ARYNews.tv | Urdu – Har Lamha Bakhabar

Tag: سنی لیون

  • سنی لیون اور بھارتی گلوکار شان کینیا میں دھوم مچائیں گے

    سنی لیون اور بھارتی گلوکار شان کینیا میں دھوم مچائیں گے

    کراچی: کینیا میں بالی ووڈ کی اداکارہ سنی لیون اور بھارتی گلوکار شان کو پروگرام میں پرفارم کرنے کے لئے منتخب کیا گیا ہے۔

    تفصیلات کے مطابق کینیا کے شہر نیروبی میں 5 ستمبر ہونے والے ایک میوزیکل پروگرام میں بالی ووڈ اداکارہ سنی لیون اور شان اپنے اپنے جوہر دیکھاتے نظر آئیں گے۔

    واضح رہے کہ اداکارہ سنی لیون اپنے ان دنوں شوہر کے ہمراہ امریکہ کے شہر لاس انجلس میں ہے ، جبکہ اس سے قبل وہ ایک میوزیکل پروگرام میں شرکت کے لئے سنگاپور بھی گئیں تھیں۔

    اداکارہ سنی لیون نے اپنے لاس انجلس اور سنگاپور کے دورے کے حوالے سے سماجی رابطے کی ویب سائٹ ٹوئٹر پر اپنے مداحوں کو اپنے ٹوئٹس اور تصاویر سے آگاہ کیا۔

     

    رواں ہفتے اداکار، ڈائریکٹر اور گلوکار فرحان اختر ان کے ” زندہ ہو تم ” موسیقی دورے کے تحت نیروبی میں پارک لینڈ سپورٹس کلب میں ایک شو منعقد کیا گیا تھا۔

    دریں اثنا، بھارتی نژاد کینیا کے سب سے مشہور فیشن ڈیزائنر سونو شرما بھی کینیا ورلڈ فیشن فیسٹا 2015″ منعقد کریں گے۔جو کہ کینیا کے شہر نیروبی میں 29 اور 30 اگست کو پیش کیا جائے گا۔

  • فحش ویب سائٹس پرپابندی ، سنی لیون کے موقف نے بھارت میں ہلچل مچادی

    فحش ویب سائٹس پرپابندی ، سنی لیون کے موقف نے بھارت میں ہلچل مچادی

    بھارتی سرکار نے غیر اعلانیہ طورپر فحش ویب سائٹس بند کردی ہیں اور اس پر بالغوں کی فلموں سے شہرت پانیوالی بالی ووڈاداکارہ سنی لیون کے موقف نے ہلچل مچادی۔

    بھارتی میڈیا کے مطابق بالی ووڈ میں قدم جمانے والی سنی لیون اپنے ماضی کے بارے میں زیادہ گفتگونہیں کرتیں تاہم موجودہ پابندی پر اداکارہ بھی واضح موقف رکھتی ہیں جس پر پورے ملک میں بحث ہورہی ہے ۔

      سنی لیون نے مائیکروبلاگنگ ویب سائٹ ’ٹوئٹر‘ پر اپنے شوہرڈینئل ویبر کیساتھ ایک تصویر شیئرکی ہے جس میں ڈینئل کی شرٹ پر لکھاہے کہ ’جنس بکتی ہے‘،  اسے جوڑے کی طرف سے نئی پابندی پر ری ایکشن قراردیاجارہاہے کہ وہ کہاں کھڑے ہیں ۔  سنی لیون نے اس تصویر کیساتھ ہی مسکراہتاچہرہ بھی شیئرکیا۔

  • سنی لیون نے اپنے مداحوں کو عید کی مبارکباد دے دی

    سنی لیون نے اپنے مداحوں کو عید کی مبارکباد دے دی

    ممبئی: بالی ووڈ کی حسین اداکارہ سنی لیون نے اپنے مداحوں کو عید کی مبارکباد دے دی۔

    عید الفطر کے موقع پر سماجی رابطے کی ویب سائٹ ٹوئٹر پر سنی لیون نے اپنے چاہنے والوں کو عید کی مبارکباد دی۔

    حال ہی میں بالی وڈ کی خوبرو اورمتنازعہ اداکارہ سنی لیون نے بالغ فلموں کے حوالے سے اپنے ایک حالیہ انٹرویو میں کہا ہے کہ انہیں اپنے ماضی ہر کوئی شرمندگی نہیں ہے۔

    جہاں بالی وڈ کے بیشتر بڑے اداکار، ہدایت کار اور پروڈیوسر سنی لیون کے ماضی کی وجہ سے ان کے بارے میں منفی خیالات رکھتے ہیں، وہاں سنی لیون کا کہنا ہے کہ انہیں بالغ فلموں میں اداکاری کرنے پر کوئی شرمندگی نہیں ہے۔

  • سنی لیون کی نئی فلم کی نمائش پر پابندی عائد

    سنی لیون کی نئی فلم کی نمائش پر پابندی عائد

    ممبئی: بالی ووڈ میں اپنی بے باک اداکاری کے حوالے سے مشہوراداکارہ سنی لیون ایک بعد ایک نئی مصیبت میں پھنستی چلی جارہی ہیں اور اب انہیں اپنی پیشہ وارانہ زندگی میں بھی مسائل کا سامنا کرنا پڑرہا ہے۔

    بھارتی میڈیا کے مطابق  بالی ووڈ اداکارہ سنی لیون کی نئی فلم ’’مستی زادے‘‘ کے چند مناظرپر بھارتی سنسر بورڈ نے اعتراض کیا ہے اور ان اعتراضات کی دوری تک فلم کی نمائش روک دی گئی ہے۔

    بھارتی سنسربورڈ کے مطابق فلم کے کچھ مناظر اخلاق باختہ اور قابل اعتراض ہیں جن کوہٹائے بغیر فلم کو نمائش کی اجازت نہیں دے سکتے جب کہ دوسری جانب فلمسازملاپ زویری  نے سنسر بورڈ کے فیصلے کے خلاف عدالت سے رجوع کرلیا ہے۔

  • سنی لیون سے موازنہ کرنے پر راکھی ساونت غصہ میں آگئیں

    سنی لیون سے موازنہ کرنے پر راکھی ساونت غصہ میں آگئیں

    ممبئی: بالی ووڈ میں اپنی بے باک اداکاری سے شہرت رکھنے والی اداکارہ راکھی ساونت خود کا سنی لیون سے موزانہ کرنے پرآگ بگولہ ہوگئیں۔

    راکھی ساونتھ بالی وڈ انڈسٹری کی وہ متنازعہ شخصیت جو کہلائی جاتیں ہیں منہ پھٹ اداکارہ، جو دل میں ہوتا ہے بنا سوچے سمجھے بول دیتیں ہیں، سستی شہرت حاصل کرنے کے لئے نہ جانے کتنے ہی الٹے سیدھے بیان دے چکی ہیں۔حد تو یہ ہے کہ لوگوں میں مقبولیت حاصل کرنے کے لئے سیاست میں بھی قدم رکھ لیا اور بنالی اپنی سیاسی جماعت لیکن کامیابی حاصل نہ ہوسکی۔

    راکھی ساونت خبروں میں رہنے کا فن خوب جانتی ہیں اور ایک تقریب میں جب ان کا موازنہ اداکارہ سنی لیون سے کیا گیا تو وہ ںہ صرف  آگ بگولا ہوئیں بلکہ خود کو صف اول کی اداکارہ خطاب بھی دے ڈالا، یہ بات خاتون نے اپنی ایک وڈیو سانگ کی ریکارڈنگ کے دوران کہی جب رپورٹر نے ان سے پوچھا کہ کیا یہ گانا سنی کے گانوں سے مقابلہ کر سکے گا۔

     راکھی کا کہنا تھا کہ ان کا موازنہ  سنی لیون  کی بجائے  ہالی ووڈ کی صف اول کی اداکاراؤں جینیفر لیوپز اور میڈونا سے کیا جائے۔

    ان کا کہنا تھا کہ   ڈانس، ریئلٹی شوزاوراداکارانہ صلاحیتوں سے لوگوں کا دل جیتنا میری مقبولیت کی وجہ ہے نہ کہ کسی اداکارہ کی طرح فحش فلموں میں کام کرکے۔

  • سنی لیون کی فلم کچھ کچھ لوچا ہے کا پہلا گانا ریلیز

    سنی لیون کی فلم کچھ کچھ لوچا ہے کا پہلا گانا ریلیز

    ممبئی: بالی وڈ فلم” کچھ کچھ لوچا ہے“ کے پہلے گانے کی ویڈیو جاری کر دی گئی۔

    سنی لیون کے ریلیز ہونے والے گانے کا نام ”پانی والا ڈانس“ہے جس کے بعد سنی لیونی کا بخار سب پر چڑھا ہے۔

    بالی ووڈ اسٹار سنی لیون کی آنے والی فلم کچھ کچھ لوچا ہے کے پہلے گانے کی وڈیو جاری کر دی گئی ہے۔اس گانے میں سنی لیون انوکھے انداز کے ساتھ پانی میں ڈانس کرتے ہوئے جلوہ گر ہونگی۔،

    فلم میں سنی لیون ایک کامیاب اداکارہ کے روپ میں دیکھائی دیں گی۔

    دیوادگ ڈولکھیا کی ہدایتکاری میں بننے والی فلم کچھ کچھ لوچا ہے 8 مئی کو نمائش کے لئے پیش کی جائے گی۔

    جاری ہونیوالے گانے میں سنی کا انداز ایک دم نرالا ہے اور پانی میں ڈانس کررہی ہیں۔

  • اداکارہ سنی لیون اپنے شوہر ڈینیئل ویبر کے ساتھ جلوہ گر ہونگی

    اداکارہ سنی لیون اپنے شوہر ڈینیئل ویبر کے ساتھ جلوہ گر ہونگی

    ممبئی: بالی ووڈ کی مشہور اداکارہ سنی لیون اب جلد ہی اپنے شوہر ڈینیئل ویبر کے ساتھ نئی فلم ’ڈینجرس حُسن‘میں جلوہ گر ہو رہی ہیں۔

    دونوں میاں بیوی کی پہلی بالی ووڈ فلم ’ڈینجرس حْسن ‘کے فلم سازوں نے گزشتہ دنوں اس فلم کی پہلی جھلک بھی جاری کی ہے جس میں یہ جوڑا ایک گرما دینے والے سین میں ہے، ڈینئیل اور سنی اس فلم میں عشقیہ جذبات سے بھرپور انداز میں دیکھے جائیں گے۔

    اس کے ساتھ ہی سنی کے شوہر ڈینیئل ویبر بھی ہدایتکار دینش تیواری کی ہارر تھرل فلم ڈنجرس حسن کے ذریعے اپنا ڈبیو کرنے جا رہے ہیں۔

    ڈینیل ویبر کااس بارے میں کہنا ہے کہ بالی وڈ میں کام کرنا انکے لئے بہت ٹف ہے لیکن ان سب میں انکی بیوی سنی نے انکی بہت مدد کی ہے، وہ ہر چیز کے بارے میں انہیں گائیڈ کرتی ہیں۔

    ڈینیل کا کہنا ہے کہ انکا خواب تھا کہ وہ اداکاری کریں جو اس فلم کے ذریعے پورا ہو رہا ہے، فلم ڈنجرس حسن کی عکس بندی جاری ہے جیسے اسی سال منظر عام پر لانے کا امکان ہے۔

    بالی ووڈ میں  فلم جسم 2  میں کامیابی پانے والی بےبی ڈول نے فلم راگنی ایم ایم ایس میں  بھی اپنے جوہر خوب دیکھائے، جبکہ فلم راگنی ایم ایم ایس کے گانے بے بی ڈول نے سنی لیون کی شہرت کو چار چاند لگادئیے ہیں۔

    واضح رہے کہ حال ہی میں دیئے گئے ایک انٹرویو میں سنی لیون نے کہا تھا کہ کچھ فنکار اب بھی ایسے ہیں جو میرے ساتھ کام کرنے پر رضامند نہیں ہوتے، میرے پس منظر کی وجہ سے انہیں خوف آتا ہے اور انہیں لگتا ہے کہ میرے ساتھ سکرین شیئر کرنا ان کے کیریئر کے لئے نقصان دہ ہو سکتا ہے۔

  • ادکارہ سنی لیون بھی اداکار سلمان خان کی پرستار نکلیں

    ادکارہ سنی لیون بھی اداکار سلمان خان کی پرستار نکلیں

    ممبئی: بالی ووڈ ادکارہ سنی لیون بھی اداکار سلمان خان کی پرستار نکلیں۔

    سلمان خان کے پرستاروں کی فہرست میں ایک اور نام شامل ہو گیا ہے اور وہ نام سنی لیون کا ہے، سنی لیون نے اپنی پسندیدگی کا اظہار نئی فلم ’’ایک پہیلی لیلہ‘‘ میں صحافیوں سے گفتگو میں کیا۔

    صحافیوں نے ان سے سوال کیا تھا کہ بالی ووڈ کے خانز میں سے ان کا پسندیدہ خان کون ہے تو انہوں نے بغیر سوچے فوراً سے سلمان کا نام لیا اور کہا کہ وہ سلمان کو بے حد پسند کرتی ہیں، وہ عظیم انسان ہیں اور ان کی خواہش ہے کہ وہ سلمان کے ساتھ کسی فلم میں ہیروئن کے طور پر جلوہ گر ہوں۔

     سنی لیونی کا کہنا ہے کہ کچھ اداکاروں کی بیویاں اب بھی ان سے ڈرتی ہیں اور نہیں چاہتی کہ ان کے خاوند کسی فلم میں میرے ساتھ اداکاری کریں۔

     ماضی میں بالغوں کی فلموں سے شہرت پانے والی سنی لیونی نے کہا کہ کچھ فنکار اب بھی ایسے ہیں جو میرے ساتھ کام کرنے پر رضامند نہیں ہوتے،میرے پس منظر کی وجہ سے انہیں خوف آتا ہے اور انہیں لگتا ہے کہ میرے ساتھ سکرین شیئر کرنا ان کے کیریئر کے لئے نقصان دہ ہو سکتا ہے۔

     انہوں نے کہا کہ کچھ بڑے فلمساز ادارے بھی ابھی تک اس کشمکش میں مبتلا ہیں کہ وہ مجھے اپنی فلم کا حصہ بنائیں یا نہیں اور یہ سب میرے لئے تکلیف دہ ہے۔

     انہوں نے کہا کہ میں اب سارا دھیان اچھی فلموں میں اداکاری پر لگا رہی ہوں تاہم میرے پس منظر کی وجہ سے بعض اوقات امتیازی سلوک کیا جاتا ہے جو مجھے بہت پریشان کرتا ہے۔

  • سنی لیون ڈرامہ سیریل آہٹ کی نئی قسطوں میں جلوہ گر ہونگی

    سنی لیون ڈرامہ سیریل آہٹ کی نئی قسطوں میں جلوہ گر ہونگی

    ممبئی: بالی ووڈ کی دلکش اور پُرکشش اداکارہ  سنی لیون فلموں کے بعد اب مشہور ڈراونے ڈرامہ سیرل آہٹ میں جلوہ گر ہونگی۔

    سنی لیون جو کہ فلموں میں اپنی بے باک  اداکاری سے مشہور ہیں اب مشہور انڈین ہارر ڈرامہ ’آہٹ‘ میں  کردار نبھائیں گی۔

    سنی لیون کو اس ڈرامے کے لئے کئی مرتبہ آفر ہوئی لیکن انہوں نے اپنی فلمی مصروفیات کی باعث حامی نہیں بھری تاہم اب وہ ڈرامے میں اداکاری کے لئے راضی ہوگئی ہیں۔

    پروڈکشن ہاوس کے ذرائع کے مطابق یہ ڈرامہ ہر ہفتے پیر سے لیکر جمرات تک نشر ہوگا۔

    بالی ووڈ میں  فلم جسم 2  میں کامیابی پانے والی بےبی ڈول نے فلم راگنی ایم ایم ایس میں  بھی اپنے جوہر خوب دیکھائے۔ جبکہ فلم راگنی ایم ایم ایس کے گانے بے بی ڈول نے سنی لیون کی شہرت کو چار چاند لگادئیے ہیں۔

    واضح رہے کہ سنی لیون وہ پہلی بالی ووڈ اداکارہ ہیں جو کسی ہارر شو میں اداکاری کریں گی۔

  • سنی لیون اب سب کو حیران کر دیں گی

    سنی لیون اب سب کو حیران کر دیں گی

    کراچی: (ویب ڈیسک)بالی ووڈ کی بولڈ اداکارہ سنی لیون نے رام کپور کی نئی فلم سائن کرلی۔

    بالی ووڈ کی بولڈ اداکارہ سنی لیون نے مختلف کردار نبہانے کا فیصلہ کرلیا، سنی لیون نے رام کپور کی نئی فلم سائن کرلی جس کا نام ’کچھ کچھ لوچا‘ ہے ۔

    سنی لیون کا کہنا تھا کہ فلم مکمل طور پر فمیلی انٹرٹینمنٹ فلم ہے، انہوں نے کہا کہ وہ چاہتی ہیں کہ ہر عمر کے لوگ ان کی فلمیں دیکھیں جن میں بچے بھی شامل ہیں۔

    ان کاکہنا تھا کہ لوگ یہ بات نہیں سمجھتے کہ وہ جو کام کرتی رہی ہیں وہ ایک ملازمت کی طرح تھا۔ آپ کوئی بھی ملازمت کریں تو اس کے تقاضے پورے کرنے پڑتے ہیں اور وہ یہی کام اپنی ملازمت کے دوران کرتی رہیں۔ وہ کہتی ہیں کہ اب ان کا ماضی بہت پیچھے رہ گیا ہے اور اب نظر صرف مستقبل پر ہے اور لوگوں کو بھی یہ بات سمجھنی چاہیے کہ وہ اداکاری کی دنیا میں نمایاں مقام کے حصول کیلئے کوشاں ہیں اور انہیں مداحوں کے دعاﺅں اور تعاون کی ضرورت ہے

    انہوں نے مزید کہا کہ کہ کوئی ان سے پیار کرتا ہے تو کوئی ان پر اعتراض کرتا ہے، لیکن انہیں اس سے فرق نہیں پڑتا کیونکہ انٹرنیٹ پر ان کی تلاش سب ہی کرتے ہیں، چاہے وہ چاہنے والے ہوں یا نہ چاہنے والے ہوں۔