معروف پاکستانی گلوکار علی ظفر کا گانا جھوم گو کہ کئی سال پہلے ریلیز کیا گیا تھا لیکن وہ اب ایک بار پھر سے مشہور ہورہا ہے۔
عالمی شہرت یافتہ سوشل میڈیا اسٹار کلی پال بھی علی ظفر کے گانے پر جھوم اٹھے۔
تنزانیہ سے تعلق رکھنے والے سوشل میڈیا اسٹار کلی پال اور ان کی بہن نے اس مرتبہ پاکستان کے معروف گلوکار علی ظفر کے مشہور گانے جھوم کا انتخاب کیا اور اس پر لپسنگ ویڈیو بنائی۔
کولمبیا: ایک سوشل میڈیا اسٹار نے مذاق کو بھی ایک تکلیف دہ عمل بنا دیا، بے گھر اور بوڑھے افراد کو صابن والی قلفی کھلانے کے بعد نہ صرف اسے معافی مانگنی پڑ گئی بلکہ اسے مجرمانہ چارجز کا بھی سامنا کرنا پڑ گیا۔
تفصیلات کے مطابق کولمبیا میں ملٹن ڈومنگوز نامی ایک سوشل میڈیا انفلوئنسر کو مشہور ہونے کے لیے ایک ایسا آئیڈیا سوجھا جو دوسروں کے لیے تکلف دہ ثابت ہوا، اس نے بے گھر افراد اور بوڑھوں کو چاکلیٹ میں ڈوبے ہوئے صابن بارز دھوکے سے کھلا دیے، اور اس کی ویڈیو بھی بنا کر سوشل میڈیا پر شیئر کر دی۔
اپنے اس بے مزا مذاق پر بعد میں اسے پچھتاوا بھی ہوا، اور اسے سوشل میڈیا پر باقاعدہ معافی بھی مانگنی پڑی، جمعرات کو اس نے اقرار کیا کہ لوگوں نے اس پر اچھا رد عمل نہیں دیا، میں خود اپنی حرکت کو اب غلط سمجھ رہا ہوں، ایک مذاق اور لوگوں کے لیے نقصان دہ عمل کے درمیان باریک فرق ہے۔
ملٹن ڈومینگوز
ویڈیو میں دیکھا جا سکتا ہے کہ ملٹن ڈومینگوز، جو سوشل میڈیا حلقوں میں جے ٹومی کے نام سے جانا جاتا ہے، ایک اسٹور سے صابن بارز خریدتا ہے، پھر اسے گھر لا کر چاکلیٹ کے ساتھ کچن میں رکھتا ہے۔ دو منٹ کی کلپ میں یوٹیوبر اور انسٹاگرامر ڈومینگوز کے تکلیف دہ مذاق کے ہر مرحلے کا پتا چلتا ہے۔
کچن میں صابن والی چاکلیٹ قلفیاں تیار کر کے ڈومینگوز ایک اور خاتون کے ساتھ باہر نکلتا ہے اور لوگوں کو دھوکا دے کر کہتا ہے کہ وہ اپنی کمپنی کی نئی چاکلیٹ قلفی فروخت کر رہے ہیں، ایک بوڑھے شخص نے مزے سے قلفی کھائی لیکن جلد ہی اسے احساس ہو گیا کہ وہ صابن کھا رہا ہے، اس نے کہا تم نے مجھے صابن کھلا دیا ہے، اس پر ڈومینگوز ہنسنے لگتا ہے۔
ایک لڑکے نے صابن والی قلفی کھائی تو کہا کہ اس کا ذائقہ تو صابن جیسا ہے، اور اس پر سب ہنسنے لگے۔
تاہم ڈومینگوز نے جب یہ ویڈیو سوشل میڈیا پر شیئر کی تو اسے شدید تنقید کا سامنا کرنا پڑا، جس پر اس نے سب سے معافی مانگی۔ لیکن دوسری طرف کارٹجینا میٹروپولیٹن پولیس بریگیڈ کے جنرل ہنری نے کہا ہے کہ ڈومینگوز اور دو دیگر افراد کو جنھوں نے مذاق میں حصہ لیا، مجرمانہ الزامات کا سامنا کرنا پڑ سکتا ہے۔ ان میں سے ڈلن نامی شخص کو 324 ڈالرز جرمانہ بھی کیا جا چکا ہے۔
کراچی: کراچی کنگز اور ملتان سلطانز کے درمیان ہونے والا گزشتہ روز کا میچ ننھے سوشل میڈیا اسٹار احمد شاہ نے بھی بہت انجوائے کیا، ان کے جشن منانے کی ویڈیو سوشل میڈیا پر وائرل ہوگئی۔
تفصیلات کے مطابق سوشل میڈیا کے ننھے اسٹار احمد شاہ نے کراچی کنگز اور ملتان سلطانز کا میچ خوب انجوائے کیا اور جب میچ سپر اوور میں چلا گیا تو انہوں نے خوب جشن منایا۔
ان کے جشن منانے کی ویڈیو سوشل میڈیا پر وائرل ہوگئی اور مداحوں نے اسے بے حد پسند کیا۔
خیال رہے کہ گزشتہ روز پاکستان سپر لیگ 5 کے پلے آف مرحلے میں کراچی کنگز نے ملتان سلطانز کو سپر اوور میں 4 رنز سے شکست دے دی۔
میچ میں فتح کے بعد کراچی کنگز نے فائنل کے کوالیفائی کرلیا۔
کراچی کنگز نے ملتان سلطانز کی جانب سے دیا جانے والا 142 رنز کا ہدف برابر کردیا تھا جس کے بعد میچ کا فیصلہ سپر اوور میں ہوا۔
سپر اوور میں کراچی کنگز نے 14 رنز کا ہدف دیا جس کے تعاقب میں ملتان سلطانز کی ٹیم 9 رنز بنا سکی۔
ریاض: سوشل میڈیا سے مشہور ہونے والے سعودی شہری ابوسین جنہیں گزشتہ سال غیر اخلاقی ویڈیو چیٹ کے باعث گرفتار کیا گیا تھا، اُن کی نئی ویڈیو سامنے آئی ہے جس میں وہ اُسی امریکی خاتون کرسٹینا سے ویڈیو چیٹ کررہے ہیں۔
ابوسین کی نئی ویڈیو سماجی رابطے کی ویب سائٹ یوٹیوب پر 28 دسمبر کو اپ لوڈ کی گئی جسے اب تک لاکھوں لوگ دیکھ چکے ہیں، اس ویڈیو میں ابوسین ایک بار پھر اُسی امریکی خاتون کے ساتھ چیٹ کرتے نظر آرہے ہیں جس کے چکر میں وہ حوالات کا مزہ چک چکے ہیں۔
اس ویڈیو میں ابوسین نے اپنی گرفتاری کی وجوہات بتائیں اور امریکی خاتون کرسٹینا کو مشورہ دیا کہ وہ چیٹ کے وقت سر پر دوپٹہ اڑ لے تاکہ اُسے کوئی گرفتار نہ کرسکے، سعودی نوجوان نے کہا کہ ’’آپ سر پر حجاب لے لیں گی تو مجھے کوئی گرفتار نہیں کرے گا اور نہ ہی یہ غیر اخلاقی چیٹ ہوگی‘‘۔
ویڈیو دیکھنے کےلیے اسکرول نیچے کریں
یاد رہے ابوسین کو سعودی حکام نے شہریوں کی جانب سے شکایات موصول ہونے کے بعد گرفتار کرتے ہوئے مؤقف اختیار کیا تھا کہ ’’اس قسم کی غیر اخلاقی ویڈیوز قوانین کی خلاف ورزی ہے اور اس پر سزا بھی ہوسکتی ہے‘‘۔
بعد ازاں سعودی حکام نے ابوسین کو رہا کیا تاہم اس دوران امریکی خاتون نے ابوسین کی کسی بھی قسم کی مدد کرنے سے صاف انکار کرتے ہوئے مؤقف اختیار کیا تھا کہ وہ ویڈیو چیٹ کرتی ہیں اور ابوسین کی گرفتاری پر وہ کوئی مدد یا تعاون نہیں کرسکتیں۔
