Tag: سنچورین ٹیسٹ

حال ہی میں انٹرنیشنل کرکٹ سے ریٹائرمنٹ لینے والے سابق قومی پیسر محمد عامر سنچورین ٹیسٹ میں محمد عباس کی کارکردگی پر اظہار خیال کیا ہے۔

سنچورین ٹیسٹ میچ میں پاکستان فتحیاب تو نہ ہو سکا، لیکن تین سال بعد ٹیم میں واپسی پر محمد عباس کی شاندار کارکردگی پر سابق ٹیسٹ کرکٹر محمد عامر نوجوان فاسٹ بولر کو تین سال ٹیم سے دور رکھنے پر سابق کوچز پر برس پڑے۔

محمد عامر نے سنچورین ٹیسٹ میں محمد عباس کی کارکردگی کو سراہا اور ساتھ ہی انہوں نے نوجوان بولر کو تین سال تک ٹیم سے باہر رکھنے پر قومی ٹیم کے سابق کوچز پر کڑی تنقید کی۔

سماجی رابطوں کی ویب سائٹ ایکس پر اپنے ایک پیغام میں ان کا کہنا تھا کہ قومی ٹیم کے ان سابق کوچز کو سامنے لایا جانا چاہیے، جنہوں نے پیس کی وجہ سے محمد عباس کو طویل عرصے تک ٹیم سے باہر رکھا اور انہیں ٹیم میں واپسی کیلیے تین سال لگے۔

محمد عامر کا کہنا ہے کہ محمد عباس کی پرفارمنس انہیں ٹیم سے باہر رکھنے والوں کے منہ پر طمانچہ ہے۔

واضح رہے کہ سنچورین ٹیسٹ کے ذریعے محمد عباس نے تین سال بعد ٹیم میں واپسی کی تھی اور میچ کے چوتھے روز انہوں نے جنوبی افریقہ کے لیے 148 رنز کے ہدف کا حصول مشکل بنا دیا تھا۔

محمد عباس نے شاندار کارکردگی کا مظاہرہ کرتے ہوئے دوسری اننگ میں 6 جب کہ میچ میں مجموعی طور پر 7 وکٹیں حاصل کیں اور ایک موقع پر مسلسل 15 اوورز کرائے۔

تاہم کسی ساتھی بولر کی جانب سے مدد نہ ملنے پر جنوبی افریقہ سنسنی خیز مقابلے کے بعد یہ میچ دو وکٹوں سے جیت گیا۔

https://urdu.arynews.tv/muhammad-abbas-against-south-africa/

سنچورین ٹیسٹ میچ کے دوسرے روز جنوبی افریقا کی ٹیم پاکستان کے خلاف پہلی اننگز میں 301 رنز بنا کر آؤٹ ہوگئی۔

سنچورین ٹیسٹ کے دوسرے روز خراب روشنی کی وجہ سے کھیل جلد ختم کردیا گیا، جنوبی افریقا کی ٹیم پہلی اننگز میں 301 رنز بنا کر آؤٹ ہوگئی، پاکستان نے دوسری اننگز میں 3 وکٹوں کے نقصان پر 88 رنز بنالیے ہیں اور جنوبی افریقا کی برتری ختم کرنے کے لیے مزید 2 رنز درکار ہیں۔

بابر اعظم 16 اور سعود شکیل 4 رنز کے ساتھ ناٹ آؤٹ ہیں۔

اوپنر صائم ایوب 28 اور کپتان شان مسعود بھی 28 رنز بنا کر پویلین لوٹ گئے، پہلی اننگز میں نصف سنچری بنانے والے کامران غلام 4 رنز بناسکے۔

جنوبی افریقا کی جانب سے مارکو جینسن نے دو اور کاگیسو ربادا نے ایک وکٹ حاصل کی۔

View this post on Instagram

A post shared by Pakistan Cricket (@therealpcb)

اس سے قبل جنوبی افریقا کی ٹیم پہلی اننگز میں 301 رنز بنا کر آؤٹ ہوئی اور پکاستان کے خلاف 90 رنز کی برتری حاصل کی ۔

ایڈن مارکرم 89 رنز کے ساتھ نمایاں رہے، کوربن بوش نے ڈیبیو پر 81 رنز کی ناٹ آؤٹ اننگز کھیلی۔

پاکستان کی جانب سے خرم شہزاد اور نسیم شاہ نے تین، تین کھلاڑیوں کو آؤٹ کیا، عامر جمال نے دو اور صائ ایوب نے ایک وکٹ حاصل کی۔

پاکستان ٹیم پہلی اننگز میں 211 رنز بنا کر آؤٹ ہوئی تھی، کامران غلام نے 54 رنز کی اننگز کھیلی تھی، عامر جمال 28، محمد رضوان 27 اور سلمان آغا 18 رنز بناسکے تھے۔

جنوبی افریقا کی جانب سے ڈین پیٹرسن نے پانچ اور ڈیبیو کرنے والے کوربن بوش نے 4 وکٹیں حاصل کی تھیں۔

سنچورین ٹیسٹ میں بھارتی بیٹنگ لائن بری طرح ناکام ہوگئی، جنوبی افریقہ کے خلاف سیریز کے پہلے مقابلے میں اننگز کی شکست کا سامنا کرنا پڑا۔

تفصیلات کے مطابق گھر کے شیر بھارتی بیٹرز دیار غیر کی پچز پر جا کر ڈھیر ہوگئے۔ سنچورین میں میزبان نے بلیوشرٹس کو ایک اننگز اور32 رنز کی عبرتناک شکست سے دوچار کردیا۔ بھارتی بیٹرز جنوبی افریقہ کی پچ پر بیٹنگ کرنا ہی بھول گئے۔

پروٹیز کے پیس اٹیک کے سامنے پہلے ٹیسٹ میں چند ایک بھارتی بیٹرز کے علاوہ کوئی نہ ٹھہر سکا۔ پہلی اننگز میں کے ایل راہول نے سنچری اسکور کی جبکہ دوسری اننگز میں ویرات کوہلی نے نصف سنچری بناتے ہوئے مزاحمتی باری کھیلی۔

بھارت کو اننگز کی شکست سے بچنے کے لیے دوسری اننگز میں 163 رنز بنانے تھے مگر پوری ٹیم 131 رنز پر ڈھیر ہوگئی۔ سوائے ویرات کوہلی کے کوئی بیٹر مزاحمت نہ کرسکا انھوں نے 76 رنز کی باری کھیلی۔

بھارتی بیٹرز بری طرح ناکام رہے پوری ٹیم 131 کے اسکور پر پویلین لوٹ گئی۔ بھارت کے 9 بیٹرز ڈبل فیگرز میں بھی داخل نہ ہوسکے۔ ویرات کوہلی 76 اور شبمب گل 26 رنز بنا کرنمایاں رہے۔

بھارتی کپتان روہت شرما صفر، کے ایل راہول 4، شریاس آئر 6 اور شردل ٹھاکر اپنے کھاتے میں صرف 2 رنز کا اضافہ ہی کر پائے۔

جنوبی افریقہ کی جانب سے ڈبیو کرنے والے ناندرے برگر نے دوسری اننگز میں محض 33 رنز دے کر 4 بھارتی بیٹرز کو پویلین بھیجا۔ ان کے علاوہ مارکو جانسین نے 3 اور ربادا نے 2 وکٹیں اپنے نام کے آگے درج کرائیں۔

پرویٹز اوپنر ڈین ایلگر کو پہلی اور واحد اننگز میں 185 رنز کی شاندار اننگز کھیلنے پر میچ کا بہترین کھلاڑی قرار دیا گیا۔

میزبان سائیڈ نے اپنی پہلی اننگز میں 408 رنز کا مجموعہ ترتیب دیا تھا، ڈین ایلگر کے علاوہ مارکو جانسن 84 رنز بنا کر ناٹ آؤٹ رہے جبکہ ڈیوڈ بیڈنگھم 56 رنز بنا کر نمایاں رہے۔

بھارتی بیٹرز سنچورین ٹیسٹ میں بیٹنگ کرنا بھول گئے، بلیو شرٹس جنوبی افریقہ کے خلاف پہلے ٹیسٹ میں اننگز کی شکست کے قریب پہنچ گئے۔

تفصیلات کے مطابق گھر کے شیر بھارتی پلیئرز اپنے ملک سے باہر نکلتے ہی ڈھیر ہوگئے۔ جنوبی افریقہ کے خلاف سنچورین میں ہونے والے پہلے ٹیسٹ میچ میں اس اننگز کی شکست کا سامنا ہے۔ اننگز کی شکست سے بچنے کے لیے بھارت کو اب بھی رنز کی ضرورت ہے۔

جنوبی افریقہ کے خلاف سیریز کے پہلے میچ کے پہلی اننگز میں پوری بھارتی ٹیم 245 رنز بنا کر پویلین لوٹ گئی تھی۔

کاگیسو ربادا نے 59 رنز دے کر 5 وکٹیں حاصل کی تھیں۔ ربادا کے علاوہ ڈبیو کرنے والے ناندرے برگر نے بھی 50 رنز دے کر 3 وکٹیں اپنے نام کیں۔ بھارت کی جانب سے مڈل آرڈر بیٹر کے ایل راہول 101 رنز بنا کر نمایا رہے تھے۔

پروٹیز نے عمدہ کھیل پیش کرتے ہوئے اپنی پہلی اننگز میں 408 رنز کا مجموعہ سجایا، اوپنر ڈین ایلگر نے 185 رنز کی شاندار اننگز کھیلی۔ مارکو جانسن 84 رنز بنا کر ناٹ آؤٹ رہے جبکہ ڈیوڈ بیڈنگھم 56 رنز بنا سکے۔

بھارتی بیٹرز دوسری اننگز میں بھی بری طرح ناکام رہے آخری اطلاعات آنے تک 7 وکٹوں کے نقصان پر 110 رنز بنائے تھے۔ ویرات کوہلی 60 رنز بنا کر کریز پر موجود ہیں جبکہ ان کے ساتھ جسپریت بمراہ صفر پر موجود ہیں۔

بھارتی کپتان روہت شرما دوسری اننگز میں بھی ناکام رہے اور صفر پر چلتے بنے، شبمن گل اس بار 26 رنز اسکور کرسکے جبکہ پہلی اننگز کے سنچری میکرز کے ایل راہول 4 رنز بنا سکے۔

جنوبی افریقہ کی جانب سے دوسری اننگز میں ربادا اور مارکو جانسین نے 2،2 جبکہ ناندرے برگر نے 3 وکٹیں اپنے نام کیں۔

جنوبی افریقی پیسر کاگیسو ربادا نے پہلے ٹیسٹ میچ میں بھارتی بیٹنگ لائن کے پرخچے اڑا دیے، فاسٹ بولر نے 5 وکٹیں اپنے نام کرلیں۔

تفصیلات کے مطابق جنوبی افریقہ اور بھارت کے درمیان سنچورین میں کھیلے جانے والے پہلے ٹیسٹ میچ میں بھارتی بیٹرز نمایاں کارکردگی دکھانے میں ناکام رہے۔ آخری اطلاعات تک بھارت نے 8 وکٹوں کے نقصان پر 201 رنز بنائے تھے۔

کاگیسو ربادا کی تیز گیند بازی کے آگے انڈین بیٹرز بے بس دکھائی دیے۔ جنوبی افریقی پیسر نے اپنے کیریئر میں اننگز میں 14 ویں بار 5 وکٹیں لینے کا کانامہ انجام دیا۔ انھوں نے 44 رنز دے کر پانچ وکٹیں حاصل کیں۔

بھارتی کپتان روہت شرما صرف 5 رنز پر چلتے بنے، شبمن گل 2 اور ویرات کوہلی 38 رنز ہی بنا پائے۔ سریاش آئر کی ہمت بھی 31 کے انفرادی اسکور پر جواب دے گئی۔

کے ایل راہول نے بھارت کی جانب سے اچھی بیٹنگ کرتے ہوئے نصف سنچری اسکور کی وہ 63 رنز بنا کر کریز پر موجود ہیں جبکہ محمد سراج بغیر کوئی رن بنائے ان کا ساتھ دے رہے ہیں۔

ربادا کے علاوہ ڈبیو کرنے والے ناندرے برگر نے بھی 50 رنز دے کر دو وکٹیں اپنے نام کیں، ایک وکٹ مارکو جانسین کے حصے میں آئی۔