Tag: سنی دیول

پاکستانی اسٹار فواد خان کی بالی ووڈ میں واپسی پر پاکستان مخالف فلموں میں کام کرنے کےلیے معروف سنی دیول کا بڑا بیان سامنے آگیا۔

سنی دیول نے فواد خان کی آنے والی فلم ’عبیر گلال‘ سے بالی ووڈ میں واپسی پر اپنے خیالات کا اظہار کیا ہے، پاکستانی سپراسٹار چھ سالوں بعد وانی کپور کے مدمقابل ’عبیر گلال‘ کے ساتھ بھارتی فلم انڈسٹری میں واپسی کے لیے تیار ہیں جس کا ان کے بھارتی مداحوں کو بےچینی سے انتظار ہے۔

غدر کے اداکار سنی دیول نے فواد کے بالی ووڈ میں کام کرنے پر کہا کہ "دیکھیں، میں سیاسی الجھنوں میں جانا پسند نہیں کروں گا کیونکہ یہیں سے چیزیں گڑبڑ ہونے لگتی ہیں، ہم اداکار ہیں، ہم پوری دنیا میں سب کے لیے کام کرتے ہیں”۔

بھارتی میڈیا کو ایک انٹرویو میں سنی دیول نے کہا کہ چاہے کوئی ہمارا کام دیکھ رہا ہو یا نہ دیکھ رہا ہو، ہم سب کے لیے کام کرتے ہیں، تو ایسی کوئی بات نہیں ہے۔

سنی دیول نے مزید کہا کہ دنیا جس طرح آگے بڑھ رہی ہے، ہمیں گلوبل رہنا چاہیے اور مزید ممالک کو بھی اسی طرز پر آگے بڑھنا چاہیے۔

خیال رہے کہ فواد خان نے سونم کپور کے مدمقابل فلم ‘خوبصورت’ سے بھارتی سینما میں ڈیبیو کیا تھبا، اس کے بعد انھوں نے مزید دو فلموں میں کام کیا، جن میں ‘اے دل ہے مشکل’ اور ‘کپور اینڈ سنز’ شامل ہیں۔

بالی ووڈ اسٹارز سنی دیول اور بوبی دیول نے اپنی ماں اور دھرمیندر کی پہلی بیوی پرکاش کور کی سالگرہ پُرجوش انداز میں منائی اور تصاویر شیئر کیں۔

سوشل میڈیا پلیٹ فارم انسٹاگرام پر ’غدر ٹو‘ کے اداکار سنی دیول نے ایک دلکش تصویر پوسٹ کی جس میں وہ اور ان کی ماں نظر آرہے ہیں، اس میں واضح ہے کہ ماں اور بیٹے کی جوڑی کافی خوش اور کیمرے کے سامنے پوز دے رہے ہیں۔

پوسٹ شیئر کرتے ہوئے سنی دیول نے لکھا، ’’ہیپی برتھ ڈے ماما‘‘، بوبی دیول نے بھی اپنی ماں کے لیے دلی جذبات کا اظہار کیا۔

View this post on Instagram

A post shared by Sunny Deol (@iamsunnydeol)

بوبی نے انسٹاگرام پر پرکاش کور کے ساتھ ایک خوبصورت سیلفی شیئر کی اور پوسٹ کے عنوان میں لکھا کہ ’’میری ہر چیز کو سالگرہ مبارک ہو۔ ماما میں آپ سے پیار کرتا ہوں۔‘‘

View this post on Instagram

A post shared by Bobby Deol (@iambobbydeol)

خیال رہے کہ ماضی کے سپراسٹار دھرمیندر نے 1953 میں پرکاش کور سے شادی کی تھی جب انھوں نے بالی ووڈ میں قدم رکھا تھا، سنی اور بوبی کے علاوہ دھرمیندر کی پہلی بیوی سے بیٹیاں وجیتا اور اجیتا بھی ہیں۔

تاہم ہندی فلموں میں کام کرتے ہوئے دھرمیندر اداکارہ ہیما مالنی کے قریب ہو گئے اور 1980 میں دونوں شادی کے بندھن میں بندھ گئے، دھرمیندر اور ہیما مالنی کی بیٹیاں ایشا اور اہانہ ہیں۔

بالی وڈ میں پاکستان مخالف فلمیں بنانے کے لیے معروف سنی دیول اپنی پروپیگنڈا فلموں کے باوجود بی جے پی کا اعتماد حاصل کرنے میں ناکام ہوگئے۔

امریکا میں سابق بھارتی سفیر ترنجیت سنگھ سندھو کو بھارتیہ جنتا پارٹی نے 2024 کے لوک سبھا انتخابات میں امرتسر سے میدان میں اتارا ہے، کچھ دن پہلے ہی پارٹی جوائن کرنے والے ترنجیت سنگھ اپنے انتخابی سفر کی شروعات کریں گے۔

بی جے پی نے ہفتے کو اڑیشہ، پنجاب اور مغربی بنگال کے 11 حلقوں سے امیدواروں کی 8 ویں فہرست جاری کی۔ پنجاب کے سابق وزیر اعلیٰ امریندر سنگھ کی اہلیہ پرنیت کور جو کہ اس سے قبل کانگریس میں تھیں انھوں نے بی جے پی میں نئی انٹری دی ہے اور انھیں پٹیالہ سے ٹکٹ ملا ہے۔

بالی ووڈ اداکار سنی دیول جو اس سے قبل گورداسپور سے رکن اسمبلی منتخب ہوئے تھے انھیں بھارتیہ جنتا پارٹی نے سائیڈ لائن کرتے ہوئے ٹکٹ جاری نہیں کیا۔

سنی دیول رکن پارلیمنٹ ہونے کے باوجود پارلیمنٹ میں کافی غیر حاضر رہتے تھے، اب ان کی جگہ دنیش سنگھ ببو کو بی جے پی نے اس حلقے سے میدان میں اتارا گیا ہے۔

اڑیشہ میں، بی جے پی نے تنہا بی جے ڈی کی حمایت کے بغیر اکیلے الیکشن لڑنے کا فیصلہ کیا ہے، پارٹی نے کٹک سے چھ بار کے ایم پی بھرتوہری مہتاب کو میدان میں اتارا ہے۔ مہتاب نے حال ہی میں بی جے ڈی چھوڑ کر بی جے پی میں شمولیت اختیار کی ہے۔

غدر ٹو کی کامیابی کے بعد سنی دیول سپراسٹار سلمان خان کے ساتھ کون سی فلم کرنے جارہے ہیں، اس کی تفصیلات سامنے آگئیں۔

شائقین 27 سال بعد پھر سے دبنگ خان اور ایکشن ہیرو سنی دیول کو بڑے پردے پر ایک ساتھ دیکھ سکیں گے۔ دنوں اداکار نئی فلم ’سفر‘ میں ایک ساتھ نظر آئیں گے۔ اس وقت سنی دیول نئی فلم ’سفر‘ کی شوٹنگ میں مصروف ہیں اور اس میں سلمان خان کا خصوصی ’کیمیو‘ بھی شامل ہوگا۔

بھارتی ذرائع ابلاغ کے مطابق سلمان خان مذکورہ فلم کے لیے دو دن شوٹنگ کروائیں گے۔ ’سفر‘ کیلئے وہ اپنا ’کیمیو‘ رواں ہفتے ممبئی کے محبوب اسٹوڈیو میں ریکارڈ کرائیں گے۔

فلم کے حوالے سے سلمان کی شوٹنگ 12 اور 13 جنوری کو شیڈول ہے۔ سپراسٹار نے فلم میں اپنے کردار کی تصدیق کردی ہے۔

گزشتہ سال کی سپر ہٹ فلم غدر ٹو کے بعد اس سال سنی دیول کی ’سفر‘ کی ریلیز متوقع ہے جبکہ وہ اگلے پروجیکٹ ’لاہور1947‘ میں بھی نظر آئیں گے جسے عامر خان پروڈیوس کررہے ہیں۔

واضح رہے کہ اس سے قبل دونوں اداکار فلم ’جیت‘ میں 27 برس پہلے ایک ساتھ جلوہ گر ہوئے تھے اور اب مداح دونوں اسٹارز کو پھر سے ایک ساتھ دیکھنے کیلئے پُرجوش ہیں۔

بھارتی اداکار سنی دیول نے شاہ رخ خان کے ساتھ ماضی کی چپقلش کے حوالے سے خاموشی توڑتے ہوئے اس بارے میں کھل کر اپنے جذبات کا اظہار کیا ہے۔

بالی وڈ کے کنگ شاہ رخ خان نے غدر ٹو کی کامیابی پر منعقد کی جانے والی پارٹی میں شرکت کی تھی۔ اس میں وہ اور سنی دیول ایک دوسرے سے خوشگوار انداز میں ملتے نظر آئے تھے۔ سنی کی فیملی نے شاہ رخ کے ہمراہ تصاویر بھی بنوائی تھیں۔

ماضی میں دنوں اداکاروں کے درمیان تعلقات ٹھیک نہیں تھے۔ سنی اور شاہ رخ نے 90 کی دہائی میں ریلیز ہونے والی فلم ڈر میں ایک ساتھ کام کیا تھا جس کے بعد ان کے تعلقات خراب ہوگئے تھے۔

بھارتی ذرائع ابلاغ کو اپنے تازہ ترین انٹرویو میں سنی دیول نے اپنے اور کنگ خان کی وائرل تصویر کے بارے میں بات کرتے ہوئے کہا کہ ’اب ایسا کچھ بھی نہیں ہے ہر کوئی اپنی زندگی میں آگے بڑھ گیا ہے اور وہ اس چیز کے ساتھ خوش ہے جو اس کے پاس موجود ہے۔‘

انھوں نے کہا کہ جب ہم نوجوان ہوتے ہیں تو یقیناً ایسے نہیں ہوتے لیکن اب سب خوش اور مطمئن ہیں۔ ہم میں سے ہر کوئی جانتا ہے کہ ہم نے کیا غلط یا صحیح کیا۔ وقت ہر دکھ کا مرہم ہے۔

سنی دیول نے کہا کہ بہت سی باتوں کو ماضی میں چھوڑ دینا بہتر ہے۔ میں اس بات کے لیے بہت خوش تھا کہ بالی وڈ سے سب میری فلم کی کامیابی کے لیے منعقد کی گئی پارٹی میں آئے تھے۔

بالی وڈ کے سپراسٹار سلمان خان دھرمیندر اور ان کے دنوں بیٹوں سے کافی لگاؤ رکھتے ہیں، دبنگ خان کی وجہ سے ہی بوبی نے فلموں میں واپسی کی تھی۔

بلاک بسٹر فلم غدر ٹو کے ہیرو سنی دیول کا بھی کہنا ہے کہ ان کا سلمان خان کے ساتھ جذباتی تعلق ہے۔ انھوں نے بتایا کہ وہ حال ہی میں سلمان خان سے ملے اور انھوں نے گوا میں تقریباً دو گھنٹے ساتھ گزارے۔

سلمان کے بارے میں بات کرتے ہوئے سنی دیول نے مزید کہا کہ ہم اس دوران ہنسی مذاق کر رہے تھے۔ ہم دنوں نے ساتھ کام کرنے کے حوالے سے بھی بات کی۔ ملاقات میں سلمان کافی خوش لگ رہے تھے۔

انھوں نے سلو میاں کے جذباتی پن کے حوالے سے بتاتے ہوئے کہا کہ سلمان نے مجھے ایک بار فون کیا وہ بہت جذباتی ہورہا تھا اس نے مجھے کہا کہ وہ مجھ سے بہت پیار کرتا ہے۔ ہمارا ایسا ہی تعلق ہے۔

سنی دیول نے اپنی بلاک بسٹر غدر 2 کی پارٹی کے بارے میں بھی بات کی۔ اس پارٹی میں سلمان، شاہ رخ خان، عامر خان، اجے دیوگن، کاجول، سنجے دت، سنیل شیٹی، انیل کپور، شلپا شیٹی، وکی کوشل اور دیگر نے شرکت کی تھی۔

انھوں نےکہا کہ میری پارٹی میں انڈسٹری کے اکثر لوگ تھے مجھے بہت اچھا لگا، میں نے سلمان کو کال کرکے کہا تھا کہ آپ مجھے ہر بار فون کرتے ہیں اور میں کبھی نہیں آتا لیکن آپ کو میری پارٹی میں آنا پڑے گا اور وہ آئے بھی۔

بالی وڈ کے اداکار سنی دیول نے انکشاف کیا ہے کہ انہوں نے اکشے کمار سے ایک درخواست کی تھی لیکن انہوں نے صاف انکار کردیا۔

بالی وڈ کے کرن جوہر کی کافی ود کرن شو میں سنی دیول نے شرکت کی جہاں انہوں نے اپنی نئی فلم غدر 2 سے متعلق گفتگو کی۔

اداکار سنی دیول نے کہا کہ میری فلم غدر 2 ریلیز ہونے والی تھی لیکن مجھے یقین نہیں تھا کہ فلم کامیاب ہوسکتی ہے، اسی دوران میں نے اکشے کمار سے ان کی فلم او ایم جی 2 کی تاریخ تبدیل کرنے کی درخواست کی کیوں کہ میری فلم دہائیوں کے بعد آرہی ہے تھی۔

’’یہ ’غدر 2‘ نہیں بلکہ ’گٹر 2‘ ہے‘‘

سنی نے انکشاف کیا کہ اکشے نے انہیں بتایا کہ وہ اس حوالے میں کچھ نہیں کر سکتے، میں نے ان سے کہا اگر یہ آپ کے ہاتھ میں ہے تو براہ کرم ایسا نہ کریں۔ لیکن اکشے نے انکار کردیا اور کہا کہ یہ ان کے نہیں بلکہ اسٹوڈیو والوں کے ہاتھ میں ہے۔

اداکار کا کہنا تھا کہ میں نے سوچا ٹھیک ہے لیکن مجھے دکھ ہوا، پھر میں نے سوچا کیا فرق پڑتا ہے، جس کے بعد دونوں فلم ریلیز ہوئی اور دونوں فلموں نے باکس آفس پر اچھا بزنس کیا۔

واضح رہے کہ غدر 2‘ کو اگست میں سنیما گھروں میں نمائش کیلیے پیش کیا گیا اور اس نے ریلیز کے پہلے دن تقریباً 40 کروڑ روپے کی زبردست کمائی کی تھی۔

سنی دیول کی غدر 2 بھارتی فلم انڈسٹری کے باکس آفس کی نئی تاریخ رقم کر رہی ہے اور بالی ووڈ فلم کے ناقدین بھی غدر 2 کی اتنی مقبولیت پر حیران ہیں۔