Tag: سندھ ہائی کورٹ

کراچی : گھر سے اٹھا کر لے جانے والے نوجوان محمد علی کو پولیس مقابلہ میں گولیاں مارنے کا انکشاف سامنے آیا، سندھ ہائی کورٹ میں تفتیش افسر کو شفاف تحقیقات کاحکم دے دیا۔

تفصیلات کے مطابق سندھ ہائی کورٹ میں لاپتہ افراد کیسز کی سماعت ہوئی، دوران سماعت نوجوان کو لاپتہ کرنے کے بعد پولیس مقابلہ میں گولیاں مارنے کا انکشاف ہوا۔

والد اکبر نے بتایا کہ کہ 27 سالہ محمد علی کو پولیس نارتھ کراچی گھر سے اٹھا کر لے گئی تھی۔

والد نے عدالت میں آہ و زاری کرتے ہوئے کہا کہ تین دن بیٹے کا انتظار کرتا رہا، 12 مئی کو بیٹے کی بازیابی کے لیے درخواست سندھ ہائی کورٹ میں دائر کی، اگلے ہی دن ملیر میں بابا ولایت شاہ کے مزار کے قریب پولیس مقابلہ دیکھا دیا گیا۔

محمد ادریس نے کہا کہ بیٹے کو جعلی مقابلے میں ٹانگ میں گولیاں مار کر ہڈی توڑ ڈالی، اس طرح تو کراچی والوں کا صفایا کردیا جائے گا۔

محمد ادریس ایڈووکیٹ نے کہا کہ پولیس نے جعلی مقابلے میں 17 گولیاں چلائیں، جس پر عدالت نے تفتیش افسر کو شفاف تحقیقات کا حکم دے دیا۔

کراچی: سندھ ہائی کورٹ نے تھری ایم پی او کے تحت نظر بند شہریوں کو کراچی سے باہر منتقل نہ کرنے کا حکم جاری کردیا۔

تفصیلات کے مطابق سندھ ہائی کورٹ نے شہریوں کی نظر بندی کے خلاف درخواست پر سماعت کی ، چیف جسٹس سندھ ہائیکورٹ کی سربراہی میں دو رکنی بینچ نے سماعت کی۔

درخواست 10 شہریوں کی نظر بندی کے خلاف دائر کی گئی، وکیل درخواست گزار نے عدالت میں کہا کہ ایسے نوجوانوں کو بھی گرفتار کرلیا گیا ہے جن کے امتحان جاری ہیں، اسکول کے چھوٹے بچوں کی گرفتاری سے اہل خانہ شدید ذہنی اذیت کا شکار ہیں۔

والدہ کاشان نے دہائی دیتے ہوئے کہا کہ میرا بیٹا گھر سے سودا لینے نکلا، واپس گھر نہیں آیا، مہہ جبیں ایڈووکیٹ نے عدالت کو بتایا کہ سیاسی مخالفت میں اسپیشل بچوں کو بھی گرفتار کیا جارہاہے ، بد ترین سیاسی انتقامی کارروائیاں کی جارہی ہیں، معاشرے پر منفی اثرات مرتب ہوں گے۔

سندھ ہائی کورٹ نے حکم جاری کیا کہ تھری ایم پی اوکے تحت نظر بند شہریوں کو کراچی سےباہرنہ لے جایاجائے۔

تھری ایم پی اوکے تحت نظر بند شہریوں کو کراچی سےباہر منتقل نہ کرنے کا حکم جاری کردیا۔

عدالت نے دس شہریوں کی نظر بندی کیخلاف درخواست پر سماعت کے دوران فریقین کو انتیس مئی کے نوٹس جاری کرتے ہوئے حکومت سندھ سے جواب طلب کرلیا۔

کراچی : شہریوں نے مہنگائی کے خلاف درخواست دائرکردی، جس میں کہا ہے کہ حکمران طبقہ پرآسائش زندگی گزار رہا ہے اور غریب 2وقت کی روٹی کوترس رہا ہے۔

تفصیلات کے مطابق سندھ ہائی کورٹ میں شہریوں نے مہنگائی کے خلاف درخواست دائرکردی ، چیف جسٹس سندھ ہائیکورٹ کی سربراہی میں 2 رکنی بینچ کل درخواست کی سماعت کرے گا۔

درخواست میں سندھ حکومت،بیوروآف سپلائی اینڈپرائس کنٹرول،کمشنر ودیگرکوفریق بنایا گیا ہے، درخواست گزار نے موقف اختیار کیا ہے کہ شہر میں چیک اینڈ بیلنس کو نظام نہیں نا ہی مہنگائی پرقابوپانےکاطریقہ کار ہے۔

درخواست میں کہا گیا کہ حکمران طبقہ پرآسائش زندگی گزار رہا ہے ،غریب 2وقت کی روٹی کوترس رہا ہے اور گراں فروش من مانی قیمتوں پر اشیافروخت کررہے ہیں۔

درخواست گزار نے استدعا کی کہ سندھ حکومت کو بڑھتی ہوئی قیمتوں پر قابو پانے کا حکم دیا جائے اور اشیاخوردونوش کی سرکاری قیمتوں پر فروخت کو یقینی بنانے کا حکم دیا جائے۔

کراچی : سندھ ہائی کورٹ نے ریپ کیسز میں اہم تفصیلات طلب کرلیں اور کہا بتایا جائے کتنے کیسز میں ملزمان بری یا سزا ہوئیں۔

تفصیلات کے مطابق سندھ ہائی کورٹ میں اینٹی ریپ ٹرائل اینڈانویسٹی گیشن ایکٹ 2021 پرعمل درآمد کیلئے درخواست پر سماعت ہوئی۔

طارق منصور ایڈووکیٹ نے بتایا بدقسمتی سے قانون موجود ہے مگر اس پر عمل نہیں ہو رہا،پولیس اصلاحات کابھی قانون بنایا گیا مگر عمل نہیں ہوا ،یک سال سے حکومت جواب جمع نہیں کرائی جا رہی۔

طارق منصور ایڈووکیٹ کا کہنا تھا کہ عدالتی کارروائیاں بھی قانون کے مطابق نہیں چل رہیں، پولیس کے اسپیشل انویسٹی گیشن یونٹس بنائےجانے تھے، خاتون پولیس تفتیشی افسر تک تعینات نہیں کی جاتی اور واقعات روکنے اور تیزترین ٹرائل یقینی بنانےکی ہدایت دی جائے۔

سندھ ہائی کورٹ نے ریپ کیسز میں اہم تفصیلات طلب کرلیں اور پراسیکیوٹر جنرل سندھ کو نوٹس جاری کردیے۔

جسٹس محمد اقبال کلہوڑو نے پراسیکیوٹر جنرل سندھ سے ریپ کیسز پرفیصلوں کی تفصیلات طلب کرتے ہوئے کہا بتایا جائے کتنے کیسز میں ملزمان بری یاسزاہوئیں، بعد ازاں سندھ ہائیکورٹ نے کیس کی سماعت 9 مئی کے لیے ملتوی کردی۔