Tag: سنگاپور

  • سنگاپور کی تاریخ کا سب سے بڑا سائبر حملہ

    سنگاپور کی تاریخ کا سب سے بڑا سائبر حملہ

    سنگا پور : سنگاپورکی تاریخ میں سب سے بڑا سائبر حملے میں ہیکرز نے وزیراعظم سمیت پندرہ لاکھ افراد کا ڈیٹا چرالیا، وزیر صحت نے  ڈیٹا لیک ہونے پرمتاثرہ افراد سے معافی مانگی ہے۔

    غیرملکی خبرایجنسی کے مطابق سنگاپور میں ہیکرز نے سرکاری ہیلتھ ڈیٹا بیس میں گھس کر پندرہ لاکھ مریضوں کی ذاتی معلومات حاصل کرلیں، جو معلومات ہیک کی گئیں ان میں وزیراعظم لی کی دواؤں کا نسخہ اور دیگرذاتی معلومات بھی شامل ہیں۔

    اعلیٰ حکام کے مطابق سائبرحملہ گزشتہ روز کیا گیا تھا، یہ جاننے کی کوشش کی جارہی ہے کہ مریضوں کی معلومات چرانے کے پیچھے کیا مقاصد ہوسکتے ہیں۔

    حکام نے ملکی تاریخ میں اب تک کا سب سے سنگین سائبر حملہ قرار دیتے ہوئے کہا کہ حملہ انتہائی مہارت سے کیا گیا تاہم سائبر حملوں کے ذمہ دارافراد سے متعلق کچھ نہیں بتایا گیا۔

    سائبر سیکیورٹی ایجنسی سنگاپور نے حملے کی تصدیق کرتے ہوئے کہا کہ یہ کسی ایک ہیکر یا مجرمانہ گروہ کا کام نہیں ۔

    وزیراعظم لی نے سماجی رابطے کی ویب سائٹ فیس پر ایک پوسٹ میں کہا کہا کہ ہیکرز کی جانب سے مجھے ہی  نشانہ بنایا گیا ہے، شاید وہ کچھ  خفیہ معلومات حاصل کرنا چاہتے یا مجھے شرمندہ کرنے کے لئے کیا،  اگر ایسا ہیں تو وہ مایوس ہو جائیں گے۔

    سنگاپورکے وزیرصحت نے سائبرحملے میں ڈیٹا لیک ہونے پرمتاثرہ افراد سے معافی مانگی ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکی صدراورشمالی کوریا کے رہنما کی تاریخی ملاقات

    امریکی صدراورشمالی کوریا کے رہنما کی تاریخی ملاقات

    سنگاپور: امریکی صدر ڈونلڈ ٹرمپ اور شمالی کوریا کے رہنما کم جونگ اُن کے درمیان ملاقات اختتام پذیرہوگئی ہے، ملاقات میں دونوں طرف سے مترجم بھی شریک ہوئے۔

    تفصیلات کے مطابق سنگاپور کے جزیرے سینٹوسا میں امریکی صدر ڈونلڈ ٹرمپ اور جنوبی کوریا کے سربراہ کم جونگ اُن کے درمیان ون آن ون ملاقات جزیرہ سینٹوسا کے کیپیلا ہوٹل میں ہوئی۔

    سینٹوسا میں ہونے والی اس تاریخی ملاقات کے لیے کم جونگ اُن وفد کے ساتھ ہوٹل پہنچے اور کچھ ہی دیربعد امریکی صدر ڈونلڈ ٹرمپ کا قافلہ بھی ہوٹل پہنچا۔

    ڈونلڈ ٹرمپ اور کم جونگ اُن کا مصافحہ

    امریکی صدر اور شمالی کوریا کے سربراہ نے ملاقات کے آغاز میں ایک دوسرے سے مصافحہ کیا اور فوٹوسیشن ہوا۔ اس موقع پر دونوں سنجیدہ نظر آئے لیکن بات چیت ہوئی تو چہروں پرمسکراہٹ بھی آگئی اور ایک بار پھر ہاتھ ملائے گئے۔

    سینٹوسا کے کیپیلا ہوٹل میں 45 منٹ تک جاری رہنے والی ون آن ون ملاقات میں شمالی کوریا کو ایٹمی ہتھیاروں سے پاک کرنے کا معاملہ سرفہرست رہا۔ ملاقات میں دونوں طرف سے صرف مترجم شریک ہوئے۔

    صحافیوں سے مختصرگفتگو

    اس موقع پر امریکی صدر ڈونلڈ ٹرمپ کا صحافیوں سے گفتگو کرتے ہوئے کہنا تھا کہ وہ بہت اچھا محسوس کررہے ہیں، ہماری بات چیت بہترین ہوگی اور میرے خیال میں بہت کامیاب بھی ہوگی۔

    ڈونلڈ ٹرمپ کا کہنا تھا کہ یہ میرے لیے بہت اعزاز کی بات ہے اور اس میں کوئی شک نہیں کہ ہمارا تعلق شاندار ہوگا۔

    دوسری جانب شمالی کوریا کے رہنما کا کہنا تھا کہ یہاں تک کا سفرآسان نہیں تھا، ماضی اور پرانی رقابتیں اور اقدامات نے آگے بڑھنے کی راہ میں رکاوٹوں کا کام کیا لیکن ہم نے ان سب پرقابو پایا اور آج ہم یہاں ہیں۔

    امریکی صدر ڈونلڈ ٹرمپ نے ملاقات کے اختتام کے بعد میڈیا سے گفتگو کرتے ہوئے کہ کم جونگ اُن سے ملاقات بہت اچھی رہی، شمالی کوریا کے سربراہ کے ساتھ مل کر معاملات کو حل کریں گے۔

    شمالی کوریا کے سربراہ کم جونگ اُن نے کہا کہ آگے چیلنجز کا سامنا ہوگا لیکن ڈونلڈ ٹرمپ کے ساتھ مل کر کام کریں گے۔

    ملاقات سے قبل جنوبی کوریا کے صدر کا امریکی صدر کو فون

    شمالی کوریا کے سربراہ سے ملاقات سے قبل جنوبی کوریا کے صدرمون جے ان نے امریکی صدرڈونلڈ ٹرمپ کو فون کیا اور نیک خواہشات کا اظہار کیا۔

    ڈونلڈ ٹرمپ نے کہا کہ وہ سربراہ ملاقات ختم ہوتے ہی نتائج سے آگاہ کرنے کے لیے امریکی وزیر خارجہ مائیک پامپیوکو جنوبی کوریا بھیجیں گے۔

    خیال رہے کہ کسی بھی امریکی صدر نے آج تک اپنے دورِ اقتدار میں کسمی شمالی کوریائی رہنما سے ملاقات نہیں کی، یہ ایک تاریخی موقع ہے۔

    شمالی کوریا کو جوہری ہتھیاروں سے پاک کرنا بہت ضروری ہے‘ امریکی وزیر خارجہ

    واضح رہے کہ امریکی وزیر خارجہ مائیک پامپیو نے کہا کہ جزیرہ نما شمالی کوریا کو جوہری ہتھیاروں سے پاک کرنا بہت ضروری ہے، کم جونگ ان کو ایٹمی پروگرام سے مکمل طور پر دست برداری کی ضمانت دینا ہوگی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اپنےعلاقے میں کہیں بھی فوج تعینات کرسکتے ہیں ‘ چین

    اپنےعلاقے میں کہیں بھی فوج تعینات کرسکتے ہیں ‘ چین

    سنگاپور: چین کے لیفٹیننٹ جنرل ہی لی کا کہنا ہے کہ چین کو پورا حق ہے کہ وہ اپنےعلاقے میں کہیں بھی فوج اور اسلحہ تعینات کرسکتا ہے۔

    تفصیلات کے مطابق چین کے لیفٹیننٹ جنرل جنرل ہی لی نے امریکی وزیردفاع کے اس بیان کو غیرذمہ دار قرار دیا ہے جس میں کہا گیا کہ چین کو متنازع بحیرہ جنوبی چین میں میزائل نصب کرکے اپنے پڑوسی ملکوں کو ڈرا دھمکا رہا ہے۔

    جنرل ہی لی نے کہا کہ بحیرہ جنوبی چین میں فوج کی تعیناتی نشنل ڈیفنس پالیسی کا حصہ ہے اور فوج اور اسلحلہ اس جگہ ہونےکا مقصد ہے کہ کوئی اور وہاں قبضہ نہ کرلے۔

    انہوں نے کہا کہ اپنے علاقے میں فوج تعینات کرسکتے ہیں اور اسلحہ بھی پہنچا سکتے ہیں کوئی ملک اس بارے میں شور مچائے تو ہماری نظر میں یہ ہمارے اندورونی معاملات میں مداخلت ہے۔

    چینی فوج کی بحیرہ جنوبی چین میں عسکری سرگرمیاں، امریکہ نے وارننگ دے دی

    خیال رہے کہ اس سے قبل امریکی وزیردفاع کا کہنا تھا کہ چین متنازع بحیرہ جنوبی چین میں میزائل نصب کرکے اپنے پڑوسی ملکوں کو ڈرا دھمکا رہا ہے۔

    سنگاپور میں سالانہ سیکیورٹی کانفرنس سے خطاب کرتے ہوئے انہوں نے کہا تھا کہ چین کے اقدامات سے اس کے مقاصد پرسوال اٹھتا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • جاپان کا پاسپورٹ ‘ دنیا بھرمیں سب سے طاقتور

    جاپان کا پاسپورٹ ‘ دنیا بھرمیں سب سے طاقتور

    ٹورنٹو: جاپانی پاسپورٹ دنیا کے طاقتورترین پاسپورٹس کی فہرست میں پہلے نمبر پر جبکہ سنگاپور اور جرمنی دوسری پوزیشن پرپہنچ گئے۔

    تفصیلات کےمطابق نئی جاری کردہ پاسپورٹ انڈیکس میں جاپان پہلے نمبر پر ہے‘ اس سے قبل سنگاپور پہلی پوزیشن پر براجمان تھا ‘ اس فہرست کے مطابق جاپانی ویزا رکھنے والے افراد 189 ممالک کے ویزہ فری سفر کی سہولت حاصل کرسکتے ہیں۔

    پاسپورٹ انڈیکس کی جانب سے جاری کردہ فہرست میں دوسرے نمبر پرجرمنی اور سنگاپور ہیں جن کے شہری 188 ممالک میں بغیرویزہ لیے جاسکتے ہیں۔

    اسی فہرست میں تیسرے نمبرپرجنوبی کوریا، فن لینڈ، اٹلی، فرانس، سوئیڈن اور اسپین ہیں، طاقتور پاسپورٹ کے حوالے سے امریکہ، برطانیہ, آسٹریا، لکسمبرگ، نیدرلیند اور پرتگال چوتھے نمبر پرہیں۔

    پاکستانی پاسپورٹ اس فہرست میں 98 نمبرپر ہے جس پرصرف 33 ممالک کا سفر بغیرویزے کے کیا جا سکتا ہے۔ پاکستان صرف افغانستان، صومالیہ ، شام اور عراق سے بہتر ہے جبکہ بھارت اس فہرست میں 76 ویں نمبرپر ہے۔

    سنگاپور کا پاسپورٹ ‘ دنیا بھرمیں سب سے طاقتور

    خیال رہے کہ گزشتہ سال سنگاپور کا پاسپورٹ عالمی رینکنگ میں پہلے نمبر پرتھا جبکہ پاکستان اس فہرست میں 93 ویں نمبر پر تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سب سے زیادہ درختوں والے شہر

    سب سے زیادہ درختوں والے شہر

    دنیا بھر میں کچھ شہر اپنی بلند و بالا عمارتوں، جھلملاتی روشنیوں، اور مصنوعی آرائش کی وجہ سے مشہور ہوتے ہیں جہاں دنیا بھر کے لوگ آنا اور سیاحت کرنا پسند کرتے ہیں۔

    تاہم آج ہم کو ایسے شہروں کے بارے میں بتانے جارہے ہیں جو نہایت سرسبز ہیں اور ان کا زیادہ تر حصہ درختوں پر مشتمل ہے۔


    ایمسٹر ڈیم

    یورپی ملک نیدر لینڈز کے دارالحکومت ایمسٹر ڈیم کا 20.6 فیصد حصہ جنگلات اور درختوں پر مشتمل ہے۔ یہاں کی حکومت نے اس سبزے میں اضافے کے لیے صرف سنہ 2015 میں 34 لاکھ ڈالرز خرچ کیے۔


    جنیوا

    سوئٹزر لینڈ کا شہر جنیوا سرسبز پارکس کا شہر کہلایا جاتا ہے جس کا 21.4 فیصد رقبہ سبزے پر مشتمل ہے۔


    فرینکفرٹ

    جرمنی کے شہر فرینکفرٹ کا 21.5 فیصد حصہ درختوں اور جنگلات پر مشتمل ہے۔


    سیکریمنٹو

    امریکی ریاست کیلی فورنیا کے شہر سیکریمنٹو میں دا ٹری فاؤنڈیشن نامی تنظیم اسے شہری جنگل بنانے کا ارادہ رکھتی ہے اور اب تک شہر کے 23.6 فیصد حصے پر درخت اگائے جاچکے ہیں۔

    مزید پڑھیں: شہری زراعت ۔ مستقبل کی اہم ضرورت

    یہاں کے خشک موسم کی وجہ سے اکثر و بیشتر جنگلات میں آگ بھی لگ جاتی ہے جو جانی و مالی نقصان کا سبب بنتی ہے۔


    جوہانسبرگ

    جنوبی افریقہ کے شہر جوہانسبرگ کا بھی 23.6 فیصد سبزے پر مشتمل ہے۔ پورا شہر 60 لاکھ درختوں سے ہرا بھرا ہے۔


    ڈربن

    جنوبی افریقہ کا ایک اور شہر ڈربن بھی اپنے رقبے کا 23.7 فیصد حصہ سبزے کے لیے مختص کر چکا ہے۔

    یہاں کی آبادی بھی مختصر سی ہے لہٰذا ایک تحقیق کے مطابق اگر اس شہر کے سبز رقبے کو لوگوں کی ملکیت میں دیا جائے تو ہر شخص کے حصے میں 187 اسکوائر میٹر سبز رقبہ آئے گا۔


    کیمبرج

    امریکی ریاست میساچوسٹس کا شہر کیمبرج 25.3 فیصد جنگلات پر مشتمل ہے۔ یہاں موجود ایک آئی ٹری کمپنی گوگل میپس کے ذریعے درختوں کی دیکھ بھال کرتی ہے۔


    وین کور

    کینیڈا کے شہر وین کور کا 25.9 فیصد حصہ سبزے پر محیط ہے۔ یہاں کی مقامی حکومت چاہتی ہے سنہ 2020 تک جب یہاں کے لوگ چہل قدمی کے لیے نکلیں تو ہر 5 منٹ کے فاصلے پر انہیں سبزہ نظر آئے۔


    سڈنی

    آسٹریلیا کے شہر سڈنی میں 400 پارکس کے علاوہ مختلف مقامات پر 188 ایکڑ کے سبزے کے ساتھ 25.9 فیصد حصہ رقبہ سبزے پر مشتمل ہے۔


    سنگاپور

    پہلے نمبر پر سنگاپور ہے جہاں کا 29.3 فیصد رقبہ سر سبز اور جنگلات پر مشتمل ہے۔ سنہ 2030 تک یہاں کی 85 فیصد آبادی سرسبز و شاداب مقامات پر رہنے لگے گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حلیمہ یعقوب سنگاپورکی پہلی خاتون صدر منتخب

    حلیمہ یعقوب سنگاپورکی پہلی خاتون صدر منتخب

    سنگاپور : سنگاپور کی تاریخ میں پہلی بار ایک خاتون صدر منتخب ہوگئیں، حلیمہ یعقوب اس سے قبل پارلیمنٹ کی اسپیکر بھی رہ چکی ہیں۔

    تفصیلات کے مطابق سنگاپور کی مسلم خاتون کو47سال میں پہلی بار صدر منتخب کرلیا گیا۔ باسٹھ سالہ حلیمہ یعقوب واحد امیدوار ہیں جو خود کار طریقے سے انتخابات کے لئے کامیاب قرار پائیں۔

    ان کے مد مقابل دو امیدواروں کے کاغذات نامزدگی الیکشن ڈیپارٹمنٹ نے مسترد کردیئے تھے۔ یہ پہلی ملائشین خاتون ہیں جو اس منصب پر فائز ہوئیں۔

    سنگاپور کی آٹھویں صدر منتخب ہونے والی حلیمہ یعقوب پیشہ کے اعتبار سے وکیل ہیں اور ہمیشہ حجاب میں رہتی ہیں، اس سے قبل ان کو یہ اعزاز بھی حاصل ہے کہ وہ سال2013میں بھی پہلی خاتون اسپیکر پارلیمنٹ کے عہدہ پر بھی فائز رہ چکی ہیں۔

    الیکشن ڈیپارٹمنٹ کی جانب سے نو منتخب صدر کی کامیابی کا باقاعدہ اعلان بدھ کے روز کیا جائے گا، حلیمہ یعقوب جمعرات کو اپنے عہدے کا چارج سنبھالیں گی۔

    الیکشن ڈیپارٹمنٹ کا کہنا ہے کہ حلیمہ کی اہلیت کیلئے کمیونٹی کمیٹی نے تین سرٹیفکیٹ اور پی ای سی نے ایک سرٹیفکیٹ جاری کیاہے۔

    علاوہ ازیں ان کے مد مقابل دو صدارتی امیدوار فریدخان62سالہ اور صالح67سالہ نے اعتراف کیا کہ ہمارے کاغذات مسترد ہوئے ہیں۔

    دوسری جانب الیکشن ڈیپارٹمنٹ نے صدارتی الیکشن میں مسترد ہونے والے امیدواروں سے متعلق تفصیلات بتانے سے انکار کیا ہے تاہم اس کا یہ بھی کہنا ہے کہ مسترد کردہ کوئی بھی امیدوار انفرادی طور پر اپنی تفصیلات ظاہر کرسکتا ہے۔

    یاد رہے کہ سنگاپور میں اکثریت بدھ مت کے پیرو کاروں کی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سنگاپور میں عدالت نے2پاکستانیوں کوسزائےموت سنادی

    سنگاپور میں عدالت نے2پاکستانیوں کوسزائےموت سنادی

    سنگاپور: سنگاپور میں ایک شخص کےقتل کاجرم ثابت ہونے پر عدالت نے دو پاکستانیوں کو سزائے موت سنادی۔

    تفصیلات کےمطابق سنگاپور کی مقامی عدالت نے 2پاکستانیوں کو جوئے کی رقم کے تنازع پر ہونے والے جھگڑے میں اپنے ہم وطن کو قتل کرنے پھانسی کی سزا سنائی۔

    مقامی میڈیا کے مطابق سڑکوں پر ٹشو فروخت کرنے والے 45 سالہ رشید محمد اور 28 سالہ رمضان رضوان نے اپنے ایک پاکستانی ساتھی محمد نور کو 2014 میں اپنے گھر میں قتل کیاتھا۔

    دونوں نےقتل کرنے کے بعد59 سالہ مقتول محمد نور کے جسمانی اعضاء دو الگ الگ بیگز.میں ڈال کرپھینک دیے تھے۔

    عدالتی کے مطابق دونوں نے جوے میں ہاری گئی 11 سو سنگاپوری ڈالر (776 ڈالرز) کی رقم مقتول سے دوبارہ حاصل کرنے کی کوشش کی۔اور مقتول کوگلا گھونٹ کر قتل کیا۔

    خیال رہےکہ رشید احمد اور رمضان رضوان کےوکیل نےعدالت میں دلائل دیے کہ ان کے موکل قتل کا ارادہ نہیں رکھتے تھےاور دونوں نے ایک دوسرے پر الزامات عائد کیے۔

    واضح رہےکہ سنگاپور میں قتل کی سزا موت ہے اور اس کے لیے پھانسی کے طریقہ کار پر عملدرآمد کیا جاتا ہے۔

  • دنیا کے خوبصورت اور انوکھے سوئمنگ پولز

    دنیا کے خوبصورت اور انوکھے سوئمنگ پولز

    سوئمنگ پول انسانی ہاتھوں سے تخلیق کردہ ایک ایسی شے ہے جو بہت عام سی بھی ہوسکتی ہے اور بہت خوبصورت اور خاص بھی۔

    خاص طور پر کسی قدرتی مقام کے قریب انسانی ہاتھوں سے بنائے گئے انوکھے اور خوبصورت سوئمنگ پول میں تیراکی نہایت ہی دلفریب تجربہ ہوگا۔

    آج ہم نے دنیا بھر سے خوبصورت سوئمنگ پولز کی تصاویر جمع کی ہیں۔ یہ سوئمنگ پولز پہاڑوں، جنگلوں حتیٰ کہ دریاؤں اور سمندروں تک کے قریب واقع ہیں اور اگر خوش قسمتی سے آپ کو ان میں تیراکی کرنے کا موقع ملے تو بعض دفعہ افق اور اس پر پھیلے بادل بھی آپ کے ہم رکاب ہوں گے۔

    pool-15

    تھائی لینڈ ۔ گولڈن ٹرائی اینگل ریزورٹ ہوٹل

    pool-11

    سوئس الپس ۔ کمبرین ہوٹل

    pool-4

    pool-5

    سنگا پور ۔ میرینا بے سینڈز ہوٹل

    pool-1

    یونان ۔ گریس سینتورنی ہوٹل

    pool-18

    فرانس ۔ ڈو کیپ ایڈن روک ہوٹل

    pool-14

    تنزانیہ ۔ بیلیا لاج ہوٹل

    pool-2

    یونان ۔ پری وولز ہوٹل

    pool-16

    اسپین ۔ دا شا ویل نیس کلنک ہوٹل اینڈ سپا

    pool-12

    فرنچ پولی نیسیا ۔ دا کیا اورا ہوٹل

    pool-3

    اٹلی ۔ سیزر اگسٹس ہوٹل

    pool-6

    مالدیپ ۔ ہووافن فوشی ریزورٹ

    pool-10

    بالی، انڈونیشیا ۔ دا الیلا ولاس ہوٹل

    pool-7

    مالدیپ ۔ دا ریٹھی را ہوٹل

    pool-17

    سینٹ لوسیا ۔ دا جیڈ ماؤنٹین ریزروٹ ہوٹل

    pool-13

    فلپائن ۔ دا اکوا ٹیکو بیچ ریزورٹ

    pool-9

    بالی، انڈونیشیا ۔ دا منڈک موڈنگ پلانٹیشن ہوٹل

    pool-8

    بالی، انڈونیشیا ۔ دا ابڈ ہینگنگ گارڈنز ہوٹل

  • مکسڈ مارشل آرٹ : پاکستان کے ایم ایم اے فائٹراحمد مجتبیٰ ناقابل شکست

    مکسڈ مارشل آرٹ : پاکستان کے ایم ایم اے فائٹراحمد مجتبیٰ ناقابل شکست

    سنگاپور : پاکستان کے مکسڈ مارشل آرٹ فائٹر احمد مجتبیٰ نے سنگاپور میں ہونے والا مقابلہ جیت لیا، وہ فیدر ویٹ کیٹیگری کے مقابلوں میں اب تک ناقابل شکست ہیں۔

    تفصیلات کے مطابق سنگاپور میں ہونے والی ون چیمپیئن شپ کی فیدر ویٹ باؤٹ کیٹیگری میں احمد مجتبیٰ کا مقابلہ سنگاپورکے بینڈکٹ اینگ سے ہوا۔

    ahmed-post-1

    تین راؤنڈز تک جاری مقابلے میں دونوں حریفوں نے ایک دوسرے پر مکسڈ مارشل آرٹ کے بھرپورحربے استعمال کیے۔ کانٹے دار مقابلے کے بعد ججز نے متفقہ فیصلے کے بعد احمد مجتبیٰ کومقابلے کا فاتح کھلاڑی ٹھہرا دیا۔

    ahmed-post-2

    واضح رہے کہ ورلڈ سیریز آف فائٹنگ گلوبل میں ولفورین کے نام سے پہچان بنانے والے احمد مجتبیٰ کی یہ مسلسل ساتویں کامیابی ہے۔ وہ فیدرویٹ ٹائٹل جیتنے کا بھی اعزاز رکھتے ہیں۔

    ahmed-post-3

  • ضائع شدہ خوراک کو کھاد میں تبدیل کرنے کا منصوبہ

    ضائع شدہ خوراک کو کھاد میں تبدیل کرنے کا منصوبہ

    آپ کے گھر سے بے شمار ایسی غذائی اجزا نکلتی ہوں گی جو کوڑے کے ڈرم میں پھینکی جاتی ہوں گی۔ یہ اشیا خراب، ضائع شدہ اور پلیٹوں میں بچائی ہوئی ہوتی ہیں۔

    دنیا بھر میں خوراک کو ضائع کرنا ایک بڑا مسئلہ ہے۔ ایک اندازے کے مطابق دنیا بھر میں سالانہ جتنی خوراک اگائی جاتی ہے، ہم اس کا ایک تہائی حصہ ضائع کردیتے ہیں۔

    مزید پڑھیں: ضائع شدہ غذائی اشیا فروخت کرنے والی سپر مارکیٹ

    دوسری جانب ایک رپورٹ کے مطابق دنیا کے کل 70 کروڑ 95 لاکھ افراد بھوک کا شکار ہیں۔ صرف پاکستان میں کل آبادی کا 22 فیصد حصہ غذا کی کمی کا شکار ہے اور 8.1 فیصد بچے غذائی قلت کے باعث 5 سال سے کم عمر میں ہی وفات پا جاتے ہیں۔

    اس صورتحال کو دیکھتے ہوئے دنیا بھر میں ضائع شدہ غذا کو دوبارہ قابل استعمال بنانے کے طریقوں پر کام کیا جارہا ہے اور اس کی ایک بہترین مثال سنگاپور کے ننھے طالب علموں نے دی۔

    singapore-4

    سنگاپور کے یونائیٹڈ ورلڈ کالج آف ساؤتھ ایشیا کے پانچویں جماعت کے طالب علموں نے ڈرموں میں پھینکی جانے والی خوراک کو قابل استعمال بنانے کا بیڑا اٹھایا۔ اس کے لیے انہوں نے اس پھینکی جانے والی غذائی اشیا کو کھاد میں تبدیل کرنے کا منصوبہ شروع کیا۔

    مزید پڑھیں: اولمپک ویلج کا بچا ہوا کھانا بے گھر افراد میں تقسیم

    یہ بچے ہر روز اپنے اسکول کی کینٹین سے 50 لیٹر کے قریب غذائی اشیا جمع کرتے ہیں۔ ان میں پھلوں، سبزیوں کے چھلکے، ادھ پکی اشیا، بچائی جانے والی چیزیں اور خراب ہوجانے والی اشیا شامل ہیں۔ ان اشیا کو سوکھے پتوں اور پانی کے ساتھ ملایا گیا۔

    singapore-2

    اس کے بعد اس کو اسی مقصد کے لیے مخصوص ڈرموں میں ڈال دیا گیا جس کے بعد 5 ہفتوں کے اندر بہترین کھاد تیار ہوگئی۔ طالب علموں نے اس کھاد کو اسکول کے گارڈن میں استعمال کرنا شروع کردیا۔ بچی ہوئی کھاد، کسانوں اور زراعت کا کام کرنے والے افراد کو دے دی گئی۔

    منصوبے پر کام کرنے والے بچوں کا کہنا ہے کہ انہیں اس بات کا بالکل اندازہ نہیں تھا کہ وہ بھی خوراک کو ضائع کرنے کے نقصان دہ عمل میں شامل ہیں۔ ’جب ہم اس میں شامل ہوئے تو ہمیں چیزوں کی اہمیت کا احساس ہوا اور اس کے بعد ہم نے بھی کھانے کو ضائع کرنا چھوڑ دیا‘۔

    مزید پڑھیں: امریکی عوام کا ’بدصورت‘ پھل کھانے سے گریز، لاکھوں ٹن پھل ضائع

    یہ بچے غذائی اشیا کی اس ناقد ری پر اداس بھی ہوتے ہیں اور وہ چاہتے ہیں کہ لوگ کھانے کو ضائع نہ کیا کریں۔

    singapore-3

    اس منصوبے کی کامیابی کو دیکھتے ہوئے اب پورے سنگاپور کی یونیورسٹیز، کالجز اور دیگر اسکول ایسے ہی منصوبے شروع کرنے پر غور کر رہے ہیں۔