Tag: سوشل میڈیا

اسلام آباد : سوشل میڈیا پر ریاستی اداروں کیخلاف نفرت انگیز مہم پر 5 ملزمان کیخلاف مقدمات درج کرلیے گئے۔

تفصیلات کے مطابق نیشنل سائبر کرائم انویسٹی گیشن ایجنسی نے کارروائی کرتے ہوئے ریاستی اداروں کیخلاف نفرت انگیز مہم پر 5 ملزمان کیخلاف مقدمات درج کرلئے گئے۔

مقدمے میں عادل راجہ، معید پیرزادہ، محمدعمر، نذیر بٹ اور احمد نورانی کو نامزد کیا ہے۔

مقدمے میں کہا گیا ہے کہ ملزمان سوشل میڈیا پر ریاستی اداروں کیخلاف گمراہ کن پروپیگنڈے میں ملوث ہیں، ملزمان نے پاک بھارت کشیدگی کے دوران جھوٹا اور اشتعال انگیز مواد شیئر کیا۔

این سی سی آئی اے کا کہنا تھا کہ ملزمان مسلسل سوشل میڈیا پر گمراہ کن مواد کی تشہیر میں ملوث رہے، تشہیری مواد نفرت انگیزی اور عوام میں خوف و ہراس پھیلانے کا باعث ہے۔

این سی سی آئی اے نے مزید کہا کہ ملزمان نےانتشار، بے چینی، ریاست کیخلاف بداعتمادی کی کوشش کی، قانون کے مطابق ملزمان کیخلاف قانونی کارروائی کا آغاز کر دیا ہے۔

بھارت کی گیدڑ بھپکیوں پرپاکستانیوں نے سوشل میڈیا پر میمز کی بھرمار کر دی، طنزیہ ویڈیوز اور دلچسپ تبصروں کا سیلاب آگیا۔

تفصیلات کے مطابق پہل گام حملےکے بعد بھارت کی پاکستان مخالف مہم کو جہاں حکومتی سطح پر سنجیدگی سے دیکھا جا رہا ہے، وہیں پاکستانی عوام نے ان اقدامات کو بالکل سنجیدہ نہ لیتے ہوئے سوشل میڈیا پر طنزیہ اور مزاحیہ میمز کی بھرمار کر دی۔

سوشل میڈیا پلیٹ فارمز جیسے کہ ایکس، فیس بک پر بھارت کے جھوٹے دعوؤں اور اقدامات کو لے کر میمز، طنزیہ ویڈیوز اور دلچسپ تبصروں کا سیلاب آگیا۔

فیس بک پر ذیشان نامی ایک صارف نے لکھا کہ’ اتنی گرمی میں لوگ ولیمہ نہیں رکھتے، بھارت نے جنگ رکھ لی ہے۔’

دوسرے صارف نے کہا ‘جو 50 ایکڑ زمین میرے دادا جی بھارت میں چھوڑ آئے تھے اب اسے واپس لینے کا وقت آگیا ہے۔’

ایک اور صارف نے افسوس کا اظہار کرتے ہوئے لکھا کہ ‘ ہماری شادی کی عمر قریب آنے لگی تو جنگ کا چکر چل گیا۔’

ایک صارف نے کہا "بھارت پانی کھول دو مجھے فریج میں پانی کی بوتلیں بھر کر رکھنی ہیں۔’

ایک صارف نے لکھا ۔۔ بھارت کو پیغام دیا کہ ‘جنگ کرنی ہو تو 9 بجے سے پہلے کرلینا ، سوا 9 بجے گیس چلی جاتی ہے۔’

ایک صارف نے ابھی نندن کی تصویر پر لکھا۔۔ ‘بھارت پانی کھول دو۔۔۔ چائے بنانی ہے۔’

پہلگام فالس فلیگ آپریشن کے بعد سوشل میڈیا پر پاکستانی عوام کی جانب بھرپور جواب پر بھارتی میڈیا بھی تعریف کرنے پر مجبور ہوگیا۔

تفصیلات کے مطابق پہلگام فالس فلیگ آپریشن کے بعد پاکستانی عوام نے بھارتی میڈیا کے پروپیگنڈے پر بھرپور جواب دیا۔

ذرائع نے بتایا کہ بھارتی میڈیا نے پاکستانی عوام کےجواب کوحسب روایت ڈیجیٹل وارفیئرقرار دےدیا، ،بھارتی چینل نے اعتراف کیا پاکستانی عوام، ڈیجیٹل میڈیاپرپہلگام حملےکےبعدحاوی نظر آئی۔

بھارتی چینل کا کہنا تھا کہ پاکستانی صارفین نے مشترکہ طور پر بھارتی حکومت اور بھارتی فوج کیخلاف پوسٹس شیئر کیں، سوشل میڈیا پوسٹوں میں پہلگام حملے کو فالس فلیگ آپریشن قرار دینے کی کوششیں شامل تھیں۔

بھارتی چینل نے یہ بھی اعتراف کیا مختلف ہیش ٹیگس نےتیزی سے مقبولیت حاصل کی، مہم پاکستانی عوام کی شدت اوربھارت مخالف پروپیگنڈے کےمقصد کو ظاہر کرتی ہے۔

بھارتی چینل کے مطابق ایک اورویڈیو میں مودی کوپاکستانی پولیس کےہاتھوں گرفتار دکھایا گیا، پاکستانی سوشل میڈیا پر مہم اتنی طاقتور تھی کہ45ہزارسے زیادہ پوسٹوں نے مودی کو نشانہ بنایا۔

بھارتی چینل نے مزید کہا کہ پاکستانی سوشل میڈیاصارفین نےمربوط حکمت عملی سےپیغام اورہیش ٹیگ کووسیع پیمانے پر پھیلایا۔

لاہور : سوشل میڈیا پر سیاسی اور سرکاری شخصیات کی جعلی ویڈیوز اپلوڈ والوں کیخلاف پیکا ایکٹ کے تحت 23 مقدمات درج کرلئے گئے۔

تفصیلات کے مطابق سوشل میڈیا پر سیاسی اور سرکاری شخصیات کی جعلی ویڈیوز اپلوڈ کرنے والوں پر کریک ڈاؤن جاری ہے۔

ڈی آئی جی انویسٹی گیشن نے کہا کہ 24 گھنٹے میں پیکاایکٹ کےتحت23مقدمات درج کئے گئے ہیں ، قابل اعتراض اور نازیبا تشہیر میں ملوث افراد رعایت کے مستحق نہیں۔

ان کا کہنا تھا کہ اداروں کی تضحیک کرنیوالےعناصرکوسخت سزا دلائی جائے گی، ان عناصر کا مقصد انتشار ،اداروں کیخلاف منافرت پھیلانا ہے۔

ڈی ایس پی سائبر کرائم نے کہا ہے کہ شواہد کے تحت مضبوط چالان بنا کر ملزمان کو کیفر کردار تک پہنچایا جائے گا۔

لاہور : سوشل میڈیا پر پولیس یونیفارم کی تضحیک کرنے پر ٹک ٹاکر کاشف ضمیر سمیت پولیس اہلکار کے خلاف مقدمات درج کرلئے گئے۔

تفصیلات کے مطابق لاہور میں سوشل میڈیا پر پولیس یونیفارم کی تضحیک کرنے کے معاملے پولیس نے ٹک ٹاکر کاشف ضمیر سمیت پولیس اہلکار کے خلاف مقدمات درج کرلئے۔

پولیس کا کہنا تھا کہ مقدمات میں پیکا ایکٹ سمیت دیگر سنگین دفعات شامل کی گئیں ہیں۔

ایف آئی آر کے متن میں کہا کہ ٹک ٹاکر کاشف ضمیر نے سوشل میڈیا پر پولیس وردی کا تمسخر اڑایا، کاشف ضمیر نے شادی کی تقریب میں پولیس اہلکار کو نوٹوں سے بھری تھال تھمائی۔

مقدمے میں کہا گیا کہ ٹک ٹاکر کاشف ضمیر پولیس اہلکار کے ہاتھ میں پکڑی تھال سے نوٹ نچھاور کرتا رہا، ملزم کے اس فعل سے محکمہ پولیس کی عزت اور وقار مجروح ہوا۔

ایف آئی آر کے مطابق ملزم نے کارروائی سے بچنے کیلئے آرٹیفیشل انٹیلی جنس کی مدد سے دوسری ویڈیو بنائی، جعلی ویڈیو میں اے آئی کے ذریعے پولیس اہلکار کے کپڑوں کا رنگ تبدیل کیا گیا۔

پولیس حکام نے بتایا بدنامی کا باعث بننے والے پولیس اہلکار کو حراست میں لے لیا گیا، ملزم کاشف ضمیر کی گرفتاری کے لیے چھاپے جاری ہیں۔