Tag: سندھ

سندھ کے وزیر بلدیات و اطلاعات شرجیل انعام میمن کا کہنا ہے کہ سرکاری اداروں اور بالخصوص محکمہ بلدیات میں کسی بھی گھوسٹ ملازم کو برداشت نہیں کیا جائے گا۔

کراچی میں اجلاس کی صدارت کرتے ہوئے شرجیل میمن نے سیکرٹری بلدیات کو ہدایات دی کہ وہ کے ایم سی کی اسکولوں، ڈسپنسریوں اور دیگر محکموں میں گھوسٹ ملازمین کے خلاف کریک ڈاؤن کا آغاز کریں اور ان کی فہرستیں بنا کر ان کے خلاف کاروائی کریں۔

ان کا کہنا تھا کہ محکمہ بلدیات میں گھوسٹ ملازمین کی تنخواہیں سندھ حکومت پر بوجھ بن گئی ہیں، انہوں نے کہا کہ گھروں پر بیٹھ کر تنخوائیں لینے والوں کو اب ان کے گھروں پر ہی بٹھا دیا جائے گا اور انہیں اب کوئی تنخواہ نہیں دی جائے گی۔

انہوں نے ایڈمنسٹریٹر کراچی اور دیگر محکموں کے افسران کو بھی متعلقہ محکموں میں موجود گھوسٹ ملازمین کی فہرستیں تیار کرنے کے احکامات دیئے اور ایسا نہ کرنے والے افسران کے خلاف کاروائی کی جائے گی۔
   

سندھ میں سی این جی اسٹیشنز کی بندش کا نیا شیڈول جاری کر دیا گیا، اب کراچی سمیت سندھ بھر میں منگل اور جمعرات کو سی این جی اسٹیشنز چوبیس گھنٹوں کیلئے بند رہیں گے۔

سوئی سدرن نے رواں ہفتے صرف دو روز سی این جی اسٹیشنز کو گیس نہ دینے کا اعلان کیا ہے، گزشتہ ہفتے صوبے بھر میں سی این جی سیکٹر کو چار دن گیس نہیں دی گئی تھی،ملک میں قدرتی گیس کی شدید قلت ہے۔

پنجاب، خیبرپختونخوا اور بلوچستان میں گھروں کے چولہے گیس نہ ہونے کی وجہ سے ٹھنڈے پڑے ہیں لیکن سندھ میں گاڑیوں کیلیے گیس موجود ہے، حکومت نے سندھ میں سی این جی اسٹیشنز اور ٹرانسپورٹ مافیا کے آگے گھٹنے ٹیک دیئے ہیں۔

سی این جی ایسوسی ایشن کے نائب چیئر مین محمد علی کا کہنا ہے کہ سوئی سدرن گیس، سی این جی ایسوسی ایشن اور ٹرانسپورٹ اتحاد میں مذاکرات کامیاب ہوگئے۔

جس کے بعد اب رواں ہفتے صرف دو دن گیس کی بندش کی جائے گی، محمد علی نے مزید کہا کہ سوئی سدرن سے مذاکرات کا دوسرا دور بدھ کو ہوگا۔

ایم کیو ایم کے رہنما فیصل سبزواری کاکہناہےکہ سرائیکی اورہزارہ صوبہ بن سکتاہےتوسندھ میں کیوں نہیں ن لیگ ملک میں نئےصوبوں کی تشکیل کاوعدہ پہلےکرچکی ہے ۔

سندھ اسمبلی میں اپوزیشن لیڈر او ر ایم کیو ایم کے رہنما فیصل سبزواری کا کہنا ہے کہ مسلم لیگ نون ملک میں نئے صوبوں کی تشکیل کا وعدہ کرچکی ہے، ہزاورہ ،سرائیکی، بہاولپورصوبےکی بات ہوسکتی ہےتوسندھ میں کیوں نہیں، اپنےبیان میں فیصل سبزواری نے کہا کہ ایسا لگتاہےمشرف کیخلاف انصاف سےنہیں انتقام سےکام لیاجارہاہے۔
     

سندھ کے ضلعی ریٹرننگ افسران نے عدالتی حکم کے بعد کی صورتحال پر الیکشن کمیشن سے ہدایات مانگ لیں۔

الیکشن کمیشن کو لکھے گئے خط میں سندھ کے ضلعی ریٹرننگ افسران نے کہا ہے کہ انتخابی قوانین کالعدم قرار دیئے جانے کے باوجود انتخابی قوانین اور حلقہ بندیاں طے نہیں کی جاسکیں جبکہ ڈی آر اوز انتخابی شیڈول پر کاروائی جاری رکھے ہوئے ہیں۔

سندھ ہائی کورٹ کی جانب سے انتخابی قوانین کالعدم قرار دئیے جانے کے بعد الیکشن شیڈول پر عملدرآمد بلا جواز ہے، عدالتی فیصلے پر رہنمائی کی جائے۔