آئی سی سی ٹی ٹوئنٹی ورلڈکپ کے سُپر 12 مرحلے کے 23ویں میچ میں بھارت نے نیدرلینڈز کو 56 رنز سے شکست دے دی۔
بھارت نے مقررہ 20 اوورز میں 2 وکٹوں کے نقصان پر 179 رنز بنائے، ویرات کوہلی 62 اور سوریا کمار یادیو نے 25 گیندوں پر 51 رنز کی ناقابل شکست اننگز کھیلی۔
کپتان روہت شرما 53 اور کے ایل راہول 9 رنز بناکر آؤٹ ہوئے۔
نیدرلینڈز کی ٹیم 180 رنز کے تعاقب میں 9 وکٹوں کے نقصان پر 123 رنز بناسکی۔
میچ کے بعد جب سوریا کمار یادو کو ایوارڈ دینے کے لیے بلایا گیا تو اس وقت دلچسپ صورتحال پیدا ہوگئی جب وہ بے ساختہ کہہ اٹھے ’لاؤ بھیا دو۔‘
ویڈیو میں دیکھا جاسکتا ہے کہ ’سوریا کمار یادو ایوارڈ وصول کرتے ہوئے کہہ رہے ہیں کہ ’لاؤ بھیا دو۔‘
Laao Bhaiya Dedo 😂 pic.twitter.com/cywlsu8Xp2
— Vaishnavi Iyer (@Vaishnaviiyer14) October 27, 2022
سوریا کمار یادو کا کہنا تھا کہ ہمارا منصوبہ تھا کہ ایک اوور میں 8 سے 10 رنز بنانے ہیں اور ایک بڑا ٹوٹل اسکور بورڈ پر سجانا ہے۔
انہوں نے کہا کہ ویرات کوہلی کے ساتھ بیٹنگ کرتے ہوئے لطف اندوز ہورہا ہوں جب ہم دونوں بیٹنگ کررہے ہوتے ہیں تو ہمارے خیالات واضح ہوتے ہیں اگر مجھے کچھ باؤنڈری مل جاتی ہے تو پھر ہم شراکت داری کو مزید بڑھانے کی کوشش کرتے ہیں آج بھی ایسا ہی کیا۔
واضح رہے کہ گروپ ٹو میں پوائنٹس ٹیبل پر بھارت کی ٹیم 4 پوائنٹس کے ساتھ سرفہرست ہے۔
