Tag: سنی اتحاد کونسل

سنی اتحاد کونسل نے سانحہ نشتر پارک کے ٹربیونل کی رپورٹ منظر عام پر لانے کا مطالبہ کیا ہے ، سنی اتحاد کونسل کے زیر اہتمام جمعہ کو یوم شہدائے سانحہ نشتر پارک ملک بھر میں منایا گیا۔

 نماز جمعہ کے اجتماعات میں علماء و مشائخ نے گیارہ اپریل 2006 کو سانحہ نشتر پارک کے شہداء کو زبردست خراج عقید ت پیش کیا اور شہداء کی ایصال ثواب کیلئے فاتحہ خوانی و دعائے مغفرت کی گئی ، سنی اتحاد کونسل کے رہنما طارق محبوب نے گلستان جوہر میں نماز جمعہ کے اجتماع سے خطاب میں کہا کہ انتہاپسندی دہشت گردی کا اسلام میں کوئی تصور نہیں ہے۔

 شہدائے میلاد نشترپارک کے مجرموں کو اگر سزا دی جاتی تو بم دھماکوں خودکش حملوں کی روک تھام ممکن ہوجاتی ، عوام آج تک شہداء سانحہ نشتر پارک کے تحقیقاتی ٹریبونل کی تحقیقاتی رپورٹ کے منتظر ہیں، شہدائے میلاد کی قربانیاں رائیگاں نہیں جائیں گی۔  

سنی اتحاد کونسل اورمجلس وحدت المسلمین کے زیراہتمام قومی امن کنونشن کیا گیا، مشترکہ اعلامیہ میں اتفاق کیا گیا کہ دہشتگردوں کو تنہا کرنے کے لئے مشترکہ جدوجہد کی جائے گی۔

اسلام آباد میں سنی اتحاد کونسل اور مجلس وحدت المسلمین کے قومی امن کنویشن نے مشترکہ اعلامیہ جاری کردیا گیا اعلامیے میں طے کیا گیا ہے صوبائی اور ضلعی سطح پر امن کانفرنسز کی جائیں گی ۔

پاکستان میں غیر ملکی مداخلت کو کامیاب نہیں ہونے دیں گے، اعلامیے میں ن لیگ کی حکومت کو سیاسی طالبان قرار دے دیا گیا کنویشن سے خطاب کرتے ہوئے سنی اتحاد کونسل کے چیرمین حامد رضا کا کہنا تھا کہ طالبان سے مذاکرات نامنظور ہیں۔

مجلس وحدت المسلمین کے رہنما ناصرعباس کاکہنا تھا کہ پاکستان کی عوام قاتلوں سے مذاکرات کو ماننے کو تیار نہیں، یہ کیسا اسلام ہے جہاں لوگوں کے گلے کاٹے جاتے ہیں، فیصل رضا عابدی کا نے خطاب کرتے ہوئے کہا کہ ملک میں طالبانائیزیشن کو شکست ہوگی۔
   

سنی اتحاد کونسل کے رہنماﺅں نے کہاہے کہ تحفظ ِ ناموس رسالت کے قانون میں ترامیم کسی صورت برداشت نہیں کی جائیں گی

لاہور میں تحفظ ِ ناموس رسالت کانفرنس سے خطاب کرتے ہوئے ڈاکٹر مولانا راغب نعیمی نے کہاکہ کسی شخص کا ایمان اس وقت تک مکمل نہیں ہوتا جب تک وہ اپنے والدین اولاد اور مال متال سے بڑھ کر حضور اکرم  کی ذات سے محبت نہ کرتا ہو۔

 انہوں نے کہاکہ دہشت گردی اور انتہا پسندی قابل مذمت ہے علمائے اہل سنت دہشت گردی کے خاتمے کے لیے اپنا کردار ادا کرتے رہیں گے کانفرنس سے خطاب کرتے ہوئے مولانا محمد اشرف آصف جلالی نے کہاکہ ناموس رسالت کا قانون 295سی ہمارے ایمان کا حصہ ہے جس میں ترایم کی تمام کوششیں ناکام بنادی جائیں گی۔

 کانفرنس سے خطاب کرتے ہوئے مولانا محمد رمضان سیالوی اور دیگرنے بھی خطاب کیا۔ 

 صاحبزادہ حامد رضا کا کہنا ہے ربیع الاول میں کوئی ناخوشگوار واقعہ پیش آیا تو مقدمہ وزیر اعلی پنجاب ،وزیر قانون کے خلاف درج کرائیں گے۔

سنی اتحاد کونسل اور مجلس وحدت المسلمین نے اسلام آباد میں مشترکہ پریس کانفرنس کی، چیئرمین سنی اتحاد کونسل صاحبزاد حامد رضا نے الزام عائد کیا کہ فرقہ وارانہ دہشت گردی کی ذمہ داری وزیر قانون پنجاب رانا ثنا اللہ پرعائد ہوتی ہے۔.

فیصل رضا عابدی کاکہناتھا ربیع الاول میں کوئی ناخوشگوار واقعہ ہوا اس کی ذمہ داری پنجاب حکومت پرعائد ہوگی۔

ان کاکہناتھا مذاکرات کانتیجہ طالبان کی شریعت کانفاذ کی صورت میں نکلے گا، فیصل رضا عابدی کاکہنا تھا طالبان سے مذاکرات طالبان کے ذریعے کرائیں جارہے ہیں،   فیصل رضا عابدی نے ایم کیوایم ،پیپلز پارٹی اور اےاین پی سے اپیل کی کہ وہ اے پی سی سے باہر آجائیں۔

سنی اتحاد کونسل کے چئیرمین صاحبزادہ حامد رضا کہتے ہیں کہ طالبان ان علما کے کہنے پر خودکش حملہ آور بنے جن کے مدار

میں انہوں نے تعلیم حاصل کی انکے خلاف آپریشن نہ بھی کیا جائے تو خودکش حملے ہو رہے ہیں۔

مولانا سمیع الحق کے طالبان کے حوالے سے بیان پر تبصرہ کرتے ہوئے صاحبزادہ حامد رضا کا کہنا تھا کہ مولانا سمیع الحق کچھ 

عرصہ پہلے تک فرما رہے تھے کہ وہ طالبان کے باپ ہیں اور حکومت اور طالبان کے درمیان ثالث کا کردار ادا کر سکتے ہیں۔

 حامدرضا قادری کا کہنا تھا کہ طالبان انہی علما کے کہنے پر خودکش حملہ آور بنے جن کے مدارس میں انہوں نے تعلیم حاصل کی  

 مولاناسمیع الحق برائی کی جڑیں کاٹنےمیں مدد کریں اور عوام کوڈرانا بندکردیں۔

سنی اتحاد کونسل ربیع الاول کو ماہ امن و محبت کے نام سے منائے گی، صاحبزادہ حامد رضا کا کہنا ہے کہ دو جنوری کو لاہور میں اہلسنّت کی جماعتوں کی آل پارٹیز کانفرنس ہوگی۔

فیصل آباد میں اجلاس کے بعد سنی اتحاد کونسل کے سربراہ صاحبزادہ حامد رضا نے میڈیا کو بتایا کہ لاہور میں اہلسنت جماعتوں کی ہونے والی اے پی سی میں بڑھتی ہوئی فرقہ وارانہ دہشتگردی پر لائحہ عمل تیار کیا جائے گا۔

ان کا کہنا تھا کہ سنی اتحاد کونسل ربیع الاول کو ماہ امن و محبت کے نام سے منائے گی، انھوں نے حکومت سے مطالبہ کیا کہ شمالی وزیرستان کے حوالے سے قوم کو حقائق سے آگاہ کیا جائے۔

صاحبزادہ حامد رضا کا کہنا تھا کہ ممتاز قادری کی رہائی کے لئے تحریک چلانے پر بھی غور کیا جائے گا، اجلاس میں جوادالحسن کاظمی کو سنی اتحاد کونسل کا وائس چیئرمین نامزد کر دیا گیا۔