Tag: سندھ

مورو: مورو پولیس نے تھانہ درس میں 14 ماہ کے بچے فرحان پر ڈکیتی کے الزام میں مقدمہ درج کرکے گرفتاری کے لیے چھاپے مارے۔

تفصیلات کے مطابق مورو پولیس نے 14 ماہ کے بچے کو ڈاکوؤں کا سرغنہ قرار دے دیا جب کہ چودہ ماہ کا معصوم بچہ جسے ٹھیک طریقے سے بیٹھنا تک نہیں آتا اور جو اپنی بات بھی نہیں سمجھا سکتا اُسے مورو پولیس کی جانب سے جرائم پیشہ افراد کا سرغنہ قراردے دیا گیا ہے۔

Police book infant in Motorbike theft case!! by arynews

ذرائع کے مطابق کمسن بچے پر موروپولیس نے 392 کے تحت ڈکیتی کا مقدمہ درج کیا بچے کے والد شیر محمد نے بتایا کہ مورو پولیس نے بااثر شخصیات کے اشارے پر معصوم بیٹے پرجھوٹا مقدمہ درج کرکے اُن کے اہل خانہ کو ہراساں کیا جا رہا ہے اس لیے نو منتخب وزیر اعلیٰ سندھ سید مراد علی شاہ اور آئی جی سندھ اس معاملے کا نوٹس لے کر ہمیں انصاف دلائیں۔

واضح رہے مورو کے علاقے میں ایک طرف تو ڈکیتی وارداتیں تیزی سے بڑھتی جا رہی ہیں تو دوسری طرف پولیس اس قسم کے مضحکہ خیز کیس میں اپنی توانائی صرف کررہی ہیں جس کا خمیازہ علاقہ مکینوں کو بھگتنا پڑ رہا ہے۔

کراچی : لاڑکانہ میں رینجرز کی گاڑی پر حملے کے بعد ڈی جی رینجرز نے میڈیا سے بات کرتے ہوئے دوٹوک انداز میں موقف بیان کیا کہ رینجرز جرائم پیشہ افراد کے پیچھے ہر علاقے تک جائے گی اور اس میں کوئی ابہام نہ رہے۔

ڈی جی رینجرز بلال اکبر نے لاڑکانہ میں رینجرز کی گاڑی پر حملہ کرکے 1 رینجرز اہلکار کو شہید اور 4 اہلکاروں کو زخمی کرنے کی سخت الفاظ میں مذمت کرتے ہوئے میڈیا کو بتایا کہ لاڑکانہ میں دو دھماکے کیے گئے ہیں،بم سڑک کے کنارے کھڑی دو سائیکلوں میں نصب تھے،دھماکے میں ممکنہ طور شدت پسند تنظمیں ملوث ہوسکتی ہیں۔

ایک سوال کے جواب میں انہون نے کہا کہ دھماکے میں کسی سیاسی جماعت کے ملوث ہونے سے متعلق کچھ کہنا قبل از وقت ہے تا ہم جو بھی ان واقعات میں ملوث ہوا اسے کیفر کردار تک پہنچایا جائے گا،رینجرز کرمنل کے پیچھا کرتے ہوئے ہر علاقے میں جائے گی۔

واقعہ کی مکمل تفصیل جانیے : لاڑکانہ میں کریکردھماکہ،1اہلکار جاں بحق چار زخمی 

دھماکے کی وجوہات کے بارے میں پوچھے گئے ایک سوال کے جواب میں ڈی جی رینجرز نے جواب دیا کہ لاڑکانہ میں رینجرز گاڑی پر دھماکہ پاک چائنا اقتصادی راہداری کو متاثر کرنے کی کوشش ہو سکتی ہے۔

اس موقع پر رینجرز کو اختیارات ملنے کے حوالے سے ڈی جی رینجرز نے واضح کیا کہ رینجرز کو صوبائی اور وفاقی حکومت کی حمایت حاصل ہے،اس حوالے سے قانون بھی کلیئر ہے،ہم بھی کلیئر ہیں اور ادارے بھی کلیئر ہیں کہیں کوئی ابہام نہیں ہے۔

دوسری جانب پولیس نے واقعہ کے بعد علاقے کو گھیرے میں لے کر کارروائی کرتے ہوئے 20 مشتبہ کو لاڑکانہ اور قمبر شہداد کوٹ سے گرفتار کر لیا ہے،گرفتار ملزمان سے نامعلوم مقام پر تفتیش کی جا رہی ہے،خدشہ ہے کہ رینجرز گاڑی پر حملے میں کالعدم علیحدگی پسند تنظمیں ملوث ہوں۔

کراچی : صوبہ سندھ کے نئے وزیر اعلیٰ سید مراد علی شاہ سندھ اسمبلی سے اعتماد کا ووٹ لینے میں بآسانی کامیاب رہے انہوں نے اپنی تقریر میں کرپشن سے پاک پر امن سندھ کے قیام کو اپنی پہلی ترجیع قرار دی۔

سندھ اسمبلی سے اعتماد کا ووٹ لے کر وزیر اعلیٰ کا منصب سنھبالنے والے سید مراد علی شاہ نہایت پُر اعتماد نظر اآئے،انہوں اسمبلی سے اپنے خطاب میں پیلپز پارٹ کی اعلیٰ قیادت ،صوبہ سندھ کی عوام اور اسمبلی ممبران کا شکریہ ادا کیا جن کی بدولت وہ اس منصب تک پہنچے۔

اپنی تقریر کے دوران اپنے والدین کے ذکر پر آبدیدہ ہو گئے،اُن کا کہنا تھا کہ اس مقام پر پہنچنے میں میرے والدین کی تربیت کا بڑا ہاتھ ہے،آج والد ہوتے ہو نہایت خوش ہوتے اور مجھے بھی فخر کا حساس ہوتا۔

اسی سے متعلق : سید مراد علی شاہ 88 ووٹ لیکر وزیراعلیٰ سندھ منتخب

اس موقع پر انہوں نے پیپلز پارٹی کی شہید چیئرمین بے نظیر بھٹو کا خصوصی ذکر کرتے ہوئے کہا کہ آج سب زیادہ جس شخصیت کی کمی محسوس کررہا ہوں وہ میری محترمہ بے نظیر بھٹوہیں جو اب ہم میں نہیں ہیں،انہوں نے میری سیاسی تربیت کی میں ان کی قائدانہ صلاحیتوں سے فائدہ اُٹھاتا رہوں گا۔

اپنی ترجیحات سے اراکین اسمبلی کو آگاہ کرتے ہوئے نئے وزیر اعلیٰ سندھ سید مراد علی شاہ نے کہا کہ میرا نصب العین عوامی خدمت ،عوامی خدمت اور بس عوامی خدمت ہو گا یہی میری پہلی ترجیح ہے، ریاست کی اولین ذمہ داری امن و امان کو قائم رکھنا ہے جسے ہر چیز پر مقدم رکھا جائے گا اس کے علاوہ تعلیم کے شعبے میں ہنگامی بنیادوں اقدامات کی اشد ضرورت ہے جب کہ صحت کے شعبے میں ایسے اقدامات کرنا چاہتا ہوں کہ کہ ایک صحت مند ماں صحت مند بچہ جنم دے اور پھر اس کی صحت مند ماحول میں بہترین پرورش بھی کر پائے۔

سندھ کے نئے وزیر اعلی مزید کہا کہ صاف ستھرا کراچی،سر سبز تھر اور محفوظ سندھ میرا خواب ہے،ہر جگہ کرپشن کرپشن کی آوازیں آتی رہتی ہیں لیکن اب یہ ناسور ختم ہوتی بھی نظر آئے گی۔

انہوں نے اعلان کیا کہ وزیر اعلیٰ ہاوس کے دروازے ہر سیاسی جماعت کے لیے کھلے ہیں، سب سے ملوں گا اور سب کے مسائل حل کروں گا،میری کوشش ہوگی کہ کم از کم سے پروٹوکول رکھوں اور ایسے وقت آمد ورفت رکھوں جب ٹریفک کم ہوتا ہو تا کہ عوام الناس کو کوئی تکلیف نہ ہو۔

سید مراد علی شاہ نے میڈیا کا خصوصی شکر ادا کرتے ہوئے امید ظاہر کی کہ میڈیا مثبت تنقید کرکے مجھے درست اطلاعات اور سمت کا تعین کرنے میں مد کرتی رہے گی، میں علی الصبح اُٹھنے کا عادی ہوں اور پیر سے صبح 9 بجے اپنے آفس میں ہوں گا جسے دیر سے آنے کی عادت ہے وہ ابھی سے خود سمجھ لے۔

میئرالیکشن کمیشن نےسندھ میں بلدیات کے شہری اداروں کے لیے میئر ڈپٹی میئر اور ضلعی کونسل کے لیے چیئرمین وڈپٹی چیئرمین کےانتخابات کاشیڈول جاری کردیا،جس کے مطابق پولنگ 24اگست کو ہوگی۔

الیکشن کمیشن کی جانب سے سندھ کے بلدیاتی اداروں کے انتخابات کا تیسرے اور آخری مرحلے کے لیے میئر، ڈپٹی میئر اور ضلعی کونسل کے انتخابات کے لیے شیڈول جاری کردیا ہے،شیڈول کے مطابق پولنگ 24 اگست کو ہوگی جس کے لیے امیدوار 5 اگست سے 8 اگست تک کاغذات نامزدگی جمع کراسکیں گے جب کہ 8 اگست سے 10 اگست تک کاغذات کی جانچ پڑتال ہوگی۔

کاغذات کی جانچ پڑتال کے بعد امیدواروں پر اعتراضات 12 اگست اور 13 اگست کو الیکشن کمیشن میں اپیلیں دائر اورنمٹائی جائیں گی، اپیلوں پر 13 اگست کو ہی فیصلےسنائے جائیں گےجب کہ امیدوار پندرہ اگست کو کاغذات واپس لےسکیں گےجس کے بعد امیدواروں کی حتمی فہرست 18 اگست کو جاری کرکے 24 اگست کو الیکشن منعقد کرائی گی اور نتائج کا اعلان 25 اگست کو کیا جائے گا 29اگست کو کامیاب امیدواروں کا نوٹی فکیشن جاری ہوگا اور کامیاب امیدوار30 اگست کو اپنے عہدوں کا حلف اٹھائیں گے۔

اسی سے متعلق : سندھ میں ہونے والے میئر و ڈپٹی میئر کے انتخابات ملتوی

یاد رہے اس سے قبل بھی دو مرتبہ سندھ بھر میں میئر ڈپٹی میئر کے انتخابات کے لیے شیڈول کا اجراء کیا گیا تھا تا ہم ایک مرتبہ سپریم کورٹ کی جانب سے مداخلت کے باعث اور دوسری بار الیکشن کمیشن کے ارکان کی تقرری نہ ہونے کے باعث انتخابات ملتوی کیے گئے تھے جب کہ اس بار کراچی کے نامزد میئر وسیم اختر جیل کسٹڈی میں ہیں۔

یہ بھی پڑھیے : نامزد میئر وسیم اختر جوڈیشل ریمانڈ پر جیل روانہ

دوسری جانب میونسپل کمیٹی ٹھٹہ، گمبٹ اورضلع خیرپورکی تمام خالی نشستیں پر کردی جائیں گی، الیکشن کمیشن نے سندھ میں بلدیاتی انتخابات سے متعلق ضابطہ اخلاق بھی جاری کردیا، جس کے مطابق سرکاری وسائل اور اثرورسوخ استعمال نہیں کرسکیں گے۔