Tag: سندھ
-
کراچی:سندھ بھر میں نمازجمعہ میں سخت سیکورٹی کا حکم
پشاور واقعے کے بعد سندھ میں میں جمعہ کے دن مساجد ، امام بارگاہوں، اور نماز جمعہ کے اجتماعات کے موقع پر سیکیورٹی کے موثر اقدامات کی ہدایت کردی گئی۔
ترجمان سندھ پولیس کے مطابق پشاور بم دھماکے کے بعد کراچی سمیت سندھ بھر میں سیکیورٹی کے انتظامات سخت کردیئے گئے ہیں، علاقوں میں موبائل موٹرسائیکل گشت سمیت پکٹنگ، ریکی، نگرانی، تمام راستوں پر ناکہ بندی اور اسنیپ چیکنگ موثر کرنے کے احکامات جاری کردیئے گئے ہیں۔
ترجمان سندھ پولیس کے کہنا ہے کہ پولیس پر حملوں کے بعد موبائل گاڑیوں پر کیمرے بھی نصب کرنے کا فیصلہ کیا گیا، جنہیں سینٹرل کمانڈ سے منسلک کیا جائے گا۔
-
کراچی آپریشن ہرحال میں جاری رہےگا ، شرجیل میمن
سندھ کے وزیراطلاعات و بلدیات شرجیل میمن کا کہنا ہے کہ کراچی میں ٹارگٹڈ آپریشن ہر حال میں جاری رہے گا، سیکیورٹی اداروں اور سندھ حکومت کے مابین کوئی اختلافات نہیں۔
وزیر اطلاعات سندھ شرجیل میمن نے کہا ہے کراچی میں ٹارگٹڈ آپریشن ہر حال میں جاری رہے گا۔ سیکیورٹی اداروں اور سندھ حکومت کے مابین کوئی اختلافات نہیں ہے ، سندھ حکومت کو رینجرز اور پولیس افسران کی صلاحیتوں پر مکمل اعتماد ہے۔
ان کا کہنا تھا پولیس اور رینجرز پر حملہ کرنے والوں کے چہرے جلد عوام کے سامنے بے نقاب کریں گے، دہشت گردوں کے گھیرا تنگ کیا جارہا ہے ۔
انہیں کہیں چھپنے کی جگہ نہیں ملے گی۔ پیپلز پارٹی کی رہنما شیری رحمان نے چوہدری اسلم شہید کی رہائش گاہ پر ان کی اہلیہ سے ملاقات اور ان چوہدری اسلم کی دہشت گردوں کے ہاتھوں شہادت پر تعزیعت کی ۔
-
پنجاب اور سندھ میں نئے شیڈول کیلئے مشاورتی اجلاس بلانے کا فیصلہ
الیکشن کمیشن نے پنجاب اور سندھ کی انتخابی عمل منسوخ کر کے نئے شیڈول کیلئے آئندہ ہفتے مشاورتی اجلاس بلانے کا فیصلہ کرلیا، الیکشن کمیشن کا کہنا ہے کہ خیبرپختونخوا میں بروقت انتخابات نہیں ہوسکتے، صوبے کو سپریم کورٹ سے رجوع کرنے کی ہدایت کردی۔
سندھ اور پنجاب میں انتخابی عمل منسوخ کردیا، جمع کرائے گئے کاغذات نامزدگی کی کوئی حیثیت نہیں رہی، انتخابی فہرستیں بھی غیر منجمد کردی گئیں، الیکشن کمیشن نے نئے شیڈول کیلئے صوبوں سے رابطہ کرلیا، آئندہ ہفتے پھر مشاورتی بیٹھک ہوگی۔
ایڈیشنل ڈی جی الیکشن کمیشن کا کہنا ہے کہ نئے شیڈول کے ساتھ نیا انتخابی عمل شروع ہوگا، شیرافگن نے بتایا کہ خیبرپختونخوا میں بلدیاتی انتخابات وقت پرنہیں ہوسکتے، حلقہ بندیاں جنوری کے آخر تک ہوں گی، خیبرپختونخوا حکومت کو سپریم کورٹ سے رجوع کرنے کی ہدایت کردی۔
ایڈیشنل ڈی جی الیکشن کمیشن کے مطابق خیبرپختونخوا میں بائیومیٹرک نظام کا فیصلہ بھی نہیں ہوسکا، پچاس ہزار بائیومیٹرک مشینوں کی خریداری پر ڈیڑھ ارب روپے خرچ ہوں گے، الیکشن کمیشن کے مطابق قانون سازی نہ ہونے کے باعث اسلام آباد اور کنٹونمنٹ ایریاز میں بلدیاتی انتخابات کیلئے مزید وقت مانگ لیا گیا ہے۔
-
پنجاب اور سندھ کی انتخا بی فہرستیں غیرمنجمد کر دی گئیں
الیکشن کمیشن نےپنجاب اورسندھ کی انتخابی فہرستیں غیرمنجمد کردیں، اب ووٹ کا اندارج کر ایا جاسکے گا، بلدیاتی انتخابات سے متعلق الیکشن کمیشن کا اہم اجلاس بھی آج ہورہا ہے۔
پنجاب اورسندھ میں بلدیاتی انتخابات موخر ہونے کےبعدالیکشن کمیشن نےدونوں صوبوں کی انتخابی فہرستیں غیرمنجمدکردیں۔ الیکشن کمیشن کے مطابق پنجاب اور سندھ میں بلدیاتی انتخابات کے شیڈول کی منسوخی کے بعد انتخابی فہرستوں کو منجمند نہیں رکھا جا سکتا۔
نئے شیڈول کے جاری ہونے تک نئے ووٹرز کا اندراج کیا جاسکے گا۔جبکہ ووٹر اپنے ووٹ میں تبدیلی اور منتقلی بھی کر سکتے ہیں۔ الیکشن کمیشن کا کہنا ہے بلدیاتی انتخابات کے نئے شیڈول کے بعد انتخاباتی فہرستیں ایک بار پھر غیر منجمند کر دی جائے گی۔
-
سندھ اور پنجاب میں بلدیاتی انتخابات کیلئے نیا شیڈول بنانے کی اجازت
سپریم کورٹ نے الیکشن کمیشن کا درد سر کم کر دیا، الیکشن کمیشن کو سندھ اور پنجاب میں بلدیاتی انتخابات کا شیڈول تبدیل کرنے کی اجازت مل گئی۔
سندھ اور پنجاب میں ہونے والے بلدیاتی انتخابات کا شیڈول دوسری بار منسوخ کر دیا گیا، سندھ اور لاہور ہائی کورٹ کی جانب سے حلقہ بندیاں غیر قانونی قرار دیئے جانے اور پرنٹنگ کارپوریشن کی جانب سے بیلٹ پیپر مقررہ وقت میں چھاپ کر دینے سے معذرت کے بعد الیکشن کمیشن نے بھی سپریم کورٹ سے رجوع کیا۔
عدالت کو اپنی مشکلات بتائیں اور بلدیاتی انتخابات کی تاریخوں میں توسیع کی درخواست کر ڈالی، سپریم کورٹ نے درخواست کو باوقار طریقے سے سنا اور الیکشن کمیشن کو اسکی سہولت کے مطابق نیا شیڈول جاری کرنے کی اجازت دے دی۔
درخواست کی سماعت جسٹس تصدق حسین جیلانی کی سربراہی میں 3 رکنی بنچ نے کی، اب بلدیاتی امیدواروں کو نئے شیڈیول کا انتظار کرنا ہوگا۔
-
حیدرآباد: انتخابات18 جنوری کو ہونگے یا نہیں کچھ پتہ نہیں، نثار کھوڑو
سندھ کے صوبائی وزیر تعلیم نثار کھوڑو کا کہنا ہے کہ بلدیاتی انتخابات اٹھارہ جنوری کو ہوسکیں گے یا نہیں ابھی کچھ کہا نہیں جاسکتا۔
حیدر آباد میں پریس کانفرنس کرتے ہوئے صوبائی وزیر تعلیم نثار کھوڑو نے کہا ہے کہ سندھ میں تعلیم کی تباہی کا ذمہ دار اسکولوں سے غیر حاضر رہنے والے استاد ہیں انہوں نے اعلان کیا کہ مارچ تک بیس ہزار استاتذہ بھرتی کئے جائیں گے۔
نثار کھوڑو کا کہنا تھا کہ عدالتیں آمروں کے نظام میں دلچسپی لے رہی ہیں اور اسمبلیوں کے نظام پر اعتراض کررہی ہیں۔
-
کراچی سمیت سندھ کے 5شہروں میں آج رات سے ڈبل سواری پر پابندی
بارہ ربیع الاول کے پیش نظر سندھ کے پانچ شہروں میں آج رات بارہ بجے سے ڈبل سواری پرپابندی عائد کر دی جائے گی، ڈبل سواری پر پابندی کا اطلاق پندرہ جنوری تک ہوگا۔
محکمہ داخلہ سندھ کی جانب سے جاری کردہ نوٹیفکیشن کے مطابق سندھ کے پانچ شہروں کراچی، حیدرآباد، میرپورخاص، لاڑکانہ اور سکھر میں موٹر سائیکل کی ڈبل سواری پر پابندی ہوگی۔
نوٹیفکیشن کے مطابق پابندی کا اطلاق آج رات بارہ بجے سے ہوگا جو کہ پندرہ جنوری تک رہے گا، اسلحے کی نمائش کے خصوصی اجازت نامے بھی منسوخ کر دیئے گئے ہیں۔
محکمہ داخلہ سندھ کے مطابق بارہ ربیع الاول کو موبائل سروس بند رکھنے کے لئے وزارت داخلہ کوخط لکھ دیا گیا ہے، خط میں موبائل فون سروس چودہ جنوری کی صبح سے رات تک بند کرنیکی تجویز دی گئی ہے، اس پابندی سے قانون نافذ کرنے والے اداروں کے اہلکار اور صحافی مستثنیٰ ہوں گے۔
