Tag: سنی اتحاد کونسل

  • کراچی: طارق محبوب 90روز کیلئے رینجرز کی حوالے

    کراچی: طارق محبوب 90روز کیلئے رینجرز کی حوالے

    کراچی : انسدادِ دہشت گردی کی عدالت نے سنی اتحاد کونسل کے رہنماء طارق محبوب اور ڈائریکٹر لینڈ سمیت دیگر ملزمان کو نوے روز کیلئے رینجرز کی تحویل میں دیدیا ہیں۔

    کراچی کے مختلف علاقوں سے گرفتار ملزمان کو سخت سیکیورٹی میں عدالت لایا گیا، عدالت نے تحفظ پاکستان ایکٹ کے تحت سنی اتحاد کونسل کے رہنما طارق محبوب کو نوے روز کیلئے جیل بھیجنے کا حکم دیا۔

    دوسری جانب ڈائریکٹر لینڈ کے ڈی اے نجم الزمان سمیت دیگر ملزمان محمد انور محمد علی اور عبدالقوی کو بھی نوے روز کے ریمانڈ پر رینجرز کے حوالے کردیا۔

    ڈائریکٹر لینڈ کے ڈی اے نجم الزمان پر زمینوں پر قبضے اور چائنہ کٹنگ کا الزام ہے۔

  • رینجرز کا چھاپہ: سنی اتحاد کونسل کے رہنما طارق محبوب سمیت8 افراد گرفتار

    رینجرز کا چھاپہ: سنی اتحاد کونسل کے رہنما طارق محبوب سمیت8 افراد گرفتار

    کراچی: سندھ رینجرز نے چھاپہ مارکر سنی اتحاد کونسل کے رہنما طارق محبوب سمیت آٹھ افراد کو حراست میں لیکر نامعلوم مقام پر منتقل کردیا۔

    ذرائع کے مطابق کراچی کے علاقے فیڈرل بی ایریا میں رینجرز نے سنی اتحاد کونسل کے مرکزی رہنما طارق محبوب کے گھر پر چھاپہ مارا، رینجرز نے طارق محبوب سے پوچھ گچھ کی اور بعد ازاں ان سمیت آٹھ افراد کی آنکھوں پر پٹی باندھ کر نامعلوم مقام پر منتقل کردیا۔

    ذرائع کے مطابق رینجرز نے چھاپے کے دوران گھر سے متصل دفتر میں تلاشی کے دوران کمپیوٹر، موبائل اور فیکس مشینوں کو بھی تحویل میں لے لیا۔

    حراست میں لیے جانے والے افراد میں سنی اتحاد کونسل کے شعبہ اطلاعات سے وابستہ شاہ عالم، محمد نفیس، اور دیگر شامل ہیں۔ چھاپے کے دوران رینجرز کی چھ سے زائد گاڑیوں نے حصہ لیا۔

  • حکومت نے دھرنا ختم کرانے کیلئے بیس کروڑ روپے اور سینیٹر بنانے کی پیشکش کی تھی، صاحبزادہ حامد رضا

    حکومت نے دھرنا ختم کرانے کیلئے بیس کروڑ روپے اور سینیٹر بنانے کی پیشکش کی تھی، صاحبزادہ حامد رضا

    کراچی: سنی اتحاد کونسل کے سربراہ صاحبزادہ حامد رضا نے انکشاف کیا ہے کہ حکومت نے انھیں طاہر القادری کا دھرنا ختم کرانے میں مدد کے لیے بیس کروڑ روپے اور سینیٹر بنانے کی رشوت کی پیشکش کی تھی۔

    اے آر وائی نیوز کے پروگرام سوال تو یہ ہے میں گفتگو کرتے ہوئے صاحبزادہ حامد رضا نے بتایا کہ ایک حکومتی شخصیت نے ان سے رابطہ کرکے بیس کروڑ روپے اور سینیٹر بنانے کی پیشکش کی تھی۔

    صاحبزادہ حامد رضا اس پر ن لیگ کے رہنما اور سابق وزیر قانون پنجاب رانا مشہود نے اس بات کی تصدیق یا تردید کرنے سے انکار کردیا۔ رانا مشہود کا کہنا تھا کہ دھرنوں سے ملک کی معیشت کو نقصان ہوا ہے، جس کی ذمے داری دھرنا دینے والوں پر عائد ہوتی ہے۔

  • سانحہ کوٹ رادھاکشن کے ملزمان گرفتارکئے جائیں، مولانا عبدالخبیرآزاد

    سانحہ کوٹ رادھاکشن کے ملزمان گرفتارکئے جائیں، مولانا عبدالخبیرآزاد

    لاہور:بادشاہی مسجدکےخطیب مولانا عبدالخبیرآزاد نےکوٹ رادھاکشن واقعے کےذمےداروں کوکیفرِکردارتک پہنچانےکامطالبہ کیاہے۔سنی اتحاد کونسل کےفتوےکےمطابق ملزمان نےبدترین گناہ اورسنگین جرم کا ارتکاب کیا۔

    بادشاہی مسجدکےخطیب مولاناعبدالخبیرآزاد نےجمعےکوکلارک آبادکا دورہ کیا۔اُن کاکہناتھاکہ پاکستان میں اس واقعےکی مثال نہیں ملتی اور اس واقعےسے پوری دنیا میں پاکستان کی بدنامی ہوئی ہے۔

    مولانا عبدالخبیرآزاد کوٹ رادھا کشن کے نواحی گائوں میں بھٹے پرکام کرنے والے مزدور میاں بیوی شہزاد مسیح اور شمع بی بی پر توہین مذہب کے الزامات لگاکر انہیں زندہ جلانے پرمختلف اقلیتی،سیاسی اورمذہبی جماعتوں کی طرف سے شدید ردِعمل کا اظہارکیاجارہاہے۔۔

    سنی اتحاد کونسل کے پچاس مفتیوں کی جانب سےجاری کردہ اجتماعی فتوی میں کہاگیا ہےکہ ملزمان نے بدترین گناہ اور سنگین جرم کا ارتکاب کیا ہے۔۔

    توہین قرآن ہوئی تو مقدمہ درج کرواکرحقائق کو پرکھنا لازم تھا ملزمان کو قرارواقعی سزا دی جائے۔جبکہ اقلیتیں بھی اسلامی شعائر کا احترام کریں۔

  • سانحہ نشترپارک کی تحقیقات کو منظر عام پر لایا جائے، ثروت اعجاز قادری

    سانحہ نشترپارک کی تحقیقات کو منظر عام پر لایا جائے، ثروت اعجاز قادری

    سربراہ پاکستان سنی تحریک محمد ثروت اعجاز قادری نے کہا ہے ریاست میں ریاست بنانے والوں سے مذاکرات کسی صورت قبول نہیں کرینگے۔

    کراچی سے ایک بیان میں انہوں نے کہا دہشتگرد اپنے اوچھے ہتھکنڈوں اور قتل و غارتگری کے ذریعے دنیا کو پیغام دے رہے ہیں کہ پاکستان میں قانون نہیں ؛ ان کا کہنا تھاجسٹس رحمت حسین جعفری کی سربراہی میں سانحہ نشترپارک کی تحقیقات کو منظر عام پر لایا جائے۔

    ثروت اعجاز قادری سنی اتحاد کونسل کے چئیرمین صاحبزادہ حامد رضا کا کہنا ہے دہشت گردی کے تازہ واقعات سے حکمران غفلت کی نیند سے بیدار ہو جائیں انہوں نے کہا میڈیا ورکرز اور علماء پرقاتلانہ حملے افسوس ناک ہیں ۔۔عبادت گاہوں پر حملے کرنے والوں کو بے نقاب کیا جائے۔اورقانون اور آئین کے باغیوں کے خلاف ریاستی طاقت استعمال کی جائے۔