ARYNews.tv | Urdu – Har Lamha Bakhabar

Tag: سوشل میڈیا پر وائرل

  • حارث رؤف کا وکٹ لینے کے بعد انوکھا انداز سوشل میڈیا پر وائرل

    حارث رؤف کا وکٹ لینے کے بعد انوکھا انداز سوشل میڈیا پر وائرل

    پاکستان قومی کرکٹ ٹیم کے فاست بالر حارث رؤف کا ’اورا فارمنگ‘ ڈانس سوشل میڈیا پر مقبول ہوگیا۔

    سماجی رابطے کی ویب سائٹ ایکس پر حارث رؤف کی منفرد ویڈیو خوب وائرل ہو رہی ہے۔

    پاکستان اور ویسٹ انڈیز کے فلوریڈا میں گزشتہ روز ہونے والے تیسرے فیصلہ کُن ٹی ٹوئنٹی میچ میں جیول اینڈریو کی وکٹ لینے کے بعد فاسٹ بولر نے غیر متوقع طور پر انوکھے انداز میں جشن منایا، جو سوشل میڈیا صارفین کو بھا گیا۔

    فاسٹ بولر نے ایک کیچ ڈراپ کے سبب آؤٹ ہونے سے بچ جانے والے ویسٹ انڈیز کے بلے باز جیول اینڈریو کو 15 گیندوں پر 24 رنز اسکور کرنے کے بعد پویلین کی راہ دکھادی۔

    حارث نے جیول اینڈریو کی وکٹ پر سوشل میڈیا ٹرینڈ ’اورا فارمنگ‘ ڈانس اسٹیپس کرکے جشن منایا، جو فوری طور پر سوشل میڈیا پلیٹ فارمز پر وائرل ہوگیا۔

    واضح رہے کہ پاکستان نے تیسرے ٹی ٹوئنٹی میچ میں ویسٹ انڈیز کو شکست دے کر سیریز اپنے نام کر لی، امریکی ریاست فلوریڈا کے شہر لاؤڈر ہل میں کھیلے گئے میچ میں 190 رنز کے ہدف کے جواب میں ویسٹ انڈیز کی ٹیم 6 وکٹوں کے نقصان پر 176 رنز بنا سکی اور یوں پاکستان نے میچ 13 رنز سے جیت لیا۔

    ہر سیریز ورلڈکپ کو مد نظر رکھ کر کھیل رہے ہیں، سلمان علی آغا

    پاکستان کی جانب سے حسن علی، حارث رؤف، صائم ایوب، سفیان مقیم اور محمد نواز نے ایک ایک وکٹ حاصل کی، قومی ٹیم نے صائم ایوب اور صاحبزادہ فرحان کی شاندار نصف سنچریوں کی بدولت مقررہ 20 اوورز میں 4 وکٹوں کے نقصان پر 189 رنز اسکور کیے۔

    صاحبزادہ فرحان 74 اور صائم ایوب 66 رنز بنا کر نمایاں رہے جبکہ حسن نواز 15 اور محمد حارث 2 رنز بناکر آؤٹ ہوئے۔ خوشدل شاہ 11 اور فہیم اشرف 10 رنز کے ساتھ ناقابل شکست رہے۔

  • ’لگژری کار اور گول گپے‘ عائزہ خان کی تصاویر سوشل میڈیا پر وائرل

    ’لگژری کار اور گول گپے‘ عائزہ خان کی تصاویر سوشل میڈیا پر وائرل

    پاکستان شوبز انڈسٹری کی معروف اداکارہ عائزہ خان کی تصاویر سوشل میڈیا پر وائرل ہوگئیں۔

    فوٹو اور ویڈیو شیئرنگ ایپ انسٹاگرام پر اداکارہ عائزہ خان نے تصاویر شیئر کیں جس میں انہیں لگژی رنگ برنگے لباس میں خصوصی فوٹو شوٹ کرواتے دیکھا جاسکتا ہے۔

    ان تصاویر میں عائزہ خان گول گپوں اور گولے گنڈے کے مزوں سے لطف اندوز ہوتی نظر آرہی ہیں جبکہ دیگر تصاویر میں وہ مختلف جگہوں پر پوز دیتی بھی دکھیں۔

    عائزہ خان نے پوسٹ کے کیپشن میں لکھا کہ ‘چاند رات پر اپنے بہن بھائی کے ساتھ لمبی لانگ ڈرائیو، گول گپے اور گولے گنڈے سے لطف اندوز ہوتے ہوئے، یہ ایسی راتیں ہیں جو کبھی بھلائی نہیں جاسکتی ہیں’۔

     

    View this post on Instagram

     

    A post shared by Ayeza Khan (@ayezakhan.ak)

    اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

    اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں، اس سے قبل عائزہ نے تصاویر شیئر کی تھیں جو وائرل ہوگئی تھیں۔

    واضح رہے کہ عائزہ ایک شاندار اور باصلاحیت پاکستانی اداکارہ ہے جس کے سوشل میڈیا پر 14.6 ملین فالوورز ہیں، ان کے قابل ذکر ڈرامے میرے پاس تم ہو اور محبت تم سے نفرت ہے دیگر ہیں۔

  • ’باربی ڈول‘ ہانیہ عامر کی تصاویر سوشل میڈیا پر وائرل

    ’باربی ڈول‘ ہانیہ عامر کی تصاویر سوشل میڈیا پر وائرل

    پاکستان شوبز انڈسٹری کی ڈمپل گرل ہانیہ عامر کی مقبولیت نہ صرف پاکستان بلکہ پڑوسی ملک بھارت میں بھی خوب ہے۔

    فوٹو اینڈ شیئرنگ ایپ انسٹاگرام پر ڈرامہ سیریل کبھی میں کبھی تم کی اداکارہ ہانیہ عامر اپنی چند نئی تصاویر شیئر کی ہے جس میں انہیں باربی ڈول اسٹائل میں دیکھا جاسکتا ہے۔

    ہانیہ عامر کی اس پوسٹ کو لاکھوں صارفین کی جانب پسند کیا جارہا ہے اور انڈسٹری کی دیگر خوبصورت اداکارائیں بھی اداکارہ کے حُسن کی تعریف کرنے پر مجبور نظر آ رہی ہیں۔

    ہانیہ عامر کی خوبصورتی کی تعریف کرنے والی اداکاراؤں میں معروف اداکارہ ماہرہ خان، حرا خان، مایا علی، منال خان، انوشے اشرف اور نادیہ حسین بھی شامل ہیں۔

    ہانیہ عامر سوشل میڈیا پر اکثر پوسٹ شیئر کرتی رہتی ہیں جسے ان کے مداح بھی پسند کرتے ہیں، انہوں نے اس سے قبل بھی پوسٹ شیئر کی تھی جو وائرل ہوگئی تھی۔

    واضح رہے کہ ہانیہ عامر کا شمار اُن پاکستانی اداکاراؤں میں ہوتا ہے جن کے ڈرامے سرحد پار بھارت میں بھی بڑے ہی شوق سے دیکھے جاتے ہیں، اداکارہ کے نئے ڈرامہ سیریل ’کبھی میں کبھی تُم‘ کو بڑی مقبولیت حاصل ہے۔

  • عظمیٰ بخاری کی ایڈیٹڈ تصاویر سوشل میڈیا پر وائرل کرنے کیخلاف درخواست دائر

    عظمیٰ بخاری کی ایڈیٹڈ تصاویر سوشل میڈیا پر وائرل کرنے کیخلاف درخواست دائر

    لاہور : وزیرِ اطلاعات پنجاب عظمیٰ بخاری کی ایڈیٹڈ تصاویر سوشل میڈیا پر وائرل کرنے کیخلاف درخواست دائر کردی گئی۔

    تفصیلات کے مطابق لاہور ہائی کورٹ میں وزیرِ اطلاعات پنجاب عظمیٰ بخاری کی ایڈیٹڈ تصاویر سوشل میڈیاپروائرل کرنے کیخلاف درخواست دائر کردی گئی۔

    وزیرِ اطلاعات پنجاب نے پی ٹی آئی کی فلک جاوید خان کیخلاف درخواست دائر کی ، جس میں کہا کہ پی ٹی آئی سوشل میڈیا ایکٹوسٹ فلک جاوید نے تصاویر ایڈٹ کرکے وائرل کیں ، پیکا ایکٹ کے تحت فلک جاوید ودیگر کیخلاف کارروائی کیلئےایف آئی اے کودرخواست دی۔

    درخواست میں کہا کہ ایف آئی اے نے فلک جاوید خان سمیت دیگر کیخلاف کارروائی نہیں کی ، درخواست گزار کی سوشل میڈیا پر کردار کشی کی گئی،بنیادی حقوق پامال ہوئے۔

    وزیرِ اطلاعات پنجاب نے استدعا کی عدالت ایف آئی اے کو فلک جاوید خان سمیت دیگر کیخلاف کارروائی کا حکم دے۔

    بعدازاں لاہور ہائی کورٹ نے وزیرِ اطلاعات پنجاب کی ایڈیٹڈ تصاویر سوشل میڈیا پروائرل کرنےکیخلاف درخواست میں ترامیم کی ہدایت کر دی۔

    چیف جسٹس نے کہا کہ آپ ملزم کانام ای سی ایل میں ڈالنے کیلئےمتعلقہ حکام کو درخواست دیں ،جب تک آپ تفتیش میں شامل نہیں ہونگی تفتیش کیسے ہو سکتی ہے، آپ وہاں جا کر درخواست دیں ،یہ عدالت کا کام نہیں کہ آپ کے معاملےکی نگرانی کریں۔

    عدالت کی ڈائریکٹر ایف آئی اے کو درخواست لینے کی ہدایت کردی۔

  • ’رمشا خان، کبریٰ خان اور نازش جہانگیر کو اداکاری نہیں آتی‘

    ’رمشا خان، کبریٰ خان اور نازش جہانگیر کو اداکاری نہیں آتی‘

    پاکستان کے معروف اداکار اظفر علی نے اداکارہ رمشا خان، کبریٰ خان اور  نازش جہانگیر کی اداکاری سے متعلق اپنی رائے کا اظہار کیا ہے۔

    پاکستان کے معروف اداکار اظفر علی اور مانی کی ایک ویڈیو کلپ سوشل میڈیا پر وائرل ہورہی ہے جس میں انہیں نجی ٹی وی شو میں دیکھا جاسکتا ہے جہاں میزبان نے ان سے مختلف سوالات کیے۔

    میزبان نے سوال پوچھا کہ اداکارہ رمشا خان، کبریٰ خان اور نازش جہانگیر میں سے کس کو اداکاری نہیں آتی جس کا جواب دیتے ہوئے اظفر علی نے کہا کہ تینوں کو اداکاری نہیں آتی۔

    اظفر علی نے کہا کہ تینوں کو ایکٹنگ کرنا آسکتی ہے اگر یہ تھیٹر وغیرہ کر لیں یا کچھ ایسا کریں جس سے ایکٹنگ کی تھوڑی ٹریننگ ہو جائے، جب بھی ہم ان کا کام دیکھتے ہیں تو کہتے ہیں یہ جملے پھینک رہی ہے انہیں معلوم نہیں جملے کو کہاں کیسے بولنا ہے۔

     

    View this post on Instagram

     

    A post shared by Galaxy Lollywood (@galaxylollywood)

  • مشی خان کی 21 سال پرانی تصاویر سوشل میڈیا پر وائرل

    مشی خان کی 21 سال پرانی تصاویر سوشل میڈیا پر وائرل

    پاکستان کی معروف و سینیئر اداکارہ مشی خان نے اپنی 21 سال پُرانی تصاویر سوشل میڈیا پر شیئر کردی۔

    فوٹو اینڈ شیئرنگ ایپ انسٹاگرام پر پاکستان کی ماضی کی اداکارہ مشی خان نے اپنی چند تصاویر شیئر کی ہے جس میں وہ خوبصورت نظر آرہی ہیں۔

    مشی خان نے بتایا شیئر کرتے ہوئے کیپشن میں بتایا کہ یہ تصاویر سال 2003 کی ہیں جب وہ فرانس کے شہر پیرس گئی تھیں، تصاویر میں اداکارہ کو فرانس کے مشہور سیاحتی مقامات پر سیر و تفریح کرتے دیکھا جاسکتا ہے۔

     

    View this post on Instagram

     

    A post shared by Mishi Khan MK (@mishikhanofficial2)

    خیال رہے کہ اداکارہ مشی خان بے شمار ڈراموں اور فلموں میں اپنی اداکاری کے جوہر دکھاتی نظر آئی ہیں، ان کے لازوال ڈراموں میں بوٹا فرام ٹوبہ ٹیک سنگھ، ننھی، ابھی نہیں تو کبھی نہیں وغیرہ شامل ہیں۔

     

    View this post on Instagram

     

    A post shared by Mishi Khan MK (@mishikhanofficial2)

    لیکن اب مشی خان سوشل میڈیا پر بے حد متحرک رہتی ہیں، اور اکثر ان موضوعات پر بات کرتی ہیں جو معاشرے میں انہیں خرابی کا باعث محسوس ہو رہے ہوتے ہیں۔

  • چیئرمین میٹرک بورڈ سوشل میڈیا پر وائرل ہونے والے پرچے پر انوکھی منطق لے آئے

    چیئرمین میٹرک بورڈ سوشل میڈیا پر وائرل ہونے والے پرچے پر انوکھی منطق لے آئے

    کراچی : چیئرمین میٹرک بورڈ شرف علی شاہ سوشل میڈیا پر وائرل ہونے والے پرچے پر انوکھی منطق لے آئے۔

    تفصیلات کے مطابق ثانوی تعلیمی بورڈ کراچی کے تحت نویں اور دسویں جماعت کے امتحانات کا آغاز ہوگیا۔

    چیئرمین میٹرک بورڈ شرف علی شاہ کا امتحانی مراکز کا دورہ کیا، اس موقع گفتگو کرتے ہوئے کہا 50 منٹ قبل پرچے سینٹر میں پہنچاتے ہیں، قریب والے سینٹر میں 20 منٹ قبل پرچے بھیجتے ہیں۔

    شرف علی شاہ کا کہنا تھا کہ پرچہ امتحانی مرکز سے وائرل ہوتا ہے تو ہماری زمہ داری نہیں ہے، دفعہ 144 نافذ کی ،عملدرآمد کرانا حکومت کی ذمہ داری ہے۔

    انھوں نے مزید کہا ہے کہ پیپرلیک کرنے والے ایجنٹ کیخلاف سخت کارروائی کی جائےگی۔

    خیال رہے کراچی میٹرک بورڈ کے تحت سالانہ امتحانات میں انتظامیہ نقل مافیا کو لگام دینے میں ناکام ہے۔

    آج نویں جماعت کا کمپیوٹراسٹڈیز کا پرچہ سوشل میڈیا پر وائرل ہوگیا تھا، امتحان شروع ہونے کے کچھ ہی دیر بعد واٹس ایپ گروپس میں کمپیوٹراسٹڈیز کا پرچہ آوٹ ہوا۔

    اس حوالے سے چیئرمین  بورڈ کا کہنا تھا کہ سوشل میڈیا پرپرچہ آنا آؤٹ ہونےکےزمرےمیں نہیں آتا۔

  • کراچی میں میٹرک کے امتحانات، پہلا پرچہ سوشل میڈیا پر وائرل

    کراچی میں میٹرک کے امتحانات، پہلا پرچہ سوشل میڈیا پر وائرل

    کراچی: میٹرک بورڈ کے امتحانات میں پہلا پرچہ سوشل میڈیا پر وائرل ہوگیا، چیئرمین میٹرک بورڈ کا کہنا ہے کہ سوشل میڈیا پرپرچہ آنا آؤٹ ہونےکےزمرےمیں نہیں آتا۔

    تفصیلات کے مطابق کراچی میٹرک بورڈ کے تحت آج سے سالانہ امتحانات کا آغاز ہوگیا تاہم میٹرک انتظامیہ نقل مافیا کو لگام دینے میں ناکام ہے۔

    آج نویں جماعت کا کمپیوٹراسٹڈیز کا پرچہ لیا جارہا ہے ، امتحانات کے دوران کراچی میں دفعہ ایک سوچوالیس بھی کام نہ آئی اور پہلاپرچہ سوشل میڈیا پر وائرل ہوگیا۔

    امتحان شروع ہونے کے کچھ ہی دیر بعد واٹس ایپ گروپس میں کمپیوٹراسٹڈیز کا پرچہ آوٹ ہوا، اس حوالے سے چیئرمین میٹرک بورڈ کا کہنا ہے کہ سوشل میڈیا پرپرچہ آنا آؤٹ ہونےکےزمرےمیں نہیں آتا۔

    دوسری جانب اندرون سندھ کے مختلف اضلاع میں میٹرک امتحانات کے دوران پرچہ قبل از وقت آؤٹ ہونے اور کھلے عام نقل جاری رہی جب کہ انتظامیہ خاموش تماشائی بنی ہے۔

    طلبہ وطالبات نے بلا خوف وخطر نقل کی جس کے لیے موبائل فون کا بھی آزادانہ استعمال کیا جارہا ہے۔

    معمول کی طرح میٹرک امتحانات میں آج کا پرچہ بھی وقت سےقبل آؤٹ ہوگیا، پرچہ آدھے گھنٹےقبل ہی سوشل میڈیا پرآؤٹ ہوا۔

    شہید بےنظیر آباد بورڈ کےتحت میٹرک کابائیولوجی کاپرچہ لیاجارہا ہے تاہم بورڈ انتظامیہ بوٹی مافیا کے سامنے بے بس ہے۔

  • عاصم اظہر کا بھارتی گانے پر رقص، ویڈیو سوشل میڈیا پر وائرل

    عاصم اظہر کا بھارتی گانے پر رقص، ویڈیو سوشل میڈیا پر وائرل

    پاکستان کے معروف گلوکار عاصم اظہر کی بھارتی گانے چھیاں چھیاں پر رقص کرنے کی ویڈیو سوشل میڈیا پر خوب وائرل ہورہی ہے۔

    پاکستان کے معروف گلوکار عاصم اظہر کی منگیتر میرب علی کے بھائی رامس علی کی شادی کی تقریبات کی ویڈیوز اور تصاویر وائرل ہوگئیں، جن میں گلوکار سمیت دیگر اداکاروں کو بھی مختلف گانوں پر ڈانس کرتے دیکھا گیا۔

    سوشل میڈیا پر وائرل ہونے والی ویڈیو میں عاصم اظہر کو شادی کی ایک تقریب میں بالی ووڈ کے کنگ خان کی فلم دل سے کے گانے چھیاں چھیاں پر رقص کرتے دیکھا جاسکتا ہے۔

    عاصم اظہر سے قبل اداکار ثمر جعفری کی بھی اسی تقریب میں ڈانس کرنے کی ویڈیو وائرل ہوئی تھی،جس میں وہ دوست کے ساتھ ابرارالحق کے گانے نچ پنجابن نچ پر ڈانس کرتے دکھائی دیے۔

    اسی تقریب میں عاصم اظہر کی گلوکاری کرنے کی ویڈیوز بھی وائرل ہوئیں جب کہ ثمر جعفری کی جانب سے بھی سر بکھیرنے کی ویڈیوز وائرل ہوئی تھیں۔

  • کراچی : سوشل میڈیا پر وائرل ہونے والی ویڈیو نے دلہا کو حوالات پہنچا دیا

    کراچی : سوشل میڈیا پر وائرل ہونے والی ویڈیو نے دلہا کو حوالات پہنچا دیا

    کراچی : باراتیوں کی ہوائی فائرنگ کی سزا دلہا کو مل گئی، پولیس نے شادی کی صبح دولہا کو ناشتے سے پہلے ہی حوالات کی سیر کرادی ۔

    تفصیلات کے مطابق کراچی کے علاقے لیاقت آباد میں گزشتہ روز اکبر کی بارات جارہی تھی اور وہ دولہا بنا گاڑی میں بیٹھا تھا کہ باراتیوں میں سے کسی نے ہوائی فائرنگ شروع کردی۔

    فائرنگ اتنی شدید تھی کہ علاقہ گولیوں کی تڑتڑاہٹ سے گونج اٹھا، اس دوران کسی نے واقعے کی ویڈیو بنا کر سوشل میڈیا پر اپ لوڈ کردی، جو دیکھتے ہی دیکھتے وائرل ہوگئی اور اس کی بھنک لیاقت پولیس کو پڑگئی۔

    پولیس حسب روایت رات کو فائرنگ کے وقت تو نہ پہنچ سکی البتہ ویڈیو وائرل ہونے کے بعد ایکشن لیتے ہوئے صبح صبح دلہا اکبر کے گھر پہنچ گئی اور فائرنگ کے الزام میں ناشتہ کیے بغیر ہی دلہا کو حوالات میں بند کردیا۔

    اس حوالے سے ملزم دلہا اکبر کا کہنا ہے کہ میں تو دلہا بنا ہوا تھا۔ مجھے نہیں معلوم کہ فائرنگ کرنے والے کون تھے، اگر معلوم ہوتا تو پولیس کو ضرور بتا دیتا، ایس ایس پی سینٹرل عارف راؤ کا کہنا ہے کہ دلہا بااثر شخصیت کا بھتیجا ہے۔ ہوائی فائرنگ کی فوٹیج سوشل میڈیا پر وائرل ہونے پر کارروائی کی گئی۔