ARYNews.tv | Urdu – Har Lamha Bakhabar

Tag: سوات

  • سوات اور گردونواح میں زلزلے کے جھٹکے، شہری خوفزدہ

    سوات اور گردونواح میں زلزلے کے جھٹکے، شہری خوفزدہ

    سوات: صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے، جس کے بعد شہری خوف و ہراس کا شکار ہوکر کلمہ طیبہ کا ورد کرتے ہوئے گھروں سے باہر نکل آئے۔

    تفصیلات کے مطابق صوبہ خیبر پختونخواہ کے ضلع سوات کے مرکزی شہر مینگورہ اور گردونواح میں زلزلے کے جھٹکے محسوس کئے گئے ، ریکٹر سکیل پر ایک بار زلزلے کی شدت4.1 اور دوسری بار 4.7 ریکارڈ کی گئی۔

    زلزلہ پیمامرکز کا کہنا ہے کہ زلزلے کی زیر زمین گہرائی 180 کلومیٹراور دوسری بار 130 کلومیٹررہی، زلزلے کا مرکز پاک افغانستان تاجکستان بارڈرتھا۔

    زلزلے کے جھٹکے محسوس ہونے کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔

    یاد رہے گذشتہ ماہ 26 ستمبر کو بھی سوات سمیت مختلف علاقوں اس کے مضافات میں زلزلے کے جھٹکے محسوس کیے گئے تھے ، زلزلہ پیما مرکز کے مطابق زلزلے کی شدت 4.3 اور گہرائی 170 کلو میٹر تھی جبکہ زلزلے کا مرکز افغانستان تاجکستان بارڈر تھا۔

  • سوات اور گرد و نواح میں زلزلے کے جھٹکے

    سوات اور گرد و نواح میں زلزلے کے جھٹکے

    سوات: صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے جس کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔

    تفصیلات کے مطابق صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 4.3 ریکارڈ کی گئی۔

    زلزلہ پیما مرکز کا کہنا ہے کہ زلزلے کی گہرائی 143 کلو میٹر تھی اور مرکز کوہ ہندو کش کا پہاڑی علاقہ تھا۔

    زلزلے کے جھٹکے محسوس ہونے کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔

    اس سے قبل گزشتہ ماہ بھی سوات اور گرد و نواح میں زلزلے کے جھٹکے محسوس کیے گئے تھے، ریکٹر اسکیل پر زلزلے کی شدت 5.1 ریکارڈ کی گئی تھی۔

    زلزلہ پیما مرکز کے مطابق زلزلے کی گہرائی 151 کلو میٹر اور مرکز کوہ ہندو کش کا پہاڑی سلسلہ تھا۔

  • سوات: تعلیمی شعبے میں بڑی خوش خبری

    سوات: تعلیمی شعبے میں بڑی خوش خبری

    سوات: وزیر اعلیٰ کے پی محمود خان نے سوات یونیورسٹی آف انجینئرنگ اور پیڈز اسپتال کا سنگ بنیاد رکھ دیا۔

    تفصیلات کے مطابق سوات ایک بڑے تعلیمی منصوبے کا سنگ بنیاد رکھا گیا ہے، یہ منصوبہ 3 سال کے عرصے میں مکمل کیا جائے گا۔

    یونیورسٹی آف نجینئرنگ میں یکم جون 2023 تک کلاسز کا آغاز متوقع ہے، تاہم ابتدائی طور پر یونیورسٹی میں سول انجینئرنگ، ہائیڈرو پاور انجینئرنگ، بائیو میڈیکل انجینئرنگ، کمپیوٹر سسٹم انجینئرنگ کے شعبے قائم کیے جائیں گے۔

    یونیورسٹی میں کلائمٹ چینج سینٹر کے علاوہ انسٹیٹیوٹ آف مینوفیکچرنگ بھی قائم ہوگا، یہ یونیورسٹی مرکزی کیمپیس اور 3 سب کیمپیسز پر مشتمل ہوگی۔

    300 بستروں پر مشتمل پیڈز اسپتال کا منصوبہ جون 2024 میں مکمل ہوگا، پیڈز اسپتال مین بلڈنگ کے علاوہ ڈاکٹر، نرسنگ ہاسٹل و دیگر انفرااسٹرکچر پر مشتمل ہوگا۔

    اسپتال او پی ڈی، ریڈیالوجی، پیتھالجی، پیڈیاٹرک سرجری کے علاوہ امراض اطفال پر مشتمل ہوگا۔ دریں اثنا وزیر اعلیٰ کے پی نے ریسکیو 1122 اسٹیشن کبل کا بھی افتتاح کیا۔

    اس موقع پر ایک عوامی اجتماع سے خطاب میں وزیر اعلیٰ نے کہا 70 سال میں عمران خان نے پہلی بار سوات کو وزارتِ اعلیٰ کا عہدہ دیا، مینگورہ سٹی کے لیے پینے کے پانی کا 12 ارب روپے سے زائد کا منصوبہ منظور ہوگیا ہے، یہ منصوبہ اگلے 50 سال تک مینگورہ کے پینے کے پانی کی ضروریات پوری کرے گا۔

  • سوات اور گرد و نواح میں زلزلے کے جھٹکے

    سوات اور گرد و نواح میں زلزلے کے جھٹکے

    سوات: صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے جس کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔

    تفصیلات کے مطابق صوبہ خیبر پختونخواہ کے ضلع سوات اور گرد و نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 4.6 ریکارڈ کی گئی۔

    زلزلہ پیما مرکز کا کہنا ہے کہ زلزلے کی گہرائی 118 کلو میٹر تھی اور مرکز کوہ ہندو کش کا پہاڑی علاقہ تھا۔

    زلزلے کے جھٹکے محسوس ہونے کے بعد لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔

    اس سے قبل 7 اگست کو بھی سوات اور گرد و نواح میں زلزلے کے جھٹکے محسوس کیے گئے تھے، ریکٹر اسکیل پر زلزلے کی شدت 5.1 ریکارڈ کی گئی تھی۔

    زلزلہ پیما مرکز کے مطابق زلزلے کی گہرائی 151 کلو میٹر اور مرکز کوہ ہندو کش کا پہاڑی سلسلہ تھا۔

  • سوات ایئر پورٹ پر ٹیسٹ فلائٹ کے لیے جلد انتظامات کی ہدایت

    سوات ایئر پورٹ پر ٹیسٹ فلائٹ کے لیے جلد انتظامات کی ہدایت

    پشاور: سیاحت کے فروغ کے لیے اقدامات کے تحت برسوں سے بند پڑے سوات کے سیدو شریف ایئر پورٹ کو دوبارہ سے آپریشنل کرنے کی تیاریاں کی جا رہی ہیں۔

    اے آر وائی نیوز کے مطابق پی آئی اے کا سیدو شریف کے لیے فلائٹ آپریشن شروع کر نے کا فیصلہ کیا گیا ہے، ذرائع کا کہنا ہے کہ قومی ایئر لائن رواں ماہ کے آخری ہفتے میں سیدو شریف ایئر پورٹ پر اے ٹی آر طیارے کی ٹیسٹ فلائٹ کرے گی۔

    پی آئی اے کے شعبہ ٹریفک کے عملے کو تیاری کی ہدایت کر دی گئی ہے، جس میں کہا گیا ہے کہ ٹیسٹ فلائٹ کے لیے سیدو شریف ایئر پورٹ پر انتظامات کیے جائیں۔

    خیال رہے کہ سیدو شریف ایئر پورٹ طویل عرصے سے غیر فعال ہے، امن و امان کی صورت حال کے باعث اسے 2004 میں بند کیا گیا تھا، ایئر پورٹ پر ترقیاتی کام کیا جا رہا تھا جسے اب مکمل کر لیا گیا ہے۔

    سول ایوی ایشن اتھارٹی کا کہنا ہے کہ وفاقی حکومت کی جانب سے اجازت ملتے ہی سیدو شریف ایئر پورٹ کو طیاروں کی آمد و روانگی کے لیے کھول دیا جائے گا۔

    سی اے اے کے مطابق سیدو شریف ایئر پورٹ کا رن وے مکمل طور پر تیار ہو چکا ہے، آپریشن شروع کرنے کے لیے پی آئی اے کو ایک ہفتے کے نوٹس پر دیگر سہولیات بھی فراہم کر دی جائیں گی۔

    سی اے اے کا کہنا ہے کہ ایئر پورٹ پر ایئر بس 320 طیاروں کی لینڈنگ کے لیے منصوبہ بندی شروع ہو چکی ہے، اور اس پر کام جلد شروع کیا جائے گا۔

  • وزیر اعظم کے نام دریائے سوات سے متعلق تشویش بھرا خط

    وزیر اعظم کے نام دریائے سوات سے متعلق تشویش بھرا خط

    پشاور: خیبر پختون خوا سے تعلق رکھنے والے ایک رکن قومی اسمبلی نے دریائے سوات سے متعلق وزیر اعظم کو تشویش بھرا خط لکھ دیا ہے۔

    تفصیلات کے مطابق رکن قومی اسمبلی ڈاکٹر حیدر علی نے وزیر اعظم عمران خان کے نام خط لکھا ہے، جس میں دریائے سوات کی تباہی سے متعلق خدشے کا اظہار کیا گیا ہے۔

    ڈاکٹر حیدر نے خط میں کرش مافیا کے بارے میں لکھا ہے کہ دریائے سوات سے روزانہ بجری اٹھانے والے مافیا نے دریا کا حسن چھین لیا ہے، اگر اس سلسلے میں کوئی کارروائی نہ کی گئی تو صورت حال تشویش ناک ہو جائے گی۔

    خط میں کہا گیا ہے کہ دریائے سوات کرش مافیا کے ہاتھوں خاتمے کے دہانے پر پہنچ گیا ہے، بجری اٹھائے جانے کے سسب منی سویٹزرلینڈ کا حسن گہنا گیا۔

    خط میں دریائے سوات سے کرش مافیا کے خاتمے کے لیے اقدامات اٹھانے کا مطالبہ کیا گیا ہے، حیدر علی نے لکھا ’دو سال قبل دریائے سوات سیاحوں کے لیے جنت کا منظر پیش کرتا تھا، اب کرش مافیا نے سوات کا قدرتی حسن چھین لیا ہے۔‘

    خط کے متن کے مطابق 70 کلو میٹر دریائے سوات سے روزانہ کی بنیاد پر بجری اٹھائی جا رہی ہے۔ خط میں وزیر اعظم سے درخواست کی گئی ہے کہ دریائے سوات اور وادی کا حسن بچانے کے لیے ٹھوس حکمت عملی بنائی جائے۔

  • نواز شریف اپنا پیسہ بچانے کے لیے فوج کو بغاوت پر اکسا رہے ہیں: وزیر اعظم

    نواز شریف اپنا پیسہ بچانے کے لیے فوج کو بغاوت پر اکسا رہے ہیں: وزیر اعظم

    سوات: وزیر اعظم عمران خان نے کہا ہے کہ نواز شریف اپنا پیسہ بچانے کے لیے فوج کو آرمی چیف کے خلاف بغاوت پر اُکسا رہے ہیں، اس سے بڑا ملک دشمن کوئی نہیں۔

    سوات میں آج بڑے جلسے سے خطاب کرتے ہوئے وزیر اعظم نے کہا کہ نواز شریف فوج کو آرمی چیف کے خلاف بغاوت پر اکسا رہے ہیں، وہ لندن میں بیٹھ کر گیدڑوں کی طرح باتیں کر رہے ہیں۔

    انھوں نے کہا نواز شریف کی بیٹی عورت ہونے کا فائدہ اٹھا رہی ہے، فوج کے خلاف ایسے بیان دے رہی ہے اگر کسی اور ملک میں ہوتی تو جیل میں ہوتی، اسی خوف سے نواز شریف کے بیٹے یہاں نہیں آتے۔

    وزیر اعظم نے کہا نواز شریف یہاں تھے تو سب سمجھتے تھے بہت بیمار ہیں، لوگوں کو ان پر ترس آتا تھا، عورتیں رونا شروع کر دیتی تھیں، عدالتوں نے بھی رحم کھا کر جانے دیا۔

    وزیراعظم عمران خان نے حسن ابدال ریلوے اسٹیشن کا افتتاح کردیا

    انھوں نے کہا پاکستان میں اس وقت فیصلہ کن وقت ہے، 30 سال سے لوٹنے والے بڑے ڈاکوؤں کو کوئی نہیں پکڑ سکتا تھا، نوازشریف نے زرداری کو دو بار جیل ڈالا، زرداری نے نواز شریف کے خلاف مقدمات بنائے، آج دونوں اکٹھے ہو کر میرے خلاف بیان دے رہے ہیں۔

    وزیر اعظم نے کہا ہم پاکستان کو فلاحی ریاست اور قانون کی بالادستی کی طرف لے جا رہے ہیں، پورے پاکستان کے بڑے بڑے ڈاکو اکٹھے ہوگئے ہیں، میں نے سارے ڈاکوؤں کا نام لیا ہے صرف ڈیزل کا نام نہیں لیا، ڈاکو کہتے ہیں ہم قانون سے اوپر ہیں پیسہ واپس نہیں کریں گے۔

    وزیر اعظم نے کہا جس دن میں نے اپنی کرسی بچانے کے لیے ان ڈاکوؤں کو این آر او دیا اس دن میں ملک سے سب سے بڑی غداری کروں گا، مشرف نے شریف اور زرداری کو این آراو دے کر پاکستان کے ساتھ سب سے بڑا ظلم کیا، اس این آراو کی وجہ سے 10 سال میں قرضہ 30 ہزار ارب تک پہنچ گیا۔

    قبل ازیں، وزیر اعظم نے سوات میں شہریوں میں صحت سہولت کارڈ تقسیم کیے، وزیر اعظم نے شان دار استقبال پر مینگورہ کے غیور عوام کا شکریہ ادا کیا، انھوں نے کہا موٹر وے، ایکسپریس کی وجہ سے سوات بالکل بدلنے والا ہے، کے پی میں صحت سہولت کارڈ سے شہری 10 لاکھ تک علاج کرا سکے گا۔

  • وزیراعظم کل سوات میں جلسہ عام سے خطاب کریں گے، بڑے پیکیج کا اعلان متوقع

    وزیراعظم کل سوات میں جلسہ عام سے خطاب کریں گے، بڑے پیکیج کا اعلان متوقع

    سوات: وزیراعظم عمران خان کل سوات کے گراسی گراونڈ میں جلسے سے خطاب کریں گے، عمران خان کے دورے کے دوران سوات سمیت ملاکنڈ ڈویژن کیلیے بڑا پیکیج متوقع ہے۔

    تفصیلات کے مطابق مینگورہ میں وزیر اعظم عمران خان کے دورے کیلیے تیاریاں جاری ہے ، وزیراعظم کل گراسی گراونڈ میں جلسے سے خطاب کریں گے اور ملاکنڈ ڈویژن کیلیے صحت کارڈ کا بھی افتتاح کریں گے۔

    دورے کے دوران سوات سمیت ملاکنڈ ڈویژن کیلیے بڑا پیکیج متوقع ہے، جلسےسےوفاقی وزیرمرادسعید،وزیراعلیٰ محمودخان بھی خطاب کریں گے۔

    یاد رہے خیبرپختونخوا کے عوام کو ہیلتھ انشورنس کارڈ کی فراہمی پر وزیراعظم عمران خان نے کے پی حکومت کو ہیلتھ کارڈ کے اجرا پر مبارکباد دیتے ہوئے کہا تھا یہ پاکستان کوریاست مدینہ کی طرزپر فلاحی ریاست بنانےکی جانب بڑاقدم ہے۔

    دوسری جانب وفاقی وزیرمراد سعید نے اپنے پیغام میں کہا تھا شکریہ عمران خان، کےپی کےبڑے سرکاری اورنجی اسپتالوں میں مفت سہولتیں ملیں گی، صوبے کی سو فیصد آبادی کومفت اور بہترین علاج کی سہولت میسرہوگی، ہر شہری کو دس لاکھ روپےکی ہیلتھ انشورنس حاصل ہوگی۔

  • کرکٹ کے شائقین کے لیے بڑی خوش خبری

    کرکٹ کے شائقین کے لیے بڑی خوش خبری

    پشاور: خیبر پختون خوا کی وادی کالام میں کرکٹ اسٹیڈیم تعمیر ہوگا، جس میں 20 ہزار تماشائیوں کی گنجائش ہوگی۔

    تفصیلات کے مطابق وزیر اعلیٰ کے پی محمود خان نے وادئ کالام میں کرکٹ اسٹیڈیم کی تعمیر کی منظوری دے دی، کالام کرکٹ اسٹیڈیم کی تعمیر پر 60 کروڑ روپے سے زائد لاگت آئے گی۔

    صوبے کے محکمہ کھیل و سیاحت کا کہنا ہے کہ کالام اسٹیڈیم میں 20 ہزار تماشائیوں کے بیٹھنے کی گنجائش ہوگی، جب کہ اس کی تعمیر کی لاگت کا اندازہ 607 ملین روپے لگایا گیا ہے۔

    خیال رہے کہ خیبر پختون خوا میں پی ٹی آئی حکومت دیگر منصوبوں پر بھی تیزی سے کام کر رہی ہے، صوبے میں اسکولوں کی تعمیر اور بحالی پروگرام SCRP کے تحت صوبے میں 4.5 ارب کی لاگت سے 128 اسکولوں کی اپ گریڈیشن جاری ہے۔

    اس پروگرام کے تحت پہلے مرحلے میں 54 دوسرے میں 74 اسکولوں پر کام ہو رہا ہے، اس منصوبے پر 3.2 ارب روپے خرچ ہو چکے ہیں۔

    صوبے میں پن بجلی کے منصوبوں پر بھی تیزی سے کام جاری ہے، ان منصوبوں کی بر وقت تکمیل سے نہ صرف بجلی کے مسئلے پر قابو پانے میں مدد ملے گی بلکہ مقامی صنعتوں کو رعایتی نرخوں پر بجلی کی فراہمی سے معاشی سرگرمیوں میں خاطر خواہ اضافہ بھی ہوگا اور عوام کو زیادہ سے زیادہ روزگار کے مواقع میسر آئیں گے۔

  • سوات میں سیلاب کا خدشہ ، تمام ہوٹلوں کو بند کردیا گیا

    سوات میں سیلاب کا خدشہ ، تمام ہوٹلوں کو بند کردیا گیا

    سوات: دریائے سوات میں پانی کے بہاو میں اضافے سے سیلاب کے خدشے کے پیش نظر ڈویژن بھر میں ہائی الرٹ جاری کرتے ہوئے ہوٹلوں کو سیاحوں سے خالی کراکر بند کردیا گیا ہے۔

    تفصیلات کے مطابق سوات میں سیلاب کے خدشے کے پیش نظر تمام ہوٹلزبند کر دیے گئے جبکہ ملک بھر کے سیاحوں کو نکال دیا گیا اور واپس نہ آنے کی ہدایت کردی ہے۔

    رانیال کے مقام پرسوات بشام روڈ کا کچھ حصہ سیلابی پانی میں بہہ گیا، انتظامیہ نے دریا کے کنارے آباد یاں خالی کرنے کے احکامات جاری کردیئے ہیں۔

    خیبرپختونخوا میں تین روز سے جاری بارش نے تباہی مچادی ہے، سوات، بونیر اورمانسہرہ میں مختلف واقعات کے دوران اٹھارہ افراد جاں بحق ہوگئے ہیں۔

    بونیرمیں گھرپرپہاڑی تودہ گرنے سے پانچ افرادجاں بحق ہوگئے جبکہ شانگلہ اوربونیر رابطہ پل سیلاب کی نذرہوگیا۔

    خیبرپختونخوا میں شدید بارشوں سے ندیوں میں آنے والے سیلاب کی وجہ سے قراقرم ہائی وے شانگ اور دیگر مقامات سے بلاک ہوگئی تھی، بارشوں سے اباسین خطے میں بھی معمولات زندگی متاثر ہوئے اور علاقے میں 8 گھنٹے سے زائد وقت تک بجلی بحال نہ ہوسکی۔

    محکمہ موسمیات کے مطابق ملک کے بیشتر حصوں میں آج بھی گرج چمک کے ساتھ بارش ہو سکتی ہے۔ وسطی پنجاب، خیبر پختونخوا اور کشمیر میں گرج چمک کے ساتھ بارش ہو گی۔