بالی ووڈ فلم انڈسٹری کے معروف ہدایت کار روہت شیٹی کی فلم ’سنگھم اگین‘ان کی 10 ویں تیزی ترین 100 کروڑ روپے کمانے والی فلم بن گئی۔
روہت شیٹی نے فوٹو اینڈ شیئرنگ ایپ انسٹاگرام پر 10 مقبول ترین فلموں کا پوسٹر شیئر کیا ہے انہوں نے اس پوسٹر کے ساتھ اپنی نئی فلم سنگھم اگین کی باکس آفس پر کامیابی سے متعلق بھی بتایا ہے۔
View this post on Instagram
انہوں نے 100 کروڑ روپے کا ہندسہ عبور کرنے والی فلموں کی تصاویر شیئر کیں، جس میں سنگھم اگین، سوریاونشی، سمبا، گول مال اگین، دل والے، سنگھم ریٹرنز، چنئی ایکسپریس، بول بچن، سنگھم اور گول مال 3 شامل ہے۔
فلم ساز نے پوسٹر شیئر کرتے ہوئے کیپشن میں لکھا کہ سنگھم اگین میری 10 ویں اور تیز ترین 100 کروڑ کمانے والی فلم میں شامل ہوگئی، پچھلی 10 فلموں میں ایک چیز جو برقرار ہے وہ ہے آپ کی محبت جس کے لیے میں آپ کا شکر گزار ہوں۔
واضح رہے کہ روہت شیٹی کی ہدایت کاری میں بننے والی اس فلم اجے دیوگن ڈی سی پی باجی راؤ سنگھم اور معروف اداکارہ کرینہ کپور ان کی اہلیہ اونی کامت کا کردار ادا کیا ہے۔
فلم کی کاسٹ میں رنویر سنگھ، دپیکا پڈوکون، اکشے کمار، ٹائیگر شراف اور جیکی شراف سمیت دیگر اسٹارز بھی شامل ہیں۔
اجے دیوگن اور ہدایتکار روہت شیٹی کی اس فلم کی کامیابی کا سفر جاری ہے اور امید کی جا رہی ہے کہ یہ فلم” سِنگھم ریٹرنز” اور "گول مال اگین” جیسے فلموں کے لائف ٹائم ریکارڈ بھی توڑ دے گی۔
