پسرور : سنگدل باپ نے بیوی سے جھگڑے کے بعد اپنی ڈیڑھ سالہ بیٹی کو قتل کردیا اور فرار ہوگیا ، ملزم نشے کا عادی ہے۔
تفصیلات کے مطابق پسرور میں تھانہ صدرکی حدودمیں باپ نے ڈیڑھ سالہ بچی کوقتل کردیا، پولیس نے بتایا کہ ملزم ناصر نے گھر یلو جھگڑے پر پہلے بیوی کو تشدد کرکے گھر سے نکالا،اور بعد میں بچی کا قتل کردیا۔
پولیس کا کہنا تھا کہ ملزم ناصر نشہ کرتا ہے، جس کی وجہ سےگھرمیں جھگڑتا تھا، نشےکاعادی ملزم مفرورہے تاہم پولیس اس کی تلاش کررہی ہے۔
یاد رہے چند روز قبل راولپنڈی میں تھانے ارا بازار کے علاقے راجہ مارکیٹ نورانی مسجد والی گلی میں قتل کی لرزہ خیز واردات سامنے آئی تھی، جہاں سفاک باپ نے دو بچیاں قتل کرکے بیوی کو بھی شدید زخمی کردیا تھا۔
پولیس نے قاتل باپ کو گرفتار کرکے قاتل کو گرفتار کر لیا تھا اور سفاک ملزم عثمان سے پولیس نے تحقیقات شروع کر دی تھی۔
