Tag: سندھ

پنجاب کے بعد سندھ میں بھی سی این جی ملنا جوئے شِیر لانے کے مترادف ہوگیا ہے، سندھ میں دو روز کی بندش کے بعد سی این جی اسٹیشنز چوبیس گھنٹے کے لئے کھول دیئے گئے۔

کراچی سیمت سندھ کے دیگر شہروں میں سی این جی اسٹیشنز دو دن کی بندش کے بعد آج آٹھ بجے صبح کھول دیئے گئے، سخت سردی کے باوجود رات گئے ہی سے سی این جی اسٹیشنز پر گاڑیوں کی لمبی قطاریں لگ گئیں، جس کے باعث ٹریفک کی روانی متاثر ہوئی ہے اور ابھی بھی گھنٹوں کے انتظار کے بعد لوگوں سی این جی مل پا رہی ہے۔

سی این جی اسٹیشنز صرف چوبیس گھنٹوں کے لیے کھولے گئے ہیں، سندھ میں جمعے کی صبح آٹھ بجے سے اتوار کی صبح نو بجے تک سی این جی دستیاب نہیں ہوگی۔

حکام کے کہنا ہے کہ شدید سردی میں گیس کی طلب بڑھ گئی ہے اور اس وجہ سے سی این جی سیکٹر کو گیس کی فراہمی کم کردی گئی ہے۔

بلدیاتی انتخابات کے لئے کراچی سمیت سندھ بھر سے ہزاروں امیدوار سامنے آگئے، ممبرقومی اور صوبائی اسمبلی کی بڑی تعداد بھی مئیر اور ڈپٹی میئر بننے کی دوڑ میں شامل ہے۔

کراچی سمیت سندھ بھرمیں بلدیاتی انتخابات کے لئے کاغذات نامزدگی جمع کرانے کا وقت گزشتہ روز توسیع کے بعد رات بارہ بجے ختم ہوگیا، کراچی سمیت سندھ بھر سے عوام کی خدمت کرنے کے لئے امیدوار ہزاروں کی تعداد میں سامنے آگئے، جن میں بڑی تعداد خواتین کی بھی شامل ہے۔

کئی ممبر قومی اور صوبائی اسمبلی نے بھی میئراور ڈپٹی میئر کے لئے نامزدگی فارم جمع کرادیئے، کراچی میں متحدہ قومی موومنٹ کے فاروق ستار اور خوش بخت شجاعت بھی میئر اور ڈپٹی میئرکے عہدوں کے لئے مضبوط امیدوار ہیں۔

سندھ میں بلدیاتی انتخابات کا پہلا مرحلہ مکمل ہونے کے بعد یکم سے پانچ جنوری تک کاغذات کی جانچ پڑتال کی جائےگی، جبکہ کاغذات منظور یا مسترد کئے جانے کے خلاف اپیلیں چھ اور سات جنوری کو دائر کی جاسکیں گی۔

امیدواروں کو نشانات کی الاٹمنٹ کے ساتھ حتمی فہرست سات جنوری کو جاری کی جائے گی، صوبے میں پولنگ اٹھارہ جنوری کو اور حتمی نتائج کا اعلان اکیس جنوری کو کیا جائے گا۔

سندھ میں بلدیاتی انتخابات کے لئے کاغذات نامزدگی جمع کرانے کا کل آخری روز ہے، امیدواروں کی بڑی تعداد الیکشن کمیشن کے دفاتر کے باہر موجود ہے۔

کراچی سمیت سندھ بھرمیں بلدیاتی انتخابات کے لئے کاغذات نامزدگی جمع کرانے کا سلسلہ زوروشور سے جاری ہے، الیکشن کمیشن کے جاری کردہ شیڈول کے مطابق انتیس دسمبرتک نامزدگی فارم وصول کئے جائیں گے۔

کراچی کے چھ اضلاع میں ہزاروں کی تعداد میں امیدوارسامنے آگئے ہیں، الیکشن کمیشن جمع کرائے گئے کاغذات سے متعلق نوٹی فیکیشن تیس دسمبرکو جاری کرے گا۔

جس کے بعد یکم جنوری سے پانچ جنوری تک کاغذات کی جانچ پڑتال کی جائے گی، منظور یا مسترد کاغذات کی خلاف اپیلیں دائر کرنے کے لئے چھ اور سات جنوری کی تاریخ مقررکی گئی ہے۔

اپیلوں پر فیصلے آٹھ سے گیارہ جنوری تک سنائے جائیں گے، بارہ جنوری کو امیدوارانتخابات سے دستبردارہوسکتے ہیں، امیدواروں کی حتمی فہرست تیرہ جنوری کو نشانات کے ساتھ جاری کی جائے گی جبکہ صوبے بھرمیں پولنگ اٹھارہ جنوری کو ہوگی۔

کراچی سمیت سندھ بھر میں سی این جی اسٹیشن آج شام  3بجے سے اکتالیس گھنٹے کیلئے بند کر دیئے جائیں گے، سی این جی بندش سے دیہاڑی پر رکشتہ اور ٹیکسی چلانے والوں کو شدید مشکلات کا سامنا ہے۔

گیس کے بحران سے گھریلو صارفین پریشان ہیں تو سی این جی اسٹیشنز کی بندش نے بھی ہزاروں افراد کو بے روزگار کردیا ہے، سندھ میں نئے شیڈول کے تحت آج سے سی این جی اسٹیشنز اکتالیس گھنٹے کے لیے بند کردیئے جائیں گے۔

سی این جی اسٹیشنز کی بندش سے ٹرانسپورٹ سے وابستہ ہزاروں افراد بے روزگار ہوگئے ہیں، دہاڑی پر رکشتہ ٹیکسی چلانے والوں کا کہنا ہے کہ ایک تو مہنگائی نے کمر توڑ رکھی ہے۔

دوسری جانب سی این جی اسٹیشنز کی آئے روز کی بندش سے انہیں روزگار کمانے میں شدید دشواری کا سامنا ہے، اس صورتحال میں یومیہ اجرت پر ٹرانسپورٹ چلانے والوں کی مشکلات میں اور بھی اضافہ کردیا ہے ۔

انکا کہنا ہے کہ کمائیں کیا اور کھائیں کیا، ماہرین کے مطابق متوسط اور غریب طبقے کو ٹرانسپورٹ اور روزگاری کی فراہمی کے لئے سی این جی فراہم کی جاسکتی ہے لیکن اس کے لیے بہتر منصوبہ بندی کی ضرورت ہے۔

سوئی سدرن گیس کمپنی نے سی این جی اسٹیشن بند کرنے کا نیا شیڈول جاری کر دیا ہے، سی این جی اسٹیشن ہفتے سے اکتالیس گھنٹوں کے لیے بند کر دیئے جائیں گے۔

نئے شیڈول کے تحت کراچی سمیت سندھ میں سی این جی اسٹیشن ہفتے کو صبح آٹھ بجے کے بجائے ہفتے کی دوپہر تین بجے سے پیر کی صبح آٹھ بجے تک اکتالیس گھنٹوں کے لیے بند کیے جائیں گے۔

ایس ایس جی سی کے ترجمان کے مطابق اتوار کو صنعتوں پر گیس کے استعمال پر پابندی ہوگی، سی این جی ایسوسی ایشن کے چئیرمین شبیر سلمانجی کا کہنا ہے کہ سی این جی اسٹیشن بند کرنے کے شیڈول میں تبدیلی غیر مناسب اقدام ہے

انکا مزید کہنا ہے کہ ہفتے سے اکتالیس گھنٹوں تک سی این جی اسٹیشن بند ہونے سے پبلک ٹرانسپورٹ بھی بند ہو جائے گی اور ایمبولینس سروس متاثر ہونے سے مریضوں کو بھی مشکلات کا سامنا رہے گا۔

صنعتکاروں کے مطابق صنعتی علاقوں میں لو پریشر کی وجہ سے پراسسنگ انڈسٹری بند ہونے کے قریب اور گیس کی بندش سے صورتحال مزید خراب ہو گی، اگر صنعتیں بند ہوتی ہیں تو بے روزگاری میں اضافہ ہوگا۔