Tag: سوریا کمار یادیو

بھارتی ٹی ٹوئنٹی کرکٹ ٹیم کے کپتان سوریا کمار یادیو میچ کے دوران اسٹمپ مائیک سے دور رہتے ہیں، اس کی انھوں نے دلچسپ وجہ بیان کی ہے۔

سوریہ کمار کے پیشرو روہت شرما میچ کے دوران اسٹمپ مائیک پر اپنے تبصروں کے لیے جانے جاتے ہیں، مداح ان کی اس حرکت سے لطف اندوز بھی ہوتے ہیں جبکہ ان کے کلپ سوشل میڈیا پر وائرل ہوتے بھی نظر آتے ہیں۔

ان کی سب سے مشہور اسٹمپ مائیک کلپ میں سے ایک یہ بھی ہے کہ وہ ساتھی پلیئر پر میچ کے دوران برس رہے تھے کہ ’گارڈن میں گھوم رہے ہو کیا‘، روہت میچ کے دوران سست فیلڈنگ پر یہ جملے کہتے نظر آئے تھے۔

سوریہ کمار سے حال ہی میں پوچھا گیا کہ کیا بھارتی کرکٹر اب بھی باغ میں گھومتے ہیں، اب جب کہ روہت ریٹائر ہو چکے ہیں، سوریا کمار نے مزاحیہ انداز میں کہا کہ وہ اپنے فیلڈرز پر گھومنے پھرنے پر پابندیاں نہیں لگاتے کیونکہ اب کوئی ایسا نہیں کرتا۔

سوریہ کمار نے یہ بھی بتایا کہ جتنا ہو سکتا ہے وہ میچ کے دوران اسٹمپ مائک سے دور رہنے کی کوشش کرتے ہیں، بھارتی ٹی ٹوئنٹی کپتان کے مطابق کسی کی خاصیت ان کے پاس ہی رہنی چاہیے۔

بھارتی جارح مزاج بیٹر نے کہا کہ میں اسٹمپس سے دور رہنے کی کوشش کرتا ہوں اگر یہ کسی کی خاصیت ہے، پھر یہ بہتر ہے کہ یہ صرف اس شخص کے ساتھ رہے۔

خیال رہے کہ روہت شرما میں چیزوں کو بھول جانے کا رجحان بہت زیادہ ہے اور وہ بات چیت کے لیے (یہ-وہ) الفاظ کا استعمال کرتے نظر آتے ہیں،

سوریہ کمار سے پوچھا گیا کہ کیا وہ روہت کے بات کرنے کے منفرد انداز سے واقف ہیں؟ ممبئی کے بلے باز نے مزاحیہ انداز میں جواب دیا کہ ہاں جب وہ ہم گھومتے رہتے ہیں گارڈن میں وہ سننے کو مل ہی جاتا ہے۔

ٹی ٹوئنٹی میں بھارتی ٹیم کی کپتانی ملنے کے بعد سوریا کمار نے ٹیسٹ اسپاٹ پر نظریں جمالیں، وہ اس فارمیٹ میں بھی ملک کی نمائندگی کے خواہشمند ہیں۔

گوتم گمبھیر کی جانب سے بھارتی کرکٹ ٹیم کے ہیڈ کوچ کا عہدہ سنبھالنے کے بعد ٹی ٹوئنٹی کپتان سوریا کمار یادیو نے امیدیں باندھ لی ہیں کہ وہ بھارت کی تمام فارمیٹس میں نمائندگی کرسکتے ہیں جبکہ قیادت ملنے کے بعد اپنی اہلیت ثابت کرتے ہوئے انھوں نے بھارت کو سری لنکا کے خلاف ٹی ٹوئنٹی سیریز میں 0-3 سے فتح دلائی تھی۔

بھارتی ذرائع ابلاغ سے بات کرتے ہوئے سوریا کمار نے طویل ترین فارمیٹ میں واپسی کے بارے میں کھل کر اظہار خیال کیا اور کہا کہ میں تینوں فارمیٹس میں ہندوستان کے لیے کھیلنا چاہتا ہوں۔

ٹی ٹوئنٹی کپتان 33 سالہ سوریا کمار یادیو نے کہا کہ بوچی بابو میں کھیلنے سے مجھے اس سیزن میں ریڈ بال ٹورنامنٹ کے لیے اچھی پریکٹس ملے گی۔

سوریاکمار یادیو جو کہ اپنی جارحانہ بیٹنگ کے لیے جانے جاتے ہیں وہ 2023 میں بھارت کی جانب سے واحد ٹیسٹ کھیل چکے ہیں۔

انھوں نے اپنا ٹیسٹ ڈیبیو آسٹریلیا کے خلاف ویداربھا کرکٹ ایسوسی ایشن اسٹیڈیم میں کیا تھا، مڈل آرڈر بلے باز نے آسٹریلیا کے خلاف 20 بالز پر 8 رنز اسکور کیے تھے، یہ میچ بھارت ایک اننگز اور 132 رنز کے بڑے مارجن سے جیت گیا تھا۔

خیال رہے کہ روہت شرما کی ٹی ٹوئنٹی سے ریٹائرمنٹ کے بعد ہاردک پانڈیا کپتانی کے مضبوط امیدوار تھے تاہم ٹی ٹوئنٹی کپتان کا قرعہ فال سوریا کمار کے نام نکلا تھا۔

سوریا کمار یادیو نے بھارتی ٹی ٹوئنٹی کرکٹ ٹیم کا کپتان بننے کے بعد اپنی پوسٹ میں لوگوں کی حمایت کا شکریہ ادا کرتے ہوئے اپنی بے یقینی کا بھی اظہار کیا تھا۔

چیف سیلکٹر اجیت اگرکار نے واضح کردیا ہے کہ بھارت کے ٹی ٹوئنٹی کپتان سوریا کمار یادیو کی ون ڈے سائیڈ میں جگہ نہیں بنتی ہے۔

سابق بھارتی پیسر اگرکار نے بھارت کی سری لنکا روانگی سے قبل پریس کانفرنس میں کہا کہ حقیقت یہی ہے کہ ون ڈے اسکواڈ کے لیے سوریا کمار کے نام پر کوئی بات نہیں کی گئی کیونکہ ٹیم مینجمنٹ مڈل آرڈر میں شریاس آئیر، کے ایل راہول اور رشبھ پنت سے مطمئن ہے۔

انھوں نے کہا کہ ہم نے اس وقت سوریا کی ون ڈے اسکواڈ میں شمولیت پر نہیں سوچا، شریاس اور کے ایل راہول واپس آگئے ہیں، انھوں نے ون ڈے ورلڈ کپ میں اچھی کارکردگی دکھائی تھی۔

اجیت اگرکار کا کہنا تھا کہ رشبھ پنت بھی اچھی فارم میں ہیں، اس لیے ہمارا مڈل آرڈر معیاری ہے لہذا اس وقت سوریا صرف ایک ٹی ٹوئنٹی کھلاڑی ہیں۔

خیال رہے کہ بھارت نے ہارک پانڈیا کو نظرانداز کرتے ہوئے جارح مزاج بیٹر سوریا کمار یادیو کو روہت شرما کی جگہ نیا ٹی ٹوئنٹی کپتان تعینات کیا ہے۔

سوریا کے ون ڈے اعداد و شمار ٹی ٹوئنٹی میچز کے بالکل برعکس ہیں، انھوں نے بھارت کے لیے 37 ون ڈے کھیلے ہیں جس میں 25.76 کی کم اوسط سے انھوں نے محض 773 رنز بنائے ہیں۔

فائنل میں جنوبی افریقی بیٹر ملر کا متنازع کیچ لے کر بھارت کی جیت پر مہر ثبت کرنے والے سوریا کمار یادیو نے آخر کار خاموشی توڑ دی۔

آئی سی سی ٹی ٹوئنٹی ورلڈکپ 2024 فائنل میں اپنے کیچ پر باتے کرتے ہوئے سوریا کمار یادیو نے اسے ’خدا کا منصوبہ‘ قرار دیا ہے، جارح مزاج بیٹر نے بھارت کی فتح میں اپنے کیچ کے کردار کو مسترد کرتے ہوئے کہا کہ وہ اس فتح میں اپنا کردار ادا کرنے پر شکر گزار ہیں۔

ممبئی سے تعلق رکھنے والے کرکٹر نے کہا کہ میں صرف اس لمحے میں اپنے ملک کے لیے کچھ خاص کرنے کے لیے شکر گزار ہوں یہ خدا کا منصوبہ تھا،

آخری اوور میں جنوبی افریقہ کو جیت کے لیے 16 رنز درکار تھے، ہاردک پانڈیا کی فل ٹاس بال کو ملر نے اسٹریٹ ہٹ ماری مگر وہ سوریا کمار کے ہاتھوں جکڑے گئے تھے۔

خیال رہے کہ جنوبی افریقہ کے سابق فاسٹ بولر شان پولاک نے بھی اپنے ایک ویڈیو بیان میں کہا کہ یہ کیچ ٹھیک تھا، باؤنڈری کا کشن ہلا ضرور تھا لیکن یہ کھیل کے دوران ہوا تھا اور اس سے سوریا کمار کا کوئی لینا دینا نہیں تھا۔

جنوبی افریقہ کے لیجنڈ کرکٹر شان پولاک کا کہنا تھا کہ سوریا کیچ پکڑنے کے دوران کشن پر کھڑا نہیں تھا، انھوں نے شاندار مہارت دکھائی تھی۔

آئی سی سی ٹی ٹوئنٹی ورلڈکپ میں سنسنی خیز مقابلے کے بعد بھارت نے جنوبی افریقہ کو شکست دے کر ٹرافی اپنے نام کی تھی، ہاردک پانڈیا کے آخری اوور کی پہلی بال پر سوریا کمار نے کیچ لے کر پروٹیز کی رہی سہی امید بھی ختم کردی تھی اور بھارت چیمپئن بن گیا تھا۔

جارح مزاج بیٹر سوریا کمار یادیو اور آل راؤنڈر ہاردک پانڈیا افغانستان کے خلاف آئندہ ہونے والی سیریز سے باہر ہوگئے۔

تفصیلات کے مطابق ٹخنے کی انجری کے سبب سوریہ کمار اور ہاردک افغانستان کے خلاف 11 جنوری سے شروع ہونے والی تین میچوں کی ٹی ٹوئنٹی سیریز کے لیے دستیاب نہیں ہوں گے۔

اسٹار آل راؤنڈر ہاردک نے روہت شرما کی غیر موجودگی میں متعدد ٹی ٹوئنٹی میچوں میں بھارتی کرکٹ ٹیم کی قیادت کی ہے۔ وہ اپنے ٹخنے کی چوٹ سے ابھی تک صحتیاب نہیں ہوئے ہیں۔

اس وقت 30 سالہ کرکٹر کا ری ہیب جاری ہے۔ امید ہے کہ انڈین پریمیئر لیگ کے آئندہ ایڈیشن کے دوران وہ میدان میں واپس آجائیں گے۔

اس کے علاوہ امکان ہے کہ سوریا کمار بھی ٹی ٹوئنٹی میگا ایونٹ کے دوران ٹیم میں واپس آئیں گے۔ جنوبی افریقہ کے خلاف سیریز کے دوران ان کے ٹخنے میں چوٹ لگی تھی۔

دوسری جانب ابھی تک واضح نہیں ہوسکا کہ روہت شرما اور ویرات کوہلی ٹی ٹوئنٹی ورلڈکپ کی سلیکشن کے لیے دستیاب ہوں گے یا نہیں۔

چیف سلیکٹر اجیت اگرکر حال ہی میں دونوں سینئرز کے ساتھ ملاقات کے لیے جنوبی افریقہ گئے تھے جس کے بعد امکان ہے کہ تجربہ کار بیٹرز مختصر ترین فارمیٹ میں بھارت کو دستیاب ہونگے۔

انگلینڈ کے سابق کپتان ناصر حسین نے بھارتی کرکٹر سوریا کمار یادیو کی ون ڈے کارکردگی پر سوالات اٹھاتے ہوئے انھیں حواس باختہ قرار دیا ہے۔

ناصر حسین کا کہنا تھا کہ بھارتی جارح مزاج بیٹر کو پتا ہی نہیں کہ ون ڈے کرکٹ میں کس طرح کھیلنا ہے۔ شاید وہ اس معاملے میں حواس باختہ ہیں۔ انھیں فرسودہ 360 سے تشبیح دی جاسکتی ہے۔

انھوں نے کہا کہ میرے خیال میں وہ تھوڑے سے پاگل ہیں کیونکہ پچاس اوورز کی کرکٹ میں وہ یہ بات بالکل نہیں جانتے کہ کس طرح کھیلنا ہے، کب رک کر کھیلنا ہے۔

ناصر حسین نے کہا کہ تاہم وہ ٹی ٹوئنٹی کرکٹ میں مختلف ہیں وہ ہر میچ میں یہ بات جانتے ہیں کہ انھیں کس طرح کھیلنا ہے۔ انھیں ٹی ٹوئنٹی میں کھلیتا دیکھا کافی پرلطف ہوتا ہے۔

سابق انگلش کرکٹر نے کہا کہ سوریا کمار یادیو آئنڈہ 2024 ٹی ٹوئنٹی ورلڈکپ میں ان پلیئرز میں سے ایک ہونگے جن پر سب کی نگاہیں مرکوز ہونگی۔

واضح رہے کہ بھارتی سلیکٹرز کی جانب سے سوریا کمار کو آئی سی سی ورلڈکپ کے لیے ٹیم کا حصہ بنایا گیا تھا مگر وہ ون ڈے میچز میں اپنی بیٹنگ کا تاثر چھوڑنے میں ناکام رہے تھے اور ان کی پرفارمنس کافی بدتر تھی۔

تاہم ون ڈے ورلڈکپ کے فوراً بعد آسٹریلیا کے خلاف ٹی ٹوئنٹی سیریز میں وہ پھر سے اپنی فارم میں لوٹ آئے تھے۔ ایک میچ میں انھوں نے کینگروز کےخلاف 80 جارحانہ رنز بنائے تھے جبکہ جنوبی افریقہ کے خلاف تو شاندار سنچری بھی اسکور کی تھی۔