Tag: سنیل گواسکر

بھارت کے سابق کرکٹر اور لیجنڈ بیٹر سنیل گواسکر نے دعویٰ کیا ہے کہ روہت شرما جلد بھارتی ٹیم کی کپتانی سے دستبردار ہوجائیں گے۔

بھارتی ذرائع ابلاغ پر سامنے آنے والی خبروں کے مطابق سابق بھارتی کپتان اور اپنے عہد کے جانے مانے بیٹر سنیل گواسکر نے پیشگوئی کی ہے کہ آئندہ ٹیسٹ میچز میں اگر روہت شرما کارکردگی نہ دکھا پائے تو پھر وہ کپتانی چھوڑ دیں گے۔

گواسکر کا کہنا تھا کہ اگر میلبرن اور سڈنی ٹیسٹ میں بھی روہت شرما کا بلا نہ چلا اور وہ پرفامنس دکھانے میں ناکام رہے تو روہت سلیکٹرز کے فیصلے کا انتظار نہیں کریں گے بلکہ وہ کپتانی سے خود دستبردار ہو جائیں گے۔

سابق کرکٹر نے کہا کہ یہ تو یقینی ہے کہ موجودہ بھارتی کپتان آخری دو ٹیسٹ میچز کھیلیں گے، تاہم اگر یہاں بھی روہت شرما رنز نہیں بناپاتے تو میرا خیال ہے وہ کپتانی چھوڑ دیں گے۔

’سر میں کچھ ہے‘ روہت شرما نے آکاش دیپ کو جھاڑ پلا دی

انھوں نے کہا کہ روہت ایسے کرکٹر ہیں جو ٹیم کا بہت خیال رکھتے ہیں اور وہ اس بات کو پسند نہیں کریں گے کہ وہ بھارتی کرکٹ ٹیم پر ایک بوجھ بن جائیں۔

اس وقت روہت شرما بدترین فارم سے دوچار ہیں اور انھوں نے اپنے آخری 13 ٹیسٹ اننگز میں صرف 152 رنز بنائے ہیں جس کی وجہ سے ان پر کافی تنقید ہو رہی ہے اور قیادت کی اہلیت پر بھی اب سوالات اٹھائے جارہے ہیں۔

یہ بات قابل ذکر ہے کہ آسٹریلیا میں نہ صرف روہت کا بلا خاموش ہے بلکہ ان کی کپتانی بھی واجبی سی ہے، بمراہ کی قیادت میں جس ٹیم نے آسٹریلیا کوشکست دی تھی، اس ٹیم کو آسٹریلیا نے دوسرے ٹیسٹ میں ہرایا اور تیسرا ٹیسٹ بارش کی بدولت ڈرا ہوا۔

بھارتی لیجنڈ سنیل گواسکر نے آسٹریلیا کے خلاف پنک بال ٹیسٹ سے قبل جوش ہیزل ووڈ کے نہ کھیلنے پر سازش کی بو سونگھ لی ہے۔

آسٹریلیا کے پیسر جوش ہیزل ووڈ سائیڈ اسٹرین انجری کے باعث 6 دسمبر سے ہونے والے پنک بال ٹیسٹ سے باہر ہوچکے ہیں، بھارت کے خلاف دوسرے ٹیسٹ میچ میں جوش ہیزل ووڈ کی جگہ اسکاٹ بولینڈ کو ٹیم میں شامل کیے جانے کا امکان ہے۔

سنیل گواسکر نے کہا کہ آسٹریلین ٹیم میں خوف و ہراس نظر آرہا ہے، جوش ہیزل ووڈ نے میڈیا میں جو بیان دیا تھا کہ چوتھے دن کا سوال بیٹرز سے کرنا چاہیے، اس میں کچھ عجیب سے نظر آرہا ہے۔

سابق لیجنڈ کرکٹر نے کہا کہ اپنے اس بیان کے بعد جوش ہیزل ووڈ دوسرے ٹیسٹ سے باہر ہوچکے ہیں اور سائیڈ اسٹرین انجری کی وجہ سے پوری سیریز سے باہر ہوچکے ہیں، کسی نے ہیزل ووڈ پر کچھ بھی برا نوٹس نہیں کیا۔

انھوں نے کہ یہ سب کافی پراسرار لگ رہا ہے، اس طرح پہلے بھارتی کرکٹ ٹیم میں ہوتا تھا جو اب آسٹریلین ٹیم میں نظرآرہا ہے۔

خیال رہے کہ جوش ہیزل ووڈ نے پہلے ٹیسٹ میچ کے دوران پریس کانفرنس کرتے ہوئے کافی مختلف طرح کا جواب دیا تھا، ان سے ٹیسٹ میچ کے دوران چوتھے دن آسٹریلیا کے اپروچ کے حوالے سے سوال کیا گیا تھا۔

صحافی کے اس سوال پر کینگرو پیسر نے حیران کن جواب دیتے ہوئے کہا تھا کہ چوتھے دن کی اپروچ کے حوالے سے آپ کو یہ سوال کسی آسٹریلین بیٹر سے کرنا چاہیے تھا۔

بھارت کے سابق کپتان اور نامور بلے باز سنیل گواسکر پاکستان کے ساتھ سیریز کھیلنے کے لیے انڈین پریمیئر لیگ چھوڑنے والے انگلش پلیئرز پر برہم ہوگئے۔

سنیل گواسکر نے بھارتی کرکٹ بورڈ پر بھی زور دیا کہ وہ وہ آئی پی ایل کا پلے آف مرحلے نہ کھیلنے والے کھلاڑیوں کےخلاف ایکشن لے اور ان پر جرمانہ عائد کرے۔

انھوں نے کہا کہ میں کھلاڑیون کے لیے اس بات کے حق میں ہوں کہ کسی بھی چیز سے پہلے وہ ملک کا انتخاب کریں لیکن مختلف فرنچائزز کو پلیئرز پورے سیزن کے لیے اپنی دستیابی کی یقین دہانی کراتے ہیں۔

گواسکر نے اپنے کالم میں لکھا کہ اب اگر پلیئرز ایسے وقت میں لیگ سے باہر نکلتے ہیں تو یہ فرنچائزز کا مورال گرانے کے مترادف ہے، اور شاید یہ فرنچائز انھیں آئی پی ایل کے ایک سیزن میں اتنی زیادہ رقم ادا کرتی ہیں جو وہ اپنے ملک سے دو تین سیزن کھیل کر بھی نہیں کما سکتے ہیں۔

انھوں نے کہا کہ فرنچائزز کو نہ صرف کھلاڑیوں کی اس فیس میں سے کافی رقم کاٹنی چاہیے جس پر انھیں خریدا گیا بلکہ ہر کھلاڑی کو ملنے والی فیس کے 10 فیصد کمیشن کی بھی کٹوتی کرنی چاہیے۔

انگلینڈ کے جونی بیئراسٹو، سیم کرن اور لیام لیونگسٹون آئی پی ایل میں پنجاب کنگز کی نمائندگی کر رہے ہیں، جبکہ ول جیکس اور ریسی ٹوپلے رائل چیلنجرز بنگلورو کے لیے کھیل رہے ہیں۔

جوز بٹلر راجستھان رائلز کی طرف سے جوہر دکھا رہے ہیں، اس کے علاوہ فل سالٹ کولکتہ نائٹ رائیڈرز کی نمائندگی کر رہے ہیں جبکہ معین علی چنئی سپر کنگز کے ساتھ موجود ہیں۔

انگلینڈ نے آئی سی سی مینز ٹی ٹوئنٹی ورلڈ کپ 2024 اور پاکستان کے خلاف چار میچوں کی سیریز کے لیے 15 رکنی اسکواڈ کا اعلان کیا ہے جبکہ آئی پی ایل کھیلنے والے انگلیش پلیئرز سے کہا گیا ہے کہ وہ پاکستان سے سیریز کھیلنے کے لیے وطن واپس آجائیں۔

بھارتی کپتان روہت شرما کے نوجوان کرکٹرز میں ٹیسٹ کرکٹ کی بھوک نہ ہونے کے بیان پر سنیل گواسکر نے اپنا ردعمل دے دیا۔

رانچی میں انگلینڈ کے خلاف چوتھے ٹیسٹ میں بھارت کی فتح کے بعد سابق کپتان اور لیجنڈ سنیل گواسکر نے موجودہ کپتان روہت شرما کے تازہ بیان پر لب کشائی کی ہے۔ گواسکر نے ٹیسٹ کرکٹ میں کامیابی کے لیے ’بھوک‘ کے ناگزیر عنصر سے متعلق روہت کی بات سے اتفاق کیا ہے۔

ٹیسٹ کپتان روہت شرما کا کہنا تھا کہ ٹیسٹ کرکٹ سب سے مشکل فارمیٹ ہے۔ اور اگر آپ کامیابی چاہتے ہیں اور اس مشکل فارمیٹ میں سبقت حاصل کرنا چاہتے ہیں تو آپ کو اس کی بھوک ہونی چاہیے۔

ان کا کہنا تھا کہ ہم صرف ان کھلاڑیوں کو موقع دیں گے جن میں ٹیسٹ کرکت کی بھوک ہے۔ جن کو بھوک نہیں انھیں دیکھتے ہی پتا چل جاتا ہے۔

موجودہ تجربہ کار نے گواسکر بھارتی کپتان روہت کے نقطہ نظر سے متفق نظر آتے ہیں، انھوں نے کہا کہ روہت بالکل درست کہہ رہے ہیں۔ جو لوگ ٹیسٹ کرکٹ کھیلنا چاہتے ہیں، آپ انھیں دیکھ لیں۔

انھوں نے کہا کہ میں برسوں سے یہ کہہ رہا ہوں۔ کھلاڑی جو کچھ بھی ہیں وہ بھارتی کرکٹ کی وجہ سے ہیں۔ وہ زندگی اور کیریئر کے جس مرحلے پر بھی ہیں، وہ سب بھارتی کرکٹ کی وجہ سے ہے۔

سابق کپتان نے کہا کہ کھلاڑیوں کو جو پیسہ، شہرت اور پہچان ملی ہے وہ بھارتی کرکٹ کی وجہ سے ہے۔ تو آپ کو اس حوالے سے کچھ وفاداری دکھانی ہوگی۔

بھارت کے سابق کپتان اور کرکٹ لیجنڈ سنیل گواسکر نے نوجوان پلیئرز کی بیٹنگ سے مرعوب ہو کر اسے اگلا مہندر سنگھ دھونی قرار دیدیا ہے۔

سنیل گواسکر نے رانچی ٹیسٹ میں بھارتی وکٹ کیپر دھروو جوریل کی دلیرانہ اننگز کے بعد کی ان کی تعریف کرتے ہوئے کہا ہے کہ میں انھیں اگلا ایم ایس دھونی بنتے دیکھ رہا ہوں۔

بھارتی وکٹ کیپر نے رانچی میں کھیلے جانے والے چوتھے ٹیسٹ میچ میں انگلینڈ کے خلاف پہلی اننگز میں چھ چوکوں اور چار چھکوں کی مدد سے 90 قیمتی رنز بنائے تھے۔

تاہم نوجوان بیٹر نے بدقسمتی سے اپنی پہلی ٹیسٹ سنچری بنانے کا موقع گنوا دیا اور انگلش اسپنر ٹام ہارٹلی نے انھیں کلین بولڈ کر دیا۔

جورل کی "ذہنی موجودگی” کی تعریف "لٹل ماسٹر” نے کی، جس نے نوجوان کا موازنہ معروف سابق ہندوستانی کپتان اور وکٹ کیپر ایم ایس دھونی سے کیا۔

میچ کے دوران بھاتی چینل کے لیے کمنٹری کرتے ہوئے گواسکر نے کہا کہ دھروو جوریل کی حاضر دماغی کو دیکھ کر مجھے لگتا ہے کہ وہ اگلے ایم ایس دھونی ہونگے۔

یہ بھی پڑھیں: ‘میں اپنے آپ کو یہ دیکھنے کے لیے چٹکی بھر رہا تھا کہ آیا یہ خواب ہے’ – دھرو جریل نے ایم ایس دھونی کے ساتھ پہلی بات چیت کا انکشاف کیا

انھوں نے مزید کہا کہ 23 سالہ نوجوان مستقبل میں کئی سنچریاں اسکور کریں گا اگر انھوں نے اسی طرح بیٹنگ کی جس طرح وہ رانچی ٹیسٹ میں کررہے تھے۔

سابق کرکٹر نے کہا کہ وکٹ کیپر دھروو سنچری بنانے سے محروم رہے لیکن کوئی ان کے بارے میں شک میں نہ رہے یہ نوجوان اپنی حاضر دماغی کے سبب کئی سنچریاں اسکور کرے گا۔

واضح رہے کہ بھارت کو انگلینڈ کے خلاف چوتھا ٹیسٹ جیتنے کے لیے 192 رنز کا ہدف ملا ہے۔ میزبان ٹیم نے تیسرے دن کا کھیل ختم ہونے تک بغیر نقصان کے 40 رنز بنالیے ہیں۔