Tag: سنیل گواسکر

بھارت کے سابق کپتان اور لیجنڈ کرکٹر سنیل گواسکر کا کہنا ہے کہ رحمان اللہ گرباز کی بیٹنگ کا انداز مہندرا سنگھ دھونی سے مشابہ ہے۔

سنیل گواسکر چاہتے ہیں کہ رحمان اللہ گرباز کو آئی پی ایل 2024 سیزن میں کولکتہ نائٹ رائیڈرز کی پلیئنگ الیون کا حصہ بنایا جائے۔ انھوں نے کہا کہ گرباز ممکنہ طور پر جیسن رائے کے ساتھ فائنل اوورسیز سلاٹ کے لیے منتخب ہوسکتے ہیں۔

اس کے علاوہ مچل اسٹارک، آندرے رسل، اور سنیل نارائن کو متوقع طور پر ٹیم میں شامل کیا جاسکتا ہے۔ انھوں نے افغان بلے باز کی اسپورٹس مین شپ کی بھی تعریف کی اور ٹیم میں ان کے ممکنہ کردار کو اجاگر کیا۔

گواسکر کا کہنا تھا کہ میں نے جو کچھ دیکھا ہے اس کی بنیاد پر گرباز کی بیٹنگ مجھے بہت پسند آئی ہے۔ وہ انتہائی جارحانہ بلے بازی کرتے ہیں جبکہ ان کی بیٹنگ میں ایم ایس دھونی کی ہلکی سی جھلک نظر آتی ہے۔

سابق بھاتی کپتان نے کہا کہ اسی لیے شاید مجھے وہ پسند ہیں۔ ورلڈ کپ ختم ہونے کے بعد انھوں نے فٹ پاتھ پر سوئے ہوئے لوگوں کو پیسے بانٹے۔ ایسا کرنے کے بعد میرے خیال مں انھیں یقینی طور پر ٹیم میں شامل ہوناچاہیے۔

واضح رہے کہ آئی پی ایل 2023 میں گرباز کی کارکردگی معمولی رہی تھی انھوں نے صرف دو نصف سنچریوں کے ساتھ 20.64 کی اوسط سے 227 رنز بنائے تھے۔

بھارت کے لیجنڈ کرکٹر سنیل گواسکر نے انگلینڈ کی ’باز بال‘ کرکٹ کا توڑ کرنے کے لیے ’ویرات بال‘ کا حل پیش کردیا ہے۔

سابق بھارتی کپتان سنیل گواسکر نے کہا ہے کہ آئندہ ٹیسٹ سیریز میں انگش ٹیم کی ’باز بال‘ کرکٹ کا مقابلہ کرنے کے بھارت کے پاس ’ویرات بال‘ موجود ہے۔ کوہلی کی نصف سنچریوں اور سنچریوں کی تعداد تقریباً یکساں ہے، وہ ففٹی کو سنچری میں بدلنے کا ہنر جانتے ہیں۔

انھوں نے کہا کہ اس وقت کوہلی جس طرح بیٹنگ کررہے ہیں وہ کافی اچھی فارم میں لگ رہے ہیں۔ اس فارمیٹ میں ہمارے پاس ویرات کوہلی ہے جو انگلینڈ کی ’باز بال‘ کرکٹ کا مقابلہ کرسکتے ہیں۔

گواسکر کا کہنا تھا کہ پچھلے ایک دو سالوں سے انگلینڈ نے ٹیسٹ کرکٹ میں نئی طرز کا اپنایا ہے۔ وہ جارحانہ طرز عمل اپناتے ہیں اور ان کے بیٹرز اٹیک کرتے ہیں۔ وہ صورتحال سے قطع نظر اٹیکنگ کرکٹ کھیلنے کو ترجیح دیتے ہیں۔

واضح رہے کہ بھارتی اسٹار بیٹر اس وقت کافی عمدہ فارم میں موجود ہیں، انھوں نے آی سی سی ورلڈکپ میں بھی بہترین کارکردگی کا مظاہرہ کرتے ہوئے ایونٹ میں سب سے زیادہ رنز بنائے تھے اور مین آفی دی ٹورنامنٹ کا ایوارڈ حاصل کیا تھا۔

اس کے علاوہ 35 سالہ ویرات کوہلی نے جنوبی افریقہ کے خلاف ٹیسٹ سیریز میں بھی خطرناک پچز پر اچھی بیٹنگ کی تھی جبکہ اکثر بھارتی بیٹر وہاں ناکام رہے تھے۔

سابق بھارتی کپتان سنیل گواسکر محمد شامی کے بجائے کسے پلیئر آف دی ٹورنامنٹ سمجھتے ہیں، کرکٹ لیجنڈ نے بتادیا۔

اس ایونٹ میں چند پلیئرز نے نہایت شاندار کارکردگی کا مظاہرہ کیا ہے جن میں سب سے ٹاپ پر بھارتی پیسر محمد شامی موجود ہیں۔ انھوں نے اپنی تباہ کن بولنگ سے ہر ٹیم کو مشکل میں ڈالے رکھا۔ سیمی فائنل میں تو فاسٹ بولر نے 7 کیوی بیٹرز کو چلتا کیا۔

تاہم بھارتی لیجنڈ سنیل گواسکر شامی کو پلیئر آف دی ٹورنامنٹ نہیں سمجھتے۔ اس کے بجائے وہ جن دو کرکٹرز کو اس کا حقدار سمجھتے ہیں وہ دنوں بھی بھارتی ہی ہیں، ان میں سے ایک ویرات کوہلی اور دوسرے کپتان روہت شرما ہیں۔

اپنے دور کے ماسٹر بیٹر سنیل گواسکر نے کہا کہ میں اس ایوارڈ کے لیے دو پلیئرز کو منتخب کروں گا ان میں سے ایک کوہلی ہیں۔ جس طرح انھوں نے ٹورنامنٹ میں بیٹنگ کی وہ شاندار ہے، ساتھ ہیں کوہلی نے ون ڈے میں 50 سنچریاں بھی مکمل کی جو اب ت کوئی نہیں کرپایا۔

سنیل نے کہا کہ ویرات نے تسلسل سے کارکردگی دکھائی ہے تقریباً ہر میچ میں انھوں نے نصف سنچری یا اس سے زیادہ رنز اسکور کیے ہیں۔

دوسرا نام گواسکر نے روہت شرما کا لیا، ان کا کہنا تھا کہ بھارتی کپتان نے ورلڈکپ میچز میں ان کے بعد آنے والے بیٹرز کے لیے جس طرح راستہ بنایا وہ قابل تعریف ہے۔ روہت نے ٹیم کے لیے بے لوث پرفارمنس دی ہے۔

گواسکر نے کہا کہ بطو اوپنر روہت شرما بھارتی ٹیم کو بہترین آغاز فراہم کرتے ہیں اور سنگلز لینے کے بجائے بولرز پر اٹیک کرتے ہیں۔

واضح رہے کہ بھارت نے ورلڈکپ میں اب تک بہترین کارکردگی کا مظاہرہ کیا ہے اور اپنے تمام 10 میچز میں کامیابی حاصل کی ہے۔ تاہم آسٹریلین ٹیم بھارت کے خوابوں کے اس سفر کو خراب کرنے کا پورا ارادہ رکھتی ہے۔

سنیل گواسکر کے بیٹے روہن گواسکر والد کے دفاع میں سامنے آگئے، بھارتی لیجنڈ کرکٹر سے منسوب ٹوئٹ کو جعلی قرار دے دیا۔

بی سی سی آئی کے حوالے سے سابق بھارتی کرکٹر سنیل گواسکر کی ایک ٹوئٹ سوشل میڈیا پر وائرل ہوئی تھی جس میں بھارتی بورڈ کو تنقید کانشانہ بنایا گیا تھا۔ اس میں کہا گیا تھا کہ بحیثیت انڈین یہ ہمارے لیے شرم کی بات ہے کہ کرکٹ جیسے خوبصورت کھیل کو سیاست زدہ کرتے ہوئے اسے ہائی جیک کرلیا گیا ہے۔

ٹوئٹ میں مزید کہا گیا تھا کہ بی سی سی آئی کی وجہ سے بھارت کو شرمندگی کا سامنا ہے۔ روہن نے کہا کہ یہ کافی مضحکہ خیز ہے کہ لوگ توجہ حاصل کرنے کے لیے سنیل گواسکر کا نام استعمال کررہے ہیں۔

انھوں نے کہا کہ یہ مکمل طور پر جعلی بیان ہے جو والد سے منسوب کیا گیا ہے۔ انھوں نے اس طرح کا کوئی بیان نہیں دیا۔

This is a completely fabricated statement attributed to my father . He hasn’t made this statement and someone is just trying to create mischief . It’s absolutely ridiculous that people would use his name to get more engagement . Please retweet so that the truth prevails https://t.co/UNLOk5GVXr

— Rohan Gavaskar (@rohangava9) September 3, 2023

واضح رہے کہ مذکورہ بیان پاکستان اور بھارت کے بے نتیجہ ختم ہونے والے میچ کے بعد سامنے آیا تھا اور سوشل میڈیا پر وائرل ہوگیا تھا، جس کے بعد سنیل گواسکر تنازع کا شکار ہو گئے تھے تاہم ان کے بیٹے روہن نے اب حقیقت سے پردہ اٹھا دیا ہے۔

نئی دہلی: ویسٹ انڈیز کے خلاف ٹیسٹ اور ون ڈے سیریز کے لیے بھارت کے کھلاڑی سرفراز خان کو ٹیم انڈیا سے باہر رکھنے پر سنیل گواسکر سلیکشن کمیٹی پر  برس پڑے۔

 ویسٹ انڈیز کے خلاف ٹیسٹ اور ون ڈے سیریز کے لیے ٹیم انڈیا کا اعلان کر دیا گیا،  ورلڈ ٹیسٹ چیمپئن شپ کے فائنل میچ میں شکست کے بعد تنقید کا سامنا کرنے والے روہت شرما کو دوبارہ کپتانی کی ذمہ داری سونپی گئی ہے۔

جبکہ تجربہ کار بلے باز چیتشور پجارا اور فاسٹ بولر امیش یادو کو ٹیم سے ڈراپ کردیا گیا ہے اس کے علاوہ یشسوی جیسوال اور رتوراج گائیکواڑ کو پہلی بار ٹیسٹ ٹیم میں شامل کیا گیا ہے۔

 تاہم ڈومسٹک کرکٹ(رنجی ٹرافی)  میں رنز کے انبار لگانے والے بھارت کے کھلاڑی سرفراز خان کو پھر مایوسی کا سامنا کرنا پڑا ہے۔

سرفراز خان کو ٹیم میں جگہ نہ ملنے پر بھارت کے سابق کپتان سنیل گواسکر نے برہمی کا اظہار کیا اور بی سی سی آئی سلیکشن کمیٹی پر تنقید کی ہے۔

سنیل گواسکر کا کہنا ہے کہ اگر ٹیسٹ ٹیم کا انتخاب آئی پی ایل کی بنیاد پر کرنا ہے تو رنجی ٹرافی کھیلنا بند کر دینا چاہیے۔

بھارت ’’ایشیا کپ‘‘ سے ملنے والی رقم کا کیا کرتا ہے؟ سابق کرکٹر کا حیران کن انکشاف

سابق بھارتی کھلاڑی نے کہا کہ ’’سرفراز خان نے پچھلے تین سیزن میں 100 کی اوسط سے رنز بنائے ہیں،  ٹیم میں منتخب ہونے کے لیے اسے اور کیا کرنا ہوگا؟ ہو سکتا ہے وہ پلیئنگ الیون میں شامل نہ ہو پائے لیکن آپ اسے ٹیم میں تو سلیکٹ کریں‘‘۔

گواسکر کا کہنا تھا کہ سرفراز کو بتایا جائے کہ ان کی کارکردگی پر توجہ دی جا رہی ہے، ورنہ رنجی ٹرافی کھیلنا بند کر دیں اور صاف کہہ دیں کہ اس کا کوئی فائدہ نہیں۔ آپ صرف آئی پی ایل کھیلتے ہیں اور سوچتے ہیں کہ آپ ریڈ بال کرکٹ کے لیے بھی کافی اچھے ہیں۔

خیال رہے کہ 25 سالہ سرفراز خان اب تک 37 فرسٹ کلاس میچوں میں 13 سنچریوں اور 9 نصف سنچریوں کی مدد سے 3505 رنز بنا چکے ہیں، سرفراز خان کا سب سے زیادہ اسکور 301 ناٹ آؤٹ ہے۔