Tag: سوشانت سنگھ

بالی وڈ کے معروف اداکار سوشانت سنگھ راجپوت کی موت کے 3 سال بعد بھارتی اداکارہ اور وی جے ریا چکربورتی نے جیل میں گزارے وقت سے متعلق لب کھول دیے۔

ایم ٹی وی کے ریئلٹی شو روڈیز میں بطور جج شریک اداکارہ اور وی جے ریا چکربورتی سے ان کے جیل کے تجربات پر گفتگو کی گئی۔

 یاد رہے کہ جب سشانت کی موت ہوئی تو اداکارہ اور سوشانت اس وقت ڈیٹنگ پر تھے، جس کے بعد ستمبر 2020 میں ریا چکربورتی کو نارکوٹکس کنٹرول بیورو نے گرفتار کیا اور وہ 28 دن زیرحراست رہیں۔

اب لگ بھگ سوا تین برس بعد حال میں منعقدہ ایک تقریب کے دوران ریا نے جیل میں گزارے دنوں پر بات چیت کی اور انکشاف کیا کہ جیل میں گزرے دن انتہائی مایوس کن تھے اور میری زندگی جہنم بن گئی تھی۔

سشانت سنگھ کیس میں ریا چکرورتی پر فرد جرم عائد

ریا چکربورتی کا کہنا تھا کہ جب آپ کو معاشرے سے الگ کر کے قید خانے ڈال دیا جائے کیونکہ ایسا سمجھا جاتا ہے کہ آپ معاشرے کے لیے ان فٹ ہیں، تو پھر آپ خود یا آپ کی شخصیت یا وہ چیزیں جو آپ نے تخلیق کی ہوتی ہیں وہ مکمل طور پر ٹوٹ جاتی ہیں۔

اداکارہ نے مزید کہا کہ میں ایک انڈر ٹرائل قیدی کی حیثیت سے جیل میں رہی، جس کا مطلب ہے ایسا قیدی سزا یافتہ نہیں ہوتا، میری طرح اس جیل میں کئی خواتین تھیں جوکہ قیدی معصوم تھیں، اسلیے کہ وہ مجرم ثابت نہیں ہوئی تھیں۔

ریا نے کہا کہ ان خواتین کو دیکھنے اور ان سے ملکر ایک منفرد تجربہ حاصل کیا، ان میں ایک قسم کی محبت اور دوبارہ ابھرنے کا جذبہ موجود تھا۔

31 سالہ ریا کے مطابق وہ قیدی عورتیں چھوٹی چھوٹی چیزوں میں خوشیاں تلاش کرلیتی تھیں اور انہیں جب بھی خوشیاں ملتیں وہ اسے چھوڑتی نہیں، انہیں معلوم تھا کہ ایک لمحے کو بھی کس طرح انجوائے کیا جاتا ہے اور یہ وہ خوش اور مطمئن لوگ تھے جن سے میں ملی۔

بھارتی اداکار منوج باچپائی نے آنجہانی اداکار سوشانت سنگھ اور بالی وڈ سے متعلق تہلکہ خیز انکشاف کردیا۔

بھارتی میڈیا کے مطابق ایک انٹر ویو میں اداکار منوج باچپائی نے سوشانت سنگھ کے بارے میں بات کرتے ہوئے کہا کہ ’سوشانت سنگھ فلم انڈسٹری کی سیاست کو برداشت نہیں کرسکا۔

ان کا کہنا تھا کہ سوشانت کی موت نے مجھے ذاتی طور پر متاثر کیا تھا، ہم 2019 میں ایک فلم کے کام کررہے تھے اسی دروان ہمارے درمیان ایک مضبوط رشتہ قائم ہوا تھا۔

منوچ باچپائی کا کہنا تھا کہ کام کے دوران مجھے سوشانت نے بالی وڈ انڈسٹری میں آنے والی چیلنجز  کے بارے میں کھل کر بات کی تھی، لیکن مجھے یہ نہیں پتا تھا کہ وہ اس طرح انتہائی اہم قدم اٹھائے گا۔

سشانت سنگھ راجپوت واپس آگیا! سب حیران

اداکار نے بتایا کہ سوشانت نے مجھے بتایا تھا کہ بالی وڈ اندسٹری میں ہونے والی سیاست اور جانبداری انہیں کس طرح متاثر کررہی ہے، منوج باچپائی کا کہنا تھا کہ جب آپ کامیابی کی سیڑھی چڑھتے ہیں تو سیاست مزید گندا ہوجاتا ہے۔

منوچ باچپائی نے کہا کہ یہ ساری چیزیں سوشانت کو بہت زیادہ متاثر کررہی تھیں اس وجہ سے وہ بہت زیادہ فکر مند تھا اس لیے مجھ سے ان چیزوں کے بارے میں بات کی۔

منوج باچپائی نے بتایا کہ سوشانت سنگھ اسٹار بننا چاہتے تھے، لیکن وہ یہ نہیں جان سکے کہ سسٹم کیسے کام کرتا ہے، اگر وہ صرف سوشانت سنگھ رہ کر کام کرتے تو انہیں کسی قسم کے سیاست کا سامنا نہیں کرنا پڑتا لیکن وہ اسٹار بننا چاہتے تھے۔

اداکار کا مزید کہنا تھا کہ بالی وڈ انڈسٹری میں اسٹار بننے کے لیے بہت سی چیزوں کا سخت مقابلہ کرنا پڑتا ہے، جو بھی اسٹار بننے کے لیے میدان میں آتا ہے وہ اسٹار بننے کی پوزیشن حاصل کرنے کی پوری کوشش کرتا ہے۔

انہوں نے آنجہانی سوشانت سنگھ کے بارے میں مزید کہا کہ وہ ایک پاکیزہ روح تھا اور اندر سے بچہ تھا وہ اس انڈسٹری کی ہیرا پھیری کو سمجھ نہیں سکا، اسے سمجھنے کی اس کو ضرورت تھی۔