نئی دہلی : پاکستان سے شکست کے بعد بھارت سچ چھپانے کیلئے اوچھے ہتھکنڈوں پر اتر آیا، بھارتی حکومت نے چین کی سرکاری نیوز ایجنسی اور اخبارگلوبل ٹائمز کے سوشل میڈیا اکاؤنٹس بند کردیئے۔
تفصیلات کے مطابق بھارت ابھی تک پاکستان کی منہ توڑ جوابی کارروائی کے اثر سے باہر نہ آسکا، پہلے پاکستانی میڈیا اور سیاسی رہنماؤں کےاکاؤنٹس بند کیے اور اب ترکی اور چینی میڈیاکو بھی نشانہ بنادیا۔
نام نہاد جہموریت کے سب سے بڑے علمبردار ہونے کے دعویدار ہندو انتہا پسند ملک نے سچ دکھانے پر غیر ملکی خبر رساں اداروں کے سوشل میڈیا اکاؤنٹس بھی بند کرنا شروع کر دیے۔
بھارتی حکومت نے ترک نشریاتی ادارے کا سوشل میڈیا اکاؤنٹ بھارت میں بند کر دیا جبکہ بھارتی عوام بھی ترک مصنوعات کا بائیکاٹ کر رہے ہیں، بھارتی میڈیا کا دعویٰ ہے کہ انڈین عوام ترکیے کو سیاحتی مقام کے طور پر بھی نظر انداز کر رہے ہیں۔
بھارت میں دو چینی میڈیا اداروں کے سوشل میڈیا اکاؤنٹس بھی بند کر دیے گئے ہیں، چین کے سرکاری انگریزی اخبار گلوبل ٹائمز اور چین کی سرکاری نیوز ایجنسی شین ہوا کے سوشل میڈیا اکاؤنٹس بند کیے گئے ہیں، بھارت کا کہنا ہے کہ گلوبل ٹائمز نیوزغلط معلومات پھیلا رہا ہے
واضح رہے متعدد خبر رساں اداروں سمیت چین اور ترکیے نے آپریشن سندور میں بھارتی افواج کو پاکستانی فورسز کے ہاتھوں نقصان پہنچنے سے متعلق رپورٹس چلائیں، جس پر بھارتی سفارتخانے نے گلوبل ٹائمز کو ٹیگ کرتے ہوئے یہ بھی لکھا کہ برائے مہربابی خبریں چلانے سے پہلے ان کی تصدیق کر لیا کریں۔
