Tag: سوشل میڈیا

کراچی: ننھے اور معصوم بچوں کی حرکات و سکنات دیکھ کر ہر کسی کو اُن پر بے ساختہ پیار آتا ہے تاہم انٹرنیٹ پر ایک ایسی ویڈیو سامنے آئی جسے دیکھنے والا تعریف کیے بغیر نہیں رہ سکا۔

اگر آپ بچوں سے محبت کرتے ہیں تو اس بات سے بخوبی واقف ہوں گے کہ وہ کس قدر شرارتیں کرتے ہیں، کوئی بھی جگہ یا مقام ہو چھوٹے بچے اپنی شرارتوں سے باز نہیں آتے۔

چھوٹے بچوں کی گھر میں موجودگی کا احساس بہت ہی دلفریب ہوتا ہے اور بالخصوص اگر بچے شرارتیں کرنے والے نہ ہوں تو اُن کی موجودگی کسی بڑی نعمت سے کم نہیں ہوتی۔

جدید دور کے حساب سے اب والدین بچوں کی شرارتوں یا پھر کسی بھی اچھی عادت کی ویڈیوز ، تصاویر سوشل میڈیا پر شیئر کرتے ہیں جنہیں دیکھ کر یک دم بچوں کی معصومیت پر پیار آتا ہے۔

فیس بک صارف نے ایسی ویڈیو شیئر کی جو دیکھتے ہی دیکھتے بہت تیزی کے ساتھ وائرل ہوئی اور اسے اب تک 49 لاکھ سے زائد لوگ دیکھ چکے ہیں۔

ایک منٹ 35 سیکنڈ کی شیئر کی جانے والی ویڈیو میں دیکھا جاسکتا ہے کہ  چار بچے ایک دوسرے سے محبت کا اظہار کررہے ہیں اور وہ ایک دوسرے کو گلے بھی لگا رہے ہیں۔

بچوں کا اس طرح پیار کرنا یقینا والدین کی تربیت کا نتیجہ ہے جسے دیکھنے والے تعریف کیے بغیر نہیں رہ سکے۔

ویڈیو دیکھیں

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ٹیکساس: امریکی ریاست میں باتھ روم کی صفائی کے دوران کموڈ سے پانچ فٹ لمبا خطرناک سانپ برآمد ہوا جسے دیکھ کر گھر والے خود بھی خوفزدہ ہوگئے۔

سانپ کو دیکھ کر ہر شخص خوف زدہ ہوجاتا ہے اگر کبھی آپ گھر میں داخل ہوں اور اندر بڑا زیریلا سانپ نظر آجائے تو آپ کی کیفیت کیا ہوگی؟ اسی طرح کی صورتحال کا سامنا امریکی ریاست ٹیکساس کے ایک گھر میں پیش آیا جہاں ولیم نامی شخص روزانہ کی طرح باتھ روم کی صفائی کررہا تھا کہ اسی دوران اُس کی نظر فلیش (کموڈ) پر پڑی تو اُس میں سانپ موجود تھا۔

یہ دیکھیں: عوامی ٹرین میں سانپ، نوجوان کی بہادری نے سب کو حیران کردیا، ویڈیو وائرل

یہ بھی دیکھیں: کمرے سے خطرناک زہریلا سانپ برآمد

مالک نے فوری طور سانپ پکڑنے والے کو اس تمام تر صورتحال کی اطلاع دی ، ٹریڈک نامی شخص جیسے  ہی گھر میں آیا اُس نے سانپ پکڑنے کی کوشش کی اور مسلسل پانچ منٹ کی جدوجہد کے بعد اُسے کامیابی ملی۔

ٹریڈک کی اس تمام تر کارروائی کی ویڈیو اہل خانہ نے بنا کر یوٹیوب پر شیئر کی جو دیکھتے ہی دیکھتے وائرل ہوگئی، سانپ جب پھندے میں پھنسا اور باہر نکالا گیا تو اُس کی لمبائی پانچ فٹ تھی اور  یہ زہریلا سانپ تھا۔

ویڈیو دیکھیں

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: انٹرنیٹ پر وائرل ہونے والی دہشت ناک تصویر اور عجیب الخلقت سمندری مخلوق کی حقیقت سامنے آگئی، جسے جان کر آپ بھی سر پکڑ لیں گے۔

تفصیلات کے مطابق انٹرنیٹ پر کچھ روز قبل ایک تصویر وائرل ہوئی جس میں دعویٰ کیا گیا تھا کہ یہ عجیب الخلقت مخلوق سمندر میں شکار کے دوران مچھیروں کے ہاتھ لگی۔

اس ضمن میں دعویٰ کیا گیا تھا کہ مچھیروں نے شکار کی غرض سے جو جال سمندر میں پھینکا تھا اُسے جب واپس کھینچا گیا تو اُس میں مچھلیوں کے ساتھ یہ عجیب الخلقت مخلوق بھی موجود تھی۔

تصویر کو دیکھ کر بظاہر معلوم ہوتا ہے کہ اس عجیب الخلقت کا چہرہ مگرمچھ کی طرح ہے جبکہ اس کا پیٹ اور ہاتھ بالکل انسانوں سے مماثلث رکھتے ہیں۔

تصویر کی اصل حقیقت اُس وقت سامنے آئی جب چینی ویب سائٹ نے اس کی تمام تر تفصیلات شائع کیں۔

ویب سائٹ کے مطابق مصوری اور مجسمہ سازی کے کام میں ماہر نوجوان اس طرح کی پینٹنگز  تیار کرتا ہے، نوجوان نے اب تک انسانوں سے مشابہہ کئی تصاویر تیار کی ہیں۔

تصاویر میں دیکھا جاسکتا ہے کہ نوجوان مصوری سے عجیب الخلقت مجسمہ تیار کررہا ہے جس کے بعد وہ اسے فروخت بھی کرے گا۔

اصل حقیقت

نوجوان مصور کی مہارت کی چین میں مانگ ہے اور لوگ اُس سے مختلف مجسمے بھی بنواتے رہتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔