کرک: سوشل میڈیا پر پرچے لیک کرنے والے گروہ کے خلاف کارروائی کرتے ہوئے پولیس نے اس کے ایک رکن کو گرفتار کرلیا۔
تفصیلات کے مطابق سٹی پولیس نے فوری کارروائی کرتے ہوئے پرچے لیک کرنے والے گروہ کے مرکزی ملزم کو پکڑ لیا ہے، ایس ایچ اوسٹی نے بتایا کہ ملزم ارمان اللہ عابد سوشل میڈیا پر پرچے لیک کرتا تھا۔
پاکستانی ڈراموں کی معروف اداکارہ صحیفہ جبار نے اپنی اور فیملی کی تصاویر سوشل میڈیا پر نہ لگانے کے حوالے سے اظہار خیال کیا ہے۔
صحیفہ نے نجی ٹی وی کے شو میں مہمان کی حیثیت سے شرکت کی جہاں میزبان اشنا شاہ نے ان سے سوال کیا کہ آپ نے کبھی اپنے شوہر کی اور اپنی تصاویر سوشل میڈیا پر نہیں لگائی تو اس کی کیا وجہ ہے، اس کے جواب میں اداکارہ صحیفہ جبار بتایا کہ ہماری شادی ایک وائرل شادی تھی۔
انھوں نے بتایا کہ شادی پر ہوا یہ کہ انڈسٹری کے تین چار دوستوں کو آنا تھا، پھر یہ ان تین چار سے آٹھ لوگوں کو پتا چلا، جب انڈسٹری کے لوگ آئے تو باقی فیملی کے لیے یہ ایک خوشی اور حیرت کی بات تھی۔
صحیفہ جبار نے کہا کہ اس وجہ سے شادی کی پکچرز وائرل ہوتے ہوتے وہ کافی بڑا ہوتا چلا گیا، اس کے بعد مجھے کئی شوز پر بلایا گیا، مگر میرے میاں نے صاف منع کردیا۔
اداکارہ کا کہنا تھا کہ میں بھی اسی سوچ کی حامل تھی کہ کہیں پر جاکر اپنے شوہر کو بٹھا کر رکھوں، جو کرتے ہیں یہ ان کےلیے اچھا ہوتا ہوگا، مگر ہم اس طرح کے نہیں تھے۔
صحیفہ جبار نے بتایا کہ شروع میں ہم پھر بھی تصاویر لگالیتے تھے لیکن پھر وقت کے ساتھ مجھے پتا چلا اور مجھے ان چیزوں سے بہت ڈر لگتا ہے کہ اللہ نہ کرے کہ اگر زندگی میں کل کو کچھ غلط ہوتا ہے تو وہ جو تصاویر نکلتی ہیں اور پرانی پکچرز آتی ہیں نئی پکچرز آتی ہیں۔
یہ ساری تصاویر جڑتی ہیں اور ہیڈ لائن بنتی ہیں تو میں نہیں چاہتی ہوں کہ کسی بھی طرح کا ٹراما کسی بھی فیملی کو گزارنا پڑے جبکہ نظر بھی اس کی ایک بہت بڑی وجہ تھی کہ تصویر نہیں لگاتی۔
اسلام آباد: جے آئی ٹی ذرائع نے کہا ہے کہ سوشل میڈیا پر منفی پروپیگنڈے کے حوالے سے پی ٹی آئی کے ملوث ہونے کے شواہد مل گئے ہیں۔
ذرائع جے آئی ٹی کے مطابق پی ٹی آئی افراد سے دوران تفتیش جے آئی ٹی نے اشتعال انگیز مواد اکٹھا کیا ہے، یہ مواد پی ٹی آئی قیادت کی ریاست مخالف سرگرمیوں اور پروپیگنڈے کا ثبوت ہے۔
جے آئی ٹی ذرائع نے بتایا کہ ریاست مخالف سرگرمیوں میں پی ٹی آئی قیادت کے قریبی رشتے دار بھی ملوث پائے گئے ہیں، ثبوت سامنے آنے کے بعد جے آئی ٹی نے مجرموں کے خلاف قانونی اور انتظامی کارروائیوں کی سفارش کی ہے، مفرور اور غیر حاضر افراد کے خلاف بھی سخت کارروائی کی سفارش کی گئی ہے۔
ذرائع کے مطابق پی ٹی آئی سینٹرل میڈیا ڈویژن، سوشل میڈیا ٹیم کی کارروائیاں رضاکار فورس کے ذریعے نہیں کی گئیں، یہ ریاست مخالف پروپیگنڈا اندرون ملک اور آف شور اکاؤنٹس کے ہینڈلرز کے ذریعے کیا گیا، پروپیگنڈا مہم کی مالی اعانت غیر ملکی لابیز اور پی ٹی آئی قیادت کے ذریعے کی جا رہی ہے، غیر ملکی لابیز پی ٹی آئی قیادت کے ساتھ مل کر پروپیگنڈا مہم کنٹرول بھی کر رہی ہیں۔
جے آئی ٹی، پی ٹی آئی کے افراد سے سوشل میڈیا پر منفی پروپیگنڈے پر تحقیقات کر رہی ہے، واضح رہے کہ جے آئی ٹی الیکٹرانک جرائم کے ایکٹ 2016 کے تحت تشکیل دی گئی تھی، اور اس کی سربراہی اسلام آباد پولیس کے آئی جی کر رہے ہیں۔
معروف پاکستانی اداکار اور میزبان دانش تیمور نے اپنے 4 شادیوں سے متعلق بیان پر معافی مانگ لی۔
دانش تیمور حال ہی میں اپنی رمضان ٹرانسمیشن کے دوران دیے گئے ایک بیان کی وجہ سے شدید تنقید کی زد میں ہیں، نجی ٹی وی پر نشر ہونے والے اس شو میں دانش تیمور نے 4 شادیوں سے متعلق بات کی تھی۔
دانش تیمور نے دوران گفتگو کہا تھا کہ مجھے 4 شادیوں کی اجازت خدا کی طرف سے ہے، میں کر نہیں رہا ’فی الحال‘ یہ اور بات ہے، ان کے اس بیان میں ’فی الحال‘ کے لفظ نے تنازع کو جنم دیا کیونکہ کئی سوشل میڈیا صارفین اور مداحوں نے اسے اس طرح لیا کہ گویا وہ مستقبل میں مزید شادیاں کرنے کا ارادہ رکھتے ہیں۔
یہ ویڈیو سوشل میڈیا پر وائرل ہونے کے بعد دانش تیمور پر شدید تنقید کی گئی جس پر انہوں وضاحت بھی دی لیکن اب انہوں نے اپنے بیان پر معذرت کی اور اپنی بات کو مزید واضح کیا۔
ویڈیو میں دانش تیمور نے کہا کہ مجھے معلوم ہے کہ آپ سب مجھ سے ناراض ہیں، کچھ لوگ یہ سمجھ رہے ہیں کہ میں نے اپنی بیوی عائزہ خان کی بے عزتی کی ہے، لیکن ایسا بالکل بھی نہیں ہے۔
اداکار کا کہنا تھا کہ میں اپنی بیوی سے بے حد محبت کرتا ہوں، میں عام طور پر ’فی الحال‘ کا لفظ بہت زیادہ استعمال کرتا ہوں اور اس کا مطلب یہی ہوتا ہے کہ میں اس وقت کسی چیز کے بارے میں نہیں سوچ رہا، میں ہمیشہ حال میں جیتا ہوں اور مستقبل کے بارے میں زیادہ بات نہیں کرتا، کیونکہ ایک دن ہم سب نے مر جانا ہے۔
دانش نے کہا کہ میں مانتا ہوں کہ میں نے غلطی سے یہ لفظ مولانا صاحب کے ساتھ گفتگو کے دوران استعمال کیا، لیکن اگر آپ سب کو میری اس بات سے تکلیف پہنچی ہے تو میں دل کی گہرائیوں سے معذرت خواہ ہوں۔
سوشل میڈیا کے غلط استعمال کے سبب کچھ پاکستانیوں کو یورپ سے ملک بدر کیا جارہا ہے، معاملہ ہے کیا؟ اور اس کے پیچھے کیا محرکات ہیں؟
اس حوالے سے اردو نیوز کے نامہ نگار بشیر چوہدری کی رپورٹ کے مطابق عبدالرشید نامی ایک پاکستانی نوجوان اپنے دوست کے ساتھ ایک کیفے میں بیٹھا ہوا تھا کہ اس دوران ایک اور دوست کی جانب سے موبائل فون پر ایک لنک آیا۔
عبدالرشید نے ابھی اس لنک پر کلک ہی کیا تھا کہ فوراً ہی اس کی فیس بک آئی ڈی لاگ آؤٹ ہوگئی، اس واقعے کے ایک ہفتے بعد اس نے جیسے ہی اپنی آئی ڈی لاگ ان کی تو دس منٹ بعد پولیس آئی اور اسے گرفتار کرلیا۔
رپورٹ کے مطابق اسے پہلے تو سمھ ہی نہیں آیا کہ اس کے ساتھ ہوا کیا ہے لیکن تھانے جا کر علم ہوا کہ جس لنک پر اس نے کلک کیا تھا وہ مواد ملکی قوانین کے مطابق غیر قانونی اور اسے کھولنا سنگین جرم تھا۔
بعد ازاں عدالت میں پیشی کے موقع پر ملزم عبدالرشید نے جج کے سامنے اپنی مکمل لاعلمی کا اظہار کرتے ہوئے اپنا مؤقف پیش کیا تاہم عدالت نے پولیس کو مزید تفتیش کا کہہ کر اسے جیل روانہ کردیا اور دو ماہ کی مکمل تفتیش کے بعد پولیس نے عدالت میں مؤقف اختیار کیا کہ اگرچہ ملزم نے غلطی سے ہی سہی لیکن ایک غیر قانونی فعل انجام دیا ہے جسے اس کی سزا ملنی چاہیے۔
عدالت نے پولیس کا مؤقف تسلیم کرتے ہوئے قید یا جرمانہ کی سزا دینے کی بجائے اس کا ویزہ منسوخ کرتے ہوئے وطن واپس بھیجنے کا حکم دے دیا۔
رپورٹ کے مطابق اسپین، اٹلی، جرمنی، پرتگال سمیت دیگر یورپی ممالک میں بھی سوشل میڈیا استعمال کرنے والے پاکستانی اپنی کم علمی کے باعث جیل جا رہے ہیں۔
لوگ جانتے ہی نہیں کہ سوشل میڈیا پر وہ جو کچھ لکھ رہے یا پوسٹ کر رہے ہیں وہ پاکستان میں تو غیرقانونی نہیں لیکن یورپ میں غیر قانونی ہے۔
اٹلی اور اسپین کی پولیس نے گزشتہ دو سال کے دوران 30 پاکستانی شہریوں کو گرفتار کرکے ڈی پورٹ کیا ہے جن میں 14 کو پہلی بار اور پانچ کو دوسری بار ڈی پورٹ کیا گیا۔
مذکورہ افراد پر الزام تھا کہ وہ دہشت گردی میں ملوث ہیں، لیکن حقیقت یہ ہے کہ یہ لوگ سوشل میڈیا پر پاکستان میں اپنی جماعت کے نظریات کی ترویج کررہے تھے جس پر یورپ میں مکمل پابندی ہے۔
اس کے علاوہ گزشتہ ہفتے بھی اسپین اور اٹلی میں 11 پاکستانیوں کو گرفتار کیا گیا جن میں ایک خاتون بھی شامل ہے جو ایک مسیجنگ چینل کی ایڈمن تھی۔
اس حوالے سے اے آر وائی نیوز لندن کے نمائندے فرید قریشی نے پروگرام سوال یہ ہے کی میزبان ماریہ میمن سے گفتگو کرتے ہوئے بتایا کہ یہاں سوشل میڈیا سے متعلق سخت قوانین نافذ کیے گئے ہیں جس کی وجہ سے اب تک سیکڑوں کی تعداد میں پاکستانیوں کو ڈی پورٹ کیا گیا جن میں ایک امام مسجد بھی شامل ہیں۔
انہوں نے بتایا کہ اس سے قبل فرانس سے اسامہ بن لادن کے ایک بیٹے کو بھی ملک بدر کیا گیا تھا کیونکہ اس نے ایکس (سابقہ ٹوئٹر) پر ایک متنازع پیغام پوسٹ کیا تھا، عدالت میں تمام تر صفائی اور اپنا واضح مؤقف دینے کے باوجود اسے بھی ڈی پورٹ کردیا گیا تھا۔
بھارت کے معروف اداکار تھلاپتی وجے نے رمضان المبارک میں ہزاروں افراد کی افطار پارٹی کی جس کی ویڈیو سوشل میڈیا پر وائرل ہورہی ہے۔
ساؤتھ کے سپر اسٹار تھلاپتی وجے نے 7 مارچ کو چنئی میں رمضان کے مقدس مہینے کے دوران افطار پارٹی کی میزبانی کی، جہاں وہ ٹوپی پہنے اور حاضرین کے ساتھ نماز میں شرکت کرتے ہوئے نظر آئے جس کی ویڈیو سوشل میڈیا پر وائرل ہورہی ہے۔
بھارتی میڈیا رپورٹس کے مطابق اداکار تھلاپتی وجے نے اپنی سیاسی جماعت بنائی ہے اور اس کا نام تامیلاگا ویٹری کازگام ہے، اداکار نے چنئی میں پارٹی کی جانب سے افطار کا اہتمام کیا۔
بھارتی میڈیا کا کہنا ہے کہ اس افطار پارٹی میں ہزاروں افراد نے شرکت کی، دعوت افطار میں تھلاپتی وجے خود بھی موجود رہے اور اس دوران انہوں نے روایتی لباس اور سر پر ٹوپی پہن رکھی تھی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ تقریب میں قرآن پاک کی تلاوت بھی کی گئی اور دعائیں بھی مانگی گئیں، تھلاپتی وجے نے مسلمانوں کے ساتھ افطار بھی کیا، عیسائی مذہب سے تعلق رکھنے والے اداکار باجماعت ادا کی گئی نماز مغرب میں بھی شامل ہوئے۔
خیال رہے کہ تھلاپتی وجے کا شمار بھارت کے سب سے زیادہ معاوضہ لینے والے اداکاروں میں ہوتا ہے جنہوں نے ایک فلم کیلئے 275کروڑ بھارتی روپے معاوضہ لیا۔
سوشل میڈی پلیٹ فارم پر پروپیگنڈا کرنیوالے پی ٹی آئی کے مزید 15 افراد کو نوٹس جاری کردیے گئے، انھیں جے آئی ٹی کے سامنے طلب کیا گیا ہے۔
تفصیلات کے مطابق ذرائع نے بتایا کہ پاکستان تحریک انصآف کے افراد کو 7 مارچ کو دوپہر 12 بجے وفاقی حکومت کی جےآئی ٹی نے طلب کیا ہے، گوہر علی خان، سلمان اکرم راجہ، رؤف حسن کو نوٹس جاری کیے گئے ہیں۔
جے آئی ٹی ذرائع نے بتایا کہ فردوس شمیم نقوی، محمد خالد خورشید خان، میاں اسلم اقبال، حماد اظہر کو بھی طلب کیا گیا ہے، عون عباس، عالیہ حمزہ ملک، محمد شہباز شبیر، شیخ وقاص اکرم کو بھی بلایا گیا ہے
ذرائع نے بتایا کہ کنول شوذب، تیمور سلیم خان، اسد قیصر اور شاہ فرمان بھی ان افراد میں شامل ہیں جنھیں نوٹس جاری کیا گیا ہے۔
جےآئی ٹی ذرائع نے بتایا کہ جے آئی ٹی کے پاس طلب کردہ افراد سے پوچھ گچھ کیلئے کافی شواہد موجود ہیں، جے آئی ٹی طلب کیے گئے افراد کیخلاف ریاست مخالف پروپیگنڈے کی تحقیقات کریگی۔
الیکٹرانک جرائم روک تھام ایکٹ 2016 سیکشن 30 کے تحت جےآئی ٹی تشکیل دی گئی تھی، جے آئی ٹی انسپکٹر جنرل آف پولیس، اسلام آباد کی سربراہی میں تحقیقات کررہی ہے۔
جے آئی ٹی کا مقصد قانون کے مطابق ملوث افراد کے خلاف قانونی کارروائی تجویز کرنا ہے، پی ٹی آئی سوشل میڈیا ٹیم کے 10 ارکان کو بھی طلبی کے نوٹس جاری کیے جاچکے ہیں۔
ذرائع نے مزید بتایا کہ نوٹسز میں تمام افراد کو متنبہ کیا گیا ہے کہ اس معاملے پر اپنی پوزیشن کی وضاحت کریں۔
کیا آپ نے پہچان لیا کہ یہ مسکراتی ہوئی بچی کونسی مشہور اداکارہ ہیں، اگر آپ نے پہچان لیا ہے تو آگاہ کریں، اگر آپ نہیں پہچان سکے ہیں تو کوئی بات نہیں ہم آپ کو بتاتے کرتے ہیں۔
تصویر میں موجود کوئی اور نہیں بلکہ پاکستان کی اس وقت کی سب سے مشہور اداکارہ ہانیہ عامر ہیں، جنہوں نے حال ہی میں اےآر وائی ڈیجیٹل کے ڈرامہ ‘کبھی میں کبھی تم’ میں اداکارہ کے جوہر دکھائے تھے۔
ہانیہ عامر ایک شاندار پاکستانی ٹی وی اور فلم اداکار ہیں جنہوں نے اپنے ہٹ پروجیکٹس کے ذریعے غیر معمولی شہرت اور کامیابی حاصل کی ہے۔ ان کی مشہور فلمیں جاناں، نہ معلوم افراد 2 اور پردے میں رہنے دو ہیں۔
اداکارہ 17.3 ملین فالوورز کے ساتھ انسٹاگرام پر سب سے زیادہ فالو کی جانے والی مشہور شخصیت ہیں، اسے حال ہی میں ہٹ ڈرامہ سیریل کبھی میں کبھی تم میں اپنے کردار شرجینا کے لیے پذیرائی ملی۔
لاہور : سوشل میڈیا پر منفی پروپیگنڈا کرنے والوں کی شامت آگئی، مریم نواز اور اداروں کیخلاف پوسٹ کرنے پر پیکا ایکٹ کے تحت تین مقدمات درج کرلیے گئے۔
اے آر وائی نیوز کی رپورٹ کے مطابق وزیراعلیٰ پنجاب مریم نوز اور ریاستی اداروں کے خلاف سوشل میڈیا پر کیے جانے والے منفی پروپیگنڈے کے معاملے پر پولیس نے مختلف ملزمان کے خلاف تین مقدمات درج کرلیے۔
پولیس کی جانب سے درج ایف آئی آر کے مطابق مذکورہ مقدمات میں پیکا ایکٹ سمیت دیگر سنگین دفعات شامل کی گئی ہیں۔
مذکورہ ایف آئی آر میں الزام عائد کیا گیا ہے کہ ملزمان نے آرٹیفیشل انٹیلی جینس (اے آئی) کے ذریعے وزیراعلیٰ پنجاب کی مضحکہ خیز اور توہین آمیز ویڈیوز بنائیں اور سوشل میڈیا پر وائرل کیں۔
ملزمان کے خلاف درج کی گئی ایف آئی آر کے متن میں کہا گیا ہے کہ ملک دشمن عناصر کے ایجنڈے کو فروغ دینے کیلئے ویڈیوز بنائی گئیں۔
ایف آئی آر کے مطابق مخصوص جماعت نے سوشل میڈیا پر جعلی ویڈیوز بنا کر انتشار پھیلانے کی سازش کی ہے، لاہور پولیس نے شاہدرہ ٹاؤن اور کوٹ لکھپت میں مقدمات کا اندراج کیا ہے۔
حال ہی میں رشتہ ازدواج میں منسلک ہونے والی پاکستانی اداکارہ ماورا حسین اور اداکار امیر گیلانی کی شادی سوشل میڈیا پر سب کی توجہ کا مرکز بنی ہوئی ہے۔
اداکارہ کی شادی کے بعد 7 فروری 2025 کو ان کی 2016 میں ریلیز ہونے والی بالی وڈ فلم ’صنم تیری قسم‘ دوبارہ سے بھارتی سنیما گھروں میں ریلیز کی گئی جس نے ریکارڈ بزنس کیا۔
اداکارہ ماورا حسین نے اپنی فلم کی دوبارہ ریلیز سے دو دن قبل ہی 5 فروری کو امیر گیلانی سے نکاح کرکے نئی زندگی کا آغاز کیا تھا اور انہوں نے اس فلم کی کامیابی کا کریڈٹ بھی اپنے شوہر کو دیدیا۔
شادی اور فلم کی کامیابی کے بعد حال ہی میں اداکارہ ماورا حسین نے بھارتی صحافی کو یوٹیوب پر انٹرویو دیا، جس میں انہوں نے اپنی فلم کی کامیابی کا سہرا شوہر کو دیا۔
فلم کی حالیہ کامیابی کے حوالے سے ایک سوال کا جواب دیتے ہوئے مارورا نے کہا کہ اگر فلم 9 برس بعد اب کامیابی ہو رہی ہے تو یہ یقیناً میرے شوہر کی قسمت سے ہے۔
اداکارہ نے شوہر کو اپنے لیے خوش قسمت قرار دیتے ہوئے کہا کہ یقینا ان کی فلم کی کامیابی میں ان کے شوہر کا ان کی زندگی میں آنا بھی ایک سبب ہے۔
فلم کے سیکوئل کے حوالے ماورا حسین نے کہا کہ مجھے فلم کے سیکوئل کا حصہ بن کر خوشی ہو گی، فن کی کوئی سرحد نہیں ہوتی میں نے جب بھارت میں کام کیا تب مجھے وہاں بہت پیار و محبت ملی، اگر فلم کے سیکوئل کا حصہ بننا میری قسمت میں ہوا تو میں ضرور بنوں گی۔
