Tag: سونالی بیندرے

ممبئی: کینسر کو شکست دینے والی بالی ووڈ اداکارہ سونالی بیندرے نے کہا ہے کہ سرطان کی بیماری سے زیادہ اُس کا علاج خطرناک ہے۔

تفصیلات کے مطابق گزشتہ برس کینسر کی خطرناک بیماری کو شکست دینے والی بالی ووڈ اداکارہ کا کہنا تھا کہ ’’جب مجھے اپنی بیماری کا معلوم ہوا تو بہت زیادہ پریشانی ہوئی اور ایسا محسوس ہوا کہ زندگی ختم ہوگئی مگر مجھے دوستوں اور عزیزں نے شکست تسلیم نہ کرنے کا مشورہ دیتے ہوئے حوصلہ افزائی کی‘‘۔

اُن کا کہنا تھا کہ میرا کینسر کو شکست دینا اور دوبارہ صحت مند زندگی کی طرف لوٹنا کسی معجزے سے کم نہیں کیونکہ دورانِ علاج جو تکالیف اور درد برداشت کیا اُسے بیان نہیں کرسکتی۔

مزید پڑھیں: سونالی بیندرے روبہ صحت، بھارت واپسی

سونالی کا کہنا تھا کہ ’ابتدائی ایام میں بیماری کی تشخیص بہت مشکل مگر ضروری ہے، خاص طور پر کینسر کی بیماری جتنی بھیانک ہے اس کا علاج بھی اُتنا ہی تکلیف دہ ہے، اگر پہلے یا دوسرے مرحلے میں بھی معلوم ہوجائے تو علاج پر پیسے کم خرچ اور مریض کو تکلیف بھی کم ہی ہوتی ہے۔

یاد رہے کہ صحت مند زندگی کی طرف لوٹنے کے بعد سونالی نے ایک انٹرویو دیا تھا جس میں انہوں نے بتایا تھا کہ انہوں نے بیماری کی وجہ سے اپنے قیمتی بالوں کی قربانی دی مگر یہ اُن کے لیے سود مند ثابت ہوئی۔

انہوں نے بتایا تھا کہ جب سر منڈوایا تو دوستوں اور خاوند نے مشورہ دیا کہ انہیں اپنے ہی پاس رکھ لوں کیونکہ وہ بہت اچھے تھے اور میرے دوست بھی اُن سے بہت زیادہ لگاؤ رکھتے تھے۔

ممبئی: کینسر کے علاج کی غرض سے امریکا میں مقیم بالی ووڈ اداکارہ سونالی بیندرے بھارت واپس پہنچ گئیں۔

بھارتی میڈیا کی رپورٹس کے مطابق سونالی گزشتہ روز اپنے خاوند گولڈی بہل کے ہمراہ ممبئی کے ایئرپورٹ پہنچیں ساتھ میں اداکارہ نے اپنی واپسی کا اعلان سماجی رابطے کی ویب سائٹ پر ایک پوسٹ کے ذریعے کیا۔

مداحوں اور ساتھیوں نے انہیں وطن واپسی پر کھلے دل سے خوش آمدید کہتے ہوئے نیک خواہشات کا اظہار کیا۔

گولڈی نے میڈیا سے گفتگو کرتے ہوئے کہا کہ ’سونالی کی طبیعت پہلے سے بہتر ہے اور وہ صحت یابی کی طرف تیزی سے لوٹ رہی ہیں مگر ابھی بیماری مکمل طور پر ختم نہیں ہوئی‘۔

 

View this post on Instagram

 

They say "Distance makes the heart grow fonder”. It sure does. But let’s never underestimate what distance teaches you. Being away from home in the city of New York, I realized I was walking amongst so many stories. Each trying to write their own chapter in different ways. Each struggling to do it but never giving up. Each taking it #OneDayAtATime. And now I’m on my way back to where my heart is. It’s a feeling I can’t describe in words but I’m going to try – it’s the joy to see my family and friends again, the excitement to do what I love and mainly the gratitude for the journey I’ve had up until this moment. The fight is not yet over…but I’m happy and looking forward to this happy interval 🙂 It’s time to learn that there is a new normal out there and I can’t wait to embrace it and #SwitchOnTheSunshine. #NowPlaying #AdventureOfALifeTime🎵 And as my adventure with life continues these words by Chris Martin hit home, "Everything you want is a dream away. Under this pressure, under this weight We are diamonds taking shape…”

A post shared by Sonali Bendre (@iamsonalibendre) on Dec 1, 2018 at 10:47pm PST

اداکارہ کے شوہر کا کہنا تھا کہ ’ابھی مستقل چیک اپ کی ضرورت ہے جس کے لیے امریکا آنے جانے کا سلسلہ جاری رہے گا‘۔

مزید پڑھیں: کینسر سے نبردآزما سونالی باندرے نے کتابوں سے دوستی کر لی

سونالی بیندرے نے اپنے انسٹاگرام پر وطن واپسی کا جذباتی انداز میں اعلان کرتے ہوئے لکھا کہ ’کچھ لوگوں کا ماننا ہے دوریوں کی وجہ سے دلوں میں محبت پیدا ہوجاتی ہے مگر  یہ بھی ایک حقیقت ہے کہ فاصلے بھی کچھ سبق دیتے ہیں‘۔

انہوں نے کہا کہ ’میں جب گھر سے دور نیویارک میں تھی تو احساس ہوا کہ میں بیک وقت بہت ساری کہانیوں کے ساتھ زندگی گزار رہی ہوں، میں جدوجہد کررہی ہوں اور ہمت ہارنے کے لیے تیار نہیں ہوں، اس جہد مسلسل کو جاری رکھوں گی‘۔

اداکارہ کا کہنا تھا کہ ’اب میں اُن راستوں پر واپس جارہی ہوں جہاں نہ صرف میرا دل ہے بلکہ ایک احساس بھی ہے جسے الفاظ میں بیان کرنا ناممکن ہے، اپنے رشتے داروں اور دوستوں کو دیکھ کر جو خوشی ہوئی اور انہوں نے جیسے استقبال کیا اُس پر میں سب کی شکر گزار ہوں‘۔

یہ بھی پڑھیں: کینسر سے لڑنے والی اداکارہ سونالی بیندرے کی طبیعت بہتر ہونے لگی، شوہر کی تصدیق

سونالی نے مزید لکھا کہ ’جنگ ابھی ختم تو نہیں ہوئی مگر مجھے خوشی ہے کہ اس میں ایک وقفہ ضرور آیا جس کا میں خود بھی استقبال کررہی ہوں، کرس مارٹن نے بالکل ٹھیک کہا کہ جو آپ چاہتے ہیں وہ صرف ایک خواب کے فاصلے پر ہے‘۔

یاد رہے کہ رواں برس جولائی میں سونالی کو کینسر کی تشخیص ہوئی تھی جس کی تصدیق انہوں نے اپنی انسٹاگرام پوسٹ میں خود کی تھی کہ انہیں ہائی گریڈ کینسر ہوگیا۔