ARYNews.tv | Urdu – Har Lamha Bakhabar

Tag: سوشل میڈیا

  • عمران خان کی تبدیلی سوشل میڈیا تک محدود ہے، بلاول بھٹو

    عمران خان کی تبدیلی سوشل میڈیا تک محدود ہے، بلاول بھٹو

    کراچی : پیپلز پارٹی کے چیئرمین بلاول بھٹو زرداری نے کہا ہے کہ عمران خان کی تبدیلی صرف سوشل میڈیا تک ہی محدود ہے، شریف برادران کو عوا م کی کوئی فکرنہیں، وہ خود کو بچانے کیلئے لگےہیں۔

    ان خیالات کا اظہار انہوں نے کراچی میں منزل پمپ فلائی اوور کے افتتاح کے موقع پر کیا، اس موقع پر نثارکھوڑو اور پیپلز پارٹی کے دیگر رہنما بھی موجود تھے۔

    بلاول بھٹو نے کہا کہ سندھ حکومت کی کارکردگی سےبہت خوش ہوں، وہ کراچی میں بہت اچھا کام کررہی ہے۔

    انہوں نے بتایا کہ کراچی میں نئی سڑکیں بن رہی ہیں اور صفائی کانظام بھی بہتر ہورہا ہے، ایک سوال کے جواب میں ان کا کہنا تھا کہ کبھی کبھی گاڈ فادراور چھوٹا ڈان جےآئی ٹی کے سامنے پیش ہوتاہے۔

    میاں صاحب آپ بتائیں آپ کااحتساب ہی کب ہوا ہے؟ نواز شریف کہتے ہیں کہ ہمارا احتساب 1972سے ہورہا ہے تو میاں صاحب 1972میں تو آپ کونسلر بھی نہیں تھے۔

    بلاول بھٹو نے کہا کہ نواز حکومت کی ترقی صرف سرکاری اشتہارات میں نظرآتی ہے، شریف برادران کو عوام کی کوئی فکرنہیں، خود کو بچانے کیلئے لگےہیں۔

  • ثنا بچہ کے ساتھ تصویر پر تنقید کرنے والوں کو آفریدی کا کرارا جواب

    ثنا بچہ کے ساتھ تصویر پر تنقید کرنے والوں کو آفریدی کا کرارا جواب

    معروف کرکٹر شاہد آفریدی نے ماڈل و اداکارہ ثنا بچہ کی اپنے ساتھ تصویر پر تنقید کرنے والوں کا منہ انہیں بہن مخاطب کر کے بند کردیا۔

    یہ تصویر ایک روز قبل سوشل میڈیا پر گردش کررہی تھی جو ثنا بچہ کے گھر میں لی گئی تھی۔ ثنا نے اپنے گھر میں دعوت سحر کا اہتمام کیا تھا اور شعبہ انڈسٹری سے تعلق رکھنے والی کئی شخصیات کو مدعو کیا تھا۔

    شاہد آفریدی بھی مہمانوں میں شامل تھے۔

    اس موقع پر کئی تصاویر بھی لی گئیں تاہم ایک تصویر میں ثنا بچہ کو سوشل میڈیا پر تنقید کا نشانہ بنایا گیا جس میں وہ شاہد آفریدی کے ساتھ کھڑی ہیں۔

    لوگوں نے دعویٰ کیا کہ تصویر میں آفریدی بہت بے آرامی کی حالت میں کھڑے ہیں اور ثنا بچہ ان کے بہت زیادہ قریب ہیں۔

    تاہم شاہد آفریدی نے تمام ناقدین کو کرارا جواب دیتے ہوئے ثنا بچہ کو بہن مخاطب کر ڈالا۔

    سماجی رابطوں کی ویب سائٹ ٹوئٹر پر انہوں نے وہی تصویر پوسٹ کرتے ہوئے ثنا کو بہن کہتے ہوئے ان کا شکریہ ادا کیا۔

    جواب میں ثنا بچہ نے بھی اپنے ٹوئٹ میں انہیں لالہ (بھائی) کہہ کر مخاطب کیا اور کہا، ’گو کہ ہمارا خون ایک نہیں لیکن اس سے اچھی کوئی بات نہیں کہ ایک شخص نہ صرف آپ کو اپنی بہن کہے بلکہ آپ سے برتاؤ بھی ویسا ہی کرے‘۔

    یاد رہے کہ ثنا بچہ سابق اینکر ہیں لیکن اب وہ فلم انڈسٹری میں کام کر رہی ہیں اور ماڈلنگ کے ساتھ ساتھ ایک فلم میں بھی جلوہ گر ہونے جارہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنوب افریقی کرکٹر ون پارنل کی شادی کی تصاویر سوشل میڈیا پر وائرل

    جنوب افریقی کرکٹر ون پارنل کی شادی کی تصاویر سوشل میڈیا پر وائرل

    جنوبی افریقی کرکٹر وین پارنل رشتہ ازدواج میں منسلک ہوگئے۔ ان کی شادی کی خوبصورت تصاویر سوشل میڈیا پر وائرل ہوگئیں۔

    مسلمان جنوبی افریقی کرکٹر وین پارنل نے ایک فیشن بلاگر عائشہ سے شادی کی ہے۔

    دونوں کا نکاح جنوبی افرقی شہر کیپ ٹاؤن کی ایک مسجد میں ہوا۔ اس موقع پر دلہا دولہن روایتی مذہبی عروسی لباس میں ملبوس تھے۔

    دلہن عائشہ نے حجاب کے ساتھ سفید فراک جبکہ دلہا نے سیاہ شیروانی اور سیاہ ٹوپی پہنی۔

    شادی کی تقریب مکمل طور پر نجی تھی جس میں 400 مہمانوں نے شرکت کی۔

    سنہ 2009 سے اپنے انٹرنیشنل کیرئیر کا آغاز کرنے والے وین پارنل 64 ایک روزہ میچز میں 508 رنز بنا چکے ہیں۔ انہی میچز میں وہ 94 وکٹس بھی لے چکے ہیں۔

    پارنل سنہ 2008 کے انڈر 19 ورلڈ کپ میں جنوبی افریقی ٹیم کے کپتان بھی رہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایسی دادی جو بوڑھی ہونے کو تیار نہیں

    ایسی دادی جو بوڑھی ہونے کو تیار نہیں

    ہمارے ہاں دادی یا نانی کا نام لیتے ہیں ذہن میں ایک ایسی خاتون کا تصور اجاگر ہوتا ہے جو کہ ضعیف ہوں اور ان کا اندازِ زندگی بے حد سادہ ہو لیکن سربیا سے تعلق رکھنے والی انتہائی خوبرو ماڈل دادی نے سوشل میڈیا پر ہل چل مچا رکھی ہے۔

    سربیا سے تعلق رکھنے والی 47 سالہ زیکلینا ہیں ایک فیشن بلاگر اورانسٹاگرام ماڈل بھی ہیں اور دادی بھی ۔ زیکلینا نے اپنے منفرد انداز اور دلکشی کے باعث سوشل میڈیا پر دھوم مچا رکھی ہے، ان کا اسٹائل اور خوبصورتی نوجوان ماڈلز کو بھی مات دیتی ہے۔ حسین دادی کی دوعدد پوتیاں ہیں۔

    زندگی کے کئی برس پولینڈ،سوئٹزرلینڈ اور فرانس سمیت دنیا کے مختلف ممالک میں گزارنے والی زیکلینا آج کل اٹلی میں رہائش پزیرہیں۔ ان ممالک کے کلچر کی جھلک زیکلینا کی تصاویر میں بھی دکھائی دیتی ہے۔ فیشن بلاگنگ کے علاوہ خوبصورت دادی کا مشغلہ سیرو سیاحت ہے ۔

    یہ بھی پڑھیں: عمر سے کوئی فرق نہیں پڑتا، دل جوان ہونا چاہیئے

    انسٹا گرام پر زیکلینا کے فالوورز کی تعداد تین لاکھ چھتیس ہزار سے تجاوز کر چکی ہے اور اان کے مداح ان کے فیشن اور اسٹائل کے بے حد دلدادہ ہیں۔

    انتہائی گلیمرائزڈ زندگی گزارنے کے باوجود زیکلینا کا کہنا ہے کہ ان کی زندگی کے سب سے خوبصورت لمحے وہ ہوتے ہیں جو وہ اپنی 28 سالہ بیٹی اور اس کی دو بیٹیوں کے ساتھ گزارتی ہیں۔

    زیکلینا کی زندگی میں صرف خوشیا ں ہی نہیں ہیں بلکہ غم بھی ہیں ان کا جواں سال بیٹا اسٹیفن گزشتہ سال کرسمس کے موقع پر سربیا کے دارالحکومت بلغاریہ میں ایک کار حادثے کے نتیجے میں اپنی جان کی بازی ہارگیا تھا۔

    فیشن ماڈل یقین رکھتی ہیں کہ لائف اسٹائل اور فیشن عمر کا محتاج نہیں ہے اور آپ عمر کےکسی بھی حصے میں اپنی خوبصورتی ‘ نفاست اور اعلیٰ ذوق کااظہار کرکےدنیا بھر میں اپنے مداح پیدا کرسکتے ہیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • لوگوں کو افسردگی سے بچانے کے لیے تصاویر کھینچنا ممنوع

    لوگوں کو افسردگی سے بچانے کے لیے تصاویر کھینچنا ممنوع

    دنیا کے خوبصورت ترین یورپی ملک سوئٹزر لینڈ میں غیر ملکیوں کو افسردگی سے بچانے کے لیے ایک خوبصورت قصبے کی تصاویر کھینچنا ممنوع قرار دے دی گئیں۔

    سوئٹزر لینڈ کے برگن نامی اس خوبصورت قصبے کی مقامی انتظامیہ نے سیاحوں پر پابندی لگا دی ہے وہ یہاں آنا چاہتے ہیں تو ضرور آئیں، مگر یہاں کی تصاویر کھینچ کر انہیں سوشل میڈیا پر شیئر نہ کریں۔

    انتظامیہ کے مطابق انہوں نے یہ پابندی دنیا بھر کے ان لوگوں کے لیے عائد کی ہے جو ان تصاویر کو دیکھ کر افسردہ ہوجائیں گے کہ وہ اس خوبصورت قصبے کی سیر نہیں کرسکتے۔

    اس انوکھے قانون کی خلاف ورزی کرنے والے افراد پر 5 ڈالر جرمانہ بھی عائد ہوگا۔

    اس پابندی کے عائد ہوتے ہی وہاں موجود سیاح برہم ہوگئے۔ پابندی سے نہ صرف سیاح بلکہ مقامی افراد میں بھی غم و غصے کی لہر دوڑا دی۔

    تاہم قصبے کے میئر پیٹر نکولے نے ایک ویڈیو پیغام جاری کرتے ہوئے کہا کہ ان کے اس فوٹوگرافی بین کی وجہ سے ان کا قصبہ پوری دنیا میں مشہور ہوگیا، لہٰذا اب وہ اس پابندی کو مشروط طور پر نرم کر رہے ہیں اور کچھ مخصوص افراد کو ہی تصاویر کھینچنے کی اجازت ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تیز رفتار ٹرین کے نیچے آنے والی لڑکی معجزانہ طور پر بچ گئی

    تیز رفتار ٹرین کے نیچے آنے والی لڑکی معجزانہ طور پر بچ گئی

    ممبئی: ریلوے لائن عبور کرنے کی کوشش کرنے والی لڑکی تیز رفتار ٹرین کے نیچے آنے کے باوجود معجزانہ طور پر بچ گئی۔

    بھارتی نیوز ایجنسی کے مطابق انیس سالہ پرتیکشا ناٹیگر کانوں میں ائیرفون لائن ریلوے لائن عبور کرنے کی کوشش کررہی تھی کہ اچانک اُسے سامنے سے آنے والی تیز رفتار ٹرین دکھائی دی۔

    تیزرفتار ٹرین کو دیکھ کر لڑکی کے اعصاب نے ساتھ دینا چھوڑ دیا اور وہ پلیٹ فارم پر چڑھ نہ سکی، اس دوران اُس نے بھاگ کر واپس جانے کی کوشش کی تو ریل کا انجن قریب آگیا اور اُسے زور دار ٹکر لگی۔

    انجن کی ٹکر لگنے سے لڑکی پٹریوں پر منہ کے بل گری اور ٹرین اُس پر چڑھ گئی، اس دوران پلیٹ فارم پر کھڑے لوگ سمجھنے لگے کہ شاید لڑکی اب بچ نہیں سکے گی مگر جیسے ہی گاڑی رُکی تو وہ اٹھ کھڑی ہوئی اور وہاں موجود لوگ حیرانی سے اُسے دیکھنے لگے۔

    جسے اللہ رکھے اُسے کون چکھے کی مثال اس لڑکی پر صادر آتی ہے کہ جب وہ کھڑی ہوئی تو اُس کے سر اور چہرے پر معمولی چوٹیں تھیں جنہیں دیکھ کر لوگ حیران رہ گئے تاہم اسٹیشن انتظامیہ نے مذکورہ لڑکی کو فوری طور پر قریبی اسپتال منتقل کیا جہاں ڈاکٹرز نے اُس کی طبیعت کو تسلی بخش قرار دیا اور اسپتال سے فارغ کردیا۔

    اس ضمن میں بھارتی نیوز چینل نے حادثے کی سی سی ٹی وی فوٹیج جاری کی ہے جس میں دیکھا جاسکتا ہے کہ سامنے سے آنے والی ٹرین کی رفتار کتنی تھی اور لڑکی کو کس قدر چوٹ لگنے کا خدشہ تھا۔

  • شرابی شخص کی شیر سے مصافحے کی کوشش

    شرابی شخص کی شیر سے مصافحے کی کوشش

    نئی دہلی: آپ نے شراب کے نشے میں مختلف افراد کو عجیب و غریب حرکات کرتے تو ضرور دیکھا ہوگا، لیکن ایسا شخص کبھی نہیں دیکھا ہوگا جو نشے میں اس قدر دھت ہو کہ جان ہتھیلی پر رکھ کر شیر کے پنجرے میں اس سے مصافحہ کرنے کے لیے پہنچ جائے۔

    یہ واقعہ بھارتی ریاست حیدر آباد میں پیش آیا جہاں ایک شرابی نشے میں چڑیا گھر کی دیوار پر چڑھ کر شیر کے پنجرے میں کود گیا۔

    وہاں موجود افراد کا کہنا ہے کہ اس دوران وہ شخص با آواز بلند شیر سے ایک دوستانہ مصافحہ کرنے کی خواہش کا اظہار کر رہا تھا۔

    تاہم اس دوران چڑیا گھر انتظامیہ کی بروقت کارروائی اور حاضر دماغی نے اس شخص کی جان بچالی اور اسے بحفاظت شیر کے پنجرے سے باہر نکال لیا گیا۔

    بعد ازاں اس شخص کو پولیس کے حوالے کردیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پان کا شوقین ہاتھی

    پان کا شوقین ہاتھی

    برصغیر پاک و ہند میں پان کھانے کا رواج نہایت پرانا ہے اور اسے بعض طبقوں میں تہذیبی اقدار کی حیثیت حاصل ہے، تاہم بھارت میں پان کے شوقین ایک ہاتھی نے سب کو ورطہ حیرت میں ڈال دیا۔

    بھارتی ریاست مدھیہ پردیش میں یہ انوکھا ہاتھی سب کی توجہ کا مرکز بن جاتا ہے جو پان کھانے کا بے حد شوقین ہے۔

    ہاتھی کے نگہبان کا کہنا ہے کہ یہ ہاتھی پان بھی ایک مخصوص دکان کا کھاتا ہے، اور اپنی سواری کے دوران ایک مخصوص وقت پر یہ اس دکان کے سامنے رک جاتا ہے جہاں دکان دار بصد شوق اس ہاتھی کو پان کھلاتا ہے۔

    اس ہاتھی کا یہ معمول گزشتہ 13، 14 سال سے جاری ہے۔

    سوشل میڈیا پر مقبول ہونے والی ویڈیو میں دیکھا جاسکتا ہے کہ دکاندار اپنے اس خاص مہمان کے لیے غیر معمولی طور پر بڑا پان تیار کر کے نہایت محبت سے اسے کھلا رہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی کی فضا میں عجیب و غریب بساند پھیل گئی

    کراچی کی فضا میں عجیب و غریب بساند پھیل گئی

    کراچی: صوبہ سندھ کے دارالحکومت کراچی کے باشندے اس وقت اچھنبے کا شکار ہوگئے جب انہوں نے فضا میں عجیب و غریب بساند محسوس کی۔ کوئی اندازہ نہ کرسکا کہ یہ ہوا کس شے کی ہے۔

    سماجی رابطوں کی ویب سائٹ ٹوئٹر پر شہریوں نے اپنے ٹوئٹس میں کہا کہ انہیں کچھ عجیب سی بو محسوس ہو رہی ہے۔

    کچھ لوگوں نے اس میں بھی مزاح کا پہلو ڈھونڈ نکالا اور مزاحیہ ٹوئٹس کیے۔

    ایک خاتون نے کہا، ’میں نے اس بو کا منبع اپنے گھر میں ڈھونڈنے کی کوشش کی اور دو باتھ روم دھو ڈالے۔ پھر پتہ چلا کہ یہ بدبو پورے کراچی میں پھیلی ہوئی ہے۔‘۔

    ایک صارف نے کہا کہ انہیں گمان ہوا کہ ان کے گھر میں کوئی جانور مر گیا ہے۔ لیکن وہ باہر گئیں تب بھی انہیں یہ بو محسوس ہوئی۔

    ایک صارف نے کہا کہ جب اس نے اس بدبو کے بارے میں اپنی والدہ کو بتایا تو انہوں نے اس کے جوتے سونگھے کہ کہیں یہ بو ان میں سے تو نہیں آرہی۔

    کچھ صارفین نے اپنے تیئں اس کی بھی توجیہات پیش کیں۔ ایک صارف نے کہا کہ کراچی میں خفیہ ایجنسیاں کسی شے کا تجربہ کر رہی ہیں۔

    ایک شخص نے دعویٰ کیا کہ کراچی میں دراصل کوئی کیمیائی حملہ کیا گیا ہے۔

    البتہ کچھ لوگ ایسے بھی تھے جنہیں کسی قسم کی کوئی بو محسوس نہیں ہوئی۔

    بعد ازاں فیس بک پر ویدر اپ ڈیٹ پی کے نامی ایک صفحے نے دعویٰ کیا کہ یہ بو اس وجہ سے آرہی ہے کیونکہ ہواؤں کا رخ مشرق کی سمت تبدیل ہوگیا ہے۔

    صفحے کے مطابق ہواؤں میں تبدیلی صومالی کرنٹ کی وجہ سے پیدا ہوئی۔ صومالی کرنٹ دراصل سمندر کی سرحد پر موجود ایسا کرنٹ ہے جو مغربی بحر ہند میں صومالیہ اور عمان کے ساحل پر موجود ہوتا ہے۔

    یہ صومالی کرنٹ بحیرہ عرب کے اوپر نہایت طاقتور ہوتا ہے اور یہ اس روز نچلی سطح پر گردش کے باعث کراچی کے ساحل تک پہنچ گیا تھا۔ جب ہوا اس کرنٹ کے اوپر پہنچی تب پورے شہر میں یہ بساند پھیل گئی۔

    تاحال محکمہ موسمیات سمیت کسی متعلقہ ادارے نے اس کی تصدیق نہیں کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹوئٹ میں غلطی کے بعد ٹرمپ ایک بار پھر مذاق کی زد میں

    ٹوئٹ میں غلطی کے بعد ٹرمپ ایک بار پھر مذاق کی زد میں

    واشنگٹن: سماجی رابطوں کی ویب سائٹ ٹوئٹر پر نہایت فعال امریکی صدر ڈونلڈ ٹرمپ اپنی جلد بازی کے سبب ایک بار پھر سب کے مذاق کا نشانہ بن گئے۔ اپنے ٹوئٹ میں انہوں نے ایک لفظ کے غلط ہجے کردی۔

    اپنے ٹوئٹ میں صدر ٹرمپ کا کہنا تھا کہ ’میڈیا کی مسلسل منفی کوریج کے باوجود‘ تاہم انہوں نے لفظ کوریج کو جلدی میں غلط ٹائپ کردیا جس کے بعد وہ کوو فی فی بن گیا۔

    صدر ٹرمپ کا یہ غلط ٹوئٹ سامنے آنا تھا کہ ٹوئٹر پر طنز و مزاح کا سلسلہ شروع ہوگیا۔ بعض لوگوں نے اسے ٹرمپ کی جانب سے کوئی خفیہ پیغام سمجھا۔

    ٹوئٹ سامنے آنے کے تھوڑی ہی دیر بعد ٹرمپ کا یہ غلط ہجے ٹوئٹر پر ٹاپ ٹرینڈ بن گیا۔

    غلط لفظ کی اس مقبولیت کے بعد لندن کے ریجنٹ انگلش سینٹر کو بھی وضاحت کرنی پڑی کہ ’مذکورہ لفظ تاحال انگریزی زبان کا حصہ نہیں ہے‘۔

    بعد ازاں صدر ٹرمپ نے ایک اور ٹوئٹ کیا جس میں انہوں نے ہلکے پھلکے انداز میں کہا، ’کون اس لفظ کے معنی تلاش کر سکتا ہے؟ انجوائے کریں‘۔

    اسی روز سی این این کو دیے جانے والے ایک انٹرویو میں جب ٹرمپ کے مقابل سابق صدارتی امیدوار ہلیری کلنٹن سے اس کے بارے میں پوچھا گیا، تو انہوں نے ٹرمپ کا مذاق اڑاتے ہوئے کہا، ’میرے خیال میں یہ روس کے لیے کوئی خفیہ پیغام ہے‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔