے بعد سے اب تک تو بسیں نہیں ملیں۔

یہ بھی پڑھیں:  کراچی: گرین لائن منصوبہ تاخیر کا شکار، شہری 3 سال سے منصوبے کی تکمیل کے منتظر

خیال رہے کہ چند دن قبل اے آر وائی نیوز نے ایک خصوصی رپورٹ میں کہا تھا کہ کراچی میں ٹرانسپورٹ کے دیرینہ مسئلے کے حل کے لیے لایا جانا والا گرین لائن بس منصوبہ تین سال بعد بھی تاخیر کا شکار ہے، شہری تا حال منصوبے کی تکمیل کے منتظر ہیں۔

رپورٹ کے مطابق وفاق اور سندھ میں اختلافات کے بعد سے وفاق نے یہ منصوبہ اپنے کنٹرول میں لے لیا تھا، بسوں کی خریداری کے لیے نئے بجٹ میں ڈھائی ارب روپے بھی مختص کیے جا چکے ہیں۔

22 کلو میٹر پر مشتمل گرین لائن بس منصوبے کے ٹریک پر 22 اسٹیشن تھے لیکن یہ اسٹیشنز ابھی تک مکمل نہیں کیے گئے ہیں اور تعمیراتی کام تا حال جاری ہے۔

کراچی: سندھ پولیس کی تاریخ میں پہلی مرتبہ حساس ملزمان کی بلیک بک تیار کر لی گئی، یہ بلیک بک انتہائی خطرناک اور سنگین جرائم میں ملوث ملزمان پر مشتمل ہے۔

تفصیلات کے مطابق سندھ کے انسپکٹر جنرل آف پولیس ڈاکٹر کلیم امام کی ہدایت پر سندھ پولیس نے سنگین جرائم میں ملوث ملزمان کی پہلی مرتبہ ایک بلیک تیار کر لی ہے۔

ترجمان سندھ پولیس کے مطابق انتہائی مطلوب مشتہر ملزمان کی تمام تر تفصیلات بلیک بک میں موجود ہوں گی، وہ مشتہر ملزمان جن کی زندہ یا مردہ گرفتاری پر سر کی قیمت بھی مقرر کی گئی ہے۔

بلیک بک میں مشتہر مجرمان کے کرائم ریکارڈ کی تفصیلات شامل کی گئی ہیں، بتایا گیا ہے کہ یہ معلومات سندھ پولیس کے لیے انتہائی مفید اور کارآمد ثابت ہوں گی، بلیک بک کی وجہ سے کوئی مجرم دوسرے علاقے یا شہر میں روپوش نہیں رہ پائے گا۔

A GREAT INITIATIVE BY #IGSINDH.
Sindh Police has compiled a booklet for the first time. This black booklet features all the names of notified dacoits & criminals. The List has also been provided to all regional & additional IGs.#SindhPoliceDMC @PoliceAwam @JokhyoSohail pic.twitter.com/aXgib8UshO

— Sindh Police (@sindhpolicedmc) July 8, 2019

یہ بھی کہا گیا ہے کہ اس بلیک بک میں کراچی، حیدر آباد، میر پور خاص، سکھر اور لاڑکانہ کے ملزمان شامل ہیں، بک کی مدد سے پولیس کو دوسرے ضلع کے مشتہر ڈکیتوں اور مجرموں کی گرفتاری بھی مزید آسان ہو جائے گی۔

پولیس کی جانب سے کہا گیا ہے کہ بلیک بْک میں انتہائی اہم ملزمان کی تصاویر بھی جاری کی گئی ہیں، ان ملزمان کی گرفتاری پر 1 لاکھ سے 7 لاکھ روپے تک کا انعام بھی رکھا گیا ہے، بک میں شامل ملزمان کے خلاف 10 سے 15 مقدمات بھی درج ہیں۔

خیال رہے کہ پنجاب کے بعد سندھ میں پہلی مرتبہ یہ بلیک بک تیار کی گئی ہے۔