Tag: سندھ کی خبریں

کراچی: وزیرِ اعلیٰ سندھ نے کہا ہے کہ صوبے میں پانی کے مسئلے کے حل کے لیے چین کے توسط سے کام شروع کر دیا ہے، اس سلسلے میں چین کا دورہ کام یاب رہا۔

تفصیلات کے مطابق وزیرِ اعلیٰ سندھ مراد علی شاہ نے میڈیا سے گفتگو کرتے ہوئے کہا کہ ان کا دورۂ چین کام یاب رہا، چینی حکام کے ساتھ سی پیک سے متعلق 2 مزید منصوبوں پر بات ہوئی۔

[bs-quote quote=”شہید ذو الفقار علی بھٹو لا یونی ورسٹی جوڈیشل سیکٹر کو بہترین مین پاور مہیا کر رہی ہے۔” style=”style-7″ align=”left” color=”#dd3333″ author_name=”وزیرِ اعلیٰ سندھ”][/bs-quote]

وزیرِ اعلیٰ سندھ نے کہا ’پانی کے مسئلے کے حل کے لیے چین کے توسط سے کام کر رہے ہیں، تھر میں بھی تعلیم کے منصوبے پر چین کے توسط سے کام کریں گے۔‘

انھوں نے منصوبوں کی تفصیل بتاتے ہوئے کہا کہ انھوں نے دورۂ چین کے دوران جوائنٹ کوآرڈنیشن کمیٹی (جے سی سی) میں گڈو بیراج سے لے کر سکھر بیراج تک دریائے سندھ کے 180 کلو میٹر چینلائزیشن کا منصوبہ پیش کیا ہے۔

وزیرِ اعلیٰ نے کہا کہ دریائے سندھ سے نکالی جانے والی یہ نہر بڑا منصوبہ ہے، جس سے زرعی شعبے کو ترقی ملے گی، نہ صرف پانی محفوظ ہوگا بلکہ دریا کے دونوں کنارے آباد اضلاع میں سیم و تھور پر بھی قابو پا لیں گے۔

یہ بھی پڑھیں:  سی پیک سے متعلق اہم اجلاس: وزیراعلیٰ سندھ چین کے دورے پر

انھوں نے کہا ’چینی حکام سے تھر میں تعلیم، صحت، سماجی بہبود کے لیے جنگلات اگانے، اور بایو سیلین اگریکلچر کے لیے تھر فاؤنڈیشن سے متعلق بات کی، چینی حکام نے یہ منصوبہ جوائنٹ ورکنگ گروپ کو بھیج دیا ہے۔‘

قبل ازیں وزیرِ اعلیٰ سندھ نے شہید ذوالفقارعلی بھٹو لا یونی ورسٹی میں منعقدہ تقریب سے خطاب کیا، انھوں نے کہا کہ جوڈیشل سیکٹر کا دار و مدار پاس آؤٹ نوجوانوں پر منحصر ہے۔

مراد علی شاہ نے کہا ’یونی ورسٹی جوڈیشل سیکٹر کو بہترین مین پاور مہیا کر رہی ہے، شہید ذوالفقارعلی بھٹو لا یونی ورسٹی کو فنڈز مہیا کریں گے تاکہ کیمپس کی عمارت مکمل ہو سکے۔‘

کراچی: 23 دسمبر کو سندھ بھر میں ضمنی بلدیاتی الیکشن کے انتظامات مکمل کر لیے گئے، انتخابی سامان متعلقہ اضلاع میں پہنچا دیا گیا۔

تفصیلات کے مطابق صوبہ سندھ میں ضمنی بلدیاتی انتخابات کے لیے انتظامات مکمل کر لیے گئے ہیں، ضمنی انتخابات 23 دسمبر کو ہوں گے۔

جن اضلاع میں انتخابات ہو رہے ہیں، ان میں انتخابی سامان کی ترسیل بھی مکمل ہو گئی ہے۔

کراچی سمیت دیگر اضلاع میں 65 نشستوں پر ضمنی بلدیاتی انتخاب ہونا ہے، 5 لاکھ سے زائد مرد و خواتین ووٹرز حقِ رائے دہی استعمال کریں گے۔

ضمنی بلدیاتی الیکشن کے لیے متعلقہ حلقوں میں 389 پولنگ اسٹیشنز قائم کر دیے گئے، 28 سو سے زائد انتخابی عملہ الیکشن میں ڈیوٹی دے گا۔

کراچی کے 6 اضلاع میں چیئرمین، وائس چیئرمین اور کونسلرز نشستوں پر انتخاب ہوگا۔ خیال رہے کہ کراچی میں چیئرمینز کی 4 نشستیں رکن سندھ اسمبلی بننے والوں نے خالی کیں۔

کراچی: پاکستان تحریکِ انصاف نے سندھ حکومت کو ٹف ٹائم دینے کا فیصلہ کر لیا ہے، وزیرِ اعظم عمران خان کی ہدایت پر سندھ کے ایم این ایز اور ایم پی ایز متحرک ہو گئے۔

تفصیلات کے مطابق پی ٹی آئی نے سندھ میں متحرک ہو کر پیپلز پارٹی کی حکومت کو اپنی بھرپور موجودی کا احساس دلانے کا فیصلہ کر لیا ہے، وزیرِ اعظم عمران کی جانب سے ہدایات بھی جاری کر دی گئیں۔

[bs-quote quote=”ارکان اسمبلی کو اندرون سندھ جا کر ویڈیوز بنانے کی ہدایت” style=”style-7″ align=”left” color=”#dd3333″][/bs-quote]

وزیرِ اعظم نے ارکانِ سندھ اسمبلی کو ہدایت کی ہے کہ وہ اندرون سندھ دورے شروع کریں اور پی پی کی کارکردگی کا پول کھولیں۔

ایم پی ایز کو عمران خان کی جانب سے ہدایت کی گئی ہے کہ سندھ کے مختلف اضلاع میں جا کر کام کریں، اور سندھ حکومت کے ماتحت اداروں کے بھی دورے کریں۔

وزیرِ اعظم کی جانب سے جاری ہدایات میں یہ بھی کہا گیا ہے کہ ایم پی ایز اندرون سندھ جا کر ویڈیوز بنائیں۔

عابد شیر علی کے الزامات، فیصل واوڈا کا کرارا جواب

خیال رہے کہ شہرِ قائد کراچی میں تجاوزات کے معاملے پر پی ٹی آئی ارکان کا پیپلز پارٹی اور ایم کیو ایم پاکستان کے مابین اختلافات سامنے آئے ہیں۔

گزشتہ روز پاکستان مسلم لیگ ن کے رہنما اور سابق وزیرِ مملکت عابد شیر علی کو ان کے الزامات پر وفاقی وزیر فیصل واوڈا نے کرارا جواب دیا تھا، لیگی رہنما کی جانب سے فیصل واوڈا کی لندن میں جائیداد کے الزامات پر پی ٹی آئی رہنما عابد شیر علی پر برس پڑے تھے، انھوں نے کہا کہ لیگی رہنما کا ذہنی توازن خراب ہے۔

کراچی: وزیرِ اعلیٰ سندھ مراد علی شاہ نے کہا ہے کہ سندھ حکومت نے ہیپاٹائٹس پروگرام شروع کیا ہے جس پر سالانہ 2 بلین روپے خرچ کیے جائیں گے۔

تفصیلات کے مطابق وزیرِ اعلیٰ سندھ مراد علی شاہ سے طبی شعبے سے وابستہ مختلف وفود نے ملاقات کی، وزیرِ اعلیٰ نے انھیں حکومتِ سندھ کے طبی منصوبوں سے آگاہ کیا۔

[bs-quote quote=”وزیرِ اعلیٰ سندھ مراد علی شاہ سے روسی سفیر الیگزی ڈیڈو نے بھی ملاقات کی۔” style=”style-7″ align=”left” color=”#dd3333″][/bs-quote]

وزیرِ اعلیٰ سندھ سے ملاقات کرنے والوں میں ڈاکٹر نینسی اسچر اور ایم ڈی ایم پی ایچ ڈاکٹر نورہ ٹرالٹ شامل تھیں۔

یونی ورسٹی آف سیلیفارنیاسان فرانسیسکو کے ایم ڈی بلال حمید نے بھی وزیرِ اعلیٰ سندھ مراد علی شاہ سے ملاقات کی۔

ڈاکٹر نینسی اسچر نے وزیرِ اعلیٰ سندھ سے ملاقات میں لیور ٹرانسپلانٹ کے شعبے میں کام کرنے میں دل چسپی ظاہر کی، گردے کی بیماری سے متعلق آگاہی اور تشخیص کے طریقۂ کار پر اتفاق کیا گیا۔

ملاقات میں خاص نوعیت کے کیسز میں ٹرانسپلانٹیشن کے معاملے پر بھی اتفاق کیا گیا۔

یہ بھی پڑھیں:  وزیراعلیٰ سندھ کی عمران خان سے ملاقات، صوبے میں نئے منصوبوں کی یقین دہانی

دریں اثنا وزیرِ اعلیٰ سندھ مراد علی شاہ سے روسی سفیر الیگزی ڈیڈو نے بھی ملاقات کی، جس میں روس کے قونصل جنرل اور اتاشی بھی شریک ہوئے۔ ملاقات میں دو طرفہ تعلقات اور سندھ میں سرمایہ کاری پر بات چیت کی گئی۔

یاد رہے کہ چند دن قبل وزیرِ اعلیٰ سندھ مراد علی شاہ نے وزیرِ اعظم عمران خان سے ملاقات کرتے ہوئے انھیں صوبے میں نئے منصوبوں سے آگاہ کیا تھا، جس پر وزیرِ اعظم نے انھیں منصوبوں کی تکمیل کے سلسلے میں یقین دہائی کرائی تھی۔

کراچی: شہرِ قائد کے باسیوں، تاجروں اور صنعت کاروں کو اس سوال نے پریشانی میں مبتلا کر دیا ہے کہ کیا آج بھی گیس نہیں ملے گی؟

تفصیلات کے مطابق کیا آج سڑکوں پر بسیں اور رکشہ ٹیکسی دوڑتے نظر آئیں گے یا نہیں، گیس کے شدید بحران میں شہری اس سوال سے پریشان نظر آ رہے ہیں۔

[bs-quote quote=”سندھ کی گیس پنجاب کو فراہم کیے جانے کا انکشاف” style=”style-7″ align=”left” color=”#dd3333″][/bs-quote]

کراچی سمیت سندھ میں سی این جی اسٹیشنوں کو آج بھی گیس نہیں ملے گی، صنعتوں کو گیس فراہمی بند ہونے سے صنعت کار بھی پریشان ہو گئے ہیں۔

صنعت کاروں کا کہنا ہے کہ گیس کی کمی کا دعویٰ محض بہانہ ہے، پی پی ایل کے ذرائع نے انکشاف کیا شہرِ قائد میں گزشتہ تین روز سے جاری گیس کا بحران مصنوعی ہے، سندھ کی گیس پنجاب کو فراہم کی جا رہی ہے، گمبٹ گیس فیلڈ میں کوئی خرابی نہیں بلکہ گیس بحران کی اصل وجہ آر ایل این جی ٹرمینل میں خرابی ہے۔

یہ بھی پڑھیں:  وزیر اعظم عمران خان نے گیس کے بحران کا نوٹس لے لیا، 3 دن میں رپورٹ طلب

دوسری طرف وزیرِ اعظم عمران خان نے ملک میں گیس کے بحران کا سختی سے نوٹس لیتے ہوئے نا اہلی کا مظاہرہ کرنے والوں کے خلاف کارروائی کا حکم دے دیا ہے، وزیرِ اعظم نے 72 گھنٹے میں رپورٹ طلب کر لی۔

اسلام آباد میں وزیرِ اعظم کو وزیرِ پٹرولیم کی جانب سے گیس کے حالیہ بحران پر تفصیلی بریفنگ دی گئی، جس میں بتایا گیا کہ حالیہ گیس بحران کی ذمہ داری ایس این جی پی ایل، ایس ایس جی سی پرعائد ہوتی ہے۔