کراچی: منگھوپیر تیز رفتار بس سامنے سے آنے والی موٹر سائیکل سے ٹکرا گئی،موٹرسائیکل پر سوار دونوں نوجوان جان بحق ہو گئے۔
تفصیلات کے مطابق منگھو پیر کے علاقے میں نادرن بائی پاس پر تیز رفتار مسافر اور سامنے سے آنے والی موٹر سائیکل کے درمیان تصادم سے موٹر سائیکل سوار دونوں نوجوان جاں بحق ہو گئے ہیں۔
تصادم اتنا شدید تھا کہ موٹر سائیکل مکمل طور پر تباہ ہو گئی جب کہ موٹرسائیکل سوار نوجوان مقوقع پر ہی ہلاک ہو گئے۔
بس میں سوار مسافروں کے مطابق حادثہ بس ڈرائیور کی لا پرواہی کی وجہ سے پیش آیا وہ بس نہایت تیز رفتاری سے چلا رہا تھا جس کے باعث سامنے سے آتی موٹر سائیکل کو کچل دیا۔
پولیس نے واقعہ کی اطلاع ملتے ہی موقع پر پہنچ کر ابتدائی شواہد اکھٹا کرنے شروع کر دیئے ہیں تا ہم مسافر بس کا ڈرائیور حادثہ ہوتے ہی موقع سے فرار ہونے میں کامیاب ہو گیا جس کی گرفتاری کے لیے مختلف مقامات پر چھاپے مارے جا رہے ہیں۔
ریسکیو ادارے نے ٹریفک حادثے میں جاں بحق ہونے والے موٹر سائیکل سوراوں کی لاشوں کو قریبی اسپتال منتقل کیا جہاں سے لواحقین نے میتوں کو وصول کیا۔
