Tag: سوشل میڈیا

شوبز انڈسٹری کی معروف اداکارہ ثنا فخر نے انسٹاگرام پر معنی خیز پوسٹ شیئر کردی۔

پاکستانی فلم اور ڈرامہ انڈسٹری کی نامور اداکارہ ثنا فخر نے اکتوبر 2022 میں شوہر فخر جعفری سے شادی کے 14 سال بعد علیحدگی کا اعلان کیا تھا تاہم اب اداکارہ نے انسٹاگرام پر پوسٹ شیئر کی ہے۔

ثنا فخر نے انسٹاگرام پر اپنی نئی تصاویر شیئر کیں جس میں انہیں آسمانی رنگ کے ساڑھی میں سنجیدگی کا تاثر دیتے دیکھا جاسکتا ہے۔

 

View this post on Instagram

 

A post shared by SANA Nawaz (@sana_fakhar)

اداکارہ نے تصاویر شیئر کرتے ہوئے کیپشن میں پرسکون زندگی گزارنے کا آسان نسخہ بتایا ہے، انہوں نے لکھا کہ ’’ زندگی میں ایسے واقعات بھی رونما ہوتے ہیں کہ ہمارے اوپر کچرا اچھالا جائے، کردار کشی کی جائے، دامن داغدار کیا جائے۔

ثنا فخر نے لکھا کہ بھلے ہی آپ کو طعن و تشنیع کا نشانہ بنایا جائے لیکن گندگی کے اس گڑھے سے بچنے کا طریقہ یہ نہیں کہ ہم ان غلاظتوں کی تہہ میں دفن ہو کر رہ جائیں بلکہ ان بے کار چیزوں کا مقابلہ کرتے ہوئے اوپر کی طرف اور آگے بڑھتے رہنا چاہیے‘‘۔

 

View this post on Instagram

 

A post shared by SANA Nawaz (@sana_fakhar)

انہوں نے لکھا کہ ’’زندگی میں جو بھی مشکلات پیش آئیں وہ پتھروں کی طرح ہوتی ہیں مگر یہ ہماری عقل پر منحصر ہے کہ آیا ہم ہار مان کر ان کے نیچے دب جائیں یا ان کے اوپر چڑھ کر مشکل کے کنویں سے باہر آئیں، خاک ڈالنے والے ڈالتے رہیں مگر پرعزم انسان اپنا راستہ کبھی نہیں بدلتا‘‘۔

ثنا فخر نے چند روز قبل یہ پوسٹ شیئر کی جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔

بالی ووڈ کی معروف اداکارہ اننیا پانڈے سے بریک اپ کے بعد ادتیہ رائے کپور کی پارٹی انجوائے کرنے کی تصویر وائرل ہوگئی۔

بالی ووڈ کے اداکار ادتیہ رائے کپور کو حال ہی میں ان کی فلم ’میٹرو ان ڈینو ‘ کی اداکارہ سارہ علی خان کے ساتھ ایک پارٹی کرتے دیکھا گیا، جس کے بعد اِن کی ڈیٹنگ کی افواہیں پھیل گئی۔

اننیا پانڈے اور ادتیہ رائے کپور کا بریک اپ ہوگیا

گزشتہ دنوں اننیا پانڈے اور ادیتہ رائے کپور کے درمیان بریک اپ کی خبر سامنے آئی تھی اس کے بعد اداکارہ سارہ علی خان اور ادتیہ کی ایک ساتھ پارٹی منانے کی تصویر سامنے آئی ہے۔

بھارتی میڈیا کے مطابق یہ تصاویر میٹرو ان ڈینو کے سیٹ پر فلمساز کی سالگرہ کی تقریب کی ہیں، تصویروں میں، آدتیہ اور سارہ کو فلمساز انوراگ باسو کے ساتھ پارٹی میں وقت گزارتے دیکھا جا سکتا ہے۔

تصویروں میں آدتیہ اور سارہ ایک دوسرے کے قریب کھڑے ہیں، ان کی اس تصاویر نے ڈیٹنگ کی افواہوں کو جنم دیا ہے۔

واضح رہے کہ اننیا اور آدتیہ کے تعلقات کی افواہیں 2022 میں سوشل میڈیا پر سامنے آئیں، دونوں کو کئی پارٹیوں اور تقریبات میں ایک ساتھ دیکھا گیا تھا، لیکن دونوں الگ الگ آنے اور جانے میں محتاط رہتے تھے، اگرچہ دونوں نے اپنے افیئر کی واضح الفاظ میں تصدیق نہیں کی تھی لیکن دونوں افیئر کے سبب شہ سرخیوں کا حصہ رہے ہیں۔

تاہم اب اننیا پانڈے اور آدتیہ رائے کپور کی قریبی دوست نے گزشتہ دنوں بتایا تھا کہ دونوں کے درمیان تقریباَ ایک ماہ قبل بریک اَپ ہوگیا لیکن دونوں نے اس خبر کو خفیہ رکھا ہے۔

سابقہ مس یونیورس اور بالی وڈ کی معروف اداکارہ لارا دتہ نے سوشل میڈیا پر تنقید سے نمٹنے کا آسان طریقہ بنادیا۔

حال ہی میں بھارتی میڈیا کو دیے گئے ایک انٹرویو میں لارا دتہ نے سوشل میڈیا پر نفرت انگیز تبصروں اور ٹرولنگ سے متعلق گفتگو کی اور کہا کہ سوشل میڈیا پر اتنی فین فالونگ نہیں ہے لیکن مجھے بھی ٹرول کیا جاتا ہے۔

اداکارہ کا کہنا تھا کہ ’ میں اپنے لیے زیادہ سوچتی ہوں، میری سوشل میڈیا پر بہت زیادہ فالوؤنگ نہیں ہے، لیکن اگر فالوورز اور تبصروں کا زیادہ شوق ہوگا تو مجھے مثبت کے ساتھ منفی تبصروں کیلئے بھی خود کو تیار کرنا ہوگا‘۔

سابقہ مس یونیورس نے کہا کہ میں سوشل میڈیا پر وہی چیزیں شیئر کروں گی جو میرے لیے خاص ہوں گی اور جو میرے حقیقی چاہنے والے ہوں گے وہ اسے پسند کریں گے۔

اداکارہ کا کہنا تھا کہ مجھے لگتا ہے کہ میں خوش قسمت ہوں مجھے زیادہ تنقید اور نامناسب تبصروں کا سامنا نہیں کرنا پڑتا، اور سوشل میڈیا پر کچھ لوگ صرف منفی تبصرہ کرنے آتے ہیں، لہذا انہیں نظر انداز کرنے میں ہی سکون ہے۔

سابقہ مس یونیورس اور بالی وڈ کی معروف اداکارہ لارا دتہ نے مزید کہا کہ ہر ایک کی اپنی رائے ہوتی ہے کسی نے مجھے بوڑھی اور موٹی کہا تو اس سے میری زندگی میں کوئی فرق نہیں پڑا  بلکہ ایسا کہنے والوں کی سوچ ہی کا پتہ چلتا ہے۔