Tag: سنچری

ڈبلن: پاکستانی اوپنر شرجیل خان نے کیرئیر کی بہترین اننگز آئرلینڈ کیخلاف کھیل ڈالی، آئرش ٹیم کیخلاف سب سے بڑی انفرادی اننگز کھیلنے والے پاکستانی بن گئے۔

ڈبلن کے میدان میں آئرلینڈ کے خلاف پاکستانی اوپنر شرجیل خان نے تاریخ ساز اننگز کھیل ڈالی، جارحانہ انداز سے کھیلنے والے اوپنر نے چھکے لگا کر شائقین کرکٹ کو خوب کیچ پریکٹس کرائی، شاندار اننگز نے آئرش ٹیم کے رنگ اڑا دیئے، نصف سنچری چھکا لگا کر مکمل کی۔

شرجیل خان کا بیٹ رنز اگلتا رہا اور اکسٹھ گیندوں پر سنچری چوکا لگا کر بنائی، ایک سو باون رنز کی شاندار اننگز کھیلنے کے بعد آئرش ٹیم نے بڑی مشکل سے پاکستانی اوپنر کو قابو کرہی لیا، شرجیل خان کی کیرئیر بیسٹ اننگز میں نو چھکے اور سولہ چوکے شامل ہیں۔

آئرلینڈ کے شہر ڈبلن میں پاکستان اور آئرلینڈ کے درمیان 2 ون ڈے میچز کی سیریز کے پہلا میچ میں پاکستان نے جیت کیلئے میزبان ٹیم کو تین سو اڑتیس رنز کا ہدف دے دیا ۔

کراچی: پاکستان نے ٹی ٹوئنٹی فارمیٹ کھیلنے کی سنچری مکمل کرلی، گرین شرٹس یہ سنگ میل عبور کرنے والی پہلی ٹیم بن گئی ہے ۔

گرین شرٹس ٹی ٹوئنٹی میچز کی سنچری مکمل کرنے والی دنیائے کرکٹ کی پہلی ٹیم بن گئی، یہ اعزاز پاکستان نے ایشیا کپ میں یواےای کیخلاف میچ کھیل کر حاصل کیا۔

پاکستان ٹیم نے عالمی ٹی ٹوئنٹی چیمپیئن بننے کا ٹائٹل دوہزار نو میں سجایا، اب تک کھیلے گئے ننانوے میچزمیں گرین شرٹس کو ستاون میں کامیابی ملی جو کہ ایک ریکارڈ ہے، انتالیس میں شکست،ٹائی بریکر میں ایک مرتبہ فتح نصیب ہوئی اور دو کے میچز حریف سائیڈ نے جیتے۔

پاکستانی کپتان شاہد آفریدی مختصر فارمیٹ کے کامیاب ترین بولر اور سب سے زیادہ میچز کھیلنے والے واحد کھلاڑی بھی ہیں، وکٹوں کے پیچھے رہ کر سب سے زیاد بلے بازوں کا شکار کامران اکمل کرچکے ہیں، یواے ای کیخلاف کامیابی سمیٹتے ہوئے ٹیم پاکستان ٹی ٹوئنٹی فارمیٹ کی سنچری کو یادگار بنائے گی۔

لاہور: پاکستانی امپائرعلیم ڈارکاایک اورسنگ میل ٹیسٹ میچز میں امپائرنگ کی سنچری کرنےوالے دنیاکے تیسرے امپائربن گئے۔

پاکستانی امپائرعلیم ڈار نےٹیسٹ میچز میں امپائرنگ کی سنچری مکمل کرلی،علیم ڈارٹیسٹ میچز میں امپائرنگ کی سنچری کرنےوالے تیسرے امپائربن گئے، اس سے پہلے اسٹیوبکنراوررودی کٹزن یہ کارنامہ انجام دے چکے ہیں۔

سینتالیس سالہ علیم ڈارنےدوہزارتین میں پہلی بارٹیسٹ میچ میں امپائرنگ کے فرائض انجام دئیے۔ ایک برس میں ہی آئی سی سی علیم ڈارسے اس قدر مثاترہوئی کہ اگلے برس انھیں ایلیٹ پینل میں شامل کرلیاگیا۔

علیم ڈار کودوہزارنو سے دوہزارگیارہ تک مسلسل تین مرتبہ بہترین ایوارڈکےاعزازسے نوازا گیا، علیم ڈارکودوہزارگیارہ میں پاکستان کا اعلی سول اعزاز پرائڈ آف پرفارمنس دیا گیا۔

دوہزارتیرہ میں علیم ڈارکوپاکستان کا تیسرا بڑا سول اعزاز ستارہ امتیاز سے نوازا گیا، علیم ڈار ایک سو اٹھہتر ون ڈے اورپینتس ٹی ٹوئنٹی میچز میں بھی امپائرنگ کرچکے ہیں۔