Tag: سندھ کی خبریں

کراچی: سندھ حکومت نے سرکاری اداروں میں خالی آسامیوں سے متعلق تفصیلات طلب کر لیں، ایک سے 15 گریڈ تک کے ملازمین کی تفصیلات طلب کی گئی ہیں۔

تفصیلات کے مطابق سندھ حکومت کی جانب سے سرکاری اداروں میں ایک سے 15 گریڈ تک کے ملازمین کی خالی آسامیوں کی تفصیلات طلب کر لی گئیں۔

[bs-quote quote=”سندھ حکومت کی جانب سے نئی آسامیاں نکالنے کی ہدایت بھی جاری کر دی گئی۔” style=”style-7″ align=”left” color=”#dd3333″][/bs-quote]

محکمہ سروسز جنرل ایڈمنسٹریشن و کو آرڈینیشن نے تحریری حکم نامہ جاری کر دیا۔

معذور اور اقلیتوں کے 5 فی صد، خواتین کے 15 فی صد کوٹے سے متعلق بھی تفصیلات طلب کی گئی ہیں۔

سندھ حکومت کی جانب سے نئی آسامیاں نکالنے کی ہدایت بھی جاری کر دی گئی، نئی آسامیوں سے متعلق تفصیلات بھی طلب کر لی گئی ہیں۔

یاد رہے کہ گزشتہ روز سندھ حکومت نے بے روزگار نوجوانوں کو خوش خبری دیتے ہوئے فیصلہ کیا تھا کہ سرکاری محکموں میں نئی بھرتیاں کی جائیں گی جس کے لیے وزیرِ اعلیٰ سندھ مراد علی شاہ نے منظوری بھی دے دی۔

یہ بھی پڑھیں:  سندھ حکومت کا سرکاری محکموں میں ملازمین بھرتی کرنے کا فیصلہ

سرکاری محکموں میں ملازمین کی بھرتیاں مرحلہ وار کی جائیں گی، پہلے مرحلے میں محکمۂ صحت میں بھرتیاں کی جائیں گی جب کہ دوسرے مرحلے میں محکمۂ تعلیم میں بھرتیاں کی جائیں گی، جنوری 2019 میں محکموں میں بھرتیوں کا عمل یقینی بنایا جائے گا۔

محکمۂ صحت ایک سے 16 گریڈ تک بھرتیاں کرے گا، 17 گریڈ کے ڈاکٹروں کی بھرتیاں کنٹریکٹ پر کی جائیں گی، جب کہ ڈاکٹروں سے ٹیسٹ و انٹرویوز تھرڈ پارٹی سے کرائے جائیں گے۔

کراچی: سندھ حکومت نے سرکاری محکموں میں ملازمین بھرتی کرنے کا فیصلہ کر لیا ہے، وزیرِ اعلیٰ سندھ نے نئی بھرتیوں کی منظوری دے دی۔

تفصیلات کے مطابق سندھ کے بے روزگار نوجوانوں کے لیے خوش خبری آ گئی، حکومتِ سندھ نے نئی بھرتیاں کرنے کا فیصلہ کر لیا جس کے لیے وزیرِ اعلیٰ سندھ مراد علی شاہ نے منظوری بھی دے دی ہے۔

[bs-quote quote=”پہلے مرحلے میں محکمۂ صحت، دوسرے مرحلے میں محکمۂ تعلیم میں بھرتیاں کی جائیں گی۔” style=”style-7″ align=”left” color=”#dd3333″][/bs-quote]

ذرائع کے مطابق سرکاری محکموں میں ملازمین کی بھرتیاں مرحلہ وار کی جائیں گی، پہلے مرحلے میں محکمۂ صحت میں بھرتیاں کی جائیں گی۔

دوسرے مرحلے میں محکمۂ تعلیم میں بھرتیاں کی جائیں گی، جنوری 2019 میں محکموں میں بھرتیوں کا عمل یقینی بنایا جائے گا۔

محکمۂ صحت ایک سے 16 گریڈ تک بھرتیاں کرے گا، 17 گریڈ کے ڈاکٹروں کی بھرتیاں کنٹریکٹ پر کی جائیں گی، جب کہ ڈاکٹروں سے ٹیسٹ و انٹرویوز تھرڈ پارٹی سے کرائے جائیں گے۔

بھرتی کے لیے ڈاکٹر سندھ پبلک سروس کمیشن کے مقابلے کا امتحان دینے کا پابند ہوگا، ایک سے 16 گریڈ کی بھرتیاں مقامی سطح پر بھی کی جائیں گی، جن کے اختیارات ضلعی صحت افسر کے سپرد کر دیے گئے ہیں۔

یہ بھی پڑھیں:  بےروزگاری کے خاتمے کیلئے اقدامات کیے جارہے ہیں: گورنرسندھ

خیال رہے کہ ایک ہفتہ قبل گورنر سندھ عمران اسماعیل نے بھی کہا تھا کہ صوبے میں بے روزگاری کا خاتمہ حکومت کی ترجیحات میں شامل ہے، اس کے لیے اقدامات کر رہے ہیں۔

کراچی: صوبہ سندھ میں فرانزک اور ڈی این اے ٹیسٹ کے لیے لیبارٹری کے قیام سے متعلق اہم اجلاس منعقد ہوا، اجلاس کی صدارت چیف سیکریٹری سندھ ممتاز علی شاہ نے کی۔

تفصیلات کے مطابق چیف سیکریٹری سندھ کی زیرِ صدارت صوبے میں فرانزک اور ڈی این اے ٹیسٹ کے لیے لیب کے قیام سے متعلق اہم اجلاس منعقد ہوا۔

[bs-quote quote=”دو روز میں کراچی یونی ورسٹی کو 220 ملین روپے جاری کیے جائیں۔” style=”style-7″ align=”left” color=”#dd3333″ author_job=”چیف سیکریٹری سندھ”][/bs-quote]

چیف سیکریٹری سندھ نے اجلاس میں ہدایت کی کہ فرانزک لیب کے جلد قیام کے لیے ماہرین کو شامل کیا جائے، لیب کے لیے 30 ایکڑ زمین دی گئی ہے، فنڈز بھی فراہم کیے جائیں گے۔

اجلاس میں کراچی یونی ورسٹی اور لمس جامشورو لیبارٹریز کے لیے فنڈز فراہم کرنے کا بھی فیصلہ کیا گیا، چیف سیکریٹری سندھ نے محکمۂ خزانہ کو ہدایت کی کہ 2 روز میں کراچی یونی ورسٹی کو 220 ملین روپے جاری کیے جائیں۔

یہ بھی پڑھیں:  سندھ لیبارٹری ڈیڑھ ماہ سے بند، اہم مقدمات فرانزک رپورٹس کے منتظر

اجلاس میں ڈی این اے نمونے حاصل کرنے کے لیے پولیس اور ایم ایل او کی ٹریننگ کا فیصلہ بھی کیا گیا، ممتاز علی شاہ نے کہا کہ یہ تربیت جامعہ کراچی اور لمس جامشورو کے ماہرین کی زیرِ نگرانی فراہم کی جائے گی۔

کراچی: محکمۂ فوڈ سندھ کی سنگین غفلت منظرِ عام پر آ گئی، 7 ماہ گزر گئے لیکن سندھ فوڈ اتھارٹی مکمل فعال نہ ہو سکی۔

تفصیلات کے مطابق محکمۂ فوڈ سندھ کی سنگین غفلت کے باعث سات ماہ کے عرصے میں بھی سندھ فوڈ اتھارٹی کو مکمل طور پر فعال نہیں کیا جا سکا۔

[bs-quote quote=”ہوٹلز اور فوڈ آؤٹ لِٹس پر چھاپوں کے لیے طلبہ کی خدمات لی جاتی ہیں۔” style=”style-7″ align=”left” color=”#dd3333″][/bs-quote]

ذرائع کا کہنا ہے کہ سندھ فوڈ اتھارٹی میں اب تک فوڈ انسپکٹرز کی بھرتیاں نہیں ہو سکی ہیں، ہوٹلز اور فوڈ آؤٹ لِٹس پر چھاپوں کے لیے طلبہ کی خدمات لی جاتی ہیں۔

ذرائع کے مطابق ڈیلی ویجز کی بنیاد پر جامعات کے طلبہ سے فوڈ سیفٹی آفیسرز کا کام لیا جاتا ہے، بجٹ مختص کیے جانے کے با وجود اتھارٹی اپنی لیب بھی نہیں بنا سکی ہے۔

ذرائع نے مزید بتایا کہ مختلف ریسٹورنٹس اور ہوٹلوں سے لیے گئے کھانوں کے نمونوں کو نجی لیبارٹریز سے چیک کرایا جاتا ہے۔

سندھ فوڈ اتھارٹی ایکٹ کے تحت ریسٹورنٹس کا لائسنس یافتہ ہونا بھی ضروری ہے، تاہم شہر میں غیر معیاری ریسٹورینٹس کی بھرمار ہے۔

تفصیل یہاں پڑھیں:  کراچی: کلفٹن میں مضر صحت کھانا کھانے سے 2 بچے جاں بحق، ریسٹورنٹ سیل. 4 افراد زیر حراست

سندھ فوڈ اتھارٹی نے محکمے میں با قاعدہ بھرتیاں نہ ہونے کا اعتراف کر لیا، 2 بچوں کی موت کے بعد محکمے کو ہوش آ گیا، اتھارٹی کے بورڈ کا ہنگامی اجلاس کل طلب کر لیا گیا۔

[bs-quote quote=”اتھارٹی میں 6 عارضی سیفٹی فوڈ انسپکٹرز کام کر رہے ہیں۔” style=”style-7″ align=”left” color=”#dd3333″ author_job=”ذرائع”][/bs-quote]

ذرائع کے مطابق اتھارٹی میں 6 عارضی سیفٹی فوڈ انسپکٹرز کام کر رہے ہیں، ہوٹلز اور دیگر کھانے پینے کی اشیا بیچنے والوں کو لائسنس دینے کا فیصلہ ہوگا۔

خیال رہے کہ آج شہرِ قائد کے علاقے کلفٹن میں مضر صحت کھانا کھانے سے 2 بچے جاں بحق ہو گئے، پولیس نے فوڈ ڈیپارٹمنٹ کی ٹیمیں طلب کر کے تحقیقات کا آغاز کر دیا ہے۔

ڈائریکٹر سندھ فوڈ اتھارٹی ابرار شیخ نے کہا ہے کہ ریسٹورنٹ میں بچا ہوا کھانا فریزر میں رکھا ہوا تھا، ریسٹورنٹ کا کچن بدبو دار نکلا، سندھ فوڈ اتھارٹی نے 2 لیبارٹریز سے ٹیسٹنگ کنٹریکٹ کیا ہوا ہے جہاں کھانے کے نمونے ٹیسٹنگ کے لیے بھجوائے جا رہے ہیں، ریسٹورنٹ کو بھی سیل کر دیا گیا ہے۔

کراچی: محکمۂ زراعت سندھ نے فصلوں میں کمی سے متعلق رپورٹ جاری کر دی، رپورٹ میں کہا گیا ہے کہ صوبے کو معاہدے کے مطابق پانی نہ ملنے پر فصلوں کو نقصان پہنچا۔

تفصیلات کے مطابق صوبہ سندھ میں فصلوں کی کمی کے حوالے سے محکمۂ زراعت نے رپورٹ جاری کرتے ہوئے کہا ہے کہ سندھ کو پانی کم ملنے کی وجہ سے فصلیں متاثر ہوئیں۔

[bs-quote quote=”کپاس، گنے اور چاول کی کاشت کم ہوئی” style=”style-7″ align=”left” color=”#dd3333″ author_job=”رپورٹ”][/bs-quote]

محکمۂ زراعت نے رپورٹ میں کہا ہے کہ صوبے میں کم پانی کی وجہ سے کپاس، گنے اور چاول کی کاشت کم ہوئی، جس سے صوبے کو شدید نقصان کا سامنا کرنا پڑا ہے۔

سندھ کے وزیرِ زراعت محمد اسماعیل راہو نے کہا کہ پانی کی قلت کے باعث سندھ کو اربوں روپے کا نقصان ہوا ہے، وفاق نے ہمیشہ پانی کے معاملے پر سندھ کو دیوار سے لگایا۔

محمد اسماعیل راہو کا کہنا تھا کہ وفاق نے سندھ کے کاشت کاروں کے لیے کوئی پالیسی نہیں بنائی، ضرورت ہے کہ وفاقی حکومت ملک کی زراعت پر توجہ دے۔

یہ بھی پڑھیں:  نواز شریف نے دوسرے صوبے کے حق پر ڈاکہ ڈالا اور پانی چوری کیا: فیصل واوڈا

خیال رہے کہ تین ہفتے قبل ایک رپورٹ میں یہ بھی کہا گیا تھا کہ دریائے سندھ میں پانی کی قلت کا مسئلہ انتہائی سنگین ہو گیا ہے، پانی کی یہ قلت ربیع کے موسم میں مزید بڑھ جائے گی جس کے باعث گندم سمیت کئی فصلیں اگانے کے لیے کاشت کاروں کو شدید مشکلات کا سامنا کرنا پڑے گا۔